عاونوني الله يرضى عليكم أنا خوكم

[مراد وهراني]

السلام عليكم يا اخوتي

كلكم تعلمون اننا في هذا المنتدى كالعائلة الكبيرة ونحن ماشاء الله كلنا اخوة وما رأيته في هذا المنتدى من الكلام الطيب والمساندة من الاعضاء لبعضهم البعض امر مفرح ومازال كاين الخير في ناس منتدى الجلفة

مشكلتي يا خواتي انني اريد الزواج عمري 31 سنة

أعمل كحارس أمن في مؤسسة خاصة واتقاضى مبلغ مالي لا باس به

ولكن حالتي المادية ليست مستقرة ولست بغني فانا من الطبقة المتوسطة

ولا يخفى عليكم تكاليف الزواج التي أصبعت كالجبال فوق رؤوس الشباب والمغالاة في الاعراس

وحتى غلاء المعيشة مما يحتم على البعض من ميسوري الحال الزواج بالمراة العاملة

لذا لن اكون منافقا واكذب

اريد ان اخطب فتاة تعمل في الولاية ادارة محاسبة ما يضهر لي منها انها دات خلق وهي متحجبة

هي من معارف صهري وقد شاورني في الامر وقال ان عائلتها عائلة محافضة

ولكن المشكلة هي ان احساسا داخلي يقول لي لا تتزوج بامراة عاملة

وفي نفس الوقت ضروفي صعبة

واقول ما هو الشيء السلبي في المراة العاملة

راني حاير ومدوخ ومارانيش عارف واش ندير نصائحكم عسى ولعل اجد معكم القرار الصائب

[كمال.غ]

إذا كانت ذات أخلاق توكل على الله و تزوجها

[متميز]

فادفر بدات الدين تربت يداك
كما قال رسول الله صلى الله عليه و سلم

[الفهد11]

يا اخي العزيز في هذه الامور واحد مايدبر عليك انت وقناعتك اذا كنت قانع بيها توكل على ربي وتقدملها

اما عن راي انا لا اقبل الزواج بالمراة العاملة في الادارة لان اغلب وقتها يكون في العمل والعمل اكيد راح يكون فيه رجال يعني راح تقضي وقتها مع زملائها الرجال من 8 الى 5 مساء اكثر مما تقضيه معك ا؟؟؟ وبعدها ان شاء الله راح يكون عندكم اطفال شكون راح يربيهملكم ؟اذا كنت تعمل انت في الليل وهي في النهار كيفاش راح تكون العشرة الزوجية بيناتكم ؟

اخي تقبل راي وسامحني على الاطالة

[مراد وهراني]

إذا كانت ذات أخلاق توكل على الله و تزوجها

انا لا اعرفها جيدا

ولكنني سالت عنها صهري وقال لي انها دو اخلاق

وسالت والدتي عنها بعض اقاربي وقالو ان عائلتها عائلة طيبة

المشكلة انني اريد زوجة عاملة وفي نفس الوقت هناك مساوئ كتيرة في المراة العاملة

[أم رمزي]

توكل علي الله أخي و تزوج ما لها المرأة العاملة كل شيء التفاهم و الوفاء عندما تكونو ا متفاهمين مع بعض و تكون بنت فاملية راهي

تأخد بيدك و تساعدك علي هذا الزمان و بشرط أن تكون لها الزوج الوفي .

[ام ملاك.]

توكل على الله يااخي
اذا كان الناس تشكر فيها وهي عازبة ومادارت والو معناها رايحة تكون نعم الزوجة ليك
وماكانش منها رايحة تخون ثقتك وانت زوجها باذن الله
ودير حاجة في بالك مش كل النساء العاملات مش ملاح
هكذا بالضبط راجلي كان يخمم وكي جاتني الفرصة باش نخدم رفض رفضا قاطعا لانو كان يخمم كيما انت ومع الوقت باباه تدخل في الوسط وكانت ظروفنا صعيبة شوي تقبل الفكرة بصح فوق قلبو وكيما كان الحال راني نخدم وشادة نيفي
درك تنحاتلو هديك العقلية
هي ماننكرش انو فيه نساء الله يهديهم بصح اللي مربية ومأصلة ماتخافش منها ابدا
توكل على الله ودير واش يقولك قلبك وعقلك احنا نمدو راينا برك والراي يبقى رايك
ربي يكتبلك اللي فيه الخير
نسيت صلي استخارة وربي اكيد يوريلك طريقك

[Dinho]

يا أخي أنا رأيي كرأي الاخ jaguar16

المرأة العاملة ما فيها خير صدقني

من يضمن لك أنها لن تخونك

وكما قال الاخ من قبل هي ستعمل 8 ساعات في الادارة يعني 8 ساعات مع الذئاب البشرية وربما قد تكون لها صداقات مع زملاء العمل

وزد على ذلك المرأة خلقت للبيت حيت انها سكن لك فانت يا اخي عندما تخرج من العمل وتعود لبيتك تجد الزوجة في انتضارك في ابهى خلة ويكون هذا اللقاء روعة

بعكس المراة العالمة التي تعيش ضغوطات في عملها وربما تتطرطق عليك انت عندما تدخل للبيت

والمراة العالمة تتعب نفسيا فكيف تريد منها ان توفر لك السعادة الزوجية

لدي صديق اوقف زوجته عن العمل بسبب مشاكلها التي تحكيها له كل يوم في عملها

كن رجلا يا اخي

[الحلم الجميل]

و عليكم السلام اخي
اسال نفسك قبل هل انت انسان غير شكاك هل انت متفهم لعمل و خروج زوجتك هل انت قوي الشخصية و لا تسمع و لا تتاثر بكلام فلان و فلان..
ان كنت كذلك فتوكل على الله ان كانت ذات خلق و ان كنت غير ذلك فلا تظلمها معاك
الزواج عشرة طويلة و يجب ان يكون الاساس و القاعدة متينة و ليست هشة و كلها شك ..
(قوي ثقتك بنفسك حتى تقدر تختار)
اسخير الله و ان شاء الله ربي ينور بصيرتك و تختار الي فيه الخير لك

[Napia]

الرزق من عند ربي سبحانه
كي يبارك فيه ربي تعيشو فاحسن حال و كي ما يبركش فيه لوكان تخدمو في زوج

[عبد الحميد1976]

عليك بالاستخارة ما ندم من استخار

[أم الحارث]

وهل الإختلاط محرم فقط على غير العفيفات

النصوص واضحة والإختلاط محرم على جميع النساء سواء كانت متخلقة أو غير ذلك

قال رسول الله صلى الله عليه وسلم:
(لا يخلون رجلٌ بامرأة إلا ومعها ذو محرم) . ولقوله عليه الصلاة والسلام: (لا يخلون رجلٌ بامرأة فإن الشيطان ثالثهما)

قال الله تعالى:"ومن يتق الله يجعل له مخرجا ويرزقه من حيث لا يحتسب"
الله هو الرازق وليس فلان أو علان
ستجلب النكد لحياتك ان تزوجت بعاملة
وفق الله الجميع لما فيه خير الدارين

[عبد الله 22]

ياخي صح الوقت صعيب بصح الزوج بهذا الفكرة لن يستمر الرزق من عند الله ياخي المراى العاملة مشكلة اكثر منها حل فكر لأبعد من الحاجة المادية فالزوج ليس سنة بل هوعمر كامل يأخي إذا كان توقفت علة العمل هل ستطلاقها لتبحث عن عاملة أخرى، أما الحل ليس الطلاق بالزوج بعاملة تعينك انت والزوجة الاول..... حتي الرابعة، وإذا اصبحت غني - الله يرزق إن شاء الله من فضلوا- هل سطلب منها التوقف ودخل في الخيار عملك او بيتك،
ياخي راك خدام تزوج بالمبلغ لعندك والباقي على ربي ، لا اعرف هل تتخيل زوجتك في المكاتب و الادارات وربما مع اسوء البشر ولا تتحرك غيرتك وقلبك قبل حتى ان تعرفها بالتوفيق

[aymen01]

و عليكم السلام اخي
اسال نفسك قبل هل انت انسان غير شكاك هل انت متفهم لعمل و خروج زوجتك هل انت قوي الشخصية و لا تسمع و لا تتاثر بكلام فلان و فلان..
ان كنت كذلك فتوكل على الله ان كانت ذات خلق و ان كنت غير ذلك فلا تظلمها معاك
الزواج عشرة طويلة و يجب ان يكون الاساس و القاعدة متينة و ليست هشة و كلها شك ..
(قوي ثقتك بنفسك حتى تقدر تختار)
اسخير الله و ان شاء الله ربي ينور بصيرتك و تختار الي فيه الخير لك


قوي الشخصية شوف اسيدي

حاجة حرام ما تقعدوش تلعبو فيها لازملك هكا و هكا باه تثق فيها

عليها النار معمرا بيكم

[الحلم الجميل]

قوي الشخصية شوف اسيدي

حاجة حرام ما تقعدوش تلعبو فيها لازملك هكا و هكا باه تثق فيها

عليها النار معمرا بيكم
مالك اخي علاه راق مقلق غير بشوية على خويا:)
تحسب راك ضامن جنتك ..
عندما تريد التهجم على شخص و تقول ان النار معمرة بينا ..افهم قبل ما اقصد
(الا تعلم ان الدين هو نصح و حسن معاملة قبل كل شئ فالمرة الجاية كلمني باسلوب محترم علي ارى فيك اخلاق .........اصحاب الجنة )
معظم الردود قالوا له توكل على الله ..ام لانهم رجال لا تستطيع الرد عليهم

[sali-sali]

السلام عليكم

اذا اعجبتك الفتاة قم بخطبتها و اتركها تعمل ... خاصة كما ذكرت انها على خلق
بعد الزواج اذا حدثت مشاكل و لم تتقبل منها فكرة العمل ... فاطلب منها ان تتوقف

لكن عليك منذ البداية ان تفكر جيدا في الامر و تتحدث معها بهذا الخصوص

وفقك الله

[أَحمــد]

إليك يا مراد هذا الموضوع بالمنتدى طالعه:

نقاش ... أيهما تختار ... ربة البيت أم المرأة العاملة (http://www.djelfa.info/vb/showthread.php?p=1055165355#post1055165355)

وأنا ان شاء الله لن تكون زوجتي عاملة وأنصح أعز الأصدقاء بذلك .

موفق إن شاء الله في الاختيار .

[ابو اكرام فتحون]

السلام عليكم ورحمة الله وبركاته

عَنْ عَبْدِ اللَّهِ بْنِ مَسْعُودٍ رَضِيَ الله عَنْهُ، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:
"مَا قَالَ عَبْدٌ قَطُّ إِذَا أَصَابَهُ هَمٌّ وَحَزَنٌ اللَّهُمَّ إِنِّي عَبْدُكَ وَابْنُ عَبْدِكَ وَابْنُ أَمَتِكَ نَاصِيَتِي بِيَدِكَ مَاضٍ فِيَّ حُكْمُكَ عَدْلٌ فِيَّ قَضَاؤُكَ أَسْأَلُكَ بِكُلِّ اسْمٍ هُوَ لَكَ سَمَّيْتَ بِهِ نَفْسَكَ أَوْ أَنْزَلْتَهُ فِي كِتَابِكَ أَوْ عَلَّمْتَهُ أَحَدًا مِنْ خَلْقِكَ أَوْ اسْتَأْثَرْتَ بِهِ فِي عِلْمِ الْغَيْبِ عِنْدَكَ أَنْ تَجْعَلَ الْقُرْآنَ رَبِيعَ قَلْبِي وَنُورَ صَدْرِي وَجِلَاءَ حُزْنِي وَذَهَابَ هَمِّي،
إِلَّا أَذْهَبَ اللَّهُ عَزَّ وَجَلَّ هَمَّهُ وَأَبْدَلَهُ مَكَانَ حُزْنِهِ فَرَحًا"،
قَالُوا: يَا رَسُولَ اللَّهِ يَنْبَغِي لَنَا أَنْ نَتَعَلَّمَ هَؤُلَاءِ الْكَلِمَاتِ؟
قَالَ:"أَجَلْ يَنْبَغِي لِمَنْ سَمِعَهُنَّ أَنْ يَتَعَلَّمَهُنَّ".



أخرجه أحمد (1/452 ، رقم 4318)، وابن أبى شيبة (6/40 ، رقم 29318)، والطبراني (10/169 ، رقم 10352)، والحاكم (1/690 ، رقم 1877) وقال: صحيح على شرط مسلم.
وصححه الألباني في "السلسلة الصحيحة"(1 / 337).

[mounaminou]

انا ماش رايحة نفتيلك كيما فتاولك بعض الاعضاء .....نضن ماناش اهل للفتوة نحللو و نحرمو .....عمل المرأة سقسي عليه كاش ايمام والا عيط ل فتاوى علا الهواء و هما يجاوبوك و نصيحة ماتسمعش للفتاوى اللي جاية من اعضاء مانعرفوش لاكان كانو علا قدر من العلم بأمور الدين او لا .....يعني قادرة انا نجيبلك فتوى بللي راهو حلال و الانترنت راهو معمر بيهم ندير برك copié collé

نمدلك رايي اللي هو لازم قبل ماتديها تقتنع بخدمتها مليييييييييييح باه ماش اي مشكل تلقاه تقول راهو بسبب اختياري لمراة عاملة .....لازم قبل تحط ف بالك بللي ولادك لازمهم لاكراش و بللي رايحة تجي عيانة مسكينة من الخدمة يعني لاكان رايح تعيش مع العايلة مالازمش تطالبها بالعمل فوق طاقتها ف المنزل لانها بكل بساطة مراة و ليست الة ......و حط ف بالك بللي يولي عندها الحق باه تصرف في دراهمها كيما تحب هي ماش نهار ماتمدلكش الشهرية و ماتحبش تعاونك تطلقها او تكرها لالا هنا تولي نتا الي ظلمتها ....ماتتوقعش تديرلك الكسرة كل يوم ههههه .......و ماتتوقعش كي ترجعو من الخدمة لعشية نتا تولي عيان و هي تولي en forme متبسما ديما لانها رايحة تكون في ضغوط بين خدمة برا و مشاكلها و بين الخدمة تاع الدار الي تسنا فيها و الضغوط تاعها في الواقع راهي اكثر من الضغوط تاع الزوج

هدا الرد مستوحى من الواقع اللي عشتو مع امي الحبيبة العاملة ههههه رغم انها فحلة بزااااااااااااااف مي ماتقدرش تمد كلش من التعب و من الوقت الناقص الي تقضيه ف الدار ..............سلام

[ايمان نور الجزائر]

لابد ممن يتزوج العاملة يكون راضي ومقتنع في قرارة نفسه
لكن انصحك تزوجها اذا لقيت فيهااااا بنت الحلال وستعتاد مع مرور الزمن على عملها
ولن ترى اي مساويء صدقني

[m.bada]

السلام عليكم
اخي صلي استخارة و توكل على الله ، و يبقى رايك هو المهم لان بعض الناس هنا رايحة تجاوبك على حساب تجاربهم الشخصية ومعتقداتهم الخاصة والتي تكون غالبا خاطئة و ظالمة ، ما نقدروش نحكموا على البنت لانه حتى واحد فينا ما يعرفها و تاني الناس مشي قاع كيف كيف انت كي رايح تتزوج راها قصة كبيرة وفيها مشاورة وفيها شهود و عائلتين وفيها شروط وتفاهم واذا ربي كاتب الخير رايح تلقى كلش ساهل لان نيتك كانت صافية وخير ، وربي اعلم لكن كون دائما ذو ذهن متفتح و دير الحاجة اللي تساعدك وتقنعك وتخليك مرتاح ياما ناس تزوجوا ببنات قلعدين فدار ومكملوش مليح وياما ناس داو خدامات وراهم ملاح متعاونين على هم الدنيا ..ربي معاكم

[yousra14]

مادام راك خدام والحمد لله لازم تدي وحدة تقنع بواش عندك ومش لازم خدامة
مادام قلبك مش مرتاح ورب يدريلك الي فيها الخير

[tuba21]

يعني يا اخي علي حساب واش قلت هي فتاة متخلقة ,دات سمعة طيبة و...
الشيء الي يخوفك هو انها عاملة !!!!
سبحان الله و هل المراءة العاملة راهي مجرمة
يا اخي اتقو الله !!!

[جسور المحبة]

امالا انا كعاملة خلات علياااااااااااااااااااااااااا

الرزاق ربي
والاستخارة هذا مراح نفيدك حتى واحد ما يكسرلك راسك

[mistral288]

عليك بالاستخارة أخي

[alarabay]

انت يا اخي كذلك الذي كسّر كوره وأرنبه رابضه !!!
يمكن الفتاه ما تقبلك اصلا !!
واذا قبلت فيك فأنت محظوظ لانها إمرأه محترمه وعامله والعمل شرف وليس عيب حتى تسأل عنه ....

[bellaluna]

أنصحك ان تتقدّم لهذه الفتاة مادامت على خُلق و متى تحسنت الظروف إن شاء الله و رزقكما الله بالذرّية تستطيع ان تتخلّى عن العمل..إن كنت غير قادر على الزواج و متردد ستضيع سنوات العمر دون قرار فتوكّل على الله.

[محمد جديدي التبسي]

أخي الكريم لا تلجأ لعاملة بسبب خوفك من وضعك المادي
بما أنك موظف ولاباس بيك ابحث عن فتاة ماكثة في البيت باه ما تتعبش ولا تدخل في دوامة من التفكير والشكوك

[yacine-08]

تبقى على عقلية وتربية واخلاق هده الفتاة

فهناك القليلات التي نجد لهم قوة شخصية وماشي غير الريح لي تجي تديهم

يعني قادرة تكون نعم الزوجة وتوقف معاك في السراء و الضراء وتعرف حدودها

وكاين لي تتزوج واومبعد تبدا تسمع لهدرة ناس و تحتقرك لاختلاف مستوىمناصب العمل

كل شيئ ممكن وعليك التفكير جيدا في كل احتمالات

[(( هبة الرحمن ))]

السلام عليكم
نشكر ثقتك في الاعضاء
لكن لا تترك رب العباد وتسال العباد...استخر ولن يخيب ربي ظنك
اما عن الخيانة ....ترجع الى شخصية الرجل قبل المراة سواء مع الماكثة او العاملة...(بنت فاميليا عمرها ولا تخدع لانها تفكر في اهلها قبل زوجها)عليك ان تكون متحكما بزمام الامور مع زوجتك ...
وان كنت تريد الزواج منها لهدف المال فقط ولا ترتاح لهذا الاختيار ...شخصيا لا انصحك باخذ اي خطوة الا اذا كنت راض جدا.
اخبرك عن امر كاخت لك سبق وان ناقشت البعض بخصوص العمل وكنت وقتها بعضوية اخرى (ساندبال) وتخليت عنها اكتشفت ان اغلب الرجال يحبون زوجاتهم لهم وفقط وذاك حق مشروع ولا انكر انني استحسنته كثيرا لان اي امراة في الدنيا تريد ان تكون قرة عين زوجها( مع اننا تفتقد ذلك كثيرا في عصرنا) اخي الكريم والله اقول لك هذا الكلام وربي يشهد على كل كلمة صادقة اقولها تقدم لي عدة شباب وانا جد مترددة من الاقدام على خطوة الزواج ....لكن اقول لك صراحة من يتكلم اهله عن العمل من اول وهلة يسقط من نظري...لانني انسانة قبل كل شيء ولست مخبا علي بابا وعملي ليس هدفا ابديا لانني متاكدة جدا انه سياتي يوم واتخلى عنه.
لذلك اخي استخر وفوض امرك الى رب العباد ولا تستعجل رزقك .
سهل الله امورك

[جروح الليل]

السلام عليكم اخي واش نقولك راني شفت وحد الردود من شي الناس يا ستار داين راي مخالف عن المراة واش هادا ماشي بنات الناس كيفكيف كاين وكاين كاين الخدامة لواقفة معا العمل مع راجلها اتكل على الله صلي استخارة ربي يوفقك ان شاء الله

[hodahodahoda]

ما انصحك به ان تكون متاكد 100/100 انك تريدها عاملة
لا تتزوجها عاملة ثم تتراجع و تخيرها بين العمل او الطلاق
فكر جيدا فكر جيدا فكر جيدا فكر جيدا

[السي محمد]

مُشكل كبير

حتى لو تزوجتها فلن ترتاح ( نفسيا)

سيكون عملها ( مَدخَلا ) لإبليس للوقيعة بينكما)

هناك نساء عاملات في البيت ( خياطة ...طبيخ...حلاقة و تجميل نساء ...صنع حلويات... و مدخولهن جيد من دون ان تخرج من بيتها )

ربي يوفقك

[السي محمد]

يعني يا اخي علي حساب واش قلت هي فتاة متخلقة ,دات سمعة طيبة و...
الشيء الي يخوفك هو انها عاملة !!!!
سبحان الله و هل المراءة العاملة راهي مجرمة
يا اخي اتقو الله !!!

مش المشكل في المرأة العاملة

المشكل في المجتمع و المحيط الذي تعمل فيه المراة العاملة

نرى نماذج و مشاهد تمنعنا من الارتباط بعاملة و لو كانت على خُلق

لان عقولنا مُصممة للتعميم

[وجدان تقوى الله]

الرزق من عند ربي هو الرزاق وليس بعمل المراة ياتي الرخاء اضفر بذات الدين تربت يداك

[ABDOU ELE]

ســــــــــــــــــلام

تلك الشكوك يا اخي الكريم هي غيرة الرجل ......... كيف لك ان ترضى لزوجتك ان تبقى 8 ساعات يوميا في مكان يعج بالرجال .....فتارة يمازحها هذا و احيانا تجدها تحكي عن اسرار البيت في العمل ......تخيل لو ذهبت لزيارتها و وجدتها مع زميل لها يتجاذبان اطراف الحديث فما ردك.......... ستعانى من اهمال البيت و ضياع الاطفال .............نصيحة تزوج ماكثة بالبيت تتهنى ...على الاقل لما تدخل تجد من تستقبلك و تستقبل اطفالك و كل شيئ جاهز......احسن من ان تستقبلها انت و ياتي الاطفال من المراس ليجدوا الباب موصدا.......................ربي ييسرك خونا و يفتحلك ابواب الخير.