عطرالذهب
2013-11-30, 17:41
السلام عليكم ورحمة الله
رغم كل التعب والجهد اللي نبذلوه في ديارنا كل يوم ورغم حرصنا على النظام في كل اغراض البيت الا انوا كاين مشكل شائع وهو الخزانة المخلطة وهذه بعض الافكار ممكن تنفعنا
1- اتخلصي من الملابس اللي ما تستعمليهاش اجمعيها وقدميها للفقراء ينتفعوا منها خصوصا في هذا البرد ونحي من بالك كلمة (خلي هاذي بالاك نحتاجها)
2-نظمي الملابس حسب استعمالك المتكرر حيث تحطي الملابس اليومية القدام واللي من ساعة على ساعة تلبسيها حطيها في الخلف
3-هاذي واضحة بالصح للتذكير في الصيف خبي ملابس الشتاء في حقائب وحطيهم فوق الخزانة وفي الشتاء العكس
4- استعيني بعلب الاحذية النسائية راهي انيقة وحطيها في الخزانة وحطي فيها اغراض صغيرة ممكن تضيع
5- حطي الملابس الداخلية في الادراج باش تلقيها بسهولة عند البحث
6-للحصول على ادراج منظمة افصلي بين الشيء والاخر بالورق المقوى تقطعيه مستطيلات وتوقفيهم في الدرج تولي عندك مربعات في كل مربع غرض
نتمنى نصائحي تحل مشكل الخزانة الفوضوية
رغم كل التعب والجهد اللي نبذلوه في ديارنا كل يوم ورغم حرصنا على النظام في كل اغراض البيت الا انوا كاين مشكل شائع وهو الخزانة المخلطة وهذه بعض الافكار ممكن تنفعنا
1- اتخلصي من الملابس اللي ما تستعمليهاش اجمعيها وقدميها للفقراء ينتفعوا منها خصوصا في هذا البرد ونحي من بالك كلمة (خلي هاذي بالاك نحتاجها)
2-نظمي الملابس حسب استعمالك المتكرر حيث تحطي الملابس اليومية القدام واللي من ساعة على ساعة تلبسيها حطيها في الخلف
3-هاذي واضحة بالصح للتذكير في الصيف خبي ملابس الشتاء في حقائب وحطيهم فوق الخزانة وفي الشتاء العكس
4- استعيني بعلب الاحذية النسائية راهي انيقة وحطيها في الخزانة وحطي فيها اغراض صغيرة ممكن تضيع
5- حطي الملابس الداخلية في الادراج باش تلقيها بسهولة عند البحث
6-للحصول على ادراج منظمة افصلي بين الشيء والاخر بالورق المقوى تقطعيه مستطيلات وتوقفيهم في الدرج تولي عندك مربعات في كل مربع غرض
نتمنى نصائحي تحل مشكل الخزانة الفوضوية