طلب مساعدة بخصوص لابيري [الأرشيف] - منتديات الجلفة لكل الجزائريين و العرب

ام ملاك.

2013-12-20, 17:19

شوفي حنونة نمدلك طريقتي تجي بنينة وانت جربي شوية وشوفي اذا عجباتك اعتمديها اذا ماعجباتكش ان شالله الاخوات يزيدو يفيدوك
كي تطيبي البطاطا ارحيها ننصحك ماترحيهاش بالميكسور https://encrypted-tbn2.gstatic.com/images?q=tbn:ANd9GcRElbHBzkA0BNz83fR3DlfdHibg2_SVp r506vIY2NUdok7_N5WBnwرايحة تولي رطبة بزاف وتتلاصق كاين طريقة بالاك تجيك ماشي نورمال مي نتيجتها روعة
بصح لازم تكون البطاطا سخونة يعني هذاك وين نحيتيها من النار جيبي الباتور الللي نضربو بيه البيض هذا
https://encrypted-tbn1.gstatic.com/images?q=tbn:ANd9GcTiWxvmrDwaH1-ObmKL1CpI4LG5hpz0_-Z5jztEzhPp93C5DwGn
رايحة تجيك لابيري نتاعو مثالية لاقصى درجة
كي تكملي ديري الزبدة عبلى حساب شحال طيبتي وزيدي الحليب وردعيه فوق النار وحركي ماتكثريش لحليب بزاف لاتجيك جارية عينك هي ميزانك
وديري الملح عنداكي تنسايه وذوقي واخر حاجة ديري رشة فلفل لكحل ورشة صغيرة جوزة الطيب شوية برك قيس ماتعقبيها مرة برك على لاراب وخلطي مليح واجبديها على النار
تلقاي لابيري نتاعك روعة وبنتها مانحكيلكش تاكليها وحدها بلا مرقة

نروحو للمرقة
ديري واش عندك لحم دجاج اذا حبيتي تقليهم مثلا ستيك واسكالوب نحيهم من المقلاة وزيدي على المقلا وين طيبتي شوية ماء وحركي فوق النار وذوقي شوفي واش تزيديلها اذا ناقصة ملح زيدي الملح و فلفل اسود وشوية قرفة وخليها تطيب باش تتخلط النكهات نتاع اللحم اللي طيبتيه وتخرج كامل
واذا ماحبيتيش تقلي اللحم
قطعيه مكعبات صغار قليهم بشوية بصلة وثومة وفلفل اسود وقرفة وملح اذا حبيتي احمر زيدي شوية طوماطيش بواطة
واذا حبيتيها بيضة خليها كيما هي مي نحي الثوم
وخليهم يطيبو فوق النار ومرقي قيس ماتغطي برك اللحم ويطيبلك وعسيه حتان يطيب
المرقة نتاع لابيري ديري بول نتاع شوربة تكفيك يعني ماشي كوكوط ولا قدرة لازم تجي غير شوية وثقيلة
وبصحتكم
https://encrypted-tbn0.gstatic.com/images?q=tbn:ANd9GcTOv8dC0awEWZBASGdSg-1Zy2jndv38gKvXCsA5-oxByI22CJ-X1w

ان شالله نكون افدتك اختي وماطولتش عليك هههه