اصبحت مطلقة

[narmine nor]

بعد ما عدت الى زوجي من وراء اهلي رجعت المشاكل على الدراسة بعد 23 يوم و ضغطو عليه انو يطلقني و طلقني و الان رجع يعتدر و يحاول يرجع بعد اسبوع من لي مضينا على الطلاق وش ندير فقدت الثقة فيه بعد مارحتل معاه من وراء اهلي و في الاخير رماني و طلقني.....
حايرة بزاف كل ما يكلمني لحمي يشوك وش ندير و هو يقلي ندماااااان و نرجعك احسن من اول

[naamane3]

الاستخارة ثم الاستخارة ثم الاستخارة

[نورالهدى بيولوجيست]

الاستخارة ثم الاستخارة ثم الاستخارة

الاستخارة هي الحل و نتي تعرفي ظروفك و انا نقول ربي يسهلك و يجمع شملكم الا كان خيرك فيه

[knives66]

هو انتم رعفين وش هو مشكل تاعكم ؟؟ الزوج مهمل يبقي مهمل لانوا لوكان مستعد من اول مكانش وصل موضوع لطلاق حل انك تدرسي موضوع مليح وشوفي ليسادك ولا لا

[مواطنة]

اختي استخيري الله تعالى ثم استشيري العقلاء لانو احيانا الوالدين يتخذو قرارات خاطئة فعندما يرون الصهر لا يعرف ان يظبط حياته لا يحاولون كسبه وعلاج الموضوع برفق بل يغلقون عليه الابواب و كعقوبة لرد اعتبارهم يمنعون البنت من الرجوع لزوجها و هذا كله عن حسن نية فالوالدين لا يريدون اعطاء فلذة كبدهم لرجل غير قادر على اسعادها و بل على اذلالها
اختي من وجهة نظري اذا زوجك حب يرجعك و انت قابلة و حابة تعيشي معاه في بالي ازيلي العقبات لي كانت من قبل لانك اذا رجعت لنفس الظروف الله اعلم اذا سيتغير الزوج بين ليلة وضحاها خممي مليح لانو من غير المعقول ان البنت تبقى كي الكرة مرة في دارها مرة في دار راجلها
و اذا حصل و قبلتي بالرجوع اسألي الامام كيف يستعيدك زوجك لانك قلت بلي مضيتي على الطلاق و هذا يتطلب معرفة الحكم الشرعي
الله يوفقك و يسدد خطاك

[sabrina el-chark]

لي طلقك ميستاهلش انك تزيدي تفكري فيه

[فانيسا]

اقطعي الاتصال بيه لمدة من الزمن وحاولي ترتبي امورك وخممي مليح بدون ضغوطات ولا تنسي الاستخارة واستشارة شخص رزين وفاهم يقدر يعاونك وربي يصلح احوالك

[hodahodahoda]

اكبر خطا العودة للزوج دون موافقة الاهل
سيراك وحيدة بدون سند