كيف افعل دلك

[مشكلتي]

سلام عليكم انا فتاة عندي21سنة انا مرتبطة بواحد عندو29 سنة طلب مني حاجة قالي قبل ما نجي نخطب خليني نتعرف علا بعضنا احسن رانا نمشو في شهر ثالت صراحة انا كرهت خصوصا كي نهدر معها في دس مخبي علا دار حبت نصراحو بهدا شئ لكن نحشم حاب نقولو مي بطريقة غير مباشرة ساعدوني كفاش نقولو ولا ننهي هدا علاقة








ارجو من مشرفين عدو حدف موضوعي لاني لستو مسجل في منتدي صديقتي نصحتني بهدا قسم وشكراا

[aymen01]

.......................

محشمتيش كي راكي تهدري معاه حشمتي كي تطلبي منو الحلال

ديجا 3 شهر كافيا يتعرف عليك مهيش كيميا

[فارس وجواد]

للأسف لم أفهم جيدا المشكل لكثرة الأخطاء الاملائية .
كيف تقولين انك مرتبطة به و في نفس الوقت مازال لم يتقدم لخطبتك !!!!!!!!!!!!!!!
( تحوسي كيفاه تقولي له أرواح أخطبني بطريقة غير مباشرة باه ما تجرحيش مشاعره ساهلة قولي له :" اتوا البيوت من أبوابها")

[ABDOU ELE]

ســــــــــــــلام

بسيطة.......لا تقابيليه مرة اخرى لان ما تفعلينه حرام ويضر بسمعتك وسمعة اهلك السمعة اذا خدشت لا تعود........معلومة فقط يا اختي لا يوجد رجل يصاحب فتاة ثم يخطبها لان يقول ما دامت مشت معي فقد مشت مع غيري..........فكرة انه يجب ان يعرفك ليخطبك قديـــــــــــــــمة...........راه يجوز بيك الوقت.........لو كان يريدك لاتى من الباب ............سمعة الاب والعائلة كلها تداس تحت عنوان الحب .................وعود معسولة من ذئاب متمرسة.........الكثير ممن صاحبوا بنات هددهم بفضح العلاقة ..........الله يهديك.

[pharma-93]

...................

محشمتيش كي راكي تهدري معاه حشمتي كي تطلبي منو الحلال

ديجا 3 شهر كافيا يتعرف عليك مهيش كيميا.
اول مره ترد رد معدول....كيما قال الاخ 3 اشهر راهي كافية وزيادة نتي قوليلو يا تجي تخطبني يا باي باي اذا جاء يعني باين نيتو الحلال واذا قعد يديرللك في السبايب وكثر الهدره غير افهمي روحك وجبدي pusk باين بلي راهو يتمسخر

[nouna l maghbouna]

مافهمتش علاه تحشمي
قوليلو من اليوم مانزيدش نهدر معاك اذا عينك فيا اقصد والديا مانيش حابة نزيد نغضب ربي

[كلمة مني]

:confused::confused:؟؟؟؟؟ 3 اشهر

[sara160349]

الي ليك تديه تديه بلاما تعبي روحك و ضري سمعتك و تخاطر بحياتك و لي ما كتبوش ربي ليك حتا لو بقيتي تتعرفي عليه العمر كلو اذا اختي ثقي فالله و خليك من التفاهات و تكسار الراس اقعدي في داركم و احترمي نفسك لي يديك يديك بعزتك ماشي بالذل و يبقي يفكرك فيها عمرك الكل

[ahmed 31]

يا أختي الله يهديك و يهديه ويهدي الشباب أجمعين، حاجة تاع حلال عمرها ماتتبنى بحاجة تاع حرام، ننصحك فهميه مباشرة يجي يخطبك كي الناس و إلا أخطيه نهائيا،
الله يجيب لي فيه الخير.

[" أبو عبود"]

هذا مش رايح يتزوجك ولو بقيتي انت البنت الوحيدة في العالم ونقسملك انه مش ناوي الحلال. وزيدي تصوري راح خطبك ووالديك رفضوه؟ واش يكون موقفك؟ ما تكذبيش على روحك ونقلك راكي خسرت روحك وخسرت سمعتك ومزال قدامك شوية وقت برك باش تخرجي من هذا المازق. وزيدي مكانش حاجة يسومها حشمت منو. قولهالو جهارا نهارة ومرة وحدة ما تعاوديش ك قويلو ك اذا تحوس علي راك تعرف دارنا وبدلي الرقم.

[knives66]

يعني تحشمي في هذي وما حشمتيش كي راكي تخرجي معاه

بالله عليكم

اكتبيهلوا مساج وطفي تلفونك وينتهي امر

[○•ميسون•○]

لي يبغيك يقطع الواد و يجي يديك من عند ماليك

[kamilia85]

في الحلا ل حشمتي و في الحرام الالا
ساهلة قوليلو انا راني تعرفت عليك بما فيه كفاية ارواح اخطب سي نو تربح
بكل سهولة

[hakim park]

و الله غير راكي عاجبتني كيفاش 3 اشهر ما زال معرفتوش بعض واش راكم تحكيو بالحرف
يا بنتي ديري حال من دوكا العلاقة هذه مادومش بزاف و تلقايه رماك برا
ربي يجيب الى فيه خير ان شاء الله

[أيادي الأمل]

اذا كان التعارف قبل الخطبة فمآ فآئدة الخطبة ؟ ممكن يجيبك هو ؟

اما بخصوص سؤالك فلا تبحثي عن طريقة غير مباشرة ،
لابد من كلام مباشر لانك لا تدرين بانك تلعبين باهم ما تملكين " سمعتك" و " سمعة أهلك" و قيمتك،

واذا لا قدر الله ظهر في الاخير ان هذا الشاب لم يكن صادق او فعلا كان صادق لكنه غير رأيه ستجدين نفسك محطمة ، مهانة ، منهارة، مذلولة ... الخ و ان علم بك ناس آخرون أو رأوك فودعي سمعتك الطيبة وستكونين الخاسرة الوحيدة
وربي سبحانو ادرى بذلك لذلك نهى عن العلاقات قبل الزواج حتى لا نتأذى وحتى لا نخدع فهوؤلاء يعلمون كيف يصلون الى خداع الفتاة باستغلال عواطفها ونيتها ،
لكن لما يتقدم لك رسميا ستكونين تحت حماية الاب والاخ ولن يستطيع التلاعب كما يشاء

العيب ليس في الخطأ بل في الاستمرار عليه ،
لسنا معصومون من الخطأ عليك ان تعي انك اخطأت و لا بد تتوبين و تتوقفي عن الحديث اليه
واخبريه انك لست لعبة ان اراد فعلا الحلال فليأتي للبيت و ذالك دليل صدقه وله ان يتعرف عليك بعدها كما يشاء

اما ما قاله لك اسمحيلي لكنه اصلا انتقاص من قيمتك من البداية ،
لما يقولك نتعرفوا قبل الخطبة = ان اعجبتيه اكمل وان لم تعجبيه تركك هذا ان كان صادق اما ان كان من المخادعين الذين يستغلون نية البعض فلا ادري كيف ستكون النهاية الله يستر
يعني لا يهمه امرك من بعد

وفي كلا الحالتين ستكونين المتضررة الوحيدة ،

خليك غالية عزيزة مكرمة صعبة المنال كما كرمك الله واعزك

[mounaminou]

يا اختي لابديتيها بالحشمة و بالخوف من ردة فعلو من ضرك كيفاه رايحة تديري مبعد .........تحسبي انتي لبنات تخطبو هككاك ...يعني لاحب يجي مرحبا لاماحبش ندير كيما حاب و نبقي نحكي معاه ماعليش لحياة كاملة
لالا راكي غالطة ديجا كون من الاول قولتيلو على اي اساس حاب تتعرف عليا و كي يقوللك بغرض الزواج...قوليلو شحال نمدة باه يتعرف عليك ...كاين اللي يقعدو 4 سنين و هوما يتعارفو هههه .....كاين فرق بين لمشي و التعارف

[dala3 dalou3a]

rabi yehdik okhti enti ma kanch lazem eddiri m3ah 3ala9a psq houwa koun ja y7ebbek sa7 w3ajbatou ma y9ollekch lazem na3arfou 3a9liyetna aprés ça yokhetbek

[ميمي سمية]

يعني ختي ماحشمتيش كي راكي تمشي معاه وحشمتي تقوليلو مانديرش حاجة ماترضيش ربي؟؟ -__-

بركاي من التمسخير وتخيلي برك وجه والديك كيفاه راح يكون كي يعرفو بيك راكي مدايرة هذا بالدرقة عليهم تخايلي برك وش راح يصرى فيهم

زيدي ادي من عندي الحجاة هذي ختي راهو اي راجل قبل مايخطب مرة لازم يعرفها مليــــــــــــــح كيفاه مدايرة ويشوفها اسكو قادرة تقوملو دارو وتربيلو ولاتو ولا لالا

والحوايج هذوا كامل يعرفهم من تربيتها ، الوغ اذا انتي مشيتي معاه وقبلتي ....، راكي طحتي من عينو ومايعودش يستعرف بيك كامراة قادرة تحكملو الدار وتربيلو ولادتو

[djazia87holi]

سلام عليكم انا فتاة عندي21سنة انا مرتبطة بواحد عندو29 سنة طلب مني حاجة قالي قبل ما نجي نخطب خليني نتعرف علا بعضنا احسن رانا نمشو في شهر ثالت صراحة انا كرهت خصوصا كي نهدر معها في دس مخبي علا دار حبت نصراحو بهدا شئ لكن نحشم حاب نقولو مي بطريقة غير مباشرة ساعدوني كفاش نقولو ولا ننهي هدا علاقة








ارجو من مشرفين عدو حدف موضوعي لاني لستو مسجل في منتدي صديقتي نصحتني بهدا قسم وشكراا

لازم تصارحيه اختي لانو ماهوش عيب

[lynoor]

في الحقيقة قادني فضولي لمعرفة ردود الاخوة حول نقطة نتاع نحكي معاك ونعرف العقلية .....يعني اذا قبلت الفتاة بالعرض هل سيغير نظرته اليها هل هو معيار يقاس به خلق الفتاة و الله الامور بدات تختلط في ذهني
كيف تفكرون يا معشر الرجال

[ابوبكر17.00]

لا حول و لا قوة إلا بالله

[ase yasmine]

dit lui si c etait sa soeur il accepte cette situation

[نورالهدى بيولوجيست]

احتار في بنات اليوم همهم الوحيد الزواج

اصلا على حساب كتابتك و تعبيرك تظهرين لي اقل من 17 سنة و الله أعلم

و الاكثر من ذلك " مرتبطة" (كلمة دخيلة على مجتمعنا للأسف)

انا نعرف وحدة مخطوبة او متزوجة او عازبة لكن مرتبطة ؟؟؟؟؟؟

الله يستر على بنياتنا و يهدي الشباب و الشابات لصلاح الحال

[زهرة كل يوم]

هاذي فرصة ليك باه تعرفي راسك من رجليك

قوليلو ياوليد الناس 3 اشهر واحنا مع بعض راك عرفتني الا حاب تخطب مرحبا بيك

ماشي حاب ابقى على خير

هذا ماكان