راني زعفانة عليكم

[ام ملاك.]

http://t0.gstatic.com/images?q=tbn:ANd9GcTocpUbpnN8gXGHLoogW6Jqz-R8geQip_BewbPLulj_D-jLDZNvYQ

السلام عليكم
اليوم رجعت لمنتدايا الحبيب اللي توحشتو بلبزاف وتوحشت العضوات جميعا بدون استثناء
وتوحشت طيابكم ضعت بلا بيكم:confused:

بصح زعفت وغاضني الحال ولا واحدة سقسات علي على الاقل ميساج واحد برك:mad:
من غير العضوة السعيدة بربها سارة ربي يحفظها
مي ماعليش مافيها والو قلبي ابيض مانحاسب حتى واحدة

كنت غايبة بسبب الميكرو تحرقلي هاذي مدة من ماي اللي فات
حتى اليوم باش ربي كتبلي وشريت واحد جديد الحمدلله
فاتني بزاف حوايج مسابقات ووصفات جدد مي ان شالله نقدر نتدارك كلشي

توحشتكم بزاف



http://www.mwadah.com/imgcache/77439.imgcache.gif

[omhadil]

اهلا بعودتك اختى وانشاء الله ماتزعفيش علينا يمكن كل و احد ةوضروفها
انا واحدة كى نغيب حتى واحدة ماتسال عليا بصح مانلوم حتى واحدة
رانى نحبكم كامل وكل واحدة عنندها مكان فى قلبى
ربى يخلينا لبعضانا يارب

[rachid5555]

مرحيا بك مجددا اختي في بيتم الثاني
الجميع و بالتاكيد ينتظر مواضيعك و مشاركاتك بفارغ الصبر
نورتي منتدانا مجددا

[ام ملاك.]

شكرا تسلمو على الرد الجميل

[oumhana]

السلام عليك أختي أنا لاحظت غيابك و قلت في قلبي عندي بزاف متلاقيتش بمواضيعك لكن أنا معرفتش كفاش نحط موضوع و نسقسي عليك انا في هاذ المنتدى مزال معرفتش كفاش نشارك و نكتب موضوع جديد حتي تطبيقاتي لنزلها متخرجليش.راني نحاول المهم الحمد لله كرجعتيلنا بالسلامه ومبروك الميكرو الجديد و فرحينا بمواضيعك المميزه. متزعفيش بزاف والله كل واحد و ضروفو كفاه.
على كل حال لوكان متحبيناش متلوميناش

[صلاتي راحتي]

عودة ميمونة اختي
التمس الاخيك سبعون عذرا

[أم ماجد]

اهلا مونيا منورة

[ام ملاك.]

يعطيكم الصحة على الردود
لا ماتتقلقوش مازعفتش صح هههههه نقصر معاكم حبيت برك نقولللكم بللي وليت وكتبت هكذاك برك
مانقدرش نزعف على حتى واحدة فيكم خاطرش قع نحبكم
يعطيكم الصحة بلبزاف اللي ردولي والللي راهم يقراو برك ويخرجو
نحبكم في الله

[choroukguid]

اهلا بعودتكي اختي ومليااار مبروك على الكومبيوتر الجديد

[ساندي 28]

اهلا اهلا بالغاليه مونيا ليك وحشه والحمد لله الي شريتى واحد هكد كل يوم معانا حتى انا النت قاش من مرة تروحلي ههههه نورتيى عزيزتى

[ام عبد الباسط]

الحمد لله على عودتك ومبرووووووووووووووووك الميكرو الجديد

[Latifa91]

اول حاجة نور المنتدى بيك ومبروك عليك كمبيوتر

[أم ياسين الزهراء]

اهلا بيك وعودة موفقة

حبيت نقلك ماتشوفيش لينا رانا نسرقو في الطباسة والماكلى هههههههههههههههههه زورينا في واش طيبتي وتفهمي اللي كانت توزن 50 كيلو ولبات 500 كيلو هههههههههههههههه كيتجينا راح تفهمي

[ام ملاك.]

صباح الخير عليكم
والله فرحتوني كي رديتو علي
اهلا بيك وعودة موفقة

حبيت نقلك ماتشوفيش لينا رانا نسرقو في الطباسة والماكلى هههههههههههههههههه زورينا في واش طيبتي وتفهمي اللي كانت توزن 50 كيلو ولبات 500 كيلو هههههههههههههههه كيتجينا راح تفهمي




ههههههههههههه
اسكتي برك انا راني عندي شحال مادخلتش للمنتدى ومن الديقوطاج غير نتقلق نروح للكوزينة كاش مانخلط راني سمنت حتان وليت ندير في الريجيم هههههههههههه

[ام ساجد]

عسلامتك مونيا واش راكي كانش جديد

اكيد كنتي طيبي وتصوري وعندك ارشيف كبير

مرحبا بيك اختي

[ام ملاك.]

الله يسلمك اختي ام ساجد ربي يخليك
والله الصح مانكذبش عليك ماصورت والو كنت كارهة وماكنتش نتخيل بللي رايحة نشري ميكرو
امالا قلت علاه نصور ونتعب روحي ونعمر لاميموار نتاع لاباراي فوطو
مي مايفوتش ان شالله واش ندير منا وجاي نصورو ونحطو

[sidali 2007]

عودة ميمونة

[ranyili]

:mh92: عودة ميمونة لملكة التورتات :dj_17:
* ننتظر الجديد *:mh31:

[ام مريم اسراء]

عودة ميمونة اختي مونية ك يا رب ما يفرق لمات الخير و الفايدة تسلمي

[لمسة حنية]

عودة حميده ومرحبا بيك ومتزعفيييييش هنا كل خوتات

[سَـآجدة]

اختي سمحيلي انا مانيش موالفة ندخل لهاذ القسم

اهلا بعودتك للمنتدى و الله صعب كي تفارقيه

[أم يحي صهيب]

حيك لله اخيتي ربي حن عليك ورجعتي للمنتدى منورة عزيزتي
اي سولت عليك ونسول على الكل ولكت ولا اخت ترد عليا ولكن الحمد الله ليا قلب ونحس بالغير

[*رفيقة الدرب*]

أهلا مونية وش راكي عودة ميمونة
بصحتك الميكرو
تفضلي شاركينا في وش طيبتي اليوم و حطيلنا أطباقك

[pizaroti]

مسكينا راكي غايظتني كلشي بلباركة عليك ميكرو جديد باه مانزعفوش منك جبيلنا طمينة
على العموم مرحبا بعودتك
انا ركن الطبخ ندخله باه نتعلم نطيب وحدي سيرتو بلويكاند بلا مساعدة الوالدة عبر الهاتف

[ام ملاك.]

شكرا تسلمو على الردود الجميلة كيفكم
ربي خليكم ان شالله
اخي حاجة مليحة كي تتعلم والله تفيد روحك وخير من تاكل الماكلة نتاع البارة تمرض
ربي يعطيكم ماتتمناو ان شاء الله

[قرة عيني امي]

انا عضوة جديدة في المنتدى لكن رغم هذا نقولك الف مبروك رجوعك لمنتداك الغالي ولحبابتك
وان شااء الله ايكون اخر غياب ليك

[أم فاطيمة]

مرحبا بعودته و المهم تكوني بخير