زهري قليل

[مشكلتي]

السلام عليكم
مشكلتي وباختصار انني شابة ومثل كل البنات تحلم بالاستقرار والزواج ولكن لم يكتب لي الله نصيب
اتقدم لي العديد من الرجال ولم يحدث نصيب ومنذ 2003 لم يتقدم لي اي شاب يعجبون بي من بعيد لبعيد وها أنا الأن تعديت 30 ببضع سنوات وحطوني في خانة العوانس طبعا بما انني في مجتمع عربي لا يرحم
بعد 11 سنة والبارحة بالضبط تتقدم لي فرصة زواج ولكن كيف؟:confused::confused: فعلا منحوسة أنا
لدي صديقة تحبني وكتير كتير تتمنى تشوفني زوجة لأخوها الذي هو زميلي في الشغل منذ 2 سنوات نشتغل في نفس المؤسسة ولكن ليس نفس المكتب يعني نشوفوا قليل ما شي كل يوم
هذه البنت قالت لي انا ما نحبش ننعت للخويا لبنات ما نحبش انا نتسبب في زواجه بطريقة مباشرة لاني ما نحبش نوقع معاه في مشاكل من هذا الباب عمري ما قتلو وعلاش ما تتزوجش فلانة ولا فلانة ولكن انت بالذات راح نهبل باش تتزوجي اخي لانكي تملكي كل المواصفات الي يحوس عليها هو وأي رجل طلبت مني أنني أنا نتحرش به بطريقة غير مباشرة وهو يعجب بي ويروح يقول لها راني حاب نتزوج صديقتك:cool::cool: وتفرح هي يعني من دون تدخل ديالها
قالت لي اجبديه في الكلام لما تلقايه قو ليلو سلام واش راك وجبدي الحكي معاه و الأمر اللي رفضته طبعا :sdf::sdf: قلت لها لازم هو اللي يبادر معاي وراه يشوفني اذا عينو فيي .......يعني مستحيل انا يلي نهدر معاه ....
ما رأيكم في هذا التصرف من صديقتي؟ وأنا فعلا اريدها هي التي تتصرف أو هو وان كان يريدني فأنا موجودة معه في العمل يمكنه طلي رقمي وايضا نروح عندهم للبيت دايما ويجو عندنا يعني عنده ألف فرصة اذا عينو في
لماذا بعد صبر 10 سنوات تجيني خطبة من هذا النوع ؟؟؟؟ أحس بكئابة فعلااااااا ما عنديش كامل الزهر
يا البنات لوكان راكم في بلاصتي واش تحسوا؟ واش تعملو؟

[يونس معبدي]

وعليكم السلام ورحمة الله

اختي الكريمة
الا ترين في هذا الشاب نوع من الاحراج ؟
ممكن يستحي من الحديث حتى لأخته
اقول ممكن..

وان كان يريدني فأنا موجودة معه في العمل يمكنه طلي رقمي وايضا نروح عندهم للبيت دايما ويجو عندنا يعني عنده ألف فرصة اذا عينو في

يعني وطالما ان اخته تريدك زوجة له على الأقل تلمح ليه فقط
ليس شرط ان يكون هناك فتح موضوع بالكامل
يعني السُبل موجودة اذا كانت فعلا تريدك زوجة لأخيها
خاصة مثل هاته الامور بالنسبة للبنات..بالعامية يفهموا لهذا الشيء

ونصيحة لك لا تدلي على روحك
شرفك وكبريائك فوق كل شيء

ربي يقدملك اللي فيه الخير
موفقة ..

[SKYALGERIA]

بالتوفيق أختي الكريمة و لا تنسي صلاة الأستخارة

[norhane taha]

نقولك حاجة يا ختيتو إياكي ديريها راكي جاوبتي روحك إذا حاب هو لي يتقدم ل اقدر ودتيهاو تزوجت متقوليلش صحبتي وكذا وكذا والله غير ناس تتغير بزاف وممكن تندمي على هذا تصرف طول عمرك من جهة ما يرضيش ربي ول ايرضي حياتك مستقبلية

إذا عينها هي تقولو مراح تخسر والوا مي أنت إذا درت رايحة تخسري

أصبي وزواج مكتوب لا عانس ولا شيء تاني برك نصيبك مزال مجاش

[نارينا]

يااختي ديري الاستخارة والا كان من نصيبك راح يتوله ويعود يشوف فيك ويخطبك والا مش من مكتوبك اصبري ربي معاك ويقال السيل اذا ابطأ اتى قويا رزق ربي مزال لقدام انا كانت عندي زميلة في العمل فاتت الثلاثين بسنوات حتى نحت الزواج من بالها ضرك راهي عندها عامين ماللي تزوجت وولدت وراجلها مركزه عالي في المجتمع الله يبارك ويزيدها من فضله لكن كانت تتصدق وطيبة وملتزمة نش من البنات الخفافات حرمت على روحها الف حاجة فرزقها ربي ونشالله انت ثاني

[عفوك يا رب]

السلآم عليكم ورحمة الله تعالـى وبركاته

أختي لماذا كل هذا القلق ؟ لآ داعــي للقلق أبدََا فربك هو الله ! قـادر على كل شيء

وأي رجل طلبت مني أنني أنا نتحرش به بطريقة غير مباشرة وهو يعجب بي ويروح يقول لها راني حاب نتزوج صديقتك
هذا تصرف غير لائق و إياك و سماع هذه التُّـفهات ....

الزواج رزق من الأرزاق يقسمها الله كيف ما شــاء و نحن راضيـن بما قسم الله لنــا ، اللهم لكَ الحمد ...


يسر الله أموركِ و أمورنــا

وَ وفّقكِ الله لمـا يحب و يرضى

~

[chromato]

إذا كانت صديقتك لا تستطيع الكلام مع أخيها مباشرة فالوالدة خير وسيط

[ahmedchourar]

الله يجعلوا من نسيبك اختي كريمة

[نورسين.داية]

السلام عليكم

عزيزتي مجرد نصيحة تجنبي حديث الإدارة لي يحب يتقدم ليك يطرق باب دارك ....و أنتي تعملين معه و يعرف عناونك ...

و مسألة تكلمينه أو توجدين السبب للحديث معه ................لست مع هذا الرأي نهائيا ............

أنا لو في مكانك ....لن أفكر فيه حتى التفكير ......و الله عز وجل هو الرزاق .....و لي تجي من عند الله عز وجل خير و أحلى

نصيحة أرمي عليك ......................

[doba]

ربي يقدملك اللي فيه الخير

[* الحلم سكر *]

اذا انتي لي رحتيلو و تقربتي ليه راح يحتقرك و تحتقري روحك و تندمي الف مرة الرجال ما همش اغبياء اي واحد يفهم الواحدة من عنيها اذا اهي باغياتو ؟؟؟

اذا صديقتك حشمانة منه خليها تقول لامها تتوسط بالموضوع

و الزواج مكتوب و شكون قال هذا فيه الخير ليك الله اعلم الخير وين

واش تديري اصبري و ادعي و تقربي لربي سبحانه و احمديه على نعم اخرى عندك بالاك انتي ماشي شايفتها

الزواج مكتوب حبيبتي ما عندو حتى علاقة بالزهر ... قادر ربي سبحانه يجيبلك مكتوب في رمشة عين تقولي الحمد الله لي تاخر زواجي و ديت هذا كيما صرا لناس بزاف و ان شاء الله تفرحينا عن قريب بزوج صالح اللي فيه الخير دنيا و اخرة

[sarl02]

لماذا بعد صبر 10 سنوات تجيني خطبة من هذا النوع ؟؟؟؟ أحس بكئابة فعلااااااا ما عنديش كامل الزهر
يا البنات لوكان راكم في بلاصتي واش تحسوا؟ واش تعملو؟
ما جاتك حتى خطبة لحد الان ومكان والو على حساب ما احكيتي اذن علاش راكي اتوهمي في روحك باطل؟؟الان نعود لحيثيات موضوعك...زعمة اخته الي هي اخته باش اتفاتحو فالموضوع حشمت وانت باه تتحرشي بيه معليش وعادي؟؟..وديجا علاش هذو الفيلماوات بلاك هذا الشاب راه امخرجكم من عقولو نهائيا كي انت كي اختو وانتم قاعدين اطلعو واتهبطو....شوفي يااختي انت صبرتي صبرتي كيما قلتي خلي ختامها مسك والامر ايجي من عند ربي...وان شاء الله ربي يفتح عليك في القريب العاجل.

[الفاتحة]

اياك أن تفعلي ذلك الزواج مقدر ومكتوب واذا عملتي هذا الشيء والله راح تندمي ونظن أختي أن صديقتك تقدر تفاتح أخوها في الموضوع وحجتها غير مقنعة وربما تريد أن توقعك في مصيبة وتقعد تضحك عليك

[ange02]

صدقييني أختي الزواج مكتوب خلي ثقتك بالله كبيرة .

[سمو امير الكلمات]

نستنتج حاجتين اثنين

اولا هذه البنت مخطئة في تفكيرها في أنها لا يمكنها أن تخطب لأخوها وتختار له الزوجة الصالحة وخاصة ليس بنت وفقط بالعكس صديقة لها وعشرة بينكما فالشيء الملاحظ في مجتعنا نوع ما ومزال هذي العادة تمشي معانا الأهل يساهموا في اختيار الزوجة لخواتهم

ثانيا وهو الأخطر أن هذه البنت واخوها يريدان شر بك ولا تريد هي بعد نتيجة وخيمة وسيئة ان تلام هي اذ حدث ما حدث وأنت لجاتي لها تقولك رحتي برجليك ليه وتتبرأ منك ولا أتمنى هذا

نصيحتي ارميها للمكتوب ولي خلق مايضيع ندعيلك ربي يبعثلك زوج الصالح الذي ترضينا دينه وخلقه امين

[رحمة من المولى]

الله يسرلك امرك

[منهاج]

السلام عليكم

ربي يرزقك بولد الحلال لي يصونك

بلاكي ديري حاجة ملي قالت عليها صحبتك

اتخيلي تتحرشي بيه ونتي تخدمي معاه وهو ما يديهاش فيك ويقوللهم فلانه راها عينها علي يشيعك باطل

وتخسري صمعتك بين الزميلات والزملاء في العمل

[ذكريات الطفولة 7]

اختي اكثري من الاستغفار و خلي ثقتك قوية بالله صدقيني و الله تفرج عليك ربي يفتح عليك ان شاء الله و يرزقك بولد لحلال

[مريم العدراء]

لم افهم شخصية صديقتك تحبك وتطلب منك ان تتحرشي بأخيها والعياذ بالله ان كانت فعلا تحبك وتراك مناسبة لاخيها تفتح هي الموضوع معه و لو بطريقة غير مباشرة و ترى رأيه فيك وينتهي الموضوع .
وإن اردت رأيي بصدق اتركيها واخاها واتجهي الى ااااالرزاق الكريم

[aroua]

اختي ربي سبحانو يقول في كتاب ## ان كيدكن لعظيم ## صدق الله العظيم
وهده الآية تنطبق على صديقتك كيف انها تريدك زوجة لأخيها وتطلب منك التحرش به حرام عليها وعليك ان فعلتيها وزيد ادا هي بغياتك صح وعلاه ماتعرضش الموضوع على اخوها بلا ما انت تدري وادا قال لالالا ماتقولكش اصلا وادا عجبو الموضوع تفاتحك فيه
اختى في الله ماتهفكش حتى بحاجة راهي حابة تكبك على وجهك وانت تعرفي الادارة
اياك ثم اياك قوليلها ياختي راني قدامو ادا حابني باب الدار مفتوح للحلال انا مانشوهش بصورتي عندو في الادارة
والرجال راهم مكارين ادا شافو وحدة دور عليهم يدوها في روحهم مالا انت مادريهش في بالك والمكتوب واحد ماشي عشرة والرزق على ربي سبحانو مانحتاجه هو قليل من الصبر الجميل والله المستعين

[mimi30]

ربي يزقك بولد لحلال ونقولك هذا ماشي زهر هذا مكتوب ربي
صبحانو اذا كتبلك تزوجي
كيما يقول زوجي الزهر في الدلاع

[مريم الصابرة]

السلام عليكم اختي
اولا صديقتك يعني من باب تحبك بزاف وتتمناك لخوها عرضت عليك التصرف هذا لكن نصيحتي ليك بالاكي وأخطيك هي اختو قادرة تقترحك عليه نورمال فالدار بقسرة تقولو وعلاه ما تديش فلانةو اللي نعرفوها خير من اللي مل نعرفوهاش ماطيحش بقيمتك وكرامتك وترمي روحك عليه والدنيا غدارة والعشرة فتاشة غدوة من غدوة تعايرك هذي صراحة لالا اختي ولو راكي عانيس راكي في دار والديك بقيمتك ولو عينك إنت تصيدي الرجال لو صيدتيهم بكري من رأي خليها على ربي وخلي خوها لو عينو فيك راكي قلتيها مليار فرصة وهي خوها منها ليه قادرة تقولو اما إنك إنت تتحرشي بيه وترمي روحك عليها هذي غلطة وغلطة كبيرة ممكن هو ما يحبش نوع هذا من النسا ويحب اللي حكامة روحها ومحترمة نفسها ممكن راكي عاجباتو ولو تصرفتي هكذا راحا طيحي من عينو
أختي نصيحة ليك ما تقولي زهري قليل ما والو الزواج كالموت مكتوب الله الصبر وفقط موفقة