مشكلتي مع الجاري [الأرشيف] - منتديات الجلفة لكل الجزائريين و العرب

MANOU1

2013-12-06, 16:19

ارجو من ذوي الخبرة مساعدتي بنصيحة و بخبرتهم خصوصا ناس الشرق
عندي مشكلة في الجاري او الشربة فريك انا نحاول نقلي البصل و الحشيش مليح بصح دائما يبقى ميدوبش
كيطيب و نطفي عليه يبقى البصل و لحشيش كما راح و ك نأكل الجاري عند الناس مانشوف لا بصل ولاحشيش
علاه انا ميحبش يروح وين المشكلة ؟؟؟؟؟؟؟؟
اتمنى تكونو فهمتو وتجاوبوني و تعطوني السر اللي مازال انا ماعرفتوش

mira la belle fraise

2013-12-06, 16:25

ارحيهم في الميكسور وقلي ملييييح

MANOU1

2013-12-06, 17:02

نرحيهم في الميكسور ؟؟؟؟ نجربها
شكرا على النصيحة

فـرح

2013-12-06, 17:53

ختي حنا نصفيو المرقة تاع الجاري لازم يجي صافي يهبل
باه يجيك بنين كتري البصل
انا ندير زوج حبات متوسطين باه مام نصفي يجي خاتر وبنين

لينا2013

2013-12-06, 18:41

أنا نرابي في لاراب أو في الميكسور البصل و الثوم و الطماطم و نحطهم في الكوكوت +طبعا اللحم و الحرور و الفلفل الاسود و الملح و المعدنوس و الدبشة و الزيت و الطماطم تاع الباط و نقلي على نار هادية حتى تتقلى مليح و مبعد نمرق بشوية بماء دافي و نحرك و مبعد نكمل التمراق و نغلق الكوكوت مدة نصف ساعة اكيد حسب اللحم هنا اللحم يكون نصف طياب نصفي المرق نتاعي و إظافة شوية طماطم و شوية ماء تاع الباط إذا ناقصة و نشمخ الفريك بالماء و مبعد نحيه من الماء و كي تغلي المرق نضيفو و نزيد الفلفل الحار و نغلق عليه حتى يكمل اللحم يطيب و يخثار طفي عليه و حطيلها شوية نعناع و دبشة و فلفل الحار و خطي عليه لحال التقديم و شهية طيبة (مدة الطياب حسب اللحم)
و الله راهو يشهي و هذه طريقتي و يعجبهم كامل
إسمحيلي طولت عليك

أم ماجد

2013-12-06, 19:32

ارحي البصل مليح فقط
وخليه يتقلى مليح مع اللحم
استعملي الروبو

لينا2013

2013-12-06, 19:51

يعطيك الصحة أم راضية

hanane09

2013-12-06, 20:38

انا نرحي البصل والدبشة في المكسار
تم نقليهم

كلي أمل

2013-12-06, 21:04

كيما قالو لك الأخوات لازم تقلي مليح لبصل زيد الدبشة راني ما نقطعهاش . أنا نعملها ربطة صغيرة ونرميها وكي نحرك نحاول ما نفسدهاش وامبعد نصفي بالصفاية يجي روووعة يبقى لك غير المرق صافي...ربي يوفقك أختي

MANOU1

2013-12-06, 23:45

والله فكرة مليحة تاع نصفيه اول مرة نسمع بيها بصح عجبتني
نعود نصفيه و شكرا ليكم كامل على الاجابة

MANOU1

2013-12-06, 23:46

أنا نرابي في لاراب أو في الميكسور البصل و الثوم و الطماطم و نحطهم في الكوكوت +طبعا اللحم و الحرور و الفلفل الاسود و الملح و المعدنوس و الدبشة و الزيت و الطماطم تاع الباط و نقلي على نار هادية حتى تتقلى مليح و مبعد نمرق بشوية بماء دافي و نحرك و مبعد نكمل التمراق و نغلق الكوكوت مدة نصف ساعة اكيد حسب اللحم هنا اللحم يكون نصف طياب نصفي المرق نتاعي و إظافة شوية طماطم و شوية ماء تاع الباط إذا ناقصة و نشمخ الفريك بالماء و مبعد نحيه من الماء و كي تغلي المرق نضيفو و نزيد الفلفل الحار و نغلق عليه حتى يكمل اللحم يطيب و يخثار طفي عليه و حطيلها شوية نعناع و دبشة و فلفل الحار و خطي عليه لحال التقديم و شهية طيبة (مدة الطياب حسب اللحم)
و الله راهو يشهي و هذه طريقتي و يعجبهم كامل
إسمحيلي طولت عليك

بالعكس اختي شرحك كان مليح و استفدت منه شكرا اختي

om mita

2013-12-07, 19:33

حنا نصفيوه علا بيها ميبانش

MANOU1

2013-12-08, 15:24

راني طيبت البارح الجاري ودرت كيما قلتولي رحيت كلشي في الميكسور و في الاخير زدت صفيتو بالصفاية
والحمد لله جا هايل
شكرااااااا بزاف بزاف لكل وحدة ردت

لينا2013

2013-12-08, 21:40

الحمد لله وهذا واجبنا ماش نعاونوا لطلبوا المساعدة و حتى بقليل القليل المهم نقولوا واش نعرفوا

لينا2013

2013-12-08, 21:43

راني طيبت البارح الجاري ودرت كيما قلتولي رحيت كلشي في الميكسور و في الاخير زدت صفيتو بالصفاية
والحمد لله جا هايل
شكرااااااا بزاف بزاف لكل وحدة ردت

الحمد لله ,هذا واجبنا كي نعرفوا حاجة منبخلوش و لو حتى بالقليل

ام ظافر

2013-12-09, 08:59

اختي لازم تصفيه من اثر البصل وقشور الطماطم والله يفسدو منظرو وطعمتو وايضا حتى ما يكونش المرق تاعك فيه العضام تاع اللحم والتخ تاع التوابل بل يكون صافي فيه غير الفريك
وعلاه تميكسيه اصلا قبل الطياب وانتي راح تصفيه
راهو لما تميكسيه في الميكسور زيادة التعب فقط وزيد يلصق في قطع الللحم وصعيب باش تنظفيه منو من بعد وممكن ترجعي اللحم في الجاري ويبقى اثر البصل عليه او قشور الطماطم
قطعي البصل تاعك قطع متوسطة بالسكين هي والطماطم وقلي عادي جدا ولما تنتهي صفيها بالكسكاس وحذاري من التخ تاع التوابل وبعض العضام تاع اللحم صغار حتى هو ارميه لانو راح يفسدلك طعمة الجاري واحيانا والله ناكل جاري فيه عضام تاع اللحم قريب يتكسرو سناني