جاوبوني باه مانهبلش

[وردة حياتي]

عندي مسابقة توظيف متصرف اقليمي في البلدية انا عندي ليسانس ماليه المسابقة شفهية يا ريت اللي شارك من قبل يعطيني فكرة على الاسئلة خاصة انها شفهية مش كتابية انقضوني راهي قريبة بزااااااااااااااااااااااف

[little smile]

sorryyyyyyyyyyyyy, i dont know

[lahcen tggt]

الأسئلة عادية مثلها مثل بقية المسابقات و هي في الغالب تتمحور حول : ماذا درست ، أين عملت ، متى تخرجت ، و السؤال يكون غالبا حول ميدان العمل ، إضافة إلى أسئلة تخص البلدية من حيث الجانب التسييري و المحاسبي .......الخ ، في الواقع أمور جد عادية و لا تستدعي هذا القلق ... بالتوفيق.

[youcef19003]

يا اخي الاسئلة راها على حسب طبيعة اللجنة يمكن انو تكون اسئلة في اختصاصك
أو ثقافة عامة أو اسئلة عادية عنك انت
بالتوفيق اخي الكريم

[ennie]

السلام عليكم
يا أختي خوفتيني كي قريت العنوان هده مسابقة كما جميع المسابقات توكلي على الله - رب يوفقنا أجمعين -ااامين

[فرناس وهران]

غير هبلي نورمال

[فرناس وهران]

سلام عليكم
من كتب في المشاركة قبل هذه فرناس المرح المهبول من المسابقات
الان فرناس العادي
عليك بقراءة القانون الاساسي لعمال البلدية و قانون البلدية الاخير 2011 الجريدة رقم 53
و الاطلاع على كل مهام البلدية و رئيس البلدية و مهام عمال البلدية خاصة المنصب الذي تجتازين فيه
راجعي بعض قوانين الوظيف العمومي ممكن تأتي اسئلة حولها حقوق و واجبات الموظف
ممكن اسئلة في التخصص تاعك و مذكرة التخرج و بعض اسئلة الثقافة العامة
اطلعي على الاسئلة التي تطرح على الترشجين الذين سيمرون قبلك لتتوقعي الاسئلة التي تطرح عليك و تكوني مرتاحة و لا تقلقين

[سعاذ]

السلام عليكم
باينة مزلتي جديدة في جو المسابقات
هذا مزلتي معقبتيش وقرب تهبلي و كي تعقبي و تسناي نتائج واش ريح يسرالك
متهبلي ما والوا الاسئلة عادية و في اختصاصك
بما انك مالية ريحين يسقسوك على الميزانية و مبادئها
و تعريف البلدية و واش اضافة لي ريح تزيديها كي تنجحي و ماهي مهام و واجبات الموظف
يعني ماتقلقي ما والوا المهم كوني واثقة من روحك و انتي جاوبي
بالتوفيق ان شاء الله

[didou336]

الله اعلم باليقين

[وردة حياتي]

راح نهبل على خاطر بقالي شهرين و تخلاصلي الكونترا و انا في هذا الدنيا ماعنديش اللي يعاوني غير ربي لا اب لا اخ لا والو لا حتى حد نتكل عليه يعني تخطيني خدمتي نحصل مانلقى بيها وين على هذي راني مقلقة و تباني عندي امل في المسابقة هذي ولا ماكتبتليش مش عارفة كيفاه ندير

[lahcen tggt]

راح نهبل على خاطر بقالي شهرين و تخلاصلي الكونترا و انا في هذا الدنيا ماعنديش اللي يعاوني غير ربي لا اب لا اخ لا والو لا حتى حد نتكل عليه يعني تخطيني خدمتي نحصل مانلقى بيها وين على هذي راني مقلقة و تباني عندي امل في المسابقة هذي ولا ماكتبتليش مش عارفة كيفاه ندير

توكلي على الحي القيوم ، صبرا جميلا ، إن شاء الله ربي يوفقك للنجاح في هذه المسابقة أو في غيرها ، المهم بعد ما تتحصلي على عمل ما تنسايش خاوتك اللي ما زال راهم يعانوا كيما أنت الآن ...

[tjrn]

ربي يفتح عليك نشاء الله.ويعوضك

[فرناس وهران]

راح نهبل على خاطر بقالي شهرين و تخلاصلي الكونترا و انا في هذا الدنيا ماعنديش اللي يعاوني غير ربي لا اب لا اخ لا والو لا حتى حد نتكل عليه يعني تخطيني خدمتي نحصل مانلقى بيها وين على هذي راني مقلقة و تباني عندي امل في المسابقة هذي ولا ماكتبتليش مش عارفة كيفاه ندير

هناك عائلات بدون من يصرف عليها و الحمد لله رحمة الله واسعة و يأتيها رزقه من حيث لا يعلمون
مرة تجي خدمة طايرة تجيبلهم قوت شهر و مرة وهبات
المهم على الانسان يكون صبور و ما يتقلقش على رزقه الى درجة انه يهبل او يقوم باشيئ محرمة

[pedro troykoviç]

rabi kon fal3on

[حسين درار]

أنا راني مليت من هذه المسابقات ومانزيد نشارك فيها , اليوم في تلمسان عطاونا أسئلة تاع دكتوره الله لاتربحهم

[youcef19003]

بالتوفيق للجمييييييع