من لديها خبرة فى فطام الطفل ارجو المساعدة

[omhadil]

بسم الله الرحمن الرحيم
لدى ابن عمره عام ونصف ورانى حابة نحبسلو الرضاعة لضروف صحية بصح ماقدرتش لانو متعلق بيا بزاف
ولازم يرقد وهو يرضع خاصة فى اليل رانى حايرة كيفاش ندير
حبيت تساعدونى وتعطونى نصائح والى عندها خبرة او معلومات تفيدنى بيها من فضلكم

[zahozo]

استعملي الحناء

[zahozo]

استعملي الحناء يوم ثم الملح
يعني يوم بيوم

[nada ma vie]

السلام عليكم
انا طرت القطران

[**افنان**]

اولا اختي عليك بالتدرج في الفطام اي لاترضعيه في النهار فقط مديهاله في الليل واشغليه باي شيئ ثم بعد ذالكاعطي له حليب في الرضاعة كي يبغي يرقدولما يبك حاولي تهدهديه وتنشدي له وفي النهار ادهني ثديك بالدوا الاحمر اوقطران او شيء ينفر وربي يعينك

[omhadil]

اولا اختي عليك بالتدرج في الفطام اي لاترضعيه في النهار فقط مديهاله في الليل واشغليه باي شيئ ثم بعد ذالكاعطي له حليب في الرضاعة كي يبغي يرقدولما يبك حاولي تهدهديه وتنشدي له وفي النهار ادهني ثديك بالدوا الاحمر اوقطران او شيء ينفر وربي يعينك

شكرا اختى على الاهتمام رانى ندير كيما قلتى
فى نهارمانعطيلوش
نرضعو فى الليل برك بصح كى درتلو الحليب فى البيبرو ما حبش يشربو كلما نعطيلو يرميها

[omhadil]

السلام عليكم
انا طرت القطران

شكرا حبيبتى نجرب هذا الطريقة

[أم فاطيمة]

عليك بالحناء

[الأمنيات]

ولدك راه كي كانت بنتي ترضع غير في الليل
انا صبرت معاها اسبوع ودرت مر وصبر في صدري ذاقت بلسانها من تم حبست بصح بقات تبكي مدة اسبوع باش نساتها ربي يصبرك

[oum radja]

ديري اي حاجه في صدرك باش ينفره
وفي اللي اعطيه السيرو تاع الرقاد باش ما يهبلكش حتى يتعود
وبعد 3ايام اعطيه يرضع وهو في سابع نومة باش تريحي من الانتفاخ و هو يقنع بالصح لازم يكون راقد وما تشعليش الضو
نتمنى نكون افدتك

[omhadil]

ولدك راه كي كانت بنتي ترضع غير في الليل
انا صبرت معاها اسبوع ودرت مر وصبر في صدري ذاقت بلسانها من تم حبست بصح بقات تبكي مدة اسبوع باش نساتها ربي يصبرك
شكرا الامنيات رانى مازلت نحاول فى قدر نحيهالو بصح فى الليل ماقدرتلوش لازم ينوض ويكون جعان ويحوس يرضع راه هبلنى فى الليل
ديري اي حاجه في صدرك باش ينفره
وفي اللي اعطيه السيرو تاع الرقاد باش ما يهبلكش حتى يتعود
وبعد 3ايام اعطيه يرضع وهو في سابع نومة باش تريحي من الانتفاخ و هو يقنع بالصح لازم يكون راقد وما تشعليش الضو
نتمنى نكون افدتك


شكرا لكى حبيبتى رانى نتبع فى نصائحكم وانشاء الله نلقا حل

[عطر الياسمين الاصلي]

والله يا اختي راني حاسة بيك لاني كان عندي نفس الحكاية بصح انا ولدي عندو عامين وماقدرتش نفطمو جربت حوايج بزاف وماحبش يحبس حتى قالتلي سلفتي حطي في صدرك زنجبيل مطحون يكون حار شوية وجربتو وما دارلو والو يعني ما حسش بيه خلاص وفي الاخير قلت والله غير نحطلو لهريسة في صدري ولا ما تفطمش نخليه يرضع حتى يحبس وحدو نهار حطيتهالو كي حب يرضع شافها حمرا قاد يخزر في قلتلو اعععع حارة وعاودتهالو زوج مرات كرهها ولا وحدو يقولي اعععع حارة نتمنى تجربتي تفيدك وربي يعينك ويقدرك ويشفيك امين

[monamimi]

هههههههه غادوني مساكن و الله حرام علينا بصح الله غالب ربي يعينك عليه اختي

[mitrochka]

أختي
هذه فطرة فطر الله عليها الأولاد الصغار التعلق بأمهاتهم
و يزداد التعلق من خلال أمور عدة لعل أهمها الرضاعة الطبيعيه
من أفضل ما قمت به أختي إرضاع صغيرك لما في ذلك من عوامل نفسيه و جسدية مقويه له
سوف تلاحظينها إن شاء الله الآن و مستقبلا

أما عن فطامه فإتبعي التدرج معه
كوضع الملح أو أي شيء حار
و إنقاص أوقات الرضاعة و أنصحك بجعلها نهارا
لأنه لاحقا يسهل إلهاؤه بأمور كثيره
لأن تعوييده النوم بالرضاعة سيزيد المشكل

ثم أسفت جدا للأخت التي وضعت نصيحة بمنح الطفل دواء النوم
يا أختي هذه مخلوقات صغيرة و ضعيفة
تعلقها بك عن طريق الرضاعة ليس مرضا نفسيييا تعالجينه
إنما هو غريزة فطريه تحاولين تهذيبعا في طفلك
إستعدادا لتعامله مع العالم الاخارجي(بمعنى أنه ليس كل ما يرغب بع يحصل غليه)
أعضاؤه جد ضعيفه و ليس كل دواء يصلح له
لذا بارك الله فيكن هذا أمر يتطلب وقتا فقط
و لا داعي لإستعمال أدويه أعراضها الجانبية أسؤء من من منافعها

[omhadil]

والله يا اختي راني حاسة بيك لاني كان عندي نفس الحكاية بصح انا ولدي عندو عامين وماقدرتش نفطمو جربت حوايج بزاف وماحبش يحبس حتى قالتلي سلفتي حطي في صدرك زنجبيل مطحون يكون حار شوية وجربتو وما دارلو والو يعني ما حسش بيه خلاص وفي الاخير قلت والله غير نحطلو لهريسة في صدري ولا ما تفطمش نخليه يرضع حتى يحبس وحدو نهار حطيتهالو كي حب يرضع شافها حمرا قاد يخزر في قلتلو اعععع حارة وعاودتهالو زوج مرات كرهها ولا وحدو يقولي اعععع حارة نتمنى تجربتي تفيدك وربي يعينك ويقدرك ويشفيك امين
شكرا اختى والله مازال مالفيت الحل انشاء الله نجرب طريقتك وربى يجيب الخير
هههههههه غادوني مساكن و الله حرام علينا بصح الله غالب ربي يعينك عليه اختي

والله راه غايضنى وقطع قلبى بصح المشكلة رانى حاسة انى ضالماتو

[omhadil]

أختي
هذه فطرة فطر الله عليها الأولاد الصغار التعلق بأمهاتهم
و يزداد التعلق من خلال أمور عدة لعل أهمها الرضاعة الطبيعيه
من أفضل ما قمت به أختي إرضاع صغيرك لما في ذلك من عوامل نفسيه و جسدية مقويه له
سوف تلاحظينها إن شاء الله الآن و مستقبلا

أما عن فطامه فإتبعي التدرج معه
كوضع الملح أو أي شيء حار
و إنقاص أوقات الرضاعة و أنصحك بجعلها نهارا
لأنه لاحقا يسهل إلهاؤه بأمور كثيره
لأن تعوييده النوم بالرضاعة سيزيد المشكل

ثم أسفت جدا للأخت التي وضعت نصيحة بمنح الطفل دواء النوم
يا أختي هذه مخلوقات صغيرة و ضعيفة
تعلقها بك عن طريق الرضاعة ليس مرضا نفسيييا تعالجينه
إنما هو غريزة فطريه تحاولين تهذيبعا في طفلك
إستعدادا لتعامله مع العالم الاخارجي(بمعنى أنه ليس كل ما يرغب بع يحصل غليه)
أعضاؤه جد ضعيفه و ليس كل دواء يصلح له
لذا بارك الله فيكن هذا أمر يتطلب وقتا فقط


و لا داعي لإستعمال أدويه أعراضها الجانبية أسؤء من من منافعها

شكرا اختى على هذه النصائح القيمة
ولم اكن اعرف ان موضوع الفطام امر صعب لهذة الدرجة والله انا محتارة فى امرى
ربما لانى غير مقنعة بفطامه فى هذا الوقت واحس اننى اضلمه ومازال صغير
لهذا السبب اضعف امام بكائه خاصة فى الليل
مرة اخرى شكرا على الاهتمام وجعلها الله فى ميزان حسناتك

[mitrochka]

نعم أختي
لو تعرف النساء أهمية الرضاعة للأطفال ما تركنها ختى أتممن العامين
أوصيك أحتي إن لو يكن هام سبب قاهريمنع إتمام المدة كاملة (عامين)و ربي يعينك و يحفظلك إبنك قرة عين لك

[ناديـة]

أنا ثاني بنتي عندها أكثر من عامين و ما قدرتش نفطمها كل يوم نقول اليوم نفطمها راهي ترضع غير في الليل بصح كون مانرضعهاش تبق تبكي الليل طول وتنوض إخوتها ما علاباليش كيفاش نديرلها

[basma79]

الفطام أحسه صعب على الأم و الطفل في نفس الوقت

عن نفسي ولدي لديه 23 شهر و لم أستطع فطامه لأنني أضعف أمام بكائه و إلحاحه و عناقه لي في الليل

ربي يعينا جميعا إن شاء الله.