مشكلتي

[مشكلتي]

السلام عليكم ورحمة الله تعالى وبركاته .
كتبت هدا الموضوع باسكو عندي زمان وانا نعاني منو ونتمنى تعاونوني باش نتخلص منو .
انا فتاة جميلة الحمد الله الكل يحبوني وعمري 15 سنة ونقرا في ليسي المشكلة انو توال الدخلة تاع الليس يتاعنا كاين واحد كل يوم يمشسي مورايا وعمرو 27 سنة ويقلي حاباتك تخرجي معايا ولا ندير اللي ما يندارش وهكاك كل يوم يجي هاكي نيميرو ومرة يبعنلي شحال من دراري ويقولولي اقبلي بيه راهو صح يحبك قلتلهم واش يجيب وحدة تاع 15 سنة لواحد راجل تاع 27 سنة قالولي ميهمش لعمر و لاحد لي فات جا تبعني للدار وعاد يسناني توال للباب ويوصلني لليسي صحاباتي قالولي قولي لخوك وهو يهدر معاك مي انا وخويا منهدروش مع بعضانا باسكو تهاوشنا.
راني حايرة واش ندير وخايفة ربي يعيشكم انصحوني

[يونس معبدي]

وعليكم السلام ورحمة الله

يعاني من هذا الامر الكثير من امثالك...
نصيحتي ليك لا تصدقي هؤلاء الحمقى
فهذا الشخص لا ينوي لكِ الخير ابداً
وكما قال لكِ صديقاتك اخبري اخاك بالأمر
خليه يوريه ان بنات الناس ماشي لعبة
واتركي كل شيء بينك وبين اخوك لأنه مهما
حصل لا يهون عليه ان شخص يضايق اخته في الطريق
..
شيء مؤسف شباب اليوم اغلبهم عادوا يحَّشْموا

موفقة اختي
وربي يستر عليك وعلى جميع بنات المسلمين

[nouna l maghbouna]

قولي لخوك عادي
ولا ليماك

ماتقميهش و ماتهدريش مع هاد الدراري اللي يبعثهم

[ايمان نور الجزائر]

اخوك يا اختي....علاش دايرلنا الاخوة
تصالحي مع خوك والا قولي لامك تقولو والا ما تفراش مع القصة هاذي

[djouhar23]

اختي انا صرا معايا كيما انتي

بصح انا خبرت خويا وراح لعندو وهدر معاه

من تماك خطاني

انصحك باخبار اخاك في القريب العاحل

[داوود]

وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَىٰ ۖ وَأَقِمْنَ الصَّلَاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ ۚ

[bachir ghe]

نقلك حاجة قوليلو راني مخطوبة باش يبعدك وإذا ماحبش يبعدك قوليلي أنا نتصل بيه ونفهمو أوكي

[knives66]

قولي بابك به يتفاهم معه هذا حاب يتمسخر

وأهدري مع امك هيا تقول خوك به يعطوه طرحة ويبعد عليك ما تخفي منوا ما ولوا

راكي صغيرة لا انت تاع زواج ولا خرجات ولا شيئ الهي بقرايتك

وما تعمريش راسك

راه كبير عليك ب12 سنة

[chromato]

ومرة يبعنلي شحال من دراري ويقولولي اقبلي بيه راهو صح يحبك قلتلهم واش يجيب وحدة تاع 15 سنة لواحد راجل تاع 27 سنة قالولي ميهمش لعمر

راجعي نفسك في ما كتبتيه خاصة ما هو بالأحمر

معناه لو كان عمره من نفس عمرك كنت تقبلين
أولا أنت تتكلمين مع الذكور في أشياء غير ضرورية فما بالك بهذه الأشياء
الحل هو راجعي حساباتك من الصفر

[بنت غليزان]

اختي حذاري توقعي في الخطا الي راهم يطيحو فيه لبنات و تكون فريسة سهلة لذئاب بشرية
هدديه بانك سوف تخبرين اهلك و انهم سوف يشتكون به البلد ماهوش سايب

[المظلوم انا]

ان قبلت به ستتشوه سمعتك و في الاخير سيتركك
يبدون انه محترف في اللعب

[samara lara]

خليك منو و ماعليك غير تقولي لباباك ولا خوك و كي يعتيلو طريحة تما يعود يجي يسناك فالليسي هههههه

[pomaria_aindefla]

أنت مازالك صغيرة عليه خليه يتبعك و لا تكلميه إدا كاش مادار أخبري أمك هي بدورها تخبر أباك أو أخيك لا ترضخي لطلبه إدا كان فعلا يحبك وراه خدام و واجد يتقدم لخطبتك

[naamane3]

اللهم اكفينيه بما شئت وكيف شئت انك على ما تشاء قدير
كلما رأيته ادعي بهذا الدعاء وسترين قدرة الله في كفه عنك

[الفاتحة]

أخبري أمك وأباك أخوك واحذري أن يختطفك أو شيء من هذا القبيل ربي يستر كل بنات المسلمين

[diamant mb]

akhtik mano watalhay ba9raytek mazalti sghira wila 7abiti 9oli lmamak tafrihalek hia 3labalha wach adir ,khti ahadri m3a khok 3lah tadago malazamch bye

[لينا2013]

أنا نقولك لازم تقولي لباباك و اخوك قبل ما يتأزم الوضع أكثر فاكثر إحذري

[خديجة سطيف]

شوفي يااختي انت راكي في سن المراهقة خدمي عقلك قبل ما يديك قلبك للهاوية هدا وكيما راكي تقولي عندو بزاف وهو يجرم بيك وانت ساكتة عليه يسما قابلة بهدا الشيء ديري موقف قولي لخوك هو يحل المشكل

[حبيبة زوجها]

اسمحيلي يااختي بصح جوابك للدراري ميقنعش وهو فاهمها بلاك بالمحاولة يستدرجك
عندك طيحي فلبياج تاعو ومازالك صغيرة على هاد الشي والطريق هداميوصل غير للندامة
قولي لخوك رح يعاونك ولا قولي لامك وهي توصله الخبر
ربي معاك