تائهة ومحتارة وتعبانة

[شاكرة جدا لله]

مرحبا عندي عام من زواجي ولديا ابنة عمرها 7 اشهر ومشكلتي انني تعبت وكرهت احس بالاختناق والسبب ان اخت زوجي معلمة وتترك اولادها بنت وولد عندنا وهما كثيرا الحركة وشديدا الصراخ لا ارتاح ابدا دائما كرهة منهما ولا اعرف مالعمل خصوصا وان زوجي تعرض لحادث سيارة ولما اتكلم مع جدتهما اي حماتي واقول لها عييت تقولي راني في داري يعني حرة يجو ولاد بنتها في اي وقت لدرجة انهم صارو يباتو عندنا وانا سئمت هل اطلب الطلاق خصوصا وزوجي مريض اام ماذا افعلزوجي لا يترك اه تعبت

[قفص النسيان]

حل وحيد طلبي منو ديري دارك وخلي حماتك مع احفادها وخليلها دارها
وانتي تاني لازملك تعيش كيما كل مراءة متزوجة مستقلة وطلاق متطلبيهش على خاطر بنوتة لعندك وربي يخليهالك

[sara160349]

يا نسا خافو ربي و هل الطلاق هو الحل لي يجيها مشكل صغير تقلك نطلق ايه و من بعد كي تطلقي تولي لدار باباك و تلقاي ولاد اخوك مدايرين كتر بصح تم ما تقدري تقولي والو و الله يا اختي لا اظن السبب هو الاولاد هل حادث زوجك كبير ممكن سببلو عجز و انتي تتهربي منو او لا ادري و صراحة الحماة عندها حق بيتها و هي حرة فيه يعني الحل يكون منك و من زوجك الي تقدرو تستقلو ببيت لنفسكم و حتي اذا كان بيت ممكن تبنو الفوق و تستقلي بلا ما تخليو الام وحدها و انا ادري الازعاج انك بنتك مازال صغيرة و ماكيش ترقدي مليح مجربينها كامل الوحدة تنهار نفسيا يا اختي غير بشوي واش ذنب الملاك هذيك من حقها تعيش مع باباها و ماماها و صلي اختي و ادعي ربي بزاف

[نجمة الصبح]

السلام عليكم

يا أختي أنت من حقك أن تعيشي في بيت تحسين فيه بالراحة والاستقلالية ولكن الطلاق لن يكون حلا لمشاكلك هده التي ترينها عظيمة

فكثير من البنات عشن مع أزواجهن مع العائلة الكبيرة وما فيها من أسلاف وزوجاتهم وأولادهم والشيخ والعجوز و,,,,,,,,,,,,,,

ولكن صبرن وتحملن كل هدا من أجل أولادهن أولا وحياتهن ثانيا حتى فرج ربي وأصبحت لهن ببيوتهن

فالطلاق يا أختي كلمة سهلة ولكنها تجر وراءها عواقب لا يعلمها الا الله وخاصة على الأولاد


أما زوجك فادعي الله له بالشفاء الا ادا كان الموضوع اكبر من دلك واصبحت ترين مرضه عجزا وأنك لاتقدري على مواصلة العيش معه

وباقي الآسباب ماهي الا مبررات فلا يعقل أنك تريدين الطلاق من أجل الفوضى التي يسببها أبناء أخته

وعليه فيجب ان تتكلمي مع داتك وتتاكدي مما تريدين والله يوفقك الى ما فيه الخير والصلاح

[شاكرة جدا لله]

يا اختي حادث زوجي مشي كبير ومشي عاجز مي الاولاد هما السبب افهميني والدار مانقدر نخرج مانقدر نبني الفوق زوجي يارب يكفينا انا وابنته

[شاكرة جدا لله]

ليس زوجي عاجز ولكن كرهت من فوضى البيت حتى ولو عجز زوجي احتمله لانه ابو ابنتي ولكن ولاد اختو لا

[شاكرة جدا لله]

ياخوتاتي افهموني تعبت من ولاد اختو مش منو هو هو صح مريض مي مع الايام يبرا مشي مرض كبير او عجز هو نجا بفضل الله وقدرته ولكن الفوضى واني مش مستقرة ونحس بلي انا زيادة في الدار اللي نجي نديرها تقولي يماه لالا وكي يجو بناتها تخليهم على راحتهم يديرو واش يحبو هما البنات وانا الكنة نبقى كنة

[فانيسا]

الله يهديك ولات لي يوجعها راسها تطلب الطلاق وعلاه النساء لي متزوجات عايشين ملكات كل وحدة عندها هم كتر من ختها لمن المراة لازمها تصبر ودوام الحال من المحال

[شاكرة جدا لله]

مرسييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييي

[Lona.Anna]

rabi yahdik ya makhloqa talaq machi 7al raki tzidi tssa3bi omoure w takabri fil machakil , bi nissba li om 3andeha haq dareha w men haqha tched ahfadeha takhayli rouhak fi plassteha , hawli talqay holole tordhi jami3 w tordhik bidone dharar bil akharine w assbri rabi yalmta7in fik ina ba3da 3ossre yossre w rabi yafaraj ala kol moméne

[نور الملاك]

اختى راني فاهماتك حتى انا عندي اختى مزوجة وعانت من نفس المشكل نتاعك 5 سنين وهيا تعاني في اولاد اخ زوجها وكيما تهدر تقولها عجوزتها هادي دار الناس كامل يعني ماهيش دارك نجيب لي نحب انا وهدا هو الشيء لي خلاها تكره وتحب تهرب باش تجي تقعد عندنا تريح راسها مي جامي قالت نطلق باسكو هدا ماشي سبب لي واحدة تحطم حياتها على جالو اختى اصبري واش راح ديري دوام الحال من الموحال لازم يجي نهار وترتاحي هدا هو الزواج كل واحدة منين جيتها احمدي ربي انو المشكل جاك هكدا ومجاكش من الراجل لوكان تسمعى مشاكل ناس اخرين تقولي الحمد لله راني حاسة بيك مي اصبري هدا هو الحل نتاعك مدام راجلك ميقدرش يخرجك وحدك اصبري وخلاص ربي يكون في عونك اختى

[شاكرة جدا لله]

عمري ما فكرت في دار وحدي مي اخت زوجي مرقتها بزاف حتى في العطلة تبعثلنا ولادها بحجة قباح وما تقدرلهمش هي امهم وما حملتش وكيف انا مرت خالهم كي يكونو ولادهاراقدين تقولي سكتي بنتك وانا بنتي صغيرة ماتفهمش وكي تكون بنتي راقدة ونقولها سكتي ولادك تقولي راهم يلعبو واش نديرلهم لازم يلعبو حلال فيها وحرام فيا هي دار يماها دير واش تحب وانا واش ندير

[bnadir]

الصبر الصبر.............................لان الطلاق ليس حلا..........................بلاكربي يرفد هذي المعلمة وترتاحي................حافضي علي دارك وزوجك.......................45الف حالة طلاق في 2013

[nibrasse 76]

ربي يكون في عونك ...نعرفهم مليح هاذوك الكائنات ...وتلقيها تقلك انا مربية اجيال...واساهم في خدمة المجتمع ...وهي اولادها يتطايشو ..

البلاصة لي يروحوها يوسخوها اعوذ بالله .

[" أبو عبود"]

والله هذه ليست مشكلة اغلقي عليك غرفتك واتركيهم لجدتهم لما "يصدعولها راسها" ساعتها سوف ترميهم الى امهم ولا تتدخلي في امرهم واصبري اذا كان هم اولاد ما قدرتيش عليهم كيف لو كانوا اولادك كيما هاك واش رايحة ديري تذبحيهم؟ كلامك كله غير مقنع بالمرة. حاولي ان تهدئي اعصابك ولا تجعلي زوجك يعشر انك تتسببين بمشره او بالاولاد وتريدين بيتا لوحدك والا تفاقمت المشكلة.

[loufa]

كان الله بعونك

صحيح الاوحدة لما متلقاش راحتها في بيتها تكره حياتها شوفي اختي حاولي تقعدي معظم الوقت في غرفتك مع بنتك العبي معها
والدار كي يرونوها الاولاد هذوك متعملي والو وخلي جدتهم تهتم لانك ماشي مسوولة عليهم. اذا تقدري تروحي لداركم ترتاحي شويه من حين لاخر وحاولي تفهمي زوجك غير بالعقل انك مكيش مرتاحه اما فكرة الطلاق انسايها
وربي يفرج عليكوانا احس بك

[biologie2001]

ساتكلم معك بكل صراحة مادامهم راهم يجو عند جداتهم و في دار جدهم و هي اللي تقوم بيهم ليس لديك الحق في طردهم و في نفس الوقت ليس سببا لطلب الطلاق ( اصبح الطلاق عندكن كصبلي الماء نشرب ) .... و لنفرض لا قدر الله انك طلبت الطلاق و تم سترجعين الى بيت والديك بطفل و سيعيش في بيت جده و ممكن جدا انه يكون يتحرك بزاف و مرت خوك تاني تقول باللي راه مقلقني و هكدا (اسمحيلي و لكن انت كاتبة انك موظفة يعني انت تاني راكي تخرجي من الدارو تروحي للخدمة و الولدين يبقاو مع جداتهم)

[شاكرة جدا لله]

مرسي ليكممممممممممممممممممممممممممممممممممممممممممممممم مممممممممممممممممممممممممممممممممممممممممممممممممم مممممممممممممممممممممممممممممممممممممممم

[ريم الوداع]

حنونتي نقلك كلمه برك المراة فحله وبنت اصلللللللللل هي الي تبان وسط الشدة مش في الرخاءءءءءءءءء ليك عام وعندك بنت7اشهر وتخممي في طلاق حنونه +راجلك مريض تاني تحمليييييييييي ولله كلش يفوتتتتتتتتتتتتتتتت هنا يبان اصلك تاع الصحححححححح

ربي يكون في عون تاااااااااااعك ربي يشافي الزوجججججج في اقرب فرصهههه

لن ننساك بدعاء عزيزتي

[wafa16]

7abiti tel9i tel9i pffffffff
ana mama 3achet fi dar el ghachi m3a 3momi w 3amati
3amati wladhom ga3 zadou fi dar jedati li tewled li tenfes w wladhom ga3 trabaw fi dar jedati
ma3a ana 3amati machi khedamat w machi 9aryat w zid l hadra w lm3ani
oumi moustawaha jami3i w chahada 3oliya
w m3a hada sebret 7ata ferej rabi w daret darha wa7adha w mazalou douk yjou 3adna ybatou w ydalou y9oulek dar khali w 3aaaaaaaaaaaadi lazem bach t3ichi twalfi w m3a dorof
nti ki tzewejti ta3arfi zawjek w imkaniyatou w maye9derch ydir darou wa7dou mala sebri
w 3jouztek 3andha l 7a9 rahi fi darha mate9derch t7awez bentha w 7fadha bach nti triy7i
moumkin ida daret haka 7ata bentha tez3af w t9ata3ha
choufi khti ki ta3yay edi bentek w ro7i l darkoum nchoufou khawtek w nssahom wach y9oulou
rabi yfaraj 3lik

[شاكرة جدا لله]

ساتكلم معك بكل صراحة مادامهم راهم يجو عند جداتهم و في دار جدهم و هي اللي تقوم بيهم ليس لديك الحق في طردهم و في نفس الوقت ليس سببا لطلب الطلاق ( اصبح الطلاق عندكن كصبلي الماء نشرب ) .... و لنفرض لا قدر الله انك طلبت الطلاق و تم سترجعين الى بيت والديك بطفل و سيعيش في بيت جده و ممكن جدا انه يكون يتحرك بزاف و مرت خوك تاني تقول باللي راه مقلقني و هكدا (اسمحيلي و لكن انت كاتبة انك موظفة يعني انت تاني راكي تخرجي من الدارو تروحي للخدمة و الولدين يبقاو مع جداتهم)
ياختي انا ثاني كنت نقري وعلى جال بنتي حبست جداها ما تقدر تحكمها لاخاطر حاكمة ولاد بنتها وباش نديرها في الحضانة باباها ماحبش بالرغم من ان ميزانيتو تستدعي اني نخدم مي قال بنتي ماتترباش برا يضحكو علينا الناس هو متنازل واختو تقدر دير ولادها في الحضانة مي ماحبتش وشايفة حالتنا صعبة مي خوها حنين وهي لا ايه وكيفاش نصبر

[النجمة القطبية]

يا اختي حادث زوجي مشي كبير ومشي عاجز مي الاولاد هما السبب افهميني والدار مانقدر نخرج مانقدر نبني الفوق زوجي يارب يكفينا انا وابنته

يا اختى اعذريني كلامك غير مقنع بحجة ان الاطفال كثيري الحركة وانتى تحبي الهدؤء:confused::confused:
صح مفهوم انو المراة تحب الهدوءفي بيتها امر طبيعي لكن الحل بيد زوجك انو يجيبلك بيت مستقل وترتاحي فيه ولكن ما دام غير قادر حاليا اصبري
اما عجوزتك هذي دارها ومن الطبيعي تستقبل بناتها واولادهم شئ طبيعي وحتى انتى ممكن تنجبي اكثر من طفل ويكونو كثيري الحركة ويسببون الازعاج وهي تتقلق واش تحاوزهم او لنفرض زوجت ابن اخر من اولادها وانجب اولاد وكانو كثيرين الحركة وسببو لك ازعاج في البيت تقوليلها خرجيهم مثلا
اختى المقصود حبينا ولا كرهنا هذا هو بيت العائلة ومتقدريش تمنعي عجوزتك انها تحب اولاد بنتها وتشدهم في حين تقبل بنتك انتي راه بيت جدهم مهما كان
شوفي يكون عندك عذر في حالة تقولك انتى تكفلي بيهم او قومي بيهم لكن مادام هي المسؤولة عنهم اذن خلاص
يا اختى اعذريني على ردي لكن لا تستطيعي ان تفرضي اسلوبك في المعيشة لانها هي صاحبة البيت وهذا واقع
ربي يفرج عليك
وبالتوفيق

[النجمة القطبية]

ياختي انا ثاني كنت نقري وعلى جال بنتي حبست جداها ما تقدر تحكمها لاخاطر حاكمة ولاد بنتها وباش نديرها في الحضانة باباها ماحبش بالرغم من ان ميزانيتو تستدعي اني نخدم مي قال بنتي ماتترباش برا يضحكو علينا الناس هو متنازل واختو تقدر دير ولادها في الحضانة مي ماحبتش وشايفة حالتنا صعبة مي خوها حنين وهي لا ايه وكيفاش نصبر

اختى اعذريني بعد هذا الكلام اصبح اسباب غضبك واضحة وضوح الشمس الان توضحت الصورة
اتصور انك حاسة بالظلم لانو انتى كنتى مجبرة تبطلي خدمتك لانو واحد ما قبل يشدلك بنتك وزوجك رفض بنتو تتربى برا في حين ام زوجك قبلت اولاد بنتها وبنتها مازالت تعمل اذن هذا هو سبب غضبك الحقيقي اللي خلاك متتحمليش وجود الاولاد
انا نقولك لا تقارني حياتك باحد لانو كل واحد ومكتوبو وصدقيني فيها خير وكل واحدة وظروفها واحد ما يعرف ظروف اخت زوجك
واحمدي ربي انو زوجك يحبك ويحب بنتو ويخاف عليك واطردي الوسواس وصدقيني المقارنات سبب خراب البيوت
لا يوجد سبب لطلب الطلاق يا اختى استهدي بالله وحافظي على بيتك وربي معاك

[مواطنة]

ياخوتاتي افهموني تعبت من ولاد اختو مش منو هو هو صح مريض مي مع الايام يبرا مشي مرض كبير او عجز هو نجا بفضل الله وقدرته ولكن الفوضى واني مش مستقرة ونحس بلي انا زيادة في الدار اللي نجي نديرها تقولي يماه لالا وكي يجو بناتها تخليهم على راحتهم يديرو واش يحبو هما البنات وانا الكنة نبقى كنة
اختي انت قلتي بلي ماراكيش تحسي روحك في دارك و كلما جي ديري حاجة تقولك لالا و بناتها تخليهم امالا باش تهني روحك و ديري لنفسك قصة
اتهلاي في راجلك
اخدمي شغلك كامل
ادخلي لبيتك و غلقي عليك ماراكيش مكلفة ببنات اختو هذوك مسؤوليتها
و اذا تعرفي كاش صنعة اخدمي في بيتك و اسببي بلي مشغولة هكذا يفهمو روحهم لانو مش لازمك ديري دور لانوريس باطل وام الاولاد تروح تخدم
اختي حقك باين و واجبك باين و ربي سبحانو لا يكلف نفسا الا وسعها اذا حبيتي مين داك تشديهم و اذا لالا ادخلي لبيتك و قولي لعجوزتك اذا كاش ما تحبي نعاونك في الشغل او الكوزينة راني هنا يعني في البيت و خلاص حطي النقاط على الحروف
هكذا تعيشي مع راجلك بلا ما ما تخرجي من الدار يعني يا اختي هذي مليحة لوستك متزوجة و اولادها مؤمنة عليهم و تخدم و انت هدمي دارك بسبة اولادهاهي تبني و انت تخممي تهدمي
اختي كاين بزاف عجايز هكذا يحبو يسيطرو و هذا لانها تحسب بلي هي ملكة البيت كيما والفت
انت ما تكسري راسك ما والو
كولي و شربي و اخدمي شغلك وتهلاي في العجوزة باش تدي اجر و عاوني راجلك بكاش حرفة من الغرفة
و انسسسسسسسسسسسسساي الطلاق اكثري الاستغفار

[شاكرة جدا لله]

مافهمتونيش كامللللللللللللللللللللللللللللللللللللللللللللللل لللللللللللللللللللللللللللللل

[أم امتنان]

اختي الكريمة ان نفسية الانسان تمرض كما يمرض باقي اعضاء الجسد ولكن علاجها سهل جدا ولايحتاج لطبيب مختص انما يحتاج لدروس وعبر تجعل منا اشخاص اقوياء لانستسلم بسهولة ولانبحث عن اسهل حل رغم اني لا اعتبر الطلاق حل اصلا وبغض النظر عن مشكلتكي اجد ان المراة يجب ان تكون قوية رغم الظروف وان تحارب من اجل زواجها وعائلتها لاخر دقيقة من حياتها وارجع لشئ ذكره الاخوة قبلي لا تقارني حياتكي باخت زوجك ولا تكوني عجولة في اطلاق الاحكام فربما هي تحسدكي على الوقت الذي تقضيه مع ابنتك ربما ضروفها تحتم عليها العمل وبالنسبة لام زوجك مادامت تقوم برعايتهم ولا تطلب منك ذلك فهي لم تخطئ واخيرا اقول لكي كوني ابنة اصل وساعدي زوجكي حتى تمر هذه المحنة عليكما معا واسال الله ان يسعدكي ويوفقكي في حياتك اختي الكريمة

[hodahodahoda]

صراحة حماتك عندها حق
تعاون بنتها
كل شيئ يمر انظري لابناء سلفتك على انهم ابنائك

[رحمة من المولى]

ياااااااااااااااا ريت كنت عندنا هههههههههه يما تشد اولاد كنتها باش الكنة ترقد ههههههههه
اصبري حنووونة كل واحد و مكتوبو
ان بعد العسر يسر
في خاطر زوجك صح ما يحس بالجمرة غير اللي كواتو خاولي انت ثان احكمي شمبرتك و خليها ترفد اولاد بنتها
هذا ماشي تحريض بالعكس كي طوال لسانها
من المفروض: الكنة دورها زوجها و باباه و يماه بسيف عليها و خاوتو الصغار
بصح اولاد البنت الخدامة لالالالالا
حنوووونة شوفي حل لمشكلتك يكون عقلاني مش الطلاق
رب يفرج ان شاء الله

[○•ميسون•○]

الحل هنا هو ان تطلبي من اخت زوجك ان لا تترك اولادها عندك لانك حرة و بنتك مازالت صغيرة يعني صراخ الاطفال لا يحتمل

و اذا قاتلك جداتهم راهم في داري قوليلها انا لي راني نسمع في الصراخ مش دارك

ياخي عباد ما تفهمش

و من الاحسن تاجري بيت و تسكني فيه وحدك لانك مثل اي زوجة لازم تعيشي مستقلة واحد ما يفسدلك حياتك

[mounaminou]

ممممممم شوفي انا فاهمتك ....قلقوك الله غالب ....و غاضتك كي ولاد بنتها ماتشتيش عليهم...مي هدي هي الدنيا يا اختي....بيناتنا...منك صح حابا تطلقي على جال ولاد صغار .....رايحة تكوني اكبر سادجة ف العالم ....صح السكن مع العايلة فيه تكسار الراس مي ياخي من اللول كي تزوجتي علابالك بللي ماعندكش بيت مستقل .....لازم تحمدي ربي خاصة كي جيبتي ولدك و ماتدخليش ف اللي يجي و اللي مايجيش لانو و بكل بساطة ماعندكش الحق خلاص تدخلي فيهم ...و راني مانعرفكش عليها اني نهدر بموضوعية

كيما قالك الاخ ...انتي ديري خدمتك ف الكوزينة و ديري ميناجك و مباشرة ادخلي لبيتك و رتاحي فيه ...اقفلي عليك و ديري القيلولة تاعك و لعشية كي يجي راجلك اهتمي بيه اما الاولاد ف انتي ماكيش مسؤولة عليهم ماتغسليلهم ما تتصرفي فيهم حتا ولاكان قلبو الدار كون جيت منك ماندخلش لاني نولي ماش مليحا كون نهدر .....و مع الوقت حماتك تولي ماتقدرلهمش و يحي النهار الي تقولها تهز ولادها

[mounaminou]

الحل هنا هو ان تطلبي من اخت زوجك ان لا تترك اولادها عندك لانك حرة و بنتك مازالت صغيرة يعني صراخ الاطفال لا يحتمل

و اذا قاتلك جداتهم راهم في داري قوليلها انا لي راني نسمع في الصراخ مش دارك

ياخي عباد ما تفهمش

و من الاحسن تاجري بيت و تسكني فيه وحدك لانك مثل اي زوجة لازم تعيشي مستقلة واحد ما يفسدلك حياتك


يا اختي ماعندهاش الحق باه تدبر عليها ...بكل موضوعية ماعندهاش الحق تدبر على الناس شكون الي يجي و شكون الي مايجيش ......يكسرو يفسدو يديرو اللي يديرو هي ماتدخلش مادامهم ماشي في بيتها و ماقاعدينش يمسو ف قشها
و كي تعود بسكن مستقل لتما هي تولي مولات الدار

[YouCefo_dz]

ليس الحل في الطلاق و انما بسكن مستقل والا لم يستطع زوجك دلك فماعليك الا الصبر ، اما سؤال الطلاق من غير سبب فهذا حرام في الاسلام .

[YouCefo_dz]

ليس الحل في الطلاق و انما بسكن مستقل والا لم يستطع زوجك دلك فماعليك الا الصبر ، اما سؤال الطلاق من غير سبب فهذا حرام في الاسلام .

[kamilia85]

انا وحدة نعطيك الحق
لانو من حقك ترتاحي خاصة انو بنتك مزالت صغيرة و نومها متذبذب لازم كي ترقد تلقى الهدوء
الطلاق ماهوش حل ...مي خلي راجلك يهدر مع يماه ...قولولها تدي ولادها للحضانة ...

[tuba21]

و علاه تطلبي الطلاق لالا يا اختي انا نشوف لو كان تحكي مع زوجك و تغيرو السكن

يعني حاولي تكري حتي يفرج عليك ربي ان شاء الله من اوسع ابوابه

[ام حسا الدين]

السلام عليكم
أرجو انك لا تتكلمين بجدية بشان مسالة الطلاق
فكري في فلذة كبدك ،ما ذنبها ان تتحمل نتائج افعالك،
وما ذنب زوجك المسكين لتتركيه في مرضه
ارجو ان تراجعي حساباتك قبل فوات الاوان

[lynoor]

اولا هدئي روحك انتي ديري شغلك اتهلاي في راجلك وبنتك وخليهم في شغالهم لست مجبرة تتحملي ابناء لوستك كاين شي ناس الملاحة معاهم مش مليحة وربي يكون معاك والطلاق ماهوش حل

[bellaluna]

أنصحك أن لا تتدخلي في هؤلاء الأولاد المشاغبين و متى جاؤوا للمنزل أغلقي باب غرفتك و آعتني بآبنتك، آقراي القرآن،نامي..و دعي جدتهم تعاني شقاوتهم لأنك لست مطالبة بذلك حتّى ربي يفرج عليك الغمّة و تستقلّي بمنزلك الخاص عن قريب إن شاء الله.

[شاكرة جدا لله]

شكرا لكم جميعا

[yousra14]

السلام عليكم

" إنّ أبغض الحلال عند الله الطلاق"

والطلاق يهتزّ له عرش الرحمان .

لذلك لا تفكّري فيه بتاتنا وألغيه من فكرك وصارحي أخت زوجك بما تعانين منه لعلّ الله يهديها ويلهما إلى طريق الحق

رب يصلح الأحوال وريح بالكم وأعانك الله على معالجة زوجك المريض والله في عون العبد ما دام العبد في عون أخيه وجزاك الله على خيرك وصبرك وإنّ الله لا يضيع أجر المحسنين

[مريم العدراء]

يا ربي تتطلقي بسبت اطفال صغار والفوضى لي يديروها علاه والله الاطفال مهما كانوا ملائكة عامليهم مليح نصيحة مني هكا تحبك عجوزتك وتعيشي هانيا

[الجليس الصلح]

السلام عليكم ورحمة الله
لا ىوجد مشكل أصلا مادمت جديدة في البيت عليك بالصبر
اغلقي بابك وادحذري ان تفتحي على نفسك مشاكل أخرى
لعلمك كل البنات في بداية حياتهن يتعرضن لتلك الأمور
اصبري على الأقل من اجل زوجك وابنتك

[حمودية]

ياختنا حسي اذا تطلقتي شكون راح يقبلك انت وبنتك اذا انت كارهة اولاد الناس شكون راح يحمل بنتك
و المعنى ان ابنتك ايضا ستكون عبئ على اهلك
اتقي الله

[ibrahimm]

ماذا نتوقع منكم

الطلاق اصبح كلمة سهلة زوجك لا يستحقك

تطلقي لتري الجحيم الحقيقي

[pro24]

[QUOTE=شاكرة جدا لله;1055237682]مرحبا عندي عام من زواجي ولديا ابنة عمرها 7 اشهر :rolleyes::rolleyes::rolleyes:شاكرة جدا لله ومشكلتي انني تعبت وكرهت:rolleyes::rolleyes::rolleyes: شاكرة جدا لله حس بالاختناق والسبب ان اخت زوجي معلمة وتترك اولادها بنت وولد عندنا وهما كثيرا الحركة وشديدا الصراخ :rolleyes::rolleyes::rolleyes: انها البراءة اخيتي عفوا شاكرة جدا لله لا ارتاح ابدا دائما كرهة منهما:rolleyes::rolleyes::rolleyes: تكرهين اطفال لاذنب لهما ولا اعرف مالعمل خصوصا العمل عقلي اخيتي مزال صغيرا وغير منفتح عليك بالقراءة وان زوجي تعرض لحادث سيارة ولما اتكلم مع جدتهما اي حماتي واقول لها عييت تقولي راني في داري يعني حرة يجو ولاد بنتها في اي وقت لدرجة انهم صارو يباتو عندنا وانا سئمت هل اطلب الطلاق خصوصا وزوجي مريض اام ماذا افعلزوجي لا يترك اه تعبت
لم استطع الاكمال بسب كثرة الصدمات في موضوعك كبري عقلك وهي فترة وتفوت فان احسنت احسنت لنفسك وان اساءة فلها
ربي يكون معاك هذا ما قدرت نقول في الاخير
الشيء الذي اعجبني هو اسمك

[مناد بوفلجة]

السلام عليكم

لا تكوني أنانية في كل شيء ، حتى في العاطفة إتجاه الصغار ..

تصوري أن أبناء أختك الصغيرين تحضرهما أختك كل يوم لعندكم
لأنها ربما لديها ظروف خاصة ،

هل تقبلين أن تعتني أنتِ بأبناء أختك ؟

أم ستغلقين على نفسك الباب أو لربما تتركيهم يلعبون في مكان فيه خطر مثل الكهرباء

أم لربما سترميهم في الشارع أو ستطلبين من أختك أن تشطبك من الدفتر العائلي و تأخذ أبناها منك ..



المعذرة ، طرحك غريب لا ينم سوى على مدى كرهك لــ أخت زوجك و خلافك المستمر معها
من ما إنعكس بطريقة مباشرة على أبنائها ..

لا تكوني أنانية و صفي قلبك من الضغينة و وسعي خاطرك و كوني الأم الثانية لأبناء
أخت زوجك حتى يحبوك و ربما عندما تكبرين و يصلون هم لريعان شبابهم ،
ستجدينهم معك ، يزورونك و لن ينسوا العناية و الإهتمام الذي قدمتيه لهم


إن كانوا مشاغبين أو كثيرين الحركة ، فكوني المعلمة لهم و الموجهة
و كوني مثالاااا لهم ...

لا تفكري بشبر من أمامك بل فكري في عمر طويل و عريض


و السلااام

[نور8]

نصيحتي اختي لا تتدخلي فيهم اتركيهم لجدتهم قومي بواجباتك اتجاه زوجك و ابنتك و حتى امه لانها من شيم النساء الحرات و لكنك لست مجبرة على تحمل ابناء اخته و عندما ستتعب الجدة منهم ترجعهم لوالدتهم وفقك الله

[شاكرة جدا لله]

السلام عليكم

لا تكوني أنانية في كل شيء ، حتى في العاطفة إتجاه الصغار ..

تصوري أن أبناء أختك الصغيرين تحضرهما أختك كل يوم لعندكم
لأنها ربما لديها ظروف خاصة ،

هل تقبلين أن تعتني أنتِ بأبناء أختك ؟

أم ستغلقين على نفسك الباب أو لربما تتركيهم يلعبون في مكان فيه خطر مثل الكهرباء

أم لربما سترميهم في الشارع أو ستطلبين من أختك أن تشطبك من الدفتر العائلي و تأخذ أبناها منك ..



المعذرة ، طرحك غريب لا ينم سوى على مدى كرهك لــ أخت زوجك و خلافك المستمر معها
من ما إنعكس بطريقة مباشرة على أبنائها ..

لا تكوني أنانية و صفي قلبك من الضغينة و وسعي خاطرك و كوني الأم الثانية لأبناء
أخت زوجك حتى يحبوك و ربما عندما تكبرين و يصلون هم لريعان شبابهم ،
ستجدينهم معك ، يزورونك و لن ينسوا العناية و الإهتمام الذي قدمتيه لهم


إن كانوا مشاغبين أو كثيرين الحركة ، فكوني المعلمة لهم و الموجهة
و كوني مثالاااا لهم ...

لا تفكري بشبر من أمامك بل فكري في عمر طويل و عريض


و السلااام
عمري ماختلفت مع اخت زوجي ديما نضحك في وجها مي ولادها كرهولي حياتي حتى العمل في المنزل مارانيش نخدم جداهم ماتحبش تقولي اقعدب وكي يروحو اخدمي وهما يروحو غير الوكاند يعني لاخدمة لا والو والناس واش تقول تقول الكنة خايبة الجداة تقول واش راحلي في الناس يلعبو ويكسرو ويديرو واش يحبو وكي نموت اخدمي على راحتك وليت هاربة غير لدارنا ما خرجتش العيب لحتى واحد مي كرهت المعيشة في كل شي