عندي سؤال كبير انصحوني

[bobo lala]

الظروف نتاعك تخلليك تقرى واللا لا انا عندي ظروف مليحة بزاف ومعدلي 15 ما نيش حابة نقرى كرهت مع العلم ان هذا المعدل دون تعب انصحوني

[أم أسيل الاثرية]

مفهمتش واش تحتاجي حنونة واضحي

[pomaria_aindefla]

مايدوم حتى حاجة سوى قرايتك و الديبلوم ديالك هو مفتاح لك و سلاح في المستقبل

[blue.sky]

يعني بعد ما تحبسي واش حابّة إدّيري ؟

وممكن توضحي معنى كلمة بدون تعب ؟ وراح نجاوبك.

[جروح الليل]

لا لا نصيحتي لك كملي دراستك والله راكي تندمي لكن ما فهمتش معدل بلا تعب واش قصدك

[نورة مروان]

الله يهدييييييييييييييييييييييييييييييييييييييييييييييك

[الواثق]

اذا كنت لاتية بامور لانفع فيها ........كمتابعة المسلسلات وحظور الاعراس وسماع الاغاني والدخول في قصص مشبوهة او محرمة او جلوس القيل والقال ...........................فستضعفين في الدراسة وستجدينها ثقيلة جدا وسينقص تركيزك ..........فاصلحي المحرك والطريق حتى يكون الانتقال سليم
يسر الله امرك
والله المستعان

[صفية الاوراس]

كيف يعني معدل 15 وبدون تعب فهميني هذي ؟؟؟
وظروفك مليحة ولا تريدين الدراسة قوليلي كي ما تقرايش واش اديري ؟؟
اختي مادام ظروفك ومستواك جيد ما تبخليش روحك يجي نهار وتندمي المشكل راهو فيك انتي وفي راسك
لانو في هذا الدنيا كاين كل شيء بصح يبقى العبد واش راه يقولو راسو

[knives66]

ممممم موضوع موش واضح

ممكن تفهمينا كثر

[naamane3]

قبل ان ارد اريد ان اعرف سبب هذه الكراهية

[hodahodahoda]

مادوم غير قرايتك
فكري جيدا

[AMINA.Z]

يا بنتي حتى و لو كانت عندك كنوز الدنيا تحتاجي قدر كبير من المعرفة و العلوم

الدراسة الهدف منها تنمية العقل و تطويره و ليس االحصول على العمل و كسب المال لوحده

مادامك لاباس عليك و مدايرة في حسابك المستقبل مضمون اقراي باه تثقفي

انا نعرف الناس لاكلاس يكونو كلاس في كلش و مثقفين و متعلمين

و اذا مدايرة في بالك بلي الحياة تعلمك راكي غالطة الحياة تعلمك واش ما تعلمكش المدرسة

الناس اي بالدكتوراه و الدنيا تلعب بيهم و مابالك انتي حتى بكالوريا ما عندكش

بركاي بلا جياحة

حاولي تتعبي شوية مرة على مرة في القراية بالاك تحسي بيها و تتهناي من الفراغ اللي عايشتو

[mounaminou]

هههههههههههههه ...و كي تحبسي لقراية واش تديري
تحسبي لحياة بلا قراية حياة.......حابة تنوظي من الرقاد ف العمر هدا و يكون الطموح تاعك هو لمسيح و الفريز و التفراج ف التيلي و تكونيكتي ....هدا ماكان
و يفوتو لعوام و تلقاي جاراتك و صحاباتك ب الديبلوم قاريات و فاهمات تحشمي حتا تحكي معاهم...اصلا كي تحكي معاهم واش رايحة تهدري ......منين تجيك لفهامة من اللعب في الدار و اللا من الرقاد .....لتما تولي نادما تاع الصح


شوفي انا فوت مرحلة كيما انتي و حتا المعدل تاعي كان 15 و كنت ماعندي حاجة ف القراية مي الحمد لله مرحلة و فاتت

نصيحة تاعي ليك ديري اهداف كبار بزاف لانو الامكانيات تاعك ملاح و راكي في نعمة .....قراي اللغات بزاف و وقت الفراغ عمريه بحوايج يفيدوك ....و من درك ارسمي هدف ...مثلا خممي واش حابة تقراي ف الجامعة و واش حابة تكوني ف المستقبل باه يكون عندك الحافز ...و لاكان حاسبة 15 معدل مليح نقولك ماتقنعيش لازم ديما تحاولي تجيبي ماخير و نافسي لبنات المتفوقات ....سلام

[hodahodahoda]

راح تندمي على قرايتك كي فوت الوقت
ننصحك اقراي اقراي اقراي

[samira135]

قصدها 15 بدون تعب انها تدي معدل 15 بدون ما تراجع وتتعب ياسر ما شاء الله

خيتي نصيييييييييحة من اخت اكبر منك ردي باااااالك تفرطي في قرايتك خصوصا انك ناجحة ومزلتِ صغيرة رايحة تندمي ياااااسر

[" أبو عبود"]

أنا استاذ وننصحك خليك من القراية. لواش تقراي اصلا واش رايحة ديري بيها. اتغيبي قدر ما تقدري وريحي في دراكم. اقلبيها موسيقى ورقص وراه العام يفوت وفي نهاية السنة يجيك كشف النقاط مكتوب عليها تعيد السنة. ساعتها تعرفي قيمة الدراسة وقيمة العلم يومها تعرفي بلي راكي وليتي ما تسوايش بصلة في نظظر نفسك اما في نظر واليدك والمجتمع ما نقلكش راكي شيافة قريباتك وجاراتك خصوصا البنات. لاني اعرف بلي النصائح ما عادتش تجيب نتيجة مع الاولاد والبنا. كل واحد حاط روحو هو مركز الكون. وهنا المشكلة.

[little smile]

أنت باين عليك شاطرة من دون تعب و جبتي معدل جيد
خدي نصيحتي
ديري هدف لحياتك
و ردي بالك كلشي ولا قرايتك
راكي في مرحله المراهقه و هذه الافكار لازم تنسيها ما يدوم غير العلم
لا تتخدي قرارا قد تندمين عليه طوال حياتك
تشجعـــــــــــــــــــــــــي
كاين ناس ماساعدتهمش الضروف على الدراسه و كي كبرو كملو قرايتهم
ردي بالك

[فارس وجواد]

يا أختي القراية ماهيش كل شيء في هذه الحياة و اللي قراو واش داروا نصهم في عقود الذل و النصف الاخر هاو يدور .

[amir201430]

للاسف انت فارس بلا جواد اكيد ماكش نجاح في حياتك

[ايمان نور الجزائر]

يا اخت رانا اكبر منك....ونتي بغيتي ننصحوك
قع مرينا بفترات نتعبو فيها من لقراية ...ونكرهو الامتحانات ونقولو اففففففففففف افففف من القراية
لكن يجوز الوقت وتمر الاعوام ....وتلقاي هذاك التعب بدا يروح وتلقاي غيييييييييييييييييييييييير
قرايتك وشهادتك...سلاحك في الحياة
صدقيني ....لا تدوم المسلسلات ولاااا الخرجات ولااا الصحبات راح تكبري وتفيقي
انااا لحد الان اشعر بالحنين الى مدرستي وثانويتي ....واتمنى احيانااااا ان اعود للمشزر الابيض

[كلنا راحلون]

سلام عليكم

ومعدلي 15 ما نيش حابة نقرى كرهت.............الله يبارك انت ذكية بدون تعب وجبتي 15.........ذكرتيني بجارنا مشاكس لا يدرس ويتحصل دائما على معدل 14
انت تمرين في مرحلة مراهقة ولا تسمعي كلام فاشلين من قال لي قراو واش دارو ........................اوضح..................كنت اكره دراسة من ابتدائي الى جامعة ..........لكن امنية والدي العزيزين ان اكون حامل شهادة جامعية ............اعدت في تاسعة وباكالوريا و3سنوات في جامعة والان 33سنة لدي شهادة مهندس في هندسة مدنية واعمل عامل يومي وكاري ديبلوم ........
لا تسمعي كلام فاشلين من قال لي قراو واش دارو..........لي قرا ما تنحشالو مع حيل ناس .............انت عندك مستقبل ولم يتبق لك الا 3سنوات وتصبحين في جامعة وديري تخصص الطب والله يوفقك في دراستك

[فارس وجواد]

للاسف انت فارس بلا جواد اكيد ماكش نجاح في حياتك
خوفتني لاه لي ناجح في حياته كيفاه داير.
خسارة عليك انا زعمة كنت حاط روحي ناجح في حياتي يا اخي البروفيسسسسسور.

[رانيا لوك]

غير لقراي الي ما يتفرطش فيها

[ilhemdetlemcen]

اختى الرابعة متوسطة مستوى غير كافى فى فى هاد الوقت اصحك باتمام دراستك لكان حتى ما تخدميش كملى قرايتك و راك تقولى معدل 15 بلا تعب علاش ما تستغليش هاد الدكاء لعندك و تجيبى معدل افضل تفرحى بيه المحيط ديالك و ابويك مدام هاد الاب موفرلك مسكين كل شيىء انعلى الشيطان و نتبهى لدراستك هدا غير ابليس راه يضحكط عليك اانعلى ابليس وو وصلى على الاقل غيل للبكالوريا راك عاد صغيرة و المجال راه مازال مفتوح ما ديريش حاجة لراح تندمى عليها فى الكبر و يكون و قتها القطار قاد فاتك غمضى عينك يصبح الحال.

[ميمي سمية]

يعني بعد ما تحبسي واش حابّة إدّيري ؟

وممكن توضحي معنى كلمة بدون تعب ؟ وراح نجاوبك.


حالتي نفس حالتها

عني انا شخصيا بدون تعب

يعني راني قادرة على كثر وباغية ندير طب في الجامعة ان شاء الله {وتعرفو الطب قداه يحتاج المعدل} مي نفسيتي مهيشي مليحة ومنيش قادرة نهز الكراس ولا نقراه

[ميمي سمية]

أنا استاذ وننصحك خليك من القراية. لواش تقراي اصلا واش رايحة ديري بيها. اتغيبي قدر ما تقدري وريحي في دراكم. اقلبيها موسيقى ورقص وراه العام يفوت وفي نهاية السنة يجيك كشف النقاط مكتوب عليها تعيد السنة. ساعتها تعرفي قيمة الدراسة وقيمة العلم يومها تعرفي بلي راكي وليتي ما تسوايش بصلة في نظظر نفسك اما في نظر واليدك والمجتمع ما نقلكش راكي شيافة قريباتك وجاراتك خصوصا البنات. لاني اعرف بلي النصائح ما عادتش تجيب نتيجة مع الاولاد والبنا. كل واحد حاط روحو هو مركز الكون. وهنا المشكلة.

وااااه خلعني كلاممك في البداية

والله رغم اني منيش انا صاحبة الموضوع لكن حالتي كيما حالتها

العام اللي فات ديت 15 بلا قراية وعمبالي بلي لوكان نقرى ندي مليح

مي نفسيتي ماخلاتنيش نقرى نكره نشوف فلكراس هذا خاااااااااااااااااصة مووواااد الحفااااظة

والدليل : لعشية نعقب الامتحان وراني من الصباح وانا ندور هنا :rolleyes:

[bobo lala]

la ana bint min 3aila mohafida

[omar-fadel]

لا عاد زواج وطلب منك راجلاك تبطلي فبطلي خير ولا كان بداعي غير الزواج ننصحك كملي قرايتك خير