رجاء للرجال خاصة فهموني و اكيد لبنات محتاجتكم

[صرخة ألم]

((إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ)

.ومن يتق الله يجعل له مخرجا ويرزقه من حيث لا يحتسب

استغفر الله يا رب ... اعوذ بالله من الشيطان الرجيم

شكرا لكل الردود فقط ادعو لي بظهر الغيب ان يقربني الله اليه فانا لا احتاج الا اليك يا الله

اللهم اغفر لي اللهم اغفرلي اللهم اغفرلي


ربي يعطيكم ما تتمناو دنيا و اخرة يا رب

[صرخة ألم]

حكايتي كانت كتبتها هنا

من منا ضحى بالآخر .. اشعر بالموت فقط (http://www.djelfa.info/vb/showthread.php?t=1426821)

و مازالني راح نبقى نقول حسبي الله و نعم الوكيل عليه توكلت و هو رب العرش العظيم

[الحلم الجميل]

السلام عليكم اختي
يا حبيبتي هو تزوج و انت علاه تهدري معاه ..ما تخليش ليه الفرصة باه يحكي معاك و لو كلمة
هو تزوج و راح لحالوا خليه الله يسهل عليه .عيشي حياتك وما تحصريهاش بواحد تافه
تاملي هذه الجملة .لانو السيد المحترم يعايرني بعــمري و نسى لي انا ضيعت عمري عليه ..
ارمي عليك الهم و عيشي حياتك واحد يعاير فيك
و انت مازال تهدري عليه ..اسفة اختي و الله ما نبغي للبنات الي طيح من روحها على جال شئ رخيص
انت احسن منه فعلاش تنزلي مستواك لمجنون
و اظن في حكايتك معه انك تبحثين عن الانتصار منه و هو ايضا .هذا خطا و الله راح تضيعي حياتك و انت
تحاولين الانتصار عليه ..فيقي يا اختي و اعظم انتصار لك هو تجنبه و عدم الكلام معه
و عندما يرى انكي سعيدة في حياتك راح يندم و يستغرب انك وقفتي بحياتك..
الله يصلح احوالك و يرزقك بزوج صالح طيب محب و يفرج كربك و لن يحدث ها الا اذا ابتعدتي عنه

[مريم الصابرة]

السلام عليكم
اختي انا كنت تبعت حكايتك وحطيتلك رد
شوفي اختي هي إنك تتجاهليه وما توصليش المشكل لأهلك ولأهلو راحا تكبر وتزيد تسمع مرتو وتكمل
هو راه يحوس عليك وما لقاش طريقة من غير يعاير ويرميلك الكلام وحتى يجرحك شوفي الرجال قليل وين يستعرفو بغلطتهم ويندمو هو المهم أي طريقة يوصلك الكلام وبرك حتى يتواصل معاك
لو انا منك والله ما نقيمو لو يموت قدامي ويعاير على روحو معليش إنت وكي غير ربي و خليه هو يتولاه وربي يجيبلك نصيبك وتتزوجي وترتاحي ويولي هذا مشكل وفات ما تكبريهاش وتجنبي تشوفيه او تتلاقايه ولو صدفة إعتبريه غير موجود مهما يعاير قوليلو كلمة وحدة روح ربي يتولاك هذا ماكان وخليه ما تقلقيش روحك خليك منو هذا واحد مريض نفسي ربي يهديه ومهما كان يحبك ما يديرش هكذا تزوج خلاص نورمالمو يتمنالك حياة وتتصافاو إنت ما تحقدي عليه وهو ما يحقد عليك وكل واحد يشوف حياتو مي واش ديري خليه وتجنبيه قادر يدير اي امر مازال مصر عليك تجنبي اي فرصة تكوني في طريق وحدك ما تعرفيش واش يخمم ربي معاك

[عماد الدين2]

شكون منكما متعلق بالاخر؟؟؟
انتِ طبعا هذا ظاهر و باين ما زلت طامعة فيه
و إلا ما سبب اهتمامك لدرجة انك تبحثين عن مبرر
فلأي سبب كتبتي هذا الموضوع و رمزتي له بصرخة الم
ابتعدي عن مسالك الشيطان و اتقي الله فالرجل متزوج
كنت صريحا معك لاني اعتبرك اختا لي
فتقبلي ردي اختاه

[تراتيـل صبــح]

تجاهليه فهو لا يعلم ما يفعل
ولو كان يعلم ما يفعل ما كان يجري وراءك كالمجنون وهو متزوج
إن تطلب الأمر اخبري أحد اخوتك أو والدك حتى لا يتجرأ عليك أكثر
ولا أمل فيه مجددا
تذكري ذلك
وحاولي نسيانه
فكل ما يقوم به يدل أنه يحاول الانتقام لنفسه منكِ
فدعكِ منه انتبهي منه
ولو كانت عائلتك بعلم أحسن لأنه لو قام بشيء يكونون على علم من قبل أحسن.
والله الموفق.

[ABDOU ELE]

ســــــــــــــــــــــلام

يا اختي الحل الوحيد ان تخبري اهلك لانه لم يكن ليتشجع و يزعجك الا عندما تيقن انك وحيدة.........تصرفه نابع من رغبة انتقام ........تجاهليه لان كلامه كله يقصد به اغاضتك لاغير.................هذا النوع اناني و يؤذي الاقربين من اجل نفسه........يعني مريض نفسي.

[محمد جديدي التبسي]

كان يظن أنك ملكه ويريد أن يبقيك تحت أمره ولما عجز هاهو يريد تنغيص حياتك وقد نجح إلى حد ما فلا تنجري وراءه وتجاهليه نهائيا
اشغلي بالك بأشياء أخرى يا نساء دعكم من الفضول والقال والقيل اهتمي بصلاتك وقرآنك وأكثري من الدعاء لنفسك لا عليه
ربي يرزقك بكل خير ويبعد شره عنك..

[الفاتحة]

أختي ربي يعوضك خير منو ادعي رب برك وحسبي ربي عليه وادعي ربي يخلصك منو ومتزيديش تشوفيه في حياتك أنساي أمرو لوكان جيت في بلاصتك راني نتقزز منو ونبدل الطريق منين نشوفو ربي يعاونك

[صرخة ألم]

شكون منكما متعلق بالاخر؟؟؟
انتِ طبعا هذا ظاهر و باين ما زلت طامعة فيه
و إلا ما سبب اهتمامك لدرجة انك تبحثين عن مبرر
فلأي سبب كتبتي هذا الموضوع و رمزتي له بصرخة الم
ابتعدي عن مسالك الشيطان و اتقي الله فالرجل متزوج
كنت صريحا معك لاني اعتبرك اختا لي
فتقبلي ردي اختاه

و الله يا اخي اتقبل كلامك بصدر رحب لكن يا ليت توضـحني وين يظهر انا طامعة فيه هو الللي يلحق فيا و هو اللي كلمني و انا رفضت و حتى ما بغيـتش نرد و عن اي مبرر ابـحـث ؟؟

كتيت لانو كلامو ليا فيه اهانة و دون اسباب و حكاية انو خلاص تزوج انا فهمتها و هو ما بغاش يفهمها يعني شكون يجري ورا الاخر

لو كان عندي مشكلة اخرى كنت كتبت مثلا لا استطيع نسيانه اعينوني
لكن المشكل انو كلامو استفزني و فيه اهانة و عجزت على الرد و اقسم بالله لو واحدة غيري ماكنت سكتت

اتقي الله فالرجل متزوج و لانك اعتبرتني اخت وضحلي اين لم اتق الله هل عندما رفضت الحديث ليه او اين ... يعني سبحان الله هو اللي جاني و انا قلت ادعولي يبعد عليا يعني مانيش فارحة يجياتو ليا و الا عاجبـتني روحي و هو من ورايا بالعكس
لوكان ما جيتش نخاف ربي كنت كبرت لحكاية و دلرت مشاكل اكبر او منت مشيت على هواه
شكرا لردك و في انتظار التوضيح

[صرخة ألم]

يا خاوتي الله يخلـيـكم افـهموني انا مهما جرحني فراقنا و زواجو او اي شيئ اخر عمري ما كتـبت قبل ادعو ربي ينصرني عليه
لكن انا قلتها هادي المرة لانو فعلا اسلوب الحديث معايا كان كلو لا يطاق يعني مهما يكون ما نظنش كاين واحد يتقبل واحد يدعي عليه و ظلم و يتقبلها ؟
اللي قـهرني و خلاني كتبت اقسم بالله لا رغبة لا بالرجوع لا بالانتقام انا تقبلت الوضع و حكايتنا ك 2 انتهت و خلاص
اللي خلاني طلبت النصيحة اسلوب كلامو و الكلام اللي قالو و كتبتو فيه اهــانة ليا و خفت نــرد عليه نكبر المشكل و ما عنديش الجراة نرخس و نعارك واحد كاني راجل مثلي مثلو مانيش على الاستعداد يكون بينا حوار لوكان جيت هكذا كون قبلت كلامو قبل علابيها سكتت على الاقل مانيش حابة والو حابة منو

[محمد جديدي التبسي]

يا أختي هذا كالعلكة لاصق فيك ومش راح يخليك بسهولة ما عندكش إخوة ولا واحد من العائلة يتصدالو؟!
أفضحيه وقولي لأهلك إنو يقلق فيك ويهين فيك على مرأى ومسمع الناس
بدلي الطريق البسي حجاب كامل ديري نقاب غيري الطرق التي تسلكينها
روحي اشكي بيه كحل نهائي ربي يعينك ويبعده شره عنك
أكثري من الدعاء اللهم اكفنيه بما شئت

[knives66]

يا اختي واش داك دخلي وطلعي وتهبطي هددك بالقتل

روحي مركز شرطة ارفعي شكوة يدوه للمحكمة ويدخل للحبس أتهنيتي من وجع راس

وكنت تحكي لخطيبك على هذا مهبول كون على اقل عطاه طريحة مسقمة

تعلموا تتخدوا قررات مصيرة بأنفسكم

هذا زواج موش لعب خلي وكل ربي الى يوم دين

[تراتيـل صبــح]

تقبلي صراحتي أختي
انتِ تبحثين عن طريقة لفهم تصرفاته
برأيي دعكِ من كل هذا
وخذي بالنصيحة وابتعدي عن طريقه تسلمي
حتى ولو كان هو من يتبعك اغلقي عليه باب ازعاجك باخبار اهلك
وارتاحي.

[* الحلم سكر *]

السلام عليكم
يا اختي انا نشوف فيه مزيج بين الكلام الليؤقالتو مريم يعني فعلا المهم يتحدث معاك و الاوضح رغبة بالانتقام و حاب يدمرك و برك و الله بانلي حتى هو ماهوش فاهم روحه
خليك في روحك ما تتقلقي ما والو ما ترديش عليه و ربي يفرج يا رب

[صرخة ألم]

كان يظن أنك ملكه ويريد أن يبقيك تحت أمره ولما عجز هاهو يريد تنغيص حياتك وقد نجح إلى حد ما فلا تنجري وراءه وتجاهليه نهائيا
اشغلي بالك بأشياء أخرى يا نساء دعكم من الفضول والقال والقيل اهتمي بصلاتك وقرآنك وأكثري من الدعاء لنفسك لا عليه
ربي يرزقك بكل خير ويبعد شره عنك..

أحسنت القول اخي و الله فعلا و كانك قريت اللي في راسه .. صار يقولها حرفيا انتي حاجتي و اللي يحب يقربلك لازم يشاورني و و و و

و فعلا نجح لحد بعيد ينغص حياتي ... سبحان الله غالذ في الاول و ماال يلوم مع انو اعترف بعلطتو

شكرا اخي لردك جزاك الله كل خير

[صرخة ألم]

اسفة لازعاج الجميع لكن فقط اللي مر بمثل هكذا وضع يفهم علاه كتبت و علاه الحسرة و الاحساس بالظلم بالاهانة و الاسوء تكرار و فعلا العقل هو اللي لازم يتحكم و حتى العقل يقول لوكان تكبر بين العائلتين راح تصير كارثة خاصة احنا جيران اهلي و اهله علابالهم بالحكاية مي الكل اعتقدها انتهت مثل ما اعتقدت حتى انا و كدت ننسى

شكرا للجميع