سمعتو الجدييييييييييييييد الغريب

[بشرى18]

السلام عليكم ورحمة الله وبركاته
ماعلاباليش لهو جديد ولا أنا آخر من أعلم المهم بغيت نقوللكم عليه بالنسبة للطلبة لي اشتغلو في العقود وفي نفس الوقت
كانو يكملو في قرايتهم (الماستر) أنا وحدة منهم قالونا رجعو شا خلصتو ومن بعد تقدرو تكملو العقد صراحة قرار غريب وماذا عنكم؟؟؟ سمعتو بيه ؟؟؟ هل يعتبر قرار منطقي ؟؟؟ أنا ما فهمت والو في البلاد هادي:mh31:

[samira constantine]

اختي الحكاية هاذي على حسب علمي عندها مدة قالوها للجامعيين ككل الي يقراو ويخدموا بلانام

[youcef19003]

صدق كلش و كذب كلش في الجزائر

[سليمان سونيك]

متى قالو هذا احكو

[algeria.19821]

نعم ، صارلها مدة هذه الحكاية ، تم توقيف الذين يزاولون الدراسة في الجامعة و يعملون ، بالاضافة طلب منهم استرجاع المبالغ التي اخذوها في تلك الفترة

[anad27]

أنا نقرا ماستر وداير لانام بلي خدام مع بريفي يفيقوا بيا

[بشرى18]

[QUOTE=samira constantine;1055171823]اختي الحكاية هاذي على حسب علمي عندها مدة قالوها للجامعيين ككل الي يقراو ويخدموا بلانام[/Q
ختي انا غي ليوم رحت عندهم قالوهالي

[بشرى18]

صدق كلش و كذب كلش في الجزائر
صح أخي الله يجيب الخير

[بشرى18]

متى قالو هذا احكو
ليوم أنا رحت عندهم قالوهالي مي على حساب هدرة الأعضاء راه عندها مدة

[بشرى18]

أنا نقرا ماستر وداير لانام بلي خدام مع بريفي يفيقوا بيا

اذا راك تستفاد من المنحة يفيقو بيك وأنا صحبتي ماكانتش تدي لابورس مي بيعو عليها

[mr lavoisier]

السلام عليكم ورحمة الله وبركاته
نعم أختي كاينة منها , عندي صديقي بلوكاولو الكونطرا حتى ردلهم شهر باش رجع يخلص نورمال .
هاذي فيما يخص ولاية تيارت , الولايات الاخرى الله أعلم
الله يجيب الخير ان شاء الله

[سليمان سونيك]

ربي يجيب الخير قولو امين يارب

[ليلى الجزائرية1]

انا نقرا ونخدم
مي جامي لا قالونا كيما هاذ الكلام

[بشرى18]

السلام عليكم ورحمة الله وبركاته
نعم أختي كاينة منها , عندي صديقي بلوكاولو الكونطرا حتى ردلهم شهر باش رجع يخلص نورمال .
هاذي فيما يخص ولاية تيارت , الولايات الاخرى الله أعلم
الله يجيب الخير ان شاء الله
آمين مي ماهوش عام حتى صحاباتي معايا ما قالولهمش ردو مامعنى هذا علاه غير أنا ما فهمت والو

[بشرى18]

انا نقرا ونخدم
مي جامي لا قالونا كيما هاذ الكلام
الله يسهل ختي

[ليلى الجزائرية1]

الله يسهل ختي

الله يسهل للجميع اختي بشرى

[yacine-08]

واش من ولاية ؟؟

حنا حبسوا غي لي يخدموا في الجامعة

يعني الجامعة هي من ارسلت قائمة لـ مديرية الشتغيل من اجل توقيف العقد مؤقتا الى غاية انهاء دراستهم

اما الادارات الاخرى نورماااال يخدم ويقرا .

[SMAIL DZ]

اسمحيلي ياختي على كلامي
كيفاه حبيتي الدولة ترسم هذا الصنف من العمال وتقوم بإدماجهم في مناصب عمل دائمة وهوما :
1- واحد يقرا وفي نفس الوقت يخدم
2- واحد راقد وهو خالص
هذا واقع وعلابالي كلام مر وصعيب لكنها حقيقة وأكيد تواجهك عراقيل كيما المشكل اللي راكي تحكي فيه
أنا نقلك ربي يوفقك ان شاء الله