علاه كذب يا بنت الناس

[مشكلتي]

السلام عليكم

موضوع ليس مشكلة انما هو اخرج لما في قلبي لعلي احصل على اجابة و موضوع موجه الى بنات خصياص

وراح نهدر بالعامية به كل يفهمني

بسم الله

انا شيئ لعاد يقلبلي دماغي هو الكذب تاع لبنات ونفاق وأزدواج الشخصية

بنات اليوم ما فهمتش عقليتهم ولا واش راهم يحوسوا بنفاق يمش في دمهم تشوفها دير في كحلة ومع هذا تقولك انا بنت فاملية

لا وما يعجبهاش الحال

طبعا وراء كلامي قصة

انا كيما اي راجل نتأثر بنساء لانها فطرة في اي انسان

انا في حياتي ما غلطة مع بنت ولا خرجت مع بنت ولا تمعشقت مع بنت لا تلفون ولا في واقع صدقوا او لا تصدقوا

شاء القدر ان اعجب بفتات كنت نظن انها متربة وبنت فامليا

ونويت معها لحلال وكنت مستعد به نخطبها وصرحتها بكل شيئ وبه ما يروحش دماغكم لبعيد

مكان بينتنا ولوا لا علاقة حب و عمل

لكن شاء القدر ان اكتشف جزء من جنبها اسود وهو ان لها عشيق او اكثر والله اعلم وقيل تخدم بيهم

وعندما سألتها انكرة وقالت انها متربة وما ديرش هذا امور وما عندهاش حبيب ولا شيئ

طبعا حرت فيها وفي كذب تعها سبحان الله قتلها منيش راح ننشر خبر في جورنان غير قولي حقيقة

وخلني نروح على روحي انا متأكد 100% بصح حبيت نسمع منها

لا استمرت في كذب ونفاق وأدعاء انها بنت فامليا


والله حرت يحوسوا على ستر وحلال وسط قمامة حرام وعرفين بلي راهم غلطين ورايحين ينضروا

لكن لا يستمروا في افاعل حرام ونفاق وتنكر

انا سؤال لنطرحوا على بنات علاه كذب برك علاه ما تتقوش الله علاه دئما تنكروا علاقتكم محرمة وتحولوا تسترو

عيوبكم بخداع ؟؟


علاه تحبوا راجل ليتمسخر بيكم في حرام وما تحبوش راجل ليستركم في حلال رغم انوا كل شيئ واضح وضوح

الشمس

ولا يسمحلك انك حتي تغلطي غلطة صغيرة معها يوا حتي في كلمة نحبك .

لكن رغم كل هذا تعشقوا هذا النوع من رجال للموت .





وفي اخير كي يلحق وقت زواج يبدو يحوس يسترو عيوبهم و عمايلهم كحلة لدروها في عشرية سوداء

ويزعفوا كي راجل يهرب منها بعدما يسمع ماضيها ويقولك علاه راجل مايسترش مراة عندا ماضي

(شغل يقولولك هز ماء في بيدون مثقوب)


لا غير ما تحوسوش تقنعوني بانوا مزال كاين بنات فامليا لا خلاص مع تلفون و مسنجر خلاص

شد راسك يا راجل





ان شاء الله يتنشر موضوع بلا تعديل

وبرك الله فيكم

[يونس معبدي]

وعليكم السلام ورحمة الله

ان شاء الله يتنشر موضوع بلا تعديل
نحن نعدل ما يُخالف ولانعدل على
حسب اهوائنا وقد عدلت..

انا في حياتي ما غلطة مع بنت ولا خرجت مع بنت ولا تمعشقت مع بنت لا تلفون ولا في واقع صدقوا او لا تصدقوا

لا غير ما تحوسوش تقنعوني بانوا مزال كاين بنات فامليا لا خلاص مع تلفون و مسنجر خلاص

شد راسك يا راجل

لا اسمحلي راك تخلط
يعني تحب نصدقوك انك ما درت والو
وما تحب نقنعوك انو بنات الفاميليا مازال كاين
واش تشوفوا في ارواحكم نتوما ؟
...
بنات الفاميليا مازال كاين
شئت ام ابيت

[doba]

هذه هي العقلية أخي

[آمِيْرَتُه]

متقولش علاه تحبوا قول علاه تحبي مش دعراتك بنت جاي تخلط في بنات الناس
الله يهديكم
أنت خالطة و طحت في هذي واش ذنب البنات لخرين

[sara160349]

ارجو من الجميع عدم التعميم لان هذا قذف و رمي محصنات انا عن نفسي كي نقرا هكذا مواضيع نحس بالاهانة انو انسان تقاس من وحدة يروح يجيب النساء كامل في قفة واحدة المهم لي يقول ماكانش بنات الفاميليا يبدي من دارهم و يجي لكل النساء في عايلتو من اخت و بنت وووو الله يهدينا

[كاميلا]

قالك متخالط النخالة مينقبك الجاج ونحي التوسويس بالرغم انه شيء صعيب لانه التوسويس يجي من كثرة التجارب

[الحلم الجميل]

وعليكم السلام ورحمة الله


لا اسمحلي راك تخلط
يعني تحب نصدقوك انك ما درت والو
وما تحب نقنعوك انو بنات الفاميليا مازال كاين
واش تشوفوا في ارواحكم نتوما ؟
...
بنات الفاميليا مازال كاين
شئت ام ابيت



..ساضيف على ما قاله الاخ مشكور
.....لماذا التشاؤم اذا خدعت من واحدة
فليس معناه ان كل البنات سواسية
و ان كن كلهم خداعين كما تقول فان كانت لك اخت او اي بنت في العائلة سينطبق عليها كلامك اكيد
ربي بعدها عليك اشكره و احمده كثيرا
و كلامك واضح انك قلته في لحظت غضب ..ان كنت طيب لا تخف فنصفك قادم باذن الله
..ربي يرزقك زوجة صالحة طيبة

[* الحلم سكر *]

اللي يجـيـها بعـدك راح يـسألـها و ممكن تخبي علاقـتها معاك و يقول عليك و عليها نفس لي راك تتكلم فيه درك (... و ان شاء الله تكون فهمت قصدي ..)

خويا سامحني نقلك لي راك معاها فيه ممكن و نفسو لي كانت مع غيرك فيه بصح انت معاك تحلل و مليحة لازم تفهمو بعضاكم و انت ناوي الخير بصح مع غيرك خارجة على الطريق

تتحدثو على بنات الفاميلا في المنتدى ليل نهار و في الواقع يقلك لازم نعرفها انا وين نعرف عقليتها ... لي قبلت بيك قبلت و راح تقبل بغيرك اديها قاعدة

اذا كانك صح كيما راك تقول وليد فاميليا و ملتزم و تعرف حدودك و خاطيك التمسخير خـــلاص عطاك ربي على قد افعالك و كشف ليك واحدة عكسك على خاطر في الدنيا ما تدي غير الللي تشبهلك كونك متأكد

و ربي يهدينا و يسرلك طريق الخير

[little smile]

الحمد لله
كل واحد ولا وحدة علابالو في روحو
مي خويا ماتقولش مابقاوش بنات الفاميليا والله غير كـــــــــــــــــــــــــــــــــــــــــــــــــ ــــــــــــــــــــــاين مزالها الدنيا بخير
و متنساش الطيبون للطيبات

[فارس الجزائري]

السلام عليكم
خيرا إن شاء الله
توقفت عند كلامك مطولا وطرحت السؤال على نفسي إن كان كما تقول فأين أنت من الرجولة والفحولة ؟
بل إن كان كما تقول أن معظم الفتيات أصبحنا لهن علاقات قبل الزواج وحين الزواج يظهرون بمظهر البراءة
فبأي مظهر ظهرت ؟ وما هي الصفة التي خولت لك أن تتحدث بها مع هاته الفتاة ؟
ستقول أنا ناوي الحلال كما قلت سابقا
وهل الذي ينوي الحلال يدخل من الباب أم من الشباك أم يلعب دور باحث وعالم في التاريخ ؟
أم أنت تلعب الآن في دور محقق كونن تريد أن تصل إلى لغز حير العقول وأتيت كمستر كونان
كشفت الحقيقة الغائبة ثم اندفعت كسوبرمان تواجهها بخطئها ونسيت أنك ارتكبت قبلها أكثر من خطئ وسأعدد لك أخطائك حتى لا ترمي الناس بسيئاتهم وتنسى أنك بشر وليس ملاك:

1- دخولك من النافذة في حين كان الأجدر أن تدخل من الباب، ستقول أنني أردت أن أعرف أخلاقها وتربيتها سأقول لك لن تعرف شيء إلا في الخطوبة وحتى في الخطوبة لن تصل إلى كل الحقيقة
2- رميت الفتاة في شرفها وكرامتها وتقول أنني متأكد ولم تثبت لنا كيف تأكدت وأغلب الضن أنك تأكدت من خلال بعض أصدقائك أو أصدقائها ومقربيها وأقول لك أن ديننا يعلمنا أنه في مثل هذه الأمور لا نحكم بالقيل والقال بل بما شهدت العين وأحيلك لقراءة سورة النور والتمعن فيها حتى تعرف أن الأمر ليس بالهين بل هو عظيم وعيظم جدا.
3- هب أن هاته الفتاة كانت تعرف قبلك شبان وأرادت أن تتوب ووجدتك الرجل الصالح الذي سيكون سترها وغطائها، فهل في هذا ما يعيبها بل يا أخي إن أردت أن تسترها وتأخذ بيدها فلك أجران وإن لم ترد ذلك كان يكفي أن تبتعد وتسترها ولك أجر، أما أن تأتي وتشهر بها في المواقع الالكترونية حتى وإن كنت لم تسمها فهذا الخطأ بعينه، والواضح عندي أنك غير جدير بها وليس العكس.
الرجال يا أخي يأتون البيوت من أبوابها ويسترون عيوب إخوانهم وأخواتهم
أعد حساباتك في الحياة فبهاته العقلية ستمرض وستعيش وسواس الشك طيلة حياتك
بالتوفيق إن شاء الله

[kikio44]

وعليكم السلام ورحمة الله



لا اسمحلي راك تخلط
يعني تحب نصدقوك انك ما درت والو
وما تحب نقنعوك انو بنات الفاميليا مازال كاين
واش تشوفوا في ارواحكم نتوما ؟
...
بنات الفاميليا مازال كاين
شئت ام ابيت






انا معك احسنت القول سيدي

[جمال الدين الأفغاني]

وتستمر المآسي.... وكل يوم ينادي منادي ... ما عسانا نقول الا

الله المستعان ولا حول ولا قوة الا بالله

[nouna l maghbouna]

السلام عليكم
خيرا إن شاء الله
توقفت عند كلامك مطولا وطرحت السؤال على نفسي إن كان كما تقول فأين أنت من الرجولة والفحولة ؟
بل إن كان كما تقول أن معظم الفتيات أصبحنا لهن علاقات قبل الزواج وحين الزواج يظهرون بمظهر البراءة
فبأي مظهر ظهرت ؟ وما هي الصفة التي خولت لك أن تتحدث بها مع هاته الفتاة ؟
ستقول أنا ناوي الحلال كما قلت سابقا
وهل الذي ينوي الحلال يدخل من الباب أم من الشباك أم يلعب دور باحث وعالم في التاريخ ؟
أم أنت تلعب الآن في دور محقق كونن تريد أن تصل إلى لغز حير العقول وأتيت كمستر كونان
كشفت الحقيقة الغائبة ثم اندفعت كسوبرمان تواجهها بخطئها ونسيت أنك ارتكبت قبلها أكثر من خطئ وسأعدد لك أخطائك حتى لا ترمي الناس بسيئاتهم وتنسى أنك بشر وليس ملاك:

1- دخولك من النافذة في حين كان الأجدر أن تدخل من الباب، ستقول أنني أردت أن أعرف أخلاقها وتربيتها سأقول لك لن تعرف شيء إلا في الخطوبة وحتى في الخطوبة لن تصل إلى كل الحقيقة
2- رميت الفتاة في شرفها وكرامتها وتقول أنني متأكد ولم تثبت لنا كيف تأكدت وأغلب الضن أنك تأكدت من خلال بعض أصدقائك أو أصدقائها ومقربيها وأقول لك أن ديننا يعلمنا أنه في مثل هذه الأمور لا نحكم بالقيل والقال بل بما شهدت العين وأحيلك لقراءة سورة النور والتمعن فيها حتى تعرف أن الأمر ليس بالهين بل هو عظيم وعيظم جدا.
3- هب أن هاته الفتاة كانت تعرف قبلك شبان وأرادت أن تتوب ووجدتك الرجل الصالح الذي سيكون سترها وغطائها، فهل في هذا ما يعيبها بل يا أخي إن أردت أن تسترها وتأخذ بيدها فلك أجران وإن لم ترد ذلك كان يكفي أن تبتعد وتسترها ولك أجر، أما أن تأتي وتشهر بها في المواقع الالكترونية حتى وإن كنت لم تسمها فهذا الخطأ بعينه، والواضح عندي أنك غير جدير بها وليس العكس.
الرجال يا أخي يأتون البيوت من أبوابها ويسترون عيوب إخوانهم وأخواتهم
أعد حساباتك في الحياة فبهاته العقلية ستمرض وستعيش وسواس الشك طيلة حياتك
بالتوفيق إن شاء الله

هذا ما اردت قوله
شكرا اخ فارس
بارك الله فيك

[*الحواس*]

من أصل 100% كاين 10% لي يصلحوا ...

وما تبقى الله يحفظنا .

[نسمة الورود]

اعجبني ردك اخي فارس سلمت يمناك

اضيف

الطيبات للطيبين والخبيثات للخبيثين

[knives66]

في وقتنا الحالي اذا راك حاب تبني حياتك مع مراة ما تشوفش لماضيها

واذا كنت معجب بيها وهيا اقابل بيك يا اخي خد بيدها الى بر توبة و اصنع منها زوجة صالح

الماضي راح وموش راح يولي به يتصلح

انت غلط ولا ما غلط هذي مشكلتك انت وبينك بين مولاك

كاين بنات مساكن ما يلقوش شكون يوريهم طريق الصح على هذا


عندك خيارين اما انك تقبل بيها بشرط انها توب او ارفضها وشوف غيرها

[أندلس]

أولا حاجة لازم تتأكد من الأمر و ليس لمجرد كلام سمعته
و ثانيا ربما هي تابت و ليس من حقك محاسبتها لأن الله يحب الستر

[*أم كوثر*]

السلام عليكم ورحمة الله
تعقيب بسيط
لاتنسى أمرا مهما
المرأة التي تقذفها بكلامك
هي في الاصل
أمك
او
أختك
او
زوجتك المستقبلية
فأصابع اليد لاتتشابه كما أن الله خلق الطيب والخبيث
وخلق كل شيئ بحسبان
فعليك بالدعاء لعل الله يرزقك ببنت الحلال التي يتمناها كل رجل

[عصـــام]

السلام عليكم ، بخصوص موضوع الأخ ،ولاشك أن الموضوع موضوع هام جدا ،،في مقاصد المجتمع الجزائري الذي أصبح يعاني كثيرا من عنوسة حقيقية بالنسبة للنساء ،،،والإحصائيات تقول 12 مليون إمرأة عانس في الجزائر حسب الديوان الوطني للإحصائيات فيما يخص الجانب الإجتماعي ،،بالإضافة ما نشاهده من عري وإنحراف خلقي رهيب في بلادنا ،،لا نعمم على غالبية البنات ، هناك بنات قمة في التربية الخلقية والفكر ....إلخ . لكن كالسحاب العابر الذي نراه في السماء . لكـن هذا لا يقصد به عيوب أخرى في البنات أو الرجال ،،كلّنا نخطئ ،،ونستطيع إصلاح الخطأ ،،،لكن هناك أخطاء تقع فيها البنات خاصة لا تغتفر .

إنّ غالبية بنات الجزائر ،،إنتشرت في عقولهم أوهام حول " الإستمتاع بالحياة " وهنّ أحرار بدون زواج ،،لكن هناك أفكار غريبة ومشينة لتصرفاتهم هذه قد لا يستشعرون نتائجها إلا بعد فوات الأوان ، أقول لكل الشباب الجزائري المقبل على الإرتباط لغرض الزواج أن يتمسك بالمبادئ الحقيقية للزواج وأن يحاول أن يختار شريكة حقيقية للحياة :

- ضرورة فهم فكـر شريكة الحياة فهما واقعيا يتماشى ما يخطط له المقبل على نصف دينه .
- الإنتباه للمقاصد الحقيقية للزواج .
- الصراحة والصدق في رسم مبادئ وأساسيات للحياة الزوجية ( الصدق ، الصراحة ، الإهتمام المتبادل ) .
- الوقوف على الإختيار الأنسب لزوجة حقيقية تقف معك وتساندك وتكون لك تكملةً لروح الحياة .
- الدعاء لله عز وجلّ في أن يرزق الشباب المسلم بزوجة صالحة نتاجها متاع الدنيا .

[biologie2001]

انا هنا لست للدفاع عن البنات اقول لك جملة واحدة فقط و تمعن بها جيدا **** كما تدين تدان ****

صدقت فيما قلته الاخ younesi

[imane-2020]

اخي مش كل من تجربة يعمم تجربته على الناس كامل لأنو مادامك انت واثق من نفسك طيب ولد حلال في زمن قل فيه الرجال تاكد انو كاين بنات اصل طيبين وبنات حلال في نفس الزمن وكما قالو لي قبلي تاكد انو ربي مش غالط لما قال
الطيبون للطيبات والخبثون للخبيثات

[sorour%]

في وقتنا الحالي اذا راك حاب تبني حياتك مع مراة ما تشوفش لماضيها

واذا كنت معجب بيها وهيا اقابل بيك يا اخي خد بيدها الى بر توبة و اصنع منها زوجة صالح

الماضي راح وموش راح يولي به يتصلح

انت غلط ولا ما غلط هذي مشكلتك انت وبينك بين مولاك

كاين بنات مساكن ما يلقوش شكون يوريهم طريق الصح على هذا


عندك خيارين اما انك تقبل بيها بشرط انها توب او ارفضها وشوف غيرها


بارك الله فيك هذا الكلام الصحيح

[مريم الصابرة]

السلام عليكم اخي
اولا بالعقل عليك لا يطرطقلك عرق إنت واش مقلقلك كي عندها ماضي
علاه إنت النبي المعصوم راك حاب توصلنا إنو إنت وليد الفاميليا الوحيد فالبلاد يا خويا وين تروح كاين الصالح والطالح الطفلة هذي عندها ماضي او عرفت واحد هل بالضرورة وصلت لأمور كبار معاه ممكن علاقة بريئة وفاتت وراحت لحالها علاه إنت ربي اللي هو ربي سبحانو يخلقنا وهو يتحكم فينا يغفر ويسامح وإنت واش تكون
كان تبقى بالعقلية هذي خويا راح تشك في خيالك كاين بنات فاميليا صدقها او لا وواش دخلت عائلتها حتى تقول مش بنت فاميليا كل وحدة عندها فامليا ومتربية لما البلاد معمرة اشبه رجال واللي يوعدووما يفووش لو كل واحد يشفو في بنت الناس كيما ختو وما يلعبش بيها ما نوصولش لهذي وهنا ما رانيش نبرر للبنات لا صح كاين فساد وكاين أمور صح تجاوز كبير راني معاك أما ماكانش كامل بنات فاميليا عاود حساباتك راك غالط بزاف لأنو المتضرر الوحيد إنت تولي مشكاك في خيالك كونك فشلت مع وحدة هذا ما يعنيش كامل كيما هي كاين بنات من الباب ما يطلوش وعندهم علاقات وكاين يخدمو ويظلو برا وعمرها ولا عرفت راجل او دارت معاه علاقة خويا الخير مازال وبنات الفاميليا كاين وبزاف عينيك برك شافو غير الفاسدات المشكل عندك ربي يجيب الخير

[محمد جديدي التبسي]

حبيتها تفضح نفسها وتعترفلك وكأنك الرجل المنقذ لها وهاأنت شهرت بها والحمد لله أننا في عالم افتراضي لا أدري ما قلت لأصدقائك ومقربيك عنها وعن عائلتها!!
كثيرات مثلها لكن هناك أهل الخير ولا شك وان كت تظن أنك من أهل الخير ألا توجد فتاة مثلك تبحث عن رجل تقي غير متلاعب؟!
ربي يصلح حالنا ويرزقنا الطيبات

[حبيبة زوجها]

كاين بنات الفاميليا . انتهى

[you92cef]

عن صفوان بن سليم أنه قال قيل لرسول الله صلى الله عليه وسلم :"أيكون المؤمن جبانا فقال نعم فقيل له أيكون المؤمن بخيلا فقال نعم فقيل له أيكون المؤمن كذابا فقال لا"


وقال الشاعر :
لا يكذب المرء إلا من مهانته***أو عادة السوء أو من قلة الأدب
لعض جيفة كلب خير رائحة***من كذبة المرء في جد وفي لعب

[طيبة نفس]

احمد ربي راك سلكت قبل ما تولي تحبها صح ربي شاف فيك الخير علاش بعد عليك الشر ان شاء الله ربي يرزقك وحدة على حساب واش راك تتمنى صح راني معاك بنات الفاميليا قلال للاسف هذي هي الحقيقة لكن تذكر دائما الخبيثون للخبيثات والطيبون للطيبات ربي يفتح عليك

[منارالقلوب]

سلم عليكم
الله يهديك يا اخي مشي كامل لبنات كيفكيف لعبالي راك في حالة غضب بصح هدا مايمنعش توزن كلامك
كاين بنات فاميلا وراكالط في حسابك
ربي ابتلاك اصبر واحتسب وربي يعوضك ببنت ماكنت تتوقعها

[جمال الدين الأفغاني]

حقيقة نحن في مشكل اجتماعي كارثي واي ردود تحاول تغطية الواقع فهي كتغطية الشمس بالغربال

الواقع مرير اخواني اخواتي الكرام والفساد والمنكر استشرى في المجتمع ووصل منه الى العظم

ولكن بالمقابل كما قال من قبلي اولاد الحلال بنات وشباب موجودين لكن صاروا كاللؤلؤ

الذي تحت البحر لكي تصل اليه عليك ان تسبح الى العمق ما عسانا نقول

حسبنا الله ونعم الوكيل في كل من تسبب في هذا الواقع حسبنا الله ونعم الوكيل في كل من يرضى عنه

ويساعد في بقائه حسبنا الله ونعم الوكيل والله المستعان

[iman14]

لا تظلم بنات اخي و لا تتهمون بنات في كل شيء فالرجال هم من يلاحقون فتاة في شارع و يضايقونها هذا ما اراه انا شخصيا حتى اصبحنا نخاف من خروج في الشارع و المشي على راحتنا و نظرات تتباعنا و كانهم عمرهم و لا شافو امراة سبحان الله و البنات فاميليا كاين و نتوما رجال هوما لي متحبوش لي تحبكم و تكون ساهلة تحبة هذيك لي تكبر عليكم و يكون وصول اليها اصعب لست انكر انا هناك من فتيبات هداهم الله لكن لا تعمم كلامك نحن ايضا نتحدث نفس الحديث بخصوص الرجال

[ايمان نور الجزائر]

اكثر ما يثير حنقي وغضبي في مواضيع المنتدى
التكلم بصيغة الجمع
ماشي انسانة واحدة تخدع واحد نجي نلم الباقي ونلصق فيهم خطيئتهااااااا
- - - - - - -- - - - - -
الله غالب يا اخ....هذي هيا الدنيا بالزين بالقبيح كيما يقولو
وكل واحد يبتلى في عدة اشيااااااااااااء في حياتو
المهم هو يصفي نيتو ...ويتبع طريق ربي
الا ما يلقى الخير ...الصبر والدعاء واحتساب الاجر يا اخي
كان يمكن تعبر عن ما فعلته وتقول حسبي الله ونعم الوكيل

[moussabm]

في وقتنا تلقا المرأة الجزائرية ضعيفة الشخصية واش تتفرج في المسلسلات التركية تبغي طبقوا في دزاير والضحية هو الرجل سواءا كان أب أو أخ أو زوج