المحجوبة=المطابيق

[lalla]

توجد طريقة اخرى للمحجوبة وهي معمولة بالشحمة العجينة نحضروها وهدا عن طريق اضافة السميدفي وعاء (قصعة)+كمشة ملح +ماء دافئ ثم نقوم بعجنةالخلطة جيدا حتى تكون طرية اما الحشوة فهي سهلة جدا تتطلب 4حبات طماطم متوسطة +رطل شحمة +4فلفل+راس ثوم نرحو الطماطم في الروبو حتى تكون شبه جارية ونرحو الشحمة حتى تتقطع نهائيا ونقطعو الفلفل مربعات صغيرة جدا ونهرسو الثوم في المهراس مع قليل من الملح الفاح ()التوابل ) ثم نخلطو كل يلي رحيناه وقطعناه في وعاء مناسب ملاحضة ازا ماعدكمش الروبو تقدرو تقطعوا باليد كيما الفلفل :o:oطريقة التحضير:rolleyes::rolleyes:نجيبوا رقعة (قطعة قماش خاصة بالعجينة) نكورو العجينة كيما شفتوها في موضوع best algeria كرات صغيرة ثم نجيبوا الفرينة ونرشوها على الرقعة ثم نبسط العجينة الكرة ونجيبو السراج او الحلال باش يساعدنا على تدوير العجينة حتى تسبح هده الاخيرة رقيقة ومستيرة نخدمو كيفها اخرى فتسبح عندنا 2عجينة مستديرة لعمل 1قطعة محجوبة ناتي بالخلطة ثم نضع قليل منها على العجينة المستديرة ودلك بشكل كلي اي نملوها ثم نجيبوا العجينة المستديرة الاخرى ونضعها فوق الحشوة بشكل مطابق للعجينة السفلى ثم نبدا بالضغط على اطراف العينة حتى لا تخرج منها الحشوة عن طريق رؤوس الاصابع اليد ثم ناتي بالطاوة اي قطعة الحديد المستديرة الخاصة بطهي المحجوبة نخليها على النار حتى تحما مليح ثم نرش زيت عباد الشمس فوق الطاوة ثم نضع المحجوبة على الطاوة ونتركها تحمر مع مراعاة تحريك المحجوبة من وقت الى اخر ثم نقلبها على الوجه المتبقى و بنفس الطريقة حتى تحمر ثم ننزعها ونضعها في سينية وبنفس الطريقة للعجينة والحشوة المتبقية بالهناء والشفاء ان شاء الله:19::19::19:

[RAWYA]

هذه الأكلة من المتخصص فيها من سكان الجزائر وكم طريقة لها أنا أعرفها بطريقة أهل قمار وأهل بسكرة وهي تختلف كثيراًعن هذه الطريقة

[HALIMOUDZ]

والله جوعتينا يا لالا

[lalla]

كان عجباتك نبعثلك خبزة على الاميل تاعك

[جولنار1000]

رطل شحمة راكي متاكدة هده اللي ياكلها يبات في النازعات اكيد وزيد وين البصلة المحجوبة بنتها في البصل الا اذا كانت هذه طريقة جديدة اسمحيلي حبيبتي على التعليق ارجو ان لا ازعجك عموما شكرا ويعطيك الصحة

[ميرة31]

احنا في بشار نقولولو خبز البصلة

[** سدرة المنتهي **]

يعطيك الف عافية

[صفاء]

شكرا ليك ختي ..... بصحتك سخفتنا .. حتى من الدنيا ليل .....الله يسامحك ....هههه....شكرا مرة أخرى

[عفة روح]

http://www.albdoo.info/imgcache2008/cdd0319e9103f059a5075d026d5b57f6.gif

[نينا الجزائرية]

جزاك الله خيرا لذيذة جدا
اعرفها

[houdag]

اممممممممممممممممممممم حنافي تيارت نقولولها المحاجب ولا المختومة merciiiiiiiiiiiiiiii

[ام خديجة1]

هذه عندنا تسمى كسرة الشحمة جزاك الله خيرا

[أمال2008]

هذه عندنا تسمى كسرة الشحمة جزاك الله خيرا

حتى عندنا نسموها هكذا

شكرا اختي على الطريقة
سلام....................

[لين 17]

اممممممممممممممممممممممممممم و الله غير شهتينا فيها ليا ياااااااااااااسر ما كليتهاشي

هذه الاكلة تسمى كسرة شحمة و معروفا بيها مناطق الجنوب اكثر

مشكوووووووووووووووورة و يعطيك الصحة

[tita.malak]

Merciiii bcp

[سوسو الزينة]

حنا اهل بريكة ندروها خصوصا رجال يموتو فيها

[Kingo.Fitness]

شكرآ جميلآ ,

[ayoubdjebri]

جزاك الله كل خير

[chekkat]

بالصحة والعافية

[samira jijel]

هذه الأكلة من المتخصص فيها من سكان الجزائر وكم طريقة لها أنا أعرفها بطريقة أهل قمار وأهل بسكرة وهي تختلف كثيراًعن هذه الطريقة

[MinaOussama]

يعطيك الصحة