معنى الرفيس

[sonia32]

السلام عليكم اخواتي
في الحقيقة احترت في حاجة كلمة الرفيس في الجزائر كل منطقة عندهم الاكلة هده لكن المحتوى مختلف تماما عرفت هدا الموضوع من قناة سميرة ففي هده القناة قدموا اكثر من كيفية فارجو من كل اخت تضع كيفية الرفيس في منطقتها لكي نستفيد كلنا ونعرف تقاليدنا وشكرا

[oum souma]

والله فكرة رائعة

[رفاه 32]

صباح الخير لكل الاخوات ، حنا الرفيس نخدموه كالتالي : ناخد سميد متوسط ( تشيشة ) نضيفولو قرصة ملح و نلموه بالماء و ما تكونش طرية بزاف و نشكلوه على شكل خبزة و نطيبوه فالطاجين
ثم ندقوه و نفتوه ثم نغربلوه و الرقيق اللي يطيح نديروه يفور مع التمر اللي نخدمو بيه المقروظ بعدما نكونو نقيناه
لما يفور نديروه في قصعة ونبدو نهرسو بملعقة خشبية لانه يكون ساخن ثم نضيفولو دهان و شوية كمون حسب الرغبة و نضيفو المبسس الرقيق و الغليظ ما يكونش غليظ بزاف و نعجنو مليح و من الافضل يتاكل دافىء يجي طعمه روعة خاصة كي يتخدم بالدهان الحر

[ام ملاك.]

والله صح عندك الحق
ااحنا عندنا الرفيس 3 انواع
رفيس اللي نخدموش بالدشيشة محمصة والزبدة والغرس ونشكلوه من بعد
وكاين رفيس نتاع الرقاق يفتتوه رقيق بزاف ومانعرف باش يخلطوه يجي بنين بزاف بزاف هذا نتاع ناس بوسعادة وهذيك المناطق
وكاين رفيس كيما اللي ذكراتو الاخت اللي قبلي

وين تزوجت لقيتعندهم رفيس حاجة اخرى تماما عن اللي تعودنا نشوفوه ويجي حلو
يديرو كي الشخشوخة البسكرية بصح غير باللفت ولا يطيبوه باللبن والحليب وياكلوه فطور ولا عشا

[sonia32]

شكرا لكن اخواتي الكريمات