كيكة القهوة و لاكريم بالصور

[samia2014]

كيكة القهوة و لاكريم بالصور

مقادير لاكريم :

- بيضة
- 2 فرماجات متلتين عوضتهم بالمربعين
- دانون
- كاس صغير سكر

طريقة تحضير لاكريم :

نخلطو السكر مع الفرماج مليح تم نضيف البيضة واليوغورت
نتركو الكريمة على جنب ونحضرو الكيك

مقادير كيكة القهوة و لاكريم بالصور

- 4 بيضات
- كاس سكر (عملت كاس صغير )
- نصف كاس زيت
- كاس قهو باردة
- فاني
- 2خمارات
- الفرينة حسب الخليط تقريبا 2 كيسان ونصف


طريقة تحضير كيكة القهوة و لاكريم بالصور

نخلطو البيض والسكر والزيت والقهوة جيدا
تم نضيف الدقيق الفاني و الخمارة
نصبو الكيك فمول مدهون ومغلف بورق المطبخ
تم ناخدو الكريمة ونصبوها

ندخلوها للفرن ونحضرو السيرو لسقيها

- 6 حبات شكلاطة
- كاس صغير قهوة
- 2 معالق عسل
- طرف صغير زبدة

ندوبو الزبدة ونضيفو ليها الشكلاط تم القهوة والعسل نحركو ونصبو الخليط فوق اليك مباشرة ونزينو حسب الرغبة

[samia2014]

سمحولي معرفتش ندير الصور ممكن تورولي و شكرا

[أم إناس]

شكرا اختي على الوصفه

[ام ملاك.]

عجبتني حتى بلا صور تبان هايلة
بصح نسقسيك كي تفرغي لابات في المول تفرغي لاكريم مباشرة وتطيب معاها؟
ولابات كيفاش تكون خفيفة ولا ثقيلة؟
اما عن الصور لازم تحمليهم في مركز من مراكز الرفع
درك نبعثلك رابط باش تعرفي
جاوبيني على اسئلتي

[بنت غليزان]

شكرا اختي ربي يحفظك

[mojab]

شكرا تشهي:o

[cuisineshowdalatifa]

راني نتخيل في هذه الوصفة , ربما تشبه في الشكل فقط حلا المرايا والذوق .....مانعرف
ياختي , إن شاء الله تقدري تحملي الصور , راكي شهتينا

[real dream]

ya3tiiik essaha