هل اصارحه الان ام بعد

[مشكلتي]

السلام عليكم
تقدم لي شخص محترم ولد عائلة و عن قريب ان شاء الله يجي يشوفني لاني لا اعرفه من قبل
و لي مشكلة ليست بالحجم الكبير وهي انني استعمل النظارات عند مشاهدة التلفاز وامام جهاز الكمبيوتر او عند قراءة الكتب احيانا و حبيت نصارح هدا الشاب و الان انا محتارة هل اخبره نهار الشوفة او نخليها لمبعد ما يشوفني و نتفاهمو على كلش او نهار يجي نشوف نصارحوا في نفس اليوم محتارة اي وقتاش التوقيت الصحيح ساعدوني في اسرع وقتت

[يونس معبدي]

وعليكم السلام ورحمة الله
طالما انك تقولين انك محتارة يعني هذا انك تعتقدين او في نظرك النظارات شيء سلبي
وانا اقول ان عدم اخباره منذ البداية قد نفهم منه نحن خداع او ماشابه فمابالك هو..
اختي الكريمة اخبريه فالنظارات ليست شيء قد يرفضك من اجله
واذا يشوفك بيها نهار الشوفة ولو للحظة يكون احسن لربما كنتِ اجمل بها في نظره ولا اشك في ذلك :)
ثم اذا كان من نصيبك فلن يقف مشكل النظارات امامكما
ربي يوفقك ويتمم على خير

[knives66]

عادي قولهلوا بكل احترام

خويا عندي مشكل صغير هو أني نستعمل نظرة وقت قريا وووو

عادي راح يتفهم موضوع

[yousra14]

وعليكم السلام ورحمة الله
طالما انك تقولين انك محتارة يعني هذا انك تعتقدين او في نظرك النظارات شيء سلبي
وانا اقول ان عدم اخباره منذ البداية قد نفهم منه نحن خداع او ماشابه فمابالك هو..
اختي الكريمة اخبريه فالنظارات ليست شيء قد يرفضك من اجله
واذا يشوفك بيها نهار الشوفة ولو للحظة يكون احسن لربما كنتِ اجمل بها في نظره ولا اشك في ذلك :)
ثم اذا كان من نصيبك فلن يقف مشكل النظارات امامكما
ربي يوفقك ويتمم على خير


ونعم الرأي بارك الله فيك

[نورالهدى بيولوجيست]

مافيها والو حاجة عادية النظارات قادر يشوفك بيهم نهار الشوفة

ربي يسهلك ان شاءالله

[متمنية]

انا تبانلى عادى الله يسهلك اختى غى ما تعقديهاش ان شاء الله يكون من نصيبك

[طموحي رضا ربي]

مافيها والو وخيتي انا اختي كانت دايرة نواظر و بعدها دارت عدسات و راجلها عارف قبل مايتزوج بيها و راهي بوليداتها ولا باس عليها

[100000100001]

ماكنش قد الصراحة من النهار الاول هادا ماشي عيب و لا حاجة تخافي منها قوليلو وماتخبيش لانو رايح يعيرف يعرف ضك و لا من بعد

[ايمان نور الجزائر]

اووو وقتاش كانت النظارات مشكل
يا اختي ابني حياتك بالصراحة من اول وقولو بلي تستعمليها لاوقات فقط

[أندلس]

صارحيه من البداية و انظري ردة فعله ليس لمسألة أنها غش أو ما شابه و لكن لتعرفي معدنه فإن رفضك لهذا السبب فلا خير فيه لأنه ممكن غدا عند أول مرض يصيبك يرميك
سبحان الله المرأة تقبل بالرجل الأعرج و الأبرص و الأعمى و القصير و الذميم .... و الرجل يشترط الكمال !!

[نهى اسطاوالي]

يعطيك روينة اذا هذا الراجل يرفضني بسبب النظارات بالسلامة مانسحقوش انا كي قريت عنوان موضوعك حسبتو مشكل كبير ولما دخلت شوكيتيني نظارات ؟؟؟؟؟؟؟؟؟؟؟؟؟؟ مافيها والو قوليلو من النهار الاول وراني متاكدة رايح يقبل بيك هههه ربي يكملك

[كاميلا]

السلام عليكم اختي كي قريت العنوان فجهت انا قلت كاش حاجة سع ظهروا نظارات مافيها والو اختي
في الشوفة لازمك تظهري نفسك بطبيعتك يعني كوني انت لبسة من اللبسة اللي تلبسيها يعني متفسخيش كيما نقولوا تكوني تلبسي جيب تولي بالسروال لا كوني انت حالها حال النظارات ديري لمسات خفيفة فقط ننصحك وعندك تروحي ديري مهرجان كيما داروا وحايد نعرفهم لبسوا القفاطن الخ خخخخخ المهم كوني انت بما في ذلك النظارات اذا كنت تلبسيهم ديما وعادي ايضا النظارات مش مشكل انا عجوزتي متلبسش النظارات هخهخه تلبس عدسات طبية يعني اذا حبيتي من بعد تبدليهم يا اختي العلم تطور هاذي معادتش مشكلة خلااااص
موفقة باذن الله

[amalelrouh]

ههههههههههههههههههه ضحكتيني
اذا كنتي انتي تلبسي النظارات غير تكوني تتفرجي او تكوني تقراي وش تقولي في واحدة ماتقدرش تستغنى عن النظارات ابداااااااااااا طووول الوقت ماعدا النوم
والحمد لله مقتنعة بيهم و انا الان مرتبطة بشخص وعارف بهذا الشيء ودارهم عارفين هو موافق وماعندو اي مشكل الحمد لله

[عبييير]

شوفي أختي كيما قالولك الاعضاء مافيها والوحكايةالنظارات
أنت قوليلوياش ما تحسيش روحك كذبتي أوخدعتييه باش يكون ضميرك مرتاح
واذا لا سمح الله بطل عل جالهم أعرفيه انسان.............

ربي يجيبلك لي فيه الخير
أعرضينا برك.

[ranou gigi]

عادي ياأختي قوليلوا بكل صراحة ذرك احسن من باعد تكبر علاقتكم

[nouna l maghbouna]

مافهمتش علاه تعقدو الامور
واش فيها نظارات ياخي ماكيش عمية
انتي كي يجي يخطب ديريهم
اذا قبل قبل
اذا ماقبلش يروح يلعب

ماشي لازم تغيري روحك ولا تحشمي بروحك على جال رجل

[فارس وجواد]

لا اظنها مشكلة كبيرة و لكنني احييك على حرصك و صراحتك .

[فارس وجواد]

مافهمتش علاه تعقدو الامور
واش فيها نظارات ياخي ماكيش عمية
انتي كي يجي يخطب ديريهم
اذا قبل قبل
اذا ماقبلش يروح يلعب

ماشي لازم تغيري روحك ولا تحشمي بروحك على جال رجل
بالشوي برك لا يسمعك و يهرب .

[naamane3]

اخبريه الآن من يدري ربما يخبرك بأمر فيه هو
وتكون واحدة بواحدة

[السيدة كرمين]

هل النظارة شئ معيب ؟؟؟؟؟؟؟؟؟

ان كانت عيب في جيهتكم خبريه وفرات

[بنت غليزان]

انا تظهري حاجة عادية ربي يسهل صارحيه من البداية ما دامكي خايفة