تقسيم الشهرية

[_lydia]

ياريت كل وحدة تقولنا كيفاش تقسم شهرية
وشحال تخصص مبلغ لكل من الاكل و الكرية ووووو.....
وشحال تصرفو في الشهر
نبدا بروحي:1::1::1::1: اول مبذرة عرفها التاريخ :mad::mad::mad: منعرفش نتصرف كل منقول نخبي نصيبهم خلصو
نصرفالشهرية كامل ميبقى منها والو
الاكل برك 2ملاين و الكراء3ملاين
ياريت الي عندها طريقة تمشي بيها تفيدني
سلام

[ام امجد14]

شوفى اختى بنت الجزائر الغالية عندها موضوع هااااااااااااااااااااااااااااايل فى هذا المجال تحكم فى مصروف البيت حوسى عليه فى الارشيف ان شاء الله تلقاى الحل هناك

[أم أسرار]

بسم الله الرحمان الرحيم
أختي المحترمة أنا كنت كذالك و لكن الحمد لله فالطريقة التي أستعملها هي كالأتي
ناخد 5 أضرفة و في كل ضرف نضع ما أصرفه في الأسبوع لاتستغربي تقولي الشهر فيه 4 أسابيع لكن الضرف الخامس ندخرو و مانستعملوش إلا حتجة ليه و هكذا و مع العلم كل أضرفة تحمل نفس المبلغ إذا تصرفي 2000 دج فكل ضرف يحتوي على نفس القيمة
هناك ملاحضة
1- الخضرة أشري قيس قيس و كي تخلاص أشري لأنو في معضم الوقت تفسد بعض الحبات
2 - هناك أشياء تشريها مرة كل شهر أو شهر و نصف فمصروف هذه الأشياء تستفادي منها و هكذا .
أتمنا من كل قلبي أني قد أفدتك و لا تنسينا من صالح الدعاء

[melissa lola]

السلام اختي انا كي تجي الشهرية نقضي قضيان الشهر من زيت سكر عجائن ...حتى الشمبوان و الريحة اي كل مانحتاجه خلال الشهر نحي حق الفواتير الهاتف السيارة ....... ونخصص مبلغ لكامل الشهر مثلا زوج ملايين نقسمهم على اربعة اضرفة يعني 500الف في كل ظرف نقضي منها الخضرة و اللحم و الدجاج و الخبز وحتى الفاكهة لمدة اسبوع وهكذا ديفوا نشيط وديفوا لالا علابالنا كامل المعيشة غالية نسيت اختي اهم شيئ الصدقة راهي تباركلنافي اموالنا وصحتنا نتمنى نكون افدتك

[أم أسامة 07]

نصيحتي لك هي ان تزكي الشهرية اولا يعني:
25 الف على كل مليون ( مثلا مرتبك الشهري 4 ملاين خرجي عليه100 الف )
ستلاحظين انك قد ماتصرفي سبحان الله كاين الزايد
رب قال ( ويربي الصدقات )
كلامي أختي عن تجربة شخصية والحمد لله
طبقيها ورديلي الخبر................ رجاء دعوة خير

[_lydia]

شوفى اختى بنت الجزائر الغالية عندها موضوع هااااااااااااااااااااااااااااايل فى هذا المجال تحكم فى مصروف البيت حوسى عليه فى الارشيف ان شاء الله تلقاى الحل هناك
شكراا خبيبتي
بسم الله الرحمان الرحيم
أختي المحترمة أنا كنت كذالك و لكن الحمد لله فالطريقة التي أستعملها هي كالأتي
ناخد 5 أضرفة و في كل ضرف نضع ما أصرفه في الأسبوع لاتستغربي تقولي الشهر فيه 4 أسابيع لكن الضرف الخامس ندخرو و مانستعملوش إلا حتجة ليه و هكذا و مع العلم كل أضرفة تحمل نفس المبلغ إذا تصرفي 2000 دج فكل ضرف يحتوي على نفس القيمة
هناك ملاحضة
1- الخضرة أشري قيس قيس و كي تخلاص أشري لأنو في معضم الوقت تفسد بعض الحبات
2 - هناك أشياء تشريها مرة كل شهر أو شهر و نصف فمصروف هذه الأشياء تستفادي منها و هكذا .
أتمنا من كل قلبي أني قد أفدتك و لا تنسينا من صالح الدعاء
برك الله فيك

السلام اختي انا كي تجي الشهرية نقضي قضيان الشهر من زيت سكر عجائن ...حتى الشمبوان و الريحة اي كل مانحتاجه خلال الشهر نحي حق الفواتير الهاتف السيارة ....... ونخصص مبلغ لكامل الشهر مثلا زوج ملايين نقسمهم على اربعة اضرفة يعني 500الف في كل ظرف نقضي منها الخضرة و اللحم و الدجاج و الخبز وحتى الفاكهة لمدة اسبوع وهكذا ديفوا نشيط وديفوا لالا علابالنا كامل المعيشة غالية نسيت اختي اهم شيئ الصدقة راهي تباركلنافي اموالنا وصحتنا نتمنى نكون افدتك
صح عندك الحق هي طريقة مباركو شكرررا
نصيحتي لك هي ان تزكي الشهرية اولا يعني:
25 الف على كل مليون ( مثلا مرتبك الشهري 4 ملاين خرجي عليه100 الف )
ستلاحظين انك قد ماتصرفي سبحان الله كاين الزايد
رب قال ( ويربي الصدقات )
كلامي أختي عن تجربة شخصية والحمد لله
طبقيها ورديلي الخبر................ رجاء دعوة خير

ان شاء الله نطبقها ربي يعطيك متتمناي

[اماني البتول]

شكرا على الموضوع كيما قالت الخت ميليسا كي يخلص زوجي نقضي قضيان الشهر كامل ونهز مصروف الاسبوع ونهز ادرهم الفوتير مثل الهاتف والكهرباء والماء اما بالنسبة للكراء فنحن نسدد كل 6 اشهر وفي هذه المدة ان كون جمعنا المبلغ الكراء وانا عملا حصالة في الكزينة كل ما يتبق من دراهم اي صرف انحط في الحصلة وفي اخر الشهر اجمعه واتصدق به والحمد لله رغمى غلاء المعيشة فربي الستار على عبادة ويارب اعين ازواجنا ان شاء الله وبارك للمراة العاملة ان شاء الله

[jawada22]

الله يعطيكم الصحة كل واحدة استفدت منها

[رونق الامل]

و الله نفس المشكل
انا و زوجي في زوج خدامين عندنا طفلة واحدة عمرها ثلالث سنين و مالحقناش
الكراء زوج ملايين و غالبا مانصرفو ربع ملايين في الشهر و عندنا ديوووووووووون من اجل اكمال مبلغ المنزل تاع lpa
حابة نقتاصد شوي و نتحكم في الميزانية
انشا الله نجرب افكاركم و نستفاد
ربي يسهلنا و يباركنا لي و لكل المسلمين

[amel kamel]

رانا كامل نفس المشكل نخدم انا وزوجي لكن الكراء متعبنا قسميلي اختي راتب ربعه ملايين بين الكرا مليون ونص والباقى مع العلم عندى طفل عمرو عاميين

[منال100]

كل شيء غال البحر ما يكفيش
لكن نحمده على كل حال كاين للخبز مالقاوهش والسكن ما نهدروش المهم بالقناعة القليل يصير كثيرا ونعيشو هانيين
صدقوني كل ما كانت الشهرية كبيرة كل ما زاد المصروف وحنا لنولفو رواحنا على التبذير نعطيلكم مثال لو كان نرجعو للوراء حوالي 10 سنوات لم نكن نستعمل المكيفات في البيوت كنا عاشين لاباس السخانة بصح نورمال الصيف يعقب عادي أما الآن مستحيل نفوتو الصيف بلا المكيف لأننا والفناه
حنا كبرنا كروشنا وحصلنا رب يدير الخير

[fadila@]

كل شيء غال لكن نحمده على كل حال يعطيكم الصحة كل واحدة استفدت منها

[مينوشه]

اخواتي موضوع هايل انا كنت حاسبة بلي غير انا اللي كارية و مبدرة لاكن الظاهر انو المعظم ياعنيو من نفس المشكل تاع الكراء و تاع كيفاه نتصرف انا مانيش مبدرة لكن كل مل نلم شوي دراهم نقول مادريناش بلاك يفرج ربي بسكن يجي زوجي يبع سيارة و يشري اللي اغلى منها بالكريدي و مبعد يحصل و ما علياغير نسلكلو الدين تاعو على اساس يرجعلي اييييييييييييييه والو النافع ربي
صدقوني انا زوجي هو اللي يبدر و ما يعرفش يتصرف و كيما يسلك 5 ملاين و لا يسلك 500 الف يقولي فضو وفي تفاهات
الله المستعان
اخواتي ادعولي يفرج ربي بالسكن من فضلكم

[zahra ayoub]

ربي يفرج عليك و علينا وعلى كل واحد ماعندوش السكن

[روح مراد]

السلام عليكن أخواتي
ربي يفرج على كل وحدة بسكن مستقل و مستقر آمين يا ربي العالمين
صح كي يكون عندك دار نصف مشكل التوفير تحل
و لكن الناس كامل يعانيو من مشكل الشهرية
أنا عن نفسي عندي 3 غرف و مطبخ و صغير و حمام صغير
عندي غرفة درتها صالون و غرفتي الخاصة و غرفة عجوزتي مغلقة أحيانا تبات فيها و أحيانا تبقى مغلقة مانستعملهاش كامل
رانا نخمو نزيدي نوسعو شوية الدار و لكن ما قدرناش نوفرو كل مرة نوفرو وشوية دراهم جي حاجة يروحو
ماذابيا لوكان نلقى فكرة للتوفير
عجبوني أفكار الأخوات اللي قدموها في منتديات أخرى و في أقسام أخرى
و لكن كل ما نقول نمشي عليها زوجي يخربهالي خطرا الشهرية نتاعو جيروتار يبدى يدي من المصروف المدخر ، خطرا يماه طلبت دراهم يعطيلها، خطرة باباه يسحق دراهم يعطيلو و هي رايحة ....
لوكان نحن السيدات نديرو فكرة أو كل واحدة تقدم فكرة و نجمعوهم و نلقاو مخرج لأزمة الشهرية

[nina mima]

انا تاني عندي مشكلة مع الشهرية وعندي 5اطفال

[mariana1]

ربي يوفقنا أجمعين ويحل مشاكلنا يارب أما أنا فالمشكل اللي نعاني منو حابة نشري بيت أو قطعة أرض ودراهمي حاطتهم في لكناب باش مانتلاحش ليهم لكن كل ما نقول إجمعت حتى ولو حق بيت عرب قديم نلقى الاسعار تضاعفت وحرت كيفاه ندير ومنحبش الشقق و أسعارهم هي الأخرى طالعة في السماء

[ام محمد اسلام الله]

والله ياختي كامل رانا نعانو من غلاء المعيشة رب يستر شوفي اختي لزم تتعلمي التمشحيح باش تقدري اتوفري والحوايج لي ماشي ضرورية متشريهمش حتى يفرج ربي

[دلع المرام]

سلام ان شاء الله نكون خفيفة عليكم
انا راجلي يخدم قيسو قيس روحو يسلك 30000د درك نقوللكم كيفاه قاسمة الشهرية :) ما تضحكوش عليا
انا ما زلت جديدة ( عندي 4 اشهر زواج ) المهم كي يسلك يجيب الشهرية
1 دايرة 8000 تاع ماكلة قاسمتهم على 4 2000 كل اسبوع تاع لحم و خضرة و دايرة 4000 تاع قضيان الشهر زيت و سميد و عجائن الخ الخ
2 4000 مصروف السيارة و زوجي بداية كل اسبوع نمدهملو يصرف و يعمر وقود
3 4000 دايرتهم للزيارات كل شهر نتفكرو امو و يما بحاجة على قد دراهمنا و حمد نصدقو منهم تاني
يبقالي مليون نخبيه نسلك بيه الماء و الكهرباء و الشهر لي ما يجيونيش فيه نخبيهم ما تدريش العبد لازم يخلي دراهم ورا اليد باه ما يحصلش حمد لله الكراء ما نسلكوش ولا كون حنا حاصلين حمد على كل حال

[MAIESSASAT]

الله يبارك فيكم

[amina nourhanne]

صباح النور اختي شوفي انا نقولك طريقتي
انا مزوجة عندي 25 سنة و راجلي 29 سنة هو اللي راه خدام انا مازال
ما عندناش ذراري و المصروف تاع الدار انا المستكلفة بيه و الحمد الله هاد الساعة مستورين
احنا ساكنين في العاصمة و راجلي يخلص ربعة ملاين في الشهر بصح دايما دايرين في راسنا بلي يخلص تلاتة فقط و ميزانيتنا هي تلات ملايين المليون الرابع توفير ما يتحسبش.
كي تدخل الشهرية اول حاجة ننحي مليون نقضي قضيان الشهر رافيتايمة كيما القهوة و السكر و الفرينة و الزيت دايما نشري الحجم الكبير و مسحوق الماشينة نشري تاع خمسة كيلو باش يشدلي شهرين، كي نشري حجم كبير متلا الفرينة نشري خمسة كيلو نوفر خير من كل مرة نشري كيلو و تانيا راني قاعدة في الدار هاد الساعة ندير القاطو خير ما نشروه من برة و هادا توفير و تاكلي حاجة نظيفة و تتعلمي السكر متلا خمسة كيلو يحكمولي تقريبا شهرين ايضا...هاد المليون تاع القضيان داخلين فيه حتى الكوسميتيك ديالي ديودورن شمبوان ماسك تاع الشعر الويز و نشري ايضا شوية لحم مرحي و شوية دجاج.
كل اول شهر انا و راجلي نتعشاو برة الدار هادي من باب التغيير بصح ماشي كل يوم لاني دايرة يوم الأربعاء هو يوم خاص بالساندوتشات و الكاسكروطات و البيتزا و كلش نديرو في البيت حتى الخبز...ساعات في اخر الشهر يبقي مصروف نروحو لسينما 7D فقط نغيرو الجو.
يبقي مصروف الفواتير و النت هادوك 7000دج لان النت اللي درتو غالي (المنطقة اللي راني ساكنة فيها مازال ما داروش الهاتف الثابت يعني شريت مودام ويفي 4g نخلص 3500دج شهريا) بصح كي يدخلو الفيكس نحيه بزاف عليا
نجو للملابس الصراحة انا ما نخرجش بزاف و عندي عامين زواج يعني مازال نلبس من جهازي و مزال ما لقيتش خدمة نقول نفضل راجلي يلبس لخاطر هو اللي راه يخرج للناس كل يوم و ان شاء الله كي نبدا نخدم نشري شوية حوايج تاع الخرجة باش نبدل بيهم

الخضر و الفواكه نشري بالأسبوع لخاطر بلخف تخسر الحاجة و كيما الان الكابوية شرالي بابا واحدة نقيتها و قطعتها و درتها في المجمد و نجبد بالشوية
و هكدا ندير مع الخضر الموسمية
حاولت نعطيك كل التفاصيل الممكنة باش تكون عندك فكرة شاملة لانه الاقتصاد و التوفير في الميزانية يبدا من هاد التفاصيل الصغيرة
ربي يعاون و يبارك الرزق يا رزاق يا عليم

[amel kamel]

السلام اختي امينة نورهان بالنسبه للكات جي كاين لى كارت نتاع مية وميتين يعني تقدرى توفرى شوى

[amina nourhanne]

صباح النور اختي ما كنتش نعرف!!!!! انا عنبالي لازم نشري غير ديال 3500دج يعطيك الصحة اختي

[sama26]

تعيشي ختي لوكان تقسميلي مبلغ ثلاث ملاين و خمسماءة داخل كلش غاز ماء كهرباء الكراء الحمد الله عندنا سكن وعدد الافراد اثنين

[crnb]

ياريت كل وحدة تقولنا كيفاش تقسم شهرية
وشحال تخصص مبلغ لكل من الاكل و الكرية ووووو.....
وشحال تصرفو في الشهر
نبدا بروحي:1::1::1::1: اول مبذرة عرفها التاريخ :mad::mad::mad: منعرفش نتصرف كل منقول نخبي نصيبهم خلصو
نصرفالشهرية كامل ميبقى منها والو
الاكل برك 2ملاين و الكراء3ملاين
ياريت الي عندها طريقة تمشي بيها تفيدني
سلام
انا نخلص 5 ملايين ونص وساكن مع بابا وزوجتي متخدمش وعندي طفلة عمرها شهر واحد
والله شهرية متكفي قبل مايكمل شهر نعود نسلف باش ندير مازوت في السيارة
عييت نفتصد والو خارجة هي هي البركة والو

[mahlem]

و الله نفس المشكل

[ايمان نور الجزائر]

من أجل توفير مبلغ من المال لازم الاقتصاد
وطريقة الاقتصاد هادي تكون ب
1/شراء الضروريات
2/الشراء من اسواق الجملة
3/شراء لوازم واغراض البيت من الاسواق واغتنام اوقات التخفيضات
************************************************** **************
1/شراء الضروريات والتركيز عليها
وتكون بشراء ما يلزم من حبوب عدس لوبياء حمص سكر زيت قهوة ودلك من مرة الى مرتين في الشهر
هكا نعملو في البيت نشتروها وتحطوها في البلاكار مع العجائن وناكل منها وفي اخر الشهر نلقاو حاجات بالزيادة يتم التركيز عليها
ومنها ما نفضلوها للشهر المقبل او حتى شهرين مقبلين وبالتالي توفير
الخضر ايضا تشترى وتتحط في الثلاجة ودلك من سوق الخضر مرتين اسبوعيا وبدلك ننوعو فيها مليح ومام يتبقى نوع او اتثنين من الخضر يتم استعلاله
قبل اعادة شراء احرى مع مراقبتها واشتعلالها قبل ان تفسد
بالنسبة للفواكه لا علينا فهي تستهلك وتشترى يوميا
************************************************** ***
بالنسبة لادوات التنظيف تشترى حسب الحاجة الى حين تنفد ....
بالنسبة لاغراض المطبخ من سارفيات وعلب الحفظ وممسحة وعدة اعراض تلزم المطبخ فانا اقوم بشرائها بكميات مضاعفة ودلك من الاسواق الكبيرة
اين تعرض باشعار قليلة وتشدلنا عدة أشهر وحتى تقرب تخلاص نزيد نروح نشري ومنها نكون نحيت اشكالها.
************************************************** ****
وانا من رأي الخاص وعن تجربة فان بعض الاعراض والضروريات تشترى اول شهر بكميات مليحة ومن اسواق الجلة اين الاسعار مليحة
وتخزينها في البلاكار وهكدا تستريح منها ومن عبء شرائها للاشهر المقبلة وكدا الحبوب ومستلزمات البيت توضع في اماكن بطريقة مر تبة قريبة تمكنك من ملاحظتها
ومن استعلالها والتنويع فيها

[heart_attaque]

try to organize your self

[رقية الناجحة]

;);)نصيحتي لك هي ان تزكي الشهرية اولا يعني:
25 الف على كل مليون ( مثلا مرتبك الشهري 4 ملاين خرجي عليه100 الف )
ستلاحظين انك قد ماتصرفي سبحان الله كاين الزايد
رب قال ( ويربي الصدقات )
كلامي أختي عن تجربة شخصية والحمد لله
طبقيها ورديلي الخبر................ رجاء دعوة خير

ربي يجازيك كل خير اوحيتي لي بفكرة رائعة جعلها الله في ميزان حسناتك

[fifich]

اخواتي التوفير هذا فن يجب ان تستعملي فيه ذكائك وقناعتك وصبرك مع بعضةانا باذن الله بصدد كتابة موضوع عنه لافادتكم لكن لم استطع الان لان عدد مشاركاتي لايسمح بكتابة موضوع جديد مع اني من زائرات هذا الموقع كثيرا لكن لارد كثيرا على المواضيع

[zehwa]

شكرا خوتاتي على الافكار.....رانا نعانيون كامل نفس المشكل

[جنة حياتي]

نفس المعاناة ربي يكون في العون

[ام سلسبيل البليدية]

ربي يكون في العون الادخار في وقتنا صعيب خاصة للي عندو اطفال

[ام سلسبيل البليدية]

انا كي تجي الشهرية نقسمها بالاسابيع

[kaled24]

مصروف 34000 عندي طفلة صغيرة اريد الحل !!!!

[أمل الحياة 20]

تحية إلى الأخت الكريمة ، وأقول لك بهذا الخصوص أهم شيء هو الصحة ، والاستغفار يزيد في الرزق وكما قالت الأخوات الصدقة ولو بما تيسر تضع البركة ، المشكل نعاني منه حتى نحن العزبات فشخصيا على الرغم من محاولاتي للإدخا ر إلا أنني أنساق وراء صرف كل ما دخرته لسبب أو آخر ....المشكلة ليست في سوء تصرفنا ولكن المشكلة في قيمة الدينار المنحطة وغلاء المعيشة مع تنوع المعروض امامنا في الأسواق ....فلا تنزعجي من مايحصل معك ستتعودين على الوضع أي أن تعيشي وتعملي وتصرفي دون انت تدخري ...المهم الصحة + الهناء وتقبلي مروري

[توتة2008]

انا نحاول نقتصد لكن زوجي يبذر .....والله المستعان

[*رحيق الجوري*]

الشهرية الباهية لي نقسموها

[اية الحسناء]

السلام عليكم الموضوع كبير وجد هام والحصلة لكبيرة كتجى المناسبات مورا بعضها و تزيد الديون والمتطلبات كل مااتجى اشهرية نمرض حبيت نعرف وين نقضيو بالجملة بالعاصمة جربت الشراقة قالولى غالية معرفتش وين انروح نقضى وين ارخيص اشوية ارجوا المساعدة يا الفحلات

[loaikhashroom]

جيد جدا ومفيد