طريقة تحضير النيسلي

[ام سراج وملاك]

مقادير تحضير نيسلي سهلة ومفيهاش بزاف مضمونة و مجربة والمقادير هي كاس لحظة غبرة + كاس سكر عادي + كاس ماء تحطيهم على نار هادئة حتان يخثار كي تحبي ديريه في القاطو ديريه في بلارة نتاع زجاج فارغة متوفرة في اي بيت قادرة تكون بلارة زجاج نتاع مايوناز فارغة او بلارة زجاج نتاع حمص فارغة دري نيسلي نتاعك في بلارة واقفليها مليح وديريها في وسط برمة نتاع ماء تكون معمرة يعني تغطي سطح نتاع البلارة داخل البرمة بالماء وتطيبيها مدة نصف ساعة كي تطيب نحيها وخليها تبرد كي تجي تحليها اخبطيها من المقفال بالشوي وحليها خطراه يكون فيها شوي هواء داخل البلارة نتمنى نشاء الله تجربوها وترجعولي بالخبر.

[soumia souria]

merciiiiiiiiiiiiiii hanona ya3tiiiiiiiiiik saha

[myma13]

شكرا للأخت التى تفظلت بكتابة موضوع الخاص بكيفية تحضير حليب النسلي
و كذلك تحضير كريمة النسلي للحلويات ما اردت معرفته هو ان زجاجة الميوناز داخل
الكوكوط و الحرارة المرتفعة اظن ان البلارة ستنفجر ؟؟؟؟

[رحمة من المولى]

أحوجي متنفجرش البلارة؟؟؟؟

[منى العلم نور]

صحيتي على الوصفة وعلى احوجي ماتنفجرش........... على ضمانتك نسييها ولا طردقت................. مشكورة ربي يحفضك

[ام سراج وملاك]

شكرا للأخت التى تفظلت بكتابة موضوع الخاص بكيفية تحضير حليب النسلي
و كذلك تحضير كريمة النسلي للحلويات ما اردت معرفته هو ان زجاجة الميوناز داخل
الكوكوط و الحرارة المرتفعة اظن ان البلارة ستنفجر ؟؟؟؟
شكرا اختي حابة نقتلك بلي هاذي الوصفة جربتها قداه من مرة بصح كي ديري النسلي في البلارة اقفليها مليح ومتقفليش الككوطة او البرمة خليها على نار هادئة مدة نصف ساعة فقط انا نديرها في بلارة زجاج نتاع الحمص جديدة مالفة حتى نطيب الحميص ونديرو في البلارة ونغليه في البرمة ونحطو على برة كي نحب نستعملو نحلها مايفسدش ضك المرة الجاية ندرلك الوصفة نتاعو في قسم الطبخ و المؤكولات جربيه ورديلي بالخبر انشاء الله مايكون والو

[ام سراج وملاك]

صحيتي على الوصفة وعلى احوجي ماتنفجرش........... على ضمانتك نسييها ولا طردقت................. مشكورة ربي يحفضك

ربي يعيشك اختي شكرا جربيه انشاء الله مايكون والو اذا خفتي ديريه في البرمة او الككوطة متقفليهاش خليها محلولة بعدي عليها بصح لازم البلارة لي تستعمليها تكون جديدة وكي يطيب النسلي نتاعك متحليهش خليه يبرد باش تحليه متنسايش زيري المقفال نتاع البلارة مليح خليه مدة نصف ساعة ربي معاك كي تجربيها رجعيلي بالخبر

[ام سراج وملاك]

أحوجي متنفجرش البلارة؟؟؟؟

ههههههههه هيه متنفجرش باين عليك اختي مالفة تستعملي البلارة شكرا لرد.

[ام سراج وملاك]

merciiiiiiiiiiiiiii hanona ya3tiiiiiiiiiik saha

ربي يخليك اختي نشاء الله نكون عند حسن ظنك

[ام ماسين]

يعطيكي الصحة اختي انشاء الله نجربو

[تينا ماريا]

تبارك الله يعطيك الصحة

[idron0]

ما شاء الله أختي رووووعة

[ام سهام 02]

يعطيك الصحة

[noor ala noor]

مشكورة ختيتو ربي يحفضك

[رزيقة16]

habit nsa9sik khti dok nti ki jarabti had l wasfa iji kima li nachroh man bara le méme gout wala lala et mrc pour la reccete rabi yahafdak nchl

[pharmajsk]

يعطيك الصحة راح نجربها باذن الله ونردلك الخبر والى طرطقت على وجهي وعرسي قريب ناكلك

[ام سراج وملاك]

يعطيك الصحة راح نجربها باذن الله ونردلك الخبر والى طرطقت على وجهي وعرسي قريب ناكلك

هههههههههههههه ان شاء الله مطرطقتش برك في وجهك متخافيش راني مجرباتو من بكري وصفة مضمونة وناجحة

[blsamira]

يعطيك الصحة وانى جربت الوصفة من قبل والبوقالة متطرطقش غير متخافوش

[هبة ايات الله]

شكرا لكي على هذه الطريقة الرائعة

[ام سراج وملاك]

يعطيك الصحة وانى جربت الوصفة من قبل والبوقالة متطرطقش غير متخافوش

شكرا لكي على هذه الطريقة الرائعة

شكرا لكم ولمروركم نورتوني شكرا لك اختي على المساعدة