الزوجة وطقم الاسنان [الأرشيف] - منتديات الجلفة لكل الجزائريين و العرب

(( هبة الرحمن ))

2013-12-23, 06:41

السلام1

ساحكي لكم واقعا ...منذ يومين ذهبت زوجة عمي رفقة والدتي(ربي يحفظها) لخطبة فتاة لابن عمي....(زواج تقليدي ما يعرف البنت ماتعرفه) وبعد رجوعهما الى بيتنا جلست زوجة عمي وكان ابنها برفقة اخي في الغرفة المقابلة....سالتها...يادرا؟؟ عجبتكم البنت وناسها..ووووووو

قالت زوجة عمي ..مليحة..ثم التفتت الى الوالدة وقالت..جابلي ربي دايرة فم( يعني طقم اسنان)..فانفجر اخي وابن عمي ضاحكين

وقال الابن بهذه العبارة ( علاه وخضتيني فالقاطو والورد)...مركبة اسنان نوضي والله مانديها.

******************

الحمد لله على نعمة الاسنان اللهم احفظها لي

يا بنات حافظن على اسنانكن فانهن جوهرة.

******************

المراة تقبل والرجل لا

اخي...هل يمكنك قبول امراة بطقم اسنان ( تقلعه وترده).....لا اقول بعد الزواج...فذاك امر وارد بمرور الوقت

(( هبة الرحمن ))

2013-12-23, 06:42

ارجو من الاخوة الالتزام بنص السؤال

راني عارفة درك من سنان يجي واحد/ة يصوطي للعاملة باسنان ونلاقو موضوع الاختلاط ووووووو( كاين اعضاء مخك يحبس معاهم).

zineb_saib

2013-12-23, 07:26

ارجو من الاخوة الالتزام بنص السؤال

راني عارفة درك من سنان يجي واحد/ة يصوطي للعاملة باسنان ونلاقو موضوع الاختلاط ووووووو( كاين اعضاء مخك يحبس معاهم).

ههههههههههههههههه :1: راني معاك في هاذي
ربي يعافينا ويحفظلنا أسنانا
انا وحدة من الناس منقبلش براجل مركب فم
بصح مع الوقت وبعد الزواج نورمال عادي بالعكس منزيدش عليه

ABDOU ELE

2013-12-23, 08:18

ارجو من الاخوة الالتزام بنص السؤال

راني عارفة درك من سنان يجي واحد/ة يصوطي للعاملة باسنان ونلاقو موضوع الاختلاط ووووووو( كاين اعضاء مخك يحبس معاهم).

ســــــــــــــــــــــــــــلام

اذا كانت عاملة لا اقبل بتاتا.....................:1:..............بعدتي الموضوع بزاف ما قدرناش نقربوه لموضوع العمل..............................:1:............ ..........انا ساقبل عادي لكن لو كانت فيها مواصفات اخرى تقنعني .............لاني اعلم انه اخرتها كامل بلا اسنان.............................لكن المهم لاتكون نكدية لاني لا احتمل........طبعا و لا تكون طبيبة اسنان :1::1:

(( هبة الرحمن ))

2013-12-23, 09:25

ســــــــــــــــــــــــــــلام

اذا كانت عاملة لا اقبل بتاتا.....................:1:..............بعدتي الموضوع بزاف ما قدرناش نقربوه لموضوع العمل...............الله يعطيك مرا لي تشربك المر...............:1:......................انا ساقبل عادي لكن لو كانت فيها مواصفات اخرى تقنعني .............لاني اعلم انه اخرتها كامل بلا اسنان.............................لكن المهم لاتكون نكدية لاني لا احتمل........طبعا و لا تكون طبيبة اسنان :1::1:

راني مع شغل الدار....طليت عرفت بلي نلاقاك هنا.
من بين الذين كتبت عنهم بالاحمر........ياسبحان الله رغم ان موضوعي بعيد تماما..وبشطارتك دخلت العاملة:1:ياويلي منك
اما عن النكد عند الف صح :19:

كلنا راحلون

2013-12-23, 10:15

سلام عليكم
الزوجة وطاقم الاسنان (http://www.djelfa.info/vb/showthread.php?t=1494437)
المرأة ان كانت في سن 35سنة فما فوق شيء عادي تفقد اسنانها اما اذا كانت في سن 25سنة معناها كانت مدمنة
لا اعرف ماذا يريد ابن عمك من اسنانها المهم شطارة وصنعت اليدين واهتمام
كم انت مسكينة يا مرأة مع مجتمع لا يرحم

djamel123

2013-12-23, 10:42

هل يمكنك قبول امراة بطاقم اسنان ( تقلعه وترده)

سواء كان الفم يتقلع أو مايتقلعش
ممكن تقبل الامر
لكن اذا خبرتني بهذا قبل الزواج
(مش نتزوج ومبعد نتفاجأ بفمها محطوط قدامي )

Loulita Ben

2013-12-23, 10:43

بكل صراحة عن نفسي لن أقبل بذلك
لكن ربما يكون هناك شيء أخر يغطى على هذا المشكل
بصراحة أنا جد مستغربة فتاة بعمر الزهور لا تملك أسنان ؟؟؟؟؟؟؟؟؟؟؟

(( هبة الرحمن ))

2013-12-23, 11:07

سواء كان الفم يتقلع أو مايتقلعش

ممكن تقبل الامر
لكن اذا خبرتني بهذا قبل الزواج
(مش نتزوج ومبعد نتفاجأ بفمها محطوط قدامي )

اضحك الله سنك.....ضحكت حتى سمعتني الوالدة وسالتني عن سبب الضحك...اخبرتها..جات معاك وقاتلي هكذا الرجال ولا خليك:19:

(( هبة الرحمن ))

2013-12-23, 11:11

سلام عليكم
الزوجة وطقم الاسنان (http://www.djelfa.info/vb/showthread.php?t=1494437)
المرأة ان كانت في سن 35سنة فما فوق شيء عادي تفقد اسنانها اما اذا كانت في سن 25سنة معناها كانت مدمنة
لا اعرف ماذا يريد ابن عمك من اسنانها المهم شطارة وصنعت اليدين واهتمام....تخاف لا سنان لا شطارة
كم انت مسكينة يا مرأة مع مجتمع لا يرحم

وعليكم السلام

الاسنان ليست بالسن بل بقوة المحافظة عليها والاهتمام بجمالها
ماذا يعمل بأسنانها؟؟؟.....عجيب والله يكفيه ابتسامة جميلة.

(( هبة الرحمن ))

2013-12-23, 11:15

ههههههههههههههههه :1: راني معاك في هاذي
ربي يعافينا ويحفظلنا أسنانا
انا وحدة من الناس منقبلش براجل مركب فم
بصح مع الوقت وبعد الزواج نورمال عادي بالعكس منزيدش عليه

امين ...الاسنان نعمة قل من يدرك ذلك
صار ماتقبليش واح مهدودين سنيناتو؟؟؟

(( هبة الرحمن ))

2013-12-23, 11:18

بكل صراحة عن نفسي لن أقبل بذلك
لكن ربما يكون هناك شيء أخر يغطى على هذا المشكل
بصراحة أنا جد مستغربة فتاة بعمر الزهور لا تملك أسنان ؟؟؟؟؟؟؟؟؟؟؟

نتي ثاني ماتقبليش.
لاتستغربي كثيرات من اضعن اسنانهن

(( هبة الرحمن ))

2013-12-23, 11:21

اما انا ماعنديش مشكل نقبل...بصح كي يكون قدامي لازم يكون باسنانه..وحده الله يسهل عليه.

عبييير

2013-12-23, 11:36

السلام عليكم
ضحكتيني يا أختي سانديبال
ربي يجيب الخير

(( هبة الرحمن ))

2013-12-23, 11:38

السلام عليكم ورحمة الله

إن لم يكن الأمر متعلقا بمرض خفي فالأمر عادٍ بالنسبة لي المهم أن تكون أختًا سلفية وجميلة .. '' ليس أمرا صعبا في ظني "
بالتوفيق .

وعليكم السلام ورحمة الله وبركاته

أختًا سلفية وجميلة ....اسهل مايكون
كلمة سلفية عميقة المدلول ....اجعلها ملتزمة... في زماننا اصعب شيء ان يكود العبد ملتزما..اليس كذلك؟؟
فتح الله عليك

رحمة من المولى

2013-12-23, 11:42

المشكل انو مش هيا اختارت تقلع اسنانها ربي سبحانو ابتلاها و هذا ما يضرهاش اكثر من انها تعرف انو بطلو منها على جال اسنانها
و الله الالم النفسي أشد وقعا من الألم الجسدي

(( هبة الرحمن ))

2013-12-23, 11:44

السلام عليكم

ضحكتيني يا أختي سانديبال
ربي يجيب الخير

يزيدني فخرا ان ادخل السرور الى قلبك..
سئمنا المشادات الكلامية والحوارات العقيمة بين الاخوة.

(( هبة الرحمن ))

2013-12-23, 11:47

المشكل انو مش هيا اختارت تقلع اسنانها ربي سبحانو ابتلاها و هذا ما يضرهاش اكثر من انها تعرف انو بطلو منها على جال اسنانها
و الله الالم النفسي أشد وقعا من الألم الجسدي
هكذا هم الرجال يحبون المراة كاملة مكمولة.

(( هبة الرحمن ))

2013-12-23, 12:37

لكنّي أجده أصعب ما يكون هلاّ دللتني على واحدة إن كان الأمر بهذه السهولة ولك الأجر الكبير والشكر الجزيل

موفقة ..........

ادل اخي ولم لا...ياسعده اللي يدير الخير...لكن بعد الزواج لاتلومني .....
يبقى المشكل في بعد المسافة بيننا حوالي 670 كلم...

ailemak

2013-12-23, 13:14

لكن العلم تطور و كاين راهم يديرو أسنان ثابتة,غابتلها هادي ولا واش????
و نقولكم حاجة,في زماننا هذا كلش راهو راشي تلقاهم صغار لكن يعانون من آلام الظهر و المفاصل و و و ,لذلك أنا لم أستغرب و ماشي مسألة إدمان
نقولكم حاجة و الله العظيم أنا في هذي صح إندهشت, في 2011, إمرأة جابت إبنتها الرضيعة للمخبر لعمل التحاليل على الكلى, و بعد إجراء التحاليل إتضح لنا أن كل أنواع الحصى الكلوي موجودة لديها و هذه الظاهرة الأولى,عادة نجد نوع واحد فقط
و احدة أخرى صغيرة أيضا 4 سنوات عندها الضغط !!!!!!!!عجيب وقتنا هذا
إذن خلاصة القول أنه كل شيء ممكن في هذا الزمان ,فلا تستغربوا
و الأخت قوليلها يا أختي ساندي باش تتفاداي الإحراج دير des dents fixes

(( هبة الرحمن ))

2013-12-23, 13:36

لكن العلم تطور و كاين راهم يديرو أسنان ثابتة,غابتلها هادي ولا واش????

إذن خلاصة القول أنه كل شيء ممكن في هذا الزمان ,فلا تستغربوا
و الأخت قوليلها يا أختي ساندي باش تتفاداي الإحراج دير des dents fixes
:dj_17:

اهلا بك في موضوعي ....سعيدة بردك
صح زمن العجائب...تعلمين لماذا؟؟؟؟؟ الرضاعة الطبيعية معظم النساء تخلين عنها لانهن يجهلن فوائدها للام والرضيع
الاسنان المثبتة غالية ...سنة 8000 دينار بالاك ماعندهاش.

(( هبة الرحمن ))

2013-12-23, 13:42

لن نعدم الوسيلة ... ' المهم أن نجد الضالة '

ليست تلمسان سنزيد 100 كلم(؟؟؟؟؟؟؟؟؟؟؟)
يعني الاقارب راحو...................
ان شاء الله تجد الضالة وتستظل بها.

ailemak

2013-12-23, 13:57

:dj_17:

اهلا بك في موضوعي ....سعيدة بردك
صح زمن العجائب...تعلمين لماذا؟؟؟؟؟ الرضاعة الطبيعية معظم النساء تخلين عنها لانهن يجهلن فوائدها للام والرضيع
الاسنان المثبتة غالية ...سنة 8000 دينار بالاك ماعندهاش.

يا أختي كون تحس تنحي الدراهم من جهازها و ديرهم,خاصة بعد لي تسمع أنهم بطلو على هذا الشي
عندك الحق,و تاني لأسباب أخرى كثيييييرة:19:

(( هبة الرحمن ))

2013-12-23, 14:28

مهما يكن كل الجزائر يمكنني الوصول إلى أرجائها والظفر بمن أسعى لها هات الدّال يدلّ ..

عفوا هي من تستظل بي ولا عكس

تستظلان.....الستما واحدا.
ولا تلك الولاية .....اخر فرصة سياحية بامتياز.

(( هبة الرحمن ))

2013-12-23, 14:33

يا أختي كون تحس تنحي الدراهم من جهازها و ديرهم,خاصة بعد لي تسمع أنهم بطلو على هذا الشي
عندك الحق,و تاني لأسباب أخرى كثيييييرة:19:
ليس كل الناس يفكرون هكذا....الم تلاحظي ان النساء يفضلن الذهب على اشياء اكثر فائدة وتطورا.
لكن اين رايك...هل تقبلين برجل بلا اسنان؟؟؟؟؟؟؟؟؟

(( هبة الرحمن ))

2013-12-23, 15:27

أقرب مكان قرب البحر بالنسبة لبشار تلمسان وهران عين تموشنت مستغانم فهل هناك من تهوى لها النفس فأهوي إليها ..

واحدة من هذه الاربع...ولا داعي للافصاح عنها علنا
ربي يوفقك اخي

ailemak

2013-12-23, 15:44

ليس كل الناس يفكرون هكذا....الم تلاحظي ان النساء يفضلن الذهب على اشياء اكثر فائدة وتطورا.
لكن اين رايك...هل تقبلين برجل بلا اسنان؟؟؟؟؟؟؟؟؟

الحقيقة يا أختي العزيزة,إذا كانو fixe, عاي ما في مشكلة,ويلا كان طقم فلاااااا و ألف لاااااااااااا
نخااااااف,تاني يجي يعطس يطيرو في وجهي:1:

نجمة الصبح

2013-12-23, 15:45

(( هبة الرحمن ))

2013-12-23, 16:07

الحقيقة يا أختي العزيزة,إذا كانو fixe, عاي ما في مشكلة,ويلا كان طقم فلاااااا و ألف لاااااااااااا
نخااااااف,تاني يجي يعطس يطيرو في وجهي

المشكل الخطابة واعرين الا عطست يقولو عندها الحساسية ومريضة:sdf::sdf:

(( هبة الرحمن ))

2013-12-23, 16:13

السلام عليكم

مسكيييييييينة الطفلة ,,,,,,نقلك حاجة المرة القادمة أنت أعطي حبة جوز لزوجة عمك تديها معاها وتطلب من الطفلة تكسرها باسنانها لتقطع الشك باليقين

ايييييييه من كثرة الغش في هد الزمان ناسو رجعوا يشكو في كل شئ حتى في الابتسامة

موضوعك شيق بوركت
الوالدة قاتلي بكري يجلسو حدا الطفلة ويقرصوها الا صبرت. يدوها والا مسكينة وجعوها وصرخت ماشي صبارة.
بصح انا تقرصني نقرصها:19:

الحلم الجميل

2013-12-23, 17:15

.(هناك مرض يصيب اللثة هو الذي يؤدي بالفتاة
الى نزع اسنانها رغم صغرها في السن.).
اما عن موضوع الزواج انا صراحة اذا كان زوج كما اتمناه في اخلاقه و معاملته لي و احترامه لي
((ماشي قالع سنانه و يزيد يمرر لي حياتي..:24:))
اقبل عادي و ساتعود بمرور الوقت المهم اكون على علم يعني يخبرني قبل
ماشي بعد الزواج يحطه قدامي في الطابلة..
و لا نشوفه قالعه و يغسل فيه :sdf:

(( هبة الرحمن ))

2013-12-23, 18:16

ماشي بعد الزواج يحطه قدامي في الطابلة..[/SIZE]
و لا نشوفه قالعه و يغسل فيه :sdf:

شفتي انا تبانلي مليحة
ياكل غير الحريرة والشربة تريحي من طياب كثري غير المرقة ما ينجمش يمضغ غير يبلع برك .م:19::19::19::mh31::mh31::mh31::mh31:

مياسم الصمت

2013-12-23, 19:26

(( هبة الرحمن ))

2013-12-23, 19:46

أضحك الله سنك يا ساندي
والله أقرأ وأضحك من غريب موقف

شر البلية ما يضحك

موقف لم ولن أتخيله في حياتي

لكن هؤلاء الأهل يا ساندي هلا تأكدوا

أحيانا لا يمكن التمييز بين طقم الأسنان والاسنان الطبيعية

[HTML]
اشكرك جزيل الشكر ...تسعدني ملاحظات زملائي القيمة.
اما عن الموضوع هي حقيقة او شر لابد منه البنت غير شوية يفوتوها فالسكانار بلاك مصرانها عوج...ليسطومة دايرة...كبدة مشرومة....كلوة ملوية بزاف.... رية منتفخة ...وهلم...تحسبي ولادهم ماخلاوش:rolleyes::rolleyes:نجوم:1::1:ديجا وليد عمي مجقلب
يالطيف

رانيا لوك

2013-12-23, 20:12

هههههههههههههههههه مالله عندو الحق ما يديهاش

عطوفة

2013-12-23, 20:24

(( هبة الرحمن ))

2013-12-23, 20:42

آه آه منك ياساندي راني لقيتك هناااااااااااااااااا.وانا نقول وراها تروح ؟؟
حابتك تشديلي موعد مع طبيبة الاسنان .. عندي ثلاثة ولاا ربعة ضروس راهم دايرين في الباطل حبيت نحيهم ونتهنى
ما تنسايش غدوة يعيشك ..بصح نحب تروحي معايا...راني نخاف من لبرة ........آآآآآآآآآآآآآآآآآآآآآآآآآآ ي.... آآآآآآآآآآآآآآآآآآآآآآآآآآآآآآي ..

شفت النشاط....العطلة خرجت علي مليح ...ساعة كوزينة....ساعة نت....تامني حاسوبي راني نحطه معايا فوق الطابلة فالكوزينة...نغسل فنجال ونطل....نقلب فاطاجين ونكتب....بصح والله الدار مليحة وراحة.
4 ضروس قاع واللحم شكون ياكله؟؟؟؟؟؟؟؟؟
معلمة تخاف ملبرة؟؟؟؟؟؟؟؟؟؟؟تبهديلة
راني بين القسم تاعنا وبين هنا....

(( هبة الرحمن ))

2013-12-23, 20:50

هههههههههههههههههه مالله عندو الحق ما يديهاش
تضحك باطل....خلصيني وجاوبي

هل تتزوجين برجل بدون اسنان؟

عطوفة

2013-12-23, 21:12

شفت النشاط....العطلة خرجت علي مليح ...ساعة كوزينة....ساعة نت....تامني حاسوبي راني نحطه معايا فوق الطابلة فالكوزينة...نغسل فنجال ونطل....نقلب فاطاجين ونكتب....بصح والله الدار مليحة وراحة.
4 ضروس قاع واللحم شكون ياكله؟؟؟؟؟؟؟؟؟
معلمة تخاف ملبرة؟؟؟؟؟؟؟؟؟؟؟تبهديلة
راني بين القسم تاعنا وبين هنا....

غزيزتي ساندي استمتعي بعطلتك .
وانقلك راني كيفك اصبحت مدمنة على المنتدى.خايفة في هذي العطلة ننسى شغل الدار وانتي تعرفي واش يصرى من بعد .
ما تفيدني لا سنين ولا حتى طقم اسنان ولا هم يحزنون.
ربي يستر برك .
ليلتك سعيدة ....:d:d:d:d:d:d:d:d:d:d:d:d:d:d

مياسم الصمت

2013-12-23, 21:38

يا ساندي
راكي من منتدى الحياة الزوجية عييتي باش تخرجي

غير الخير ناوية عليها الصيف هاذي ههههههههههههه

(( هبة الرحمن ))

2013-12-23, 22:12

يا ساندي
راكي من منتدى الحياة الزوجية عييتي باش تخرجي

غير الخير ناوية عليها الصيف هاذي ههههههههههههه
ناوية فاصيف ...رجلي على رجلك...كيف كيف ولا ماكانش
هاذوك الناس.....رفضت....راكي معولة تقضي علي فالصيف:rolleyes::rolleyes:خبريني نحضر روحي ياك زواج ساعة تدبارو عام
صح راني من منتدى الحياة الزوجية ( نعيشو معاهم الحياة الزوجية الافتراضية)..نعرف الجنس الخشن كيفاش يفكر ...بصح كاين لي صح خشن..والله العظيم خطرات يخوفوني بخرجاتهم....تحسبي راني فالمريخ
كاين موضوع غريب روحي قرايه ...رديت عليه(خطيبتي والحرقوس..منتدى المشاكل الاج)

ahmed 31

2013-12-23, 23:03

(( هبة الرحمن ))

2013-12-23, 23:23

السلام عليكم،

أنا عن نفسي إذا كان فيها قاع الصفات وجات غي في الأسنان ماشي مشكل أنا مستعد نديرلها الأسنان الثابتة و لي يجوا في خاطرها، المهم تصارحني من الأول هذا ماكان،
شكون راه ضامن روحه في هذه الدنيا،
أعجبني موضوعك و الذي زاده جمالا هذه الجملة التي قلتها،

[QUOTE=ساندبال;1055241871]....بصح والله الدار مليحة وراحة.[/size]

الله يعينكم أجمعين.

وعليكم السلام
كي صرالك ...انا قلت صبت صليحة الصالحة(فولت عليك سموها صليحة)....يادرا كاش جديد؟؟ 2014 باقيله ساعات ؟؟؟
هديك الحمرة حقيقة ..والله البرد والتبروري والتعب مالفوق عيينا.....
سلام..

ahmed 31

2013-12-23, 23:34

[quote=ahmed 31;1055243298]السلام عليكم،

أنا عن نفسي إذا كان فيها قاع الصفات وجات غي في الأسنان ماشي مشكل أنا مستعد نديرلها الأسنان الثابتة و لي يجوا في خاطرها، المهم تصارحني من الأول هذا ماكان،
شكون راه ضامن روحه في هذه الدنيا،
أعجبني موضوعك و الذي زاده جمالا هذه الجملة التي قلتها،

وعليكم السلام
كي صرالك ...انا قلت صبت صليحة الصالحة(فولت عليك سموها صليحة)....يادرا كاش جديد؟؟ 2014 باقيله ساعات ؟؟؟
هديك الحمرة حقيقة ..والله البرد والتبروري والتعب مالفوق عيينا.....
سلام..

مع العمل راكي تعرفي، ولكن كان كاين مشكل ما قدرتش ندخل للمنتدى هذا وين، مافهمتش علاه،
مالقيت لا صالحة لا والو، مليح سهلتيلي المهمة نحوس على صالحة وصايي،
2024 و إذا فرات،
كلشي بالمكتوب،
الله يحسن العون،
ماكاش كي الدار في هاذي عندك الحق،

(( هبة الرحمن ))

2013-12-23, 23:44

[quote=ساندبال;1055243457]

مع العمل راكي تعرفي، ولكن كان كاين مشكل ما قدرتش ندخل للمنتدى هذا وين، مافهمتش علاه،

مالقيت لا صالحة لا والو، مليح سهلتيلي المهمة نحوس على صالحة وصايي،

2024 و إذا فرات،

كلشي بالمكتوب،

الله يحسن العون،

ماكاش كي الدار في هاذي عندك الحق،

مشكل تصفح المنتدى عنده 10 ايام .
ان شاء الله كي ليوم..تلقاها كيما تمنيت المليحة دايما ربي يكملها ...زين نيتك وخليها على ربي
2024 تزوج في وقت واحد مع تلاميذي...قلع 2 وحط1
ربي يسهل

ahmed 31

2013-12-23, 23:49

[quote=ahmed 31;1055243538]

مشكل تصفح المنتدى عنده 10 ايام .
ان شاء الله كي ليوم..تلقاها كيما تمنيت المليحة دايما ربي يكملها ...زين نيتك وخليها على ربي
2024 تزوج في وقت واحد مع تلاميذي...قلع 2 وحط1
ربي يسهل

إن شاء الله للجميع،
هذا حل شباب نشوف من تلاميذك وصايي!!!!!!!
هذا ماكان الإنسان يسعى و الباقي على ربي،
مشكورة وربي يعطيك ماتتمني.
سلام.

عزيز قوم لكنه ذل

2013-12-23, 23:50

مشكلة في النسا ما يعرفوش نقاط القوة اللى عندهم ، عندهم فهامة واحدة ، يكفى برك تكونى عاقلة والأنوثة قوية وصادقة يا لو كان مركبة الاوتاد ،، كاين اللى يحوس غير على واحدة تستره وما تخدعش وتكون تاع دار هذا مكان ، يا بن عمي هبلتونا

(( هبة الرحمن ))

2013-12-24, 00:12

مشكلة في النسا ما يعرفوش نقاط القوة اللى عندهم ، عندهم فهامة واحدة ، يكفى برك تكونى عاقلة والأنوثة قوية وصادقة...الحمد لله يا لو كان مركبة الاوتاد ،، كاين اللى يحوس غير على واحدة تستره وما تخدعش هو ونيته وقربه من ربي وتكون تاع دار هذا مكان ، يا بن عمي هبلتونا سلامة عقلك

والزعاف علاه؟؟؟انا حكيتلم اللي صرا
الاوتاد شكون الخاسر.. غير انت...يولو يعيطولك زوج ام الاوتاد.
(اسمك المستعار المني واحزنني) عندك ربي عمرك ولا تنذل.
ربي يفتح عليك

عزيز قوم لكنه ذل

2013-12-24, 12:36

][/color]والزعاف علاه؟؟؟انا حكيتلم اللي صرا
الاوتاد شكون الخاسر.. غير انت...يولو يعيطولك زوج ام الاوتاد.
(اسمك المستعار المني واحزنني) عندك ربي عمرك ولا تنذل.
ربي يفتح عليك

الزعاف نقولك اعلاه : انا اول مرة ندخل هذا القسم ، بالاول كنت فاهم نلقى مواضيع رومانسية ، فيلم هندي ، بصح غير دخلت لقيت افلام الرعب " هيتشكوك " ، واحدة تقولك اعلاه الراجل ما يتزوجش مختلة عقليا ، وواحدة تقولك اعلاه ما يتزوجش معاقة جسديا وانتى تحكى على واحدة فمها طايح ، يعنى في عوض ما نقرا مواضيع تمس القلب يلقيت مواضيعكم مست مخي ،
وثانيا ام الاوتاد اذا اتوفرت فيها الشروط اللى نتمناهم ما يهمنيش ، وديري في بالك حتى واحد ما راه سالك مالتمنشير ، الزين والشين يهدرو فيه وقالها الشاعر زمان
لا يسلم الشرف الرفيع من الأذى حتى يراق على جوانبه الدم
وثالثا اسمي المستعار نظن كلنا نعانو نفس الحالة ، وكل واحد مغبون في حياته اما في داره واما في الخدمة واما في الشارع وحتى واحد ما راه حاس بالراحة والأمن في حياته والأمثلة بزاف
هذا رأيي والسماح بيناتنا
ملاحظة : لونت لك بالاحمر اذا بغيتي تردي ،

(( هبة الرحمن ))

2013-12-24, 13:07

الزعاف نقولك اعلاه : انا اول مرة ندخل هذا القسم ، بالاول كنت فاهم نلقى مواضيع رومانسية ، فيلم هندي ، بصح غير دخلت لقيت افلام الرعب " هيتشكوك " ، واحدة تقولك اعلاه الراجل ما يتزوجش مختلة عقليا ، وواحدة تقولك اعلاه ما يتزوجش معاقة جسديا وانتى تحكى على واحدة فمها طايح ، يعنى في عوض ما نقرا مواضيع تمس القلب يلقيت مواضيعكم مست مخي ،

وثانيا ام الاوتاد اذا اتوفرت فيها الشروط اللى نتمناهم ما يهمنيش ، وديري في بالك حتى واحد ما راه سالك مالتمنشير ، الزين والشين يهدرو فيه وقالها الشاعر زمان
لا يسلم الشرف الرفيع من الأذى حتى يراق على جوانبه الدم
وثالثا اسمي المستعار نظن كلنا نعانو نفس الحالة ، وكل واحد مغبون في حياته اما في داره واما في الخدمة واما في الشارع وحتى واحد ما راه حاس بالراحة والأمن في حياته والأمثلة بزاف
هذا رأيي والسماح بيناتنا
ملاحظة : لونت لك بالاحمر اذا بغيتي تردي ،

سلام
صح اخي...بصح الرومنسية في المنتدى تفهم بالمقلوب..لازم تكون معقولة ولا تخدش الحياء.
شخصيا أي موضوع اكتبه او رد يكون من الواقع..خاطيني الاحلام الوردية
حقيقة يوجد مواضيع ؟؟؟؟؟؟؟؟؟؟؟؟هذا متخلف...وهذه........
اما عن اسمك....احب المتفائلين...حتى اسمي فيه البراءة
اخي لي عندك رجاء ..قم بتحميل الموضوع الذي اضعه على توقيعي...واخبرني برايك.
اشكرك لانك منحتني من وقتك.

سميكة

2013-12-24, 14:13

سواء كان الفم يتقلع أو مايتقلعش
ممكن تقبل الامر
لكن اذا خبرتني بهذا قبل الزواج
(مش نتزوج ومبعد نتفاجأ بفمها محطوط قدامي )

الأشكال راهوا هنا??????مايقولوش الصح حتى تطفر ????????أنا عندي نورمال المهم مايقعادش فرماش بشرط يخبرني....

(( هبة الرحمن ))

2013-12-24, 17:26

الأشكال راهوا هنا??????مايقولوش الصح حتى تطفر ????????أنا عندي نورمال المهم مايقعادش فرماش بشرط يخبرني....
صح الصراحة هي الاساس..احيانا بصراحة الاخرين نتقبل الامور ولو كانت كبيرة وبالكذب لانتسامح حتى وان كانت الكذبة الصغيرة.

etthr

2013-12-24, 18:49

تحيييييييييييييييييييييييييييييييية
صحّيتو صحّيتو...
شبعتوني ضحك اليوم
الله يسعد أيامك ياساندي عالموضوع

(( هبة الرحمن ))

2013-12-24, 19:00

تحيييييييييييييييييييييييييييييييية
صحّيتو صحّيتو...
شبعتوني ضحك اليوم...
الله يسعد أيامك ياساندي...امين عالموضوع
يعطيك الصحة....استاذي لازم نضحكك باقيلك شهر وتموت:19: ياك انت قلتها.

(( هبة الرحمن ))

2013-12-24, 19:23

وعليكم السلام ورحمة الله وبركاته
نعم اخي ..تفضل بسؤالك

سفير الأيام

2013-12-24, 19:28

ناس تحوس على التربية والقلب الصافي

وناس تحوس على ........................ سمحولي ما نجمش نعبر

بالنسبة لي نحب يكتبلي ربي على حساب قلبي

وعقليتي

مركبة فم ............ ما تخلعش بزينها هاديك حاجة تخصني وحدي

الاهم استطيع ان اخرج من البيت وانا اعلم ان لي زوجة لا يروضها الف دئب

(( هبة الرحمن ))

2013-12-24, 19:48

الاهم استطيع ان اخرج من البيت وانا اعلم ان لي زوجة لا يروضها الف دئب

في هذه الحالة لازم بنت عايلة
بالتوفيق

ailemak

2013-12-24, 19:53

ههههههه والله ياساندي أسلوبك يعجبني,وقت الجد جد و قت المزاح تاني نلقاوك
تعرفي ساندي ,راني باغيا نعلق على les commentaires تاع بعض المشاركين,لكن خفت يسرالي كيما عام عام,
مي يا لالة راني غير نشوف أسمك نغني ساندبال أنا إسمي ساندبال

واش دورتيها خاطبة هههههه:1:

عزيز قوم لكنه ذل

2013-12-24, 20:00

سلام
صح اخي...بصح الرومنسية في المنتدى تفهم بالمقلوب..لازم تكون معقولة ولا تخدش الحياء.
شخصيا أي موضوع اكتبه او رد يكون من الواقع..خاطيني الاحلام الوردية
حقيقة يوجد مواضيع ؟؟؟؟؟؟؟؟؟؟؟؟هذا متخلف...وهذه........
اما عن اسمك....احب المتفائلين...حتى اسمي فيه البراءة
اخي لي عندك رجاء ..قم بتحميل الموضوع الذي اضعه على توقيعي...واخبرني برايك.
اشكرك لانك منحتني من وقتك.
على حساب مانى فاهم انتى مهتمة بالدين ، ومادامك مهتمة بالدين يشرفني ونتمنى منك تنظمي للأكاديمية الإسلامية كطالبة وسجلي الليلة معانا لأن الإختبارات على الأبواب ، وصدقيني سجلي ورايحة تلقي ما يسرك ، واذا لقيتي اي مشكل ادخلى للمنتدى تاع الاكاديمية تلقي واحدة اسمها سندس وهى توجهك http://islamacademy.net/

عماد المحب

2013-12-24, 20:03

السلام عليكم ورحمة الله وبركاته
هناك امور وشروط لايتنازل عنها وهناك امور عابرة في مقدور الانسان العادي تجاوزها ليعيش عيشة هنية

ايام الضياع

2013-12-24, 20:28

يقال ان الزواج مكتوب معناه باسنانها او لا ستتزوج بها

(( هبة الرحمن ))

2013-12-24, 20:55

على حساب مانى فاهم انتى مهتمة بالدين .....فرض كل واحد منا التفقه في دينه، ومادامك مهتمة بالدين يشرفني ونتمنى منك تنظمي للأكاديمية الإسلامية كطالبة وسجلي الليلة معانا لأن الإختبارات على الأبواب ، وصدقيني سجلي ورايحة تلقي ما يسرك ، واذا لقيتي اي مشكل ادخلى للمنتدى تاع الاكاديمية تلقي واحدة اسمها سندس وهى توجهك http://islamacademy.net/

سافعل باذن الله...
اشكرك

(( هبة الرحمن ))

2013-12-24, 21:00

السلام عليكم ورحمة الله وبركاته
هناك امور وشروط لايتنازل عنها وهناك امور عابرة في مقدور الانسان العادي تجاوزها ليعيش عيشة هنية

وعليكم السلام ورحمة الله تتعالى وبركاته
احيانا تدخل الاهل يعكر صفو الخطبة.

(( هبة الرحمن ))

2013-12-24, 21:13

ailemak

ههههههه والله ياساندي أسلوبك يعجبني,وقت الجد جد و قت المزاح تاني نلقاوك
تعرفي ساندي ,راني باغيا نعلق على les commentaires تاع بعض المشاركين,لكن خفت يسرالي كيما عام عام,
مي يا لالة راني غير نشوف أسمك نغني ساندبال أنا إسمي ساندبال......ديري رايك فيا صح
واش دورتيها خاطبة هههههه:1:تسكت ولا لا

ياساندي أسلوبك يعجبني,وقت الجد جد و قت المزاح تاني نلقاوك
...هذه الايام راني نقرا في كتاب شباب ( ساعة و ساعة)لمحمود المصري علاذاك المورال طلع.
:mh31:

النجمة القطبية

2013-12-24, 21:32

تحول الموضوع الى اعلان على الاسنان يا سلام كامل عندنا اسنان ايا مليح :D:D
صراحة يا ساندي فم مركب صعبة شوية على الاقل فيكس اغلى لكن اسلم مش خسارة يعنى عادى تروح تخدم اسنان اخر تكنولوجيا وتولي ولا الملكة :D:D دعاية مجانية لاطباء الاسنان
على فكرة ما نوع معجون اسنانك == ضحكة ==
عندى ملاحظة المرة اللى فاتت كنت نقرا في موضوعكم العاملة واذا باحداهن تتكلم عن الهاء المتكررة او ما يسمى بالقهقهة قالت عندها معنى كبير ولا ادرى ماذا وحوسو عليها في القاموس درك ياك الهاء المتكررة ضحكة او مجرد تعبير كيفاه ولات حاجة كبيرة توسوست الصراحة ورحت للموسوعة نحوس ما لقيت والوا :rolleyes:

kaderkader1541

2013-12-24, 22:07

الحمد لله صار خير أنه علم من قبل
تحضرني نكتة عن زوج تزوج زوجة و هي لا تعلم انه يشرب سجائر
فلما صار معا
أخذت الزوجة و نزعت شعرها
فراى الزوج ذلك فسألها : ما هذا
ردت : موصلة شعر ، علاش في شيئ
و بعد قليل نزعت العدسات
و رأى الزوج ذلك فسألها : انت مش لون عينك أخضر
ردت : لا ، علاش في شيئ
و بعد زمن نزعت طقم أسنانها على حد قولك يا ساندبال
فرأى الزوج ذلك فسألها : ما هذا
ردت : مركبة أثــنان، علاث في ثي
و شوية و طلع الزوج سيجارة و بدأ التدخين
و اذا بالزوجة تقول له : انت بتثــرب ثجائر
قال لها واااه بثرب ثجاير و بثرب حثيث و بأتل حبوب و بثكر ثاني علاث في ثي

(( هبة الرحمن ))

2013-12-25, 11:50

تعرفي ساندي ,راني باغيا نعلق على les commentaires تاع بعض المشاركين,لكن خفت يسرالي كيما عام عام,

خطيني ياك انت غير تنطقي ...ينزل عليك وابل من .......

اختي الكريمة دخلت استطلاع الماكثة والعاملة...قلت اقرا ردود الاخوة....يا ليتني لم اقرا تألمت كثيرا وتملكتني الحسرة لما قراته من تعميم بفساد اخلاق العاملة ووووووو للاسف الشديد.

(( هبة الرحمن ))

2013-12-25, 11:54

على فكرة ما نوع معجون اسنانك == ضحكة ==...aqu
عندى ملاحظة المرة اللى فاتت كنت نقرا في موضوعكم العاملة واذا باحداهن تتكلم عن الهاء المتكررة او ما يسمى بالقهقهة قالت عندها معنى كبير ولا ادرى ماذا وحوسو عليها في القاموس درك ياك الهاء المتكررة ضحكة او مجرد تعبير كيفاه ولات حاجة كبيرة توسوست الصراحة ورحت للموسوعة نحوس ما لقيت والوا :rolleyes:

عادي صغريها في عينك تصغر.....تكبريها تكبر.
هي مجرد حرف لا غير.