حلويات يصلحو للنفاس

[غيداق]

السلام عليكم اخواتي:
انا راني حامل في الشهر السابع وربي يتمم حملي على خير وبحكم اني وحدانية يعني لازم نوجد كل ما يخص الولادة بنفسي حبيبتكم حباباتي تقترحو عليا انواع نتاع القاطو اللي يكونو شابين وفي نفس الوقت نقدر نوجدهم على الاقل ب15 يوم قبل الولادة واللي عندها طريقة باش نحتفظ بيها بالقاطو وما يفسدليش وما يتبدلش ذوقو تقولي عليها وربي يجعلهالكم في ميزان الحسنات يارب

[karimabatna]

مربعات حلوة الترك للينا 11 قاطو هايل بمعنى الكلمة درتو في عرس خويا دوائر و زينتو انا كيما ملفاي و لصقتو بكريمة الزبدة زدت فيها حلوة الترك والله قعد 21 تقول جديد يذوب في الفم

[ام ملاك و عبدو]

تقدري تديري قاطو الجلجلانيو او قاطو السيار او البقلاوة ثاني تشد و تقطعلك المهم اي قاطو مافيهش البيض بزاف يطولك

[الماسة النادرة]

ممكن تديري القريوش ومتعسلسهش وممكن تحتفضي بالحلويات في المجمد

[آملة]

افدتموني لانني محتارة واش نخدم انشاء الله في مارس نزيد اتمناو لي الخير

[حياة نور الدين]

اهلا بك ممكن اديري قريوش ,صابلي. بقلاوة. الطمينة طبعا , التشاراك, وربي يطلعك على خير

[hom2003]

شوفي قاطو ام اماني راه روعة ويصلح للنفاس ربي يسلكك على خير انشاءالله انت و اختي

[مرام]

اختي شوفي هذا الموضوع ممكن يفيدك

http://www.djelfa.info/vb/showthread.php?t=1459603

[غيداق]

بارك الله فيكن أخواتي على الاقتراحات الجميلة جعلها الله في ميزان حسناتكن

[مريومة دودي]

صباح الخير اختي مبروك عليك و ربي يسلكك على خير ممكن ديري قاطو الفرماج هايل و مافيهش البيص يشدلك بزاف ديريه ف بورت مونجي و حطيه ف المجمد بعد ما يبرد مليح و ك تزيدي اجبديه و راهو اقتصادي

[فاتن 89]

ربي يسلكك على خير ان شاء الله