تسجيل الدخول

مشاهدة النسخة كاملة : من فضلكم اعطوني وصفة tarte au citron

Maha-Sitoula
2013-12-17, 23:19
سلام عليكم يا العذرات انا جديدة هنا وحابة ندير tarte au citron من فضلكم عاونوني اعطولي وصفة مليحة
أم ياسين الزهراء
2013-12-17, 23:49
تفضلي

http://www.djelfa.info/vb/showthread.php?t=795763
ام ملاك.
2013-12-18, 00:54
نعطيك طرقتي ساهلة بلبزاف
فيها
العجينة
ديري حبة بيض مغرفة كبيرة سكر رشة ملح 125 غ زبدة باردة وفرينة قيس ماتلايميها ونص مغرفة صغيرة نتاع خميرة القاطو
تخلطي كلشي مع بعض ماتحتاجش ترتيب قبل لاتحطي الفرينة من بعد فرغي الفرينة وخلطي بطريقة تفتيت حتان تولي شادة روحها ماتكونش يابسة قيس برك ماتتلايم واذا عندك الميكسور خير ديري كلشي فيه وخليه يخلط بالتقطيع وحطيها في نيلون وخبيها في الثلاجة
نروحو لاكريم نتاعها
نص لتر حليب 3 صفار بيض لافاني كثري وسكر 5 مغارف كبار مايزينة (نشأ) ديري 3 مغارف كبار
خلطي كلشي مع بعض عالبارد وحطي فوق النار واقعدي خلطي حتان تعقاد وتولي ثقيلة نحيها وحطيها بجيه
اعصري 2 حبات قارص وفرغي فوق لاكريم واقعدي خلطي حتان يتجانسو و
درك اجبدي لعجينة نتاعك وفتحيها على قيس البلاطو نتاعك تقريبا تديك في بلاطو نتاع 25 سم
وكلعي الجوانب مليح مليح اثقبيها زيدي دخليها للفريجيدار تبرد 5 دقائق واجبديها حطي فوقها ورقة الطبخ وفرغي فوقها لوبيا ولا حمص يابسين باش كي تطيب ماتتنفخش
دخليها للفرن اللي تكوني شعلتيه قبل ماتبداي تخدمي لاتارت
كي تشوفيها حمارت شوية على الجوانب ونشفت اجبديها تقريبا واحد 15 دقيقة الى 20 انت تعرفي الفرن نتاعك المهم تلقايها طابت
اجبديها ونحي اللي حطيتيه فوقها
وفرغي لاكريم اللي خدمتيها اذا لقيتيها جمدت عاودي ضربيها برك بالباتور شوية تولي كيما كانت
طلعي لبيض نتاع البيض اللي بقى من لاكريم مع رشة ملح مليح حتان يولي كي الثلج من بعد زيديلو 2 مغارف سكر كبار اللي عندك
حتان يطلع مليح مليح من بعد زيني لاتارت من الفوق كيما حبيتي تحبي تفرغيها ديراكت ولا بلابوش ادوي
ودخليها للفرن شعلي غير من الفوق واحد خمس دقايق قيس تحمار شوية الميرانغ واجبديها خليها تبرد وقطعيها من بعد بصحتكم

ملاحظة: تحبي تكون لاكريم قارصة بزاف زيديلها تحبيها شوية نقصي يعني انت تتحكمي في القارص والسكر
ان شالله تعجبك
ام شرفو
2013-12-18, 01:24
http://www.djelfa.info/vb/showthread.php?t=1166199

http://www.djelfa.info/vb/showthread.php?t=1166199&highlight=tarte+citron

http://www.djelfa.info/vb/showthread.php?t=1364452&highlight=tarte+citron

http://www.djelfa.info/vb/showthread.php?t=1155845&highlight=tarte+citron
Maha-Sitoula
2013-12-18, 16:00
يعطيكم الصحة ربي يجازيكم ان شاء الله
قمر 77
2013-12-19, 18:55
السلام عليكي اختي انا دائما نديرها بالماء و تجي الذ بكثير الكريمة يعني ديري في كاسرونة ثلاثة صفار البيض خمس مغارف كبارسكر خمس مغارف كبار مايزينة بشر الليمون خلطيهم نصف كاس عصير الليمون ثلاث كيسان ونصف ماء ديريهم على نار خافتة حتى تخثار اذا جاتك حامضة زيدي السكر العجينة جربي هذي و رديلي الخبر روعة 25Ogمارقارين واحد ياغورت فانيلا نشفي بالفرينة حتى تقدري تحليها والبقية ديري كيما قالولك الاخوات كل طريقة عندها بنتها
dida88
2013-12-19, 21:43
اااااااااااااااااااااااااااام تبان بنينة اختي قمر نشالله راح نجربها نشالله يعطيك الصحة