ام زوجي تهددني بطلاق

[طالبة مساعدة]

السلام عليكم
انا امراة متزوجة مضى عن زواجي عام و3 اشهر وعندي ولد له 3اشهر ربي يحفظهلي تزوجت زواج تقليدي اي امراة قالت لوالدته ووالدته جاءت لبيتناوشافت وجابت ولدها لكي يراني فكان القبول بختسار تزوجنا وكان قابل بيا وانا بمثل قبلت به المهم مشكلتي تكمل انني اكتشفت ان ام زوجي تهددني بطلاق ساروي لكم مشكلتي بختصار الشديد
مرة ذهبت عند اهلي بسبب زوجي ذهب لمدينة اخرى من اجل تربص وهي كانت تريد ان تذهب لولايتها فاخذتني عند اهلي يومين ورجعت عيطتلي قاتلي رجعت انا اتصلت بزوجي وقتلو اريد ان ابقى عند اهلي حتى تعود وافق اليوم لقبله اتصلت بي وقالت باش تلعبي بيا وبولدي مزلتي مدخلتي في كرش المك وخلقتلي مشكل ولما جاء زوجي من سفر لم ياتي ياخذني تركني عند اهلي وانا بديت اتصل به ولم يرد عليا واتصل بوالدته وعاملة نفسها بريئة و بعيدة على مشكل في يوم تالي اتصلت بوالده قالي سااتي انا لكي ترجعي رجعت مثل مضلولة من اجل حبي لزوجي ماذا فعلت كتبت رسالة لوالدي في تلك اليوم لي رجعت فيه برقم اخر ( احكم في زوجتك اي امي اذا محكمتش فيها بنتك ترجعلك ) رجعت على نيفي و هذا السبب تركهم يهددوني مرات على مرات كل ما يحدث مشاكل يهددني زوجي بطلاق باشياء تافهة تركوني انسانة مسدومة اخاف كثيرا ركبولي عقدة نفسية
امس ذهبت للاسفل لكي انظف البيت فبها تامرني ( اغسلي لحيطان وبيبان راهم كحلين ( في حقيقة حسيت نفسي مثل خدامة وبيت كبير قلت لها كنت مقلقة انا مكحلتهمش بصح كاش منهار نغسلوهم انا وياك بدات تهدر وتهدر ثم قالت انا لجبتك انا لنردك ونطلقك بقيت مدهوشة لم اتكلم كلمة وذهبت لغرفة اخى ابكي وكتشفت انها هي لي تحرش عليا زوجي خلاته يهددني .لان كل كلامها يقوله هو نفسه طبق الاصل كوبي كولي
قررت لن ابقى فيهذا الوضع ولي تسرى تسرى ساعود لبيتنا افضل لا ابقى في تهديداتها وضغوطها مثل دامة في بيتها والله لكرهت تهديدات ركبولي ازمة نفسية فيذاتي تفكير ارهاق ضغوطات دمروني اعلم انني ساتازم اكثر لو ذهبت وتركت زوجي الذي احبه ويحبني لكن هذا هو مسيري
ارجو منكم ان ترشدوني الى طريق الصحيح انا مخنوقة

[yousra14]

السلام عليكم
إن شاء الله لابأس عليك .
عندي سؤال لك .. هل هو ابنها الوحيد أم لا ؟
ثمّ الأكيد أنّك حكيت مع أهلك ما هو موقفهم ممّ يحدث معك ؟
تنقص بعض التفاصيل في الموضوع منها أنّك قلت أنّ زوجك يحبّك وفي نفس الوقت حسب ما حكيتي أنّه يسمع لكلام أمّه دون الرجوع للتحقق منك ويهددك كذلك بالطلاق أليس كذلك ؟..

الأكيد أنّك تحبين زوجك لذلك اصبري من أجله وأجل ابنك الصغير اعتبريها مثل أمّك تماما كلّما أساءت إليك ادفعي أنت بالتي هي أحسن وأقلّها السكوت وتلبية مطالبها علّها ترضى وتهدأ عنك ..
ولا تنسي أنّها في حالة صعبة لقد أخذت منها ابنها وهو أعزّ ما تملك ــ تزوّجتيه ــ و هذا يكفي للأن تختلق لك المشاكل .
والله لن يدوم حال وكم من حموات فعلن ذلك والكنات صبرن وكانت النتيجة رائعة وصارت الحماة تحب تلك الكنّة بجنون ..
ربّ معاك ويقوّيك على فعل الخير والسلام عليكم

[كلنا راحلون]

سلام عليكم
الا طلاق خراب بيوت واقنعي زوجك اصبحت لديه مسؤولية من جهتك وولدك صغير او حل مشكلتك بلبديل كراء سكن لوضع حد للمشاكل بين عجوز وكنة وتفائلي بلخير تجديه وسلام

[مريم الصابرة]

السلام عليكم اختي
إستغفري ربي وإهداي رغم وضعك قلق وفعلا راكي في ضغط نفسي
اختي إنت حسب حكايتك ما راكيش غالطة معاها ربي يسامحها يبدو إنها ام متسلطة ولكن ركزي على كلمة ام بمعنى زوجك ما تولميهش يعني هو صح ما توصلش لدرجة أنو يظلمك فعلا يسمع لكلام أمو لكن مش لدرجة يطبق ظلمها ليك حرفيا هنا إسمحيلي لازم اهلك يدخلو وقبل كل شي أهدري معاه إنت بينك وبينو يدير حل لأنو الوضع هذا صعيب تكملي تعيشي فيه وفعلا هي جابتك وهي قادرة تردك لأانو للأسف زوجك يسمعلها بزاف ويا ريت فالصواب نقولو معليش يماه راه هنا ظالمك
إنت الآن اول شي احكي معاه فهميه إنك ما قدرتيش وبزاف وإنو يسعطف قلب يماه وتخليك في حالك واكيد على حساب واش راكي تحكي راكي ساكتة ومخبية في قلبك وهذي بنت الأصل متحملة كلامها ومعاملتها ليك معليش
هو يحكي معاها كان شفتيه مازال مصر وما حكاش معاها ومازالت معاملتها هي هي يا اختي ننصحك روحي لأهلك وما تطلقيش لالا خليهم يحكو معاه يعني وين دورو كزوج انا ننصحك دخلي اهلك بزاف عليك تتحملي وحدك كل هذا ربي معاك وربي يهديك عجوزتك

[sabrina el-chark]

ربي يسامحها ...و ربي يهدي
انا نقلك ديري لي تخرج عليك المهم متكونيش ظالمة و زوجك اذا كان يحبك و الله ميطلقك لانو ماهوش اعمى او اطرش
و لازم يجي نهار هو لي يشوف الحقيقة

[sali-sali]

السلام عليكم
للاسف اصبح لفظ الطلاق اول مايذكر عند حدوث المشاكل ... رغم ان ابغض الحلال عند الله الطلاق
انت ايضا احملك جزء من المشاكل ... لانك لو فكرتي قليلا لحاولت كسبها بكل الطرق ... و لا داعي لان تكبري المشاكل
كذلك ناقشي زوجك .. ولا تشتكي له كل ما يدور بينك و بين امه ...
و ان حادثتكي باسلوب لا يليق ... فلا تردي لها بنفس الطريقة ..
للاسف ينقص الاغلبية ثقافة لتكوين بيوت و لعيش حياة زوجية دون مشاكل
ربي يصلح الاحوال ان شاء الله

[رانيا لوك]

انا راي لازم تكون عندك شخصية وديري راي لعمرك خير ما تقعدي هكذا يقول المثل
كسرة والماء والراس في السماء
خير من الكسكس والبلاء

[ABDOU ELE]

ســــــــــــــــــــــــــــــلام

اصبري يا اختي و ربي يفرج عليك عاجلا غير اجل

[مواطنة]

اختي ماشاء الله متمسكة بزواجك وهذا هو الاصل اذا حبيتي تتهناي من افعالها ديري هجوم معاكس
زوجك اكسبيه بالطريقة التالية حتى يولي هو يفتح عينيه على الحق
اهدي هدايا لامه باستمرار و تهلاي فيها و نهار تخرجو ابداي بالكلمة تاع ماماك عندها بزاف وهي في الدار علاه ما تديهاش للمكان الفلاني
و اياك ان تخبريه بكل ما تفعله لانه سيكره الشكوى المستمرة
نهار تقولك كلام مايعجبكش وفيه ظلم ردي على قيس المظلمة و ابتسمي و ابتعدي حتى لا تستدرجك بالكلام ونهار زيد تتكلم على الطلاق ذكريها بلي كاين ربي و من المفروض انها تصلح لا تحاول افشال الزواج و اذا شفتي بلي راهي مصرة
اقعدي معاها اسأليهاعلاه ولاة هكذا و واش هي السبة و اذا ترضاها لبنتها و انت ابقاي تسمعي
و زوجك نفس الشيء اساليه لماذا يهدد بالطلاق اين المشكل و فكريه بلي الزواج ميثاق غليظ و عندكم ولد لازمو يتحمل مسؤوليتو و يتربى في وسط عائلة متماسكة مش مهددة بالانفصال دون سبب مقنع
حاولي كل الطرق المشروعة باش تكسبي زوجك ليك و بما انو يسمع لكلام امو انت لازمك تكسبيها باي طريقة و لوكان تتكلمي مع حماك يمكن يساعدك اذا هو على علم بالموضوع على الاقل يهدد مرتو ههههههههههههه
اختي ما تقلقيش روحك الله هو لي يقدرنا لي يصرنا و امرنا كله خير اصبري و جاهدي

[طالبة مساعدة]

السلام عليكم
إن شاء الله لابأس عليك .
عندي سؤال لك .. هل هو ابنها الوحيد أم لا ؟
ثمّ الأكيد أنّك حكيت مع أهلك ما هو موقفهم ممّ يحدث معك ؟
تنقص بعض التفاصيل في الموضوع منها أنّك قلت أنّ زوجك يحبّك وفي نفس الوقت حسب ما حكيتي أنّه يسمع لكلام أمّه دون الرجوع للتحقق منك ويهددك كذلك بالطلاق أليس كذلك ؟..

الأكيد أنّك تحبين زوجك لذلك اصبري من أجله وأجل ابنك الصغير اعتبريها مثل أمّك تماما كلّما أساءت إليك ادفعي أنت بالتي هي أحسن وأقلّها السكوت وتلبية مطالبها علّها ترضى وتهدأ عنك ..
ولا تنسي أنّها في حالة صعبة لقد أخذت منها ابنها وهو أعزّ ما تملك ــ تزوّجتيه ــ و هذا يكفي للأن تختلق لك المشاكل .
والله لن يدوم حال وكم من حموات فعلن ذلك والكنات صبرن وكانت النتيجة رائعة وصارت الحماة تحب تلك الكنّة بجنون ..
ربّ معاك ويقوّيك على فعل الخير والسلام عليكم


شكرا لكي
هما2 هو واخوه بصح خوه في خارج عايش متزوج المانية
اهلي لا يحبو مشاكل والدتي تبقى تقولي صبري بنتي بصح يجي يوم منسكتش على كلمت نطلقك
اما بنسبة لزوجي مايفوتش يماه ودير عليها على كل شيئ كتغلط يبدا يخبي عليها وهو يقولي نبغيك والله اعلم يا اختي
نقول حسبيا الله ونعم الوكيل هذا مكان
شكرا على نصيحة

[طالبة مساعدة]

اشكر كل الاخوة واخوات على رد ربي يجيب الخير

[فانيسا]

الحل هو اكسبي زوجك حاولي بكل الطرق وكي يكون في الدار حاولي قدامو تتوددي لامو وهو راح ايلاحظ لازمك تربحيها متخليهاش تخربلك دارك

[maiar]

ربي يفرج عليك اختي و يهدي حماتك بصح الطلاق ما تحطيهش في بالك كوني قوية

[طالبة مساعدة]

ربي يفرج عليك اختي و يهدي حماتك بصح الطلاق ما تحطيهش في بالك كوني قوية

ربي ينورك يا اختي ربي يعطيني صبر وثقل موازيني هذا ما نطلب

[○•ميسون•○]

اذا هدداتك المرة الجاية أخرجي من الدار نورمال ياك عندك وين تروحي

و إذا هـددك زوجك بالطلاق قوليلو طلقني و روحي لدار باباك و ربي يجيبلك ما خير منو هاذو حيوانات يصعب التعاسش معهم

[كاميلا]

سعدي فرحي بهاد العجوزة ؟ :confused: :confused: ولات راجل واقيلا مزوجة بيك تزوجك كيما تحب وطلقك كيما تحب هذا كامل لانه مبقاش رجال يحكمو لوكان جات لاقية اللي يحكم فيها راجلها "الشيخ لوكان متقدرش تتنفس بكري علاش كانو متساعدين وعايشين كيفكيف كان الشيخ يحكم في العجوزة والراجل يحكم في مرتو وواحد ميخلي وحدة تظلم الثانية دركا عشنا وشفنا عجوزة تهدد شيبة النار روحي اخدمي لاخرتك لقاعدة داوسي وديري في الفتن حسبالها دركا منعت قادرة تجيها وكيما تطلق بنت الناس تطلق هي عند شيبها وفعلا صرات لوحد العجوزة من معارف امي عيات امي تنصح فيها تشغل روحا شوية بالروحانيات وقراءة القرآن والدين والحسنات وهي في آحر العمر تجمع في السيئات فعلا ربي يعطينا حسن الخاتمة برك كي نشوفوا شيبانيين يديروا هكذا وهوا مازالهم خطوة للقبر الدنيا خربت
والسبب الاول ملقاتش اللي يحكم فيها الضيخ تعها راقد والسبب الثاتي الغيرة والسبب الثالث حابين يعيشو زمانهم وزمان غيرهم وكاين نوع من العباد مش الامهات فقط عندهم حب التملك مش حب عادي والانانية يحبو الناس تعيش كيما هواهم
ربي يهديها خلي الطلاق اخر حل بعد ان تستنفذي كل الطرق العلاجية ولعل انفعها الدعاء

[أم أحمد عبد الصمد]

تأثرت جدا بك أختي ، قلبي معك
لكن نصيحة لك أخبري أهلك بما يجري لك ، الطلاق أرحم من العيشة لي عايشتها ، خصوصا لديك طفل واحد فقط .
ربي يفرجها عليك و يعوضك عن صبرك
ربي يمهل و لا يهمل أكثري من الدعاء خصوصا أثناء السجود، و سيكون الفرج عن قريب ان شاء الله

[طالبة مساعدة]

سعدي فرحي بهاد العجوزة ؟ :confused: :confused: ولات راجل واقيلا مزوجة بيك تزوجك كيما تحب وطلقك كيما تحب هذا كامل لانه مبقاش رجال يحكمو لوكان جات لاقية اللي يحكم فيها راجلها "الشيخ لوكان متقدرش تتنفس بكري علاش كانو متساعدين وعايشين كيفكيف كان الشيخ يحكم في العجوزة والراجل يحكم في مرتو وواحد ميخلي وحدة تظلم الثانية دركا عشنا وشفنا عجوزة تهدد شيبة النار روحي اخدمي لاخرتك لقاعدة داوسي وديري في الفتن حسبالها دركا منعت قادرة تجيها وكيما تطلق بنت الناس تطلق هي عند شيبها وفعلا صرات لوحد العجوزة من معارف امي عيات امي تنصح فيها تشغل روحا شوية بالروحانيات وقراءة القرآن والدين والحسنات وهي في آحر العمر تجمع في السيئات فعلا ربي يعطينا حسن الخاتمة برك كي نشوفوا شيبانيين يديروا هكذا وهوا مازالهم خطوة للقبر الدنيا خربت
والسبب الاول ملقاتش اللي يحكم فيها الضيخ تعها راقد والسبب الثاتي الغيرة والسبب الثالث حابين يعيشو زمانهم وزمان غيرهم وكاين نوع من العباد مش الامهات فقط عندهم حب التملك مش حب عادي والانانية يحبو الناس تعيش كيما هواهم
ربي يهديها خلي الطلاق اخر حل بعد ان تستنفذي كل الطرق العلاجية ولعل انفعها الدعاء

كلامك في صواب يا اختي كما قلتي تحبني نكون كما هواها اصبت في كلامك كانك عايشة معايا ربي يهديها يارب راني نحس بلي راهي حاسة بلي ظلمتني والله اعلم لان طريقة تعامل بدلتها ربي يبعدها عليا وخليها فاش تلهة شكرا لكي

[nassima imene]

السلام عليكم
أختي العزيزة لازم تعرفي بلي مشكلتك هي مشكلة بزاااااااااااااااااااااااااااااااف بنات و منهم اختي الكبيرة واش نقولك أصبري و وكلي ربي . سيي دايما تجبدي راجلك ليك غير بالصوالح لي يحبهم و كتري الدعاء في صلاتك و عجوزتك الله يهديها يجي نهار و تخلص واش راهي دير فيك
علبالك سيدنا ابراهيم واش قال كي رماوه في النار قال : حسبنا الله و نعم الوكيل دايما قوليها في الصباح فيي العشية تقدري تقولي هي حرب باش ترجعي راجلك ليك

[ام ملاك.]

ربي يعينك اختي والله حاسة بيك انا سوفريت من النفاق بصح الحمدلله راجلي فاق وحدو وبعدني وكرالي الحمدلله
انت اختي ماتحكيلوش واش يصرى خليه يشوف وحدو بعينيه
واذا استمر الامر كيما راهي تدير ديري كي تشوفي راجلك قريب يجي ابكي وحدك في الشومبرة ماشي بلا سبة نهار تطلعلك الغاز بالاك تغيضيه شوية
وانت اطلبي يكريلك دار وحدك
ربي يهنيك ويعيشلك وليدك الطلاق واعر بصح اذا ماتصلحتش الامور روحي لدار باباك راهي مفتوحة ليك
ماراكيش لعبة بين يدجيهم تزوجتي واحد ماشي زوج
طمنينا عليك

[hodahodahoda]

الهاتف موجود
اذا طلبت منك ام زوجك الذهاب الى اي مكان اتصلي بزوجك اولا و اخبريه مسبقا و خذي موافقته
و اطلبي منه ان يتاكد من امه

[ضحى تسابيح]

حقيقة رانا نعانيو من معاملة عائلة الزوج إدا ماشي أمه... خياته....... و والأدهى و الأمّرّ .... كي تكون ساكنه معاك زوجة أخيه ما نحكيلكش نخلي البير بغطاه..... يا أختي الحنونة لا تتركي زوجك أبدا .....و عجوزتك وكلي عليها ربي سبحانه..... و كوني ذكية في التعامل معها و مع زوجك ..........راني حاسة بهاداك الشعور يشوفوك بونيشة و يعاملوك على أساسه على خاطرش راني عايشاته... بصح راني صابرة و موكله أمري لربي هو نعم الوكيل.... .... ربي يحفظك و يهنيك حبيبة......... تحياتي

[طالبة مساعدة]

ربي يعينك اختي والله حاسة بيك انا سوفريت من النفاق بصح الحمدلله راجلي فاق وحدو وبعدني وكرالي الحمدلله
انت اختي ماتحكيلوش واش يصرى خليه يشوف وحدو بعينيه
واذا استمر الامر كيما راهي تدير ديري كي تشوفي راجلك قريب يجي ابكي وحدك في الشومبرة ماشي بلا سبة نهار تطلعلك الغاز بالاك تغيضيه شوية
وانت اطلبي يكريلك دار وحدك
ربي يهنيك ويعيشلك وليدك الطلاق واعر بصح اذا ماتصلحتش الامور روحي لدار باباك راهي مفتوحة ليك
ماراكيش لعبة بين يدجيهم تزوجتي واحد ماشي زوج
طمنينا عليك

شكرا لكي يا اختي الحمد الله بدعواتكم عجوزتي هداها ربي بصح راهي خالعتني راني خايفة منها ولات فوق مليحة لكاين فوق مليحة هاك ولات ولات تقولي كما قلتي نتي نيشتان راني خايفة والله لحيرتني كفاش تغيرت بسرعة هي كيكانت كنروح معاها عند ناس كديلي كلملكة بصح كيتروح لوحدها تحكي عليا العجب متخلي متبقي فيا على هذا راني خايف بلاك رجعت في راسها وشافت مليح يارب متكون تخططلي في حاجة ياربي تتهدى عليا
كانت تخليلي لماعين طبسي فوق طبسي تجبد قاع كيكوتات ضروك ولات تغسل و الله لخلعتني ربي يجيب الخير شكرا جزيلا يا اختي ويا جميع من ردو عليا ربي يوفقكم ويعطيكم ما تتمناو في هذه الدنيا

[طالبة مساعدة]

حقيقة رانا نعانيو من معاملة عائلة الزوج إدا ماشي أمه... خياته....... و والأدهى و الأمّرّ .... كي تكون ساكنه معاك زوجة أخيه ما نحكيلكش نخلي البير بغطاه..... يا أختي الحنونة لا تتركي زوجك أبدا .....و عجوزتك وكلي عليها ربي سبحانه..... و كوني ذكية في التعامل معها و مع زوجك ..........راني حاسة بهاداك الشعور يشوفوك بونيشة و يعاملوك على أساسه على خاطرش راني عايشاته... بصح راني صابرة و موكله أمري لربي هو نعم الوكيل.... .... ربي يحفظك و يهنيك حبيبة......... تحياتي



ربي يكون في عون يا اختي الله يفرجها عليك وعليا

[طالبة مساعدة]

الهاتف موجود
اذا طلبت منك ام زوجك الذهاب الى اي مكان اتصلي بزوجك اولا و اخبريه مسبقا و خذي موافقته
و اطلبي منه ان يتاكد من امه

يا اختي مصيبة تكمل اذا قال قاع هو حاجة وقالي واه دريها و يماه مقبلتش يكذبني ويقولي انا مقلتش صرات معايا بزاف باش يرضي الوالدة تاعه ربي يجيب الخير

[نهى اسطاوالي]

اختي انا احس بما تمرين به ولكن اقول لك شيئا واحدا اياك والطلاق رغم ان زوجك بصراحة اقرفني لاني لا احب زوجا بلا شخصية سامحيني على هذه الكلمة
اختي الكريمة حاولي ان تتوددي الى زوجك اكسبيه في صفك من غير ان تظلمي ام زوجك اعرف انها هي من تظلمك لكن هناك عجائز الغيرة من الكنة تخليها تعمل هذا الشيء المهم احسني معاملة زوجك وام زوجك واصبري نعم اختي اصبري فالصبر مفتاح الفرج واياك والطلاق فانه خراب البيوت خاصة وقد اصبح الطلاق لاتفه الاسباب
اكثري من الصلاة والاستغفار وادعي الله ان يؤلف بين قلبك وقلب ام زوجك وان يحفظكم جميعا هذه نصيحتي الغالية لك فاقبليها

[طالبة مساعدة]

اختي انا احس بما تمرين به ولكن اقول لك شيئا واحدا اياك والطلاق رغم ان زوجك بصراحة اقرفني لاني لا احب زوجا بلا شخصية سامحيني على هذه الكلمة
اختي الكريمة حاولي ان تتوددي الى زوجك اكسبيه في صفك من غير ان تظلمي ام زوجك اعرف انها هي من تظلمك لكن هناك عجائز الغيرة من الكنة تخليها تعمل هذا الشيء المهم احسني معاملة زوجك وام زوجك واصبري نعم اختي اصبري فالصبر مفتاح الفرج واياك والطلاق فانه خراب البيوت خاصة وقد اصبح الطلاق لاتفه الاسباب
اكثري من الصلاة والاستغفار وادعي الله ان يؤلف بين قلبك وقلب ام زوجك وان يحفظكم جميعا هذه نصيحتي الغالية لك فاقبليها

هذا هو مكتوب مثل مايقلون وليس كما قالت ام زوجي انا لجبتك ولكن مكتوب كتب هاك وهذا ربي صح ولكي الحق ما قلتي وصح لازم عليا نصبر شكرا على نصيحة وعلى رد اشكركي كثيرا ربي يعطيك ما تتمناي