في ما يخص الكفالة

[مليك الاوراسي]

السلام عليكم
خاوتي حطيت دوسي تاع الكفالة وجاتني ورقة من عند الدرك تحقيق
اديت معايا زوج شهود
وقالي واحد الدركي ثم بللي التحقيق تاعك مليح مايكون غير الخير
ايا و في مكتب الخدمة الوطنية عطاولي سورسي تاع عام
كي اكمل العام هذاك نورمالمو نهز الاعفاء تاعي
المكتب الولائي في باتنة قالولي كل شي مليح
مي سمعت انو كاينة لجنة في المكتب الجهوي يعني قسنطينة لازم افوت عليها اي واحد حاااط دوسي تاع الكفالة
وانا مازال ماعيطوليش
؟؟؟؟
واش ندير نروح للدرك نسقسي ولا المكتب الولائي ولا نستنى وخلاص


مشكورين مسبقا

[مليك الاوراسي]

راني نستنى ردودكم

[algeriano2009]

ماتدير والوا يا أخي. تابع حياتك و قم بتجديد التأجيل كل ماينتهي حتى يستدعيوك تعبي استمارة وبعدها تعفى أن شاء الله.

[sinopointic4]

بعد إنتهاء السورسي
تقدم إليهم لكي تتحصل على تمديد للتأجيل أو تحصل على الإعفاء يحول الله إذا كان التحقيق الذي أجراه لك المحقق في سلك الدرك في صالح
+
اللجنة التي تتكلم عنها تنظر في ملفك فقط من دون أن يقوموا بإستدعائك
بالتوفيق أخي

[مليك الاوراسي]

بارك الله فيكم
ربي اجازيكم

[sinopointic4]

فينا وفيك أخي الكريم

[صالح القسنطيني]

و عليكم السلام

اللجنة موجودة و لكن ليس كل من دفع ملف الكفالة يمر عليها، كان من قبل الجميع يمر عليها، ثم غيروا فصارت بعض الحالات فقط من تمر على اللجنة

من ذلك مثلا ملف كفالة قوي لسند وحيد حقا للعاجزين حقيقة و لكن القانون لا يمنحه الكفالة كالطبيب مثلا فيمر على اللجنة للفحص في أمره

و أما عنك فلا تفعل شيئا و تبقى تنتظر و تتوجه للمكت بولايتك على رأس نهاية التأجيل الذي تحمله