مطلوع الغرب الجزائري

[نورة أسماء]

السّلام عليكم ورحمة الله وبركاته


كلنّا لايستغني عن الخبز ،وخاصة خبز الدّار

والمطلوع فيه أنواع كثيرة وهذا نوع من أنواع مطلوع الغرب الجزائري


المقادير :

يعني صراحة أنا عيني ميزاني

خذي 2كيلو فرينة ورطل سميد رقيق يعني الدّقيق واذا كان عندك دقيق القمح أحسن

4ملاعق صغار خمارة الخبز واذا كانت عندك الخميرة الطّبيعية عملي حفنة

ملح حسب الّذوق

أنا طريقتي أضع الماء الدّافئ أولاّ ونذوّب فيه الملح ونضيف الخماّرة والفرينة والدقيق نخلّط جيّدا ونخليّه يتشرّب ويرتاح مدة15د

من بعد نشمخ يديّ بالماء وندلكو شوية 5د ونخلّيه يرتاح 10د من بعد نطّلقو يعني ندلك بشوي ونضيف الماء ونلطخو مليح ونخليه يشرب الماء ونعاود نفس الطّريقة للمرّة الثانية

لازم يكون مرخوف بزّاف ونخليوه يخمر ...ومين يطلع مليح نقطعوه خبيزات صغار نوضعوهم في الدقيق ونخليوهم يخمروا ثاني 15د نسخنوا الفرن مليح وطواجن وهو يطيب على ثلاث مراحل أولا نضع الخبزة في الطّجين سخون وبمجرد ماتشد روحها ندخهلوها للكوشة سخونة ونارها تكون قوية ...باه الخبزة نتاعنا نتجي خفيفة وبها فراغات من الداخل ..ومن بعد نطلعوها الفوق باه تتحمرّ ...وأنا نخدم باثنين طواجن وبسرعة نكمل لخبيز ......

http://i43.tinypic.com/ne99xi.jpg

http://i42.tinypic.com/fx7975.jpg

http://i42.tinypic.com/2ag6uds.jpg

http://i41.tinypic.com/1y8oyr.jpg

http://i44.tinypic.com/30212f5.jpg

http://i40.tinypic.com/35b870i.jpg

http://i43.tinypic.com/3005je8.jpg

http://i43.tinypic.com/ettc3m.jpg

http://i43.tinypic.com/344wr43.jpg

http://i44.tinypic.com/33tpmhy.jpg


أتمنّى أن تكنّ قد فهمتّن الطّريقة الموضّحة بالصّور .


تحيّاتي حبيباتي

[أم إناس]

ماشاء الله باين خفييييف يعطيك الصحه وشكرا

[yara djoumana]

باين خفيف شكرا لكي

[الأمنيات]

اممممممممممممممم يعطيك الصحة خرج هايل شكرا على الوصفه

[malek1608]

يعطيك الصحة بصح بزاف تطيبيه على زوج قادرة ديريه مباشرة في الفرن ويجيك شباب

[مريم07]

رووووعة وجديد مختلف على مطاوع لي عندنا في سطيف
تنحيه من الطاجين باه يكمل الطياب

[نورة أسماء]

ماشاء الله باين خفييييف يعطيك الصحه وشكرا

الله يسلمك حبيبتي أسعدني مرورك

[نورة أسماء]

باين خفيف شكرا لكي

هو صح خفيف ولذيذ جربيه واعطيني رايك مشكورة عزيزتي على مرورك

[نورة أسماء]

اممممممممممممممم يعطيك الصحة خرج هايل شكرا على الوصفه

مروكي اختي هو هايل مشكووووووورة

[نورة أسماء]

يعطيك الصحة بصح بزاف تطيبيه على زوج قادرة ديريه مباشرة في الفرن ويجيك شباب

لالا هو المطلوع اصلا يجي شباب في طاجين احسن من الفرن لكن تكمليه طيابه من فوق في الفرن يجي احلى في شكل

اسعدني مرورك العطر حبيبتي

[نورة أسماء]

رووووعة وجديد مختلف على مطاوع لي عندنا في سطيف
تنحيه من الطاجين باه يكمل الطياب

باه يجي شكل جميل أحسن ملي تقلبيه في طاجين مشكورة حبيبتي مريومة

[ام انس15]

بارك الله فيكي عييت ما نفتش على الوصفة لاني كليتو في مغنية وما خرجليش من راسي
شحال كمية الماء اختي ؟في البداية يعني

[نورة أسماء]

بارك الله فيكي عييت ما نفتش على الوصفة لاني كليتو في مغنية وما خرجليش من راسي
شحال كمية الماء اختي ؟في البداية يعني

الله يبارك فيك حبيبتي أم أنس هو صحيح مطلوع مغنية في البداية تدلكيه نورمال ومن بعد تبداي تزيدي الماء بالعقل برك حتى يخفاف في يدك يعني تولي عجينة طرية بزاف جربيه وغادي ينجح معك هو ساهل

اسعدني مرورك اختي

[lamis.imen]

يعطيك الصحة

[خربشة ناعمة]

يعطيك الصحة اختي
هاد المطلوع مانستغناوش عليه فالدار
عندنا نساء مختصين فيه يبيعوه..راه انشهر عندنا في الوسط و الذوق انتاعوا ما يشبهش للمطلوع العادي....
يعني احسن منوا و الشكل انتاعوا من التحت فيه لاطراس انتاع الطاجين و من الفوق كسرة الكوشة..
و جرباتوا اختي جا روعة
و راكي شهيتيني لازم نجربوا فالدار
بصح عندي طاجين انتاع حديد واحد لازم نشري الثاني..
بارك الله فيك

[soulaphe]

ممكن كمية الماء الى ستعملتيها لهدى المقادير ممكن

[بشرى18]

مممممممم يعطيك الصحة في شحال وأنا نحوس عليه ربي يحفظك مبتدئة أنا في المطلوع مي نبغعي نتعلمو قوليلي شحال مقدار تع الماء ربي يخليك حنونة

[بشائر الهدى]

يعطيك الصحة على الوصفة الراااااااااااااااااااااااااااااااااااااااائعة