أنا حيرانة أرشدوني ؟

[مشكلتي]

السلام عليكم ورحمة الله وبركاته


أولا أشكر إدارة الموقع اللتي فتحت لنا فضاءً نعبر به عما يختلجنا دون شعور بالخجل ..


أنا فتاة الشرق الجزائري,عمري 23 سنة .. من عائلة محافظة ومعروفة
عندي أشهر تعرفت على واحد يسكن في ولاية أخرى غير ولايتي،هذا الشخص رائع بكل ماتحمله الكلمة من معنى ورجل تتمناه اي فتاة يقدرني,يحترمني،يحبني,يخاف عليَآ ويعاملني كي السلطانة وماللي تعرفت عليه جامي شفت منو حاجة عيانة ..
المهم من البداية قالي على نيتو واللي هي الإرتباط بي على سنة الله ورسوله وهذا اللي حصل فتح الموضوع مع عائلته وحكالهم القصة ووافقو ..
المشكلة فيا أنا موضوع الزواج بأكمله يثير بداخلي الخوف وكل شخص يحاول يجي يتقدملي تحكمني الرجفة والخلعة واعاني من ألام في البطن واحيانا قىء وتنقطع شهيتي للأكل تماما و نولي كامل منرقدش وتصبح حالتي حالة نحكم الفراش حتى اني نروح للطبيب ويقولي مابيك والو حتى هو يحير من سبب الآلام !
وبمجرد مانرفض هاذاك الإنسان من غير أسباب .. ويروح لسبيله نرجع لحالتي الطبيعية وكأن شىء لم يكن :confused:
حتى هذا الإنسان اللي انا على علاقة بيه .. شحال من خطرة يقولي راني حاب نجي نخطبك وتولي علاقتنا رسمية وفي الحلال نغيرلو الموضوع وننسيه فيه بصح لوقتاش .. أكثر من 7 خطاب رفضتهم أمي تقولي دايما انو لوكان نبقى على هاذي الحالة نكمل حياتي بايرة ..
مافهمتش علاه تجيني هاذيك الحالة,قالولي عندك الخلعة والعين والله اعلم
مافهمتش واش ندير حتى هذا الشخص راني نفكر أني نتخلى عليه رغم اني نحبو ..
انا انسانة نعرف ربي الحمد لله نصلي صلواتي في اوقاتها مداومة على الاذكار وصليت صلاة الإستخارة بشأن هذا الشخص وفي كل مرة يقرب ليا اكثر ويزيد إلحاله على انو يجي لدارنا
راني بين نارين مالقيتش لروحي حل ... أدعولي معاكم ربي يستركم وانصحوني وارشدوني بارك الله فيكم

[nouna l maghbouna]

روحي ارقي
واش هذا زعمة ماشكيتيش في روحك مسحورة ?

ربي معاك

[حياتي نبع امل]

عليك بالرقية الشرعية وبالتوفيق

[مراد سابقا2]

لالالا يا اختي

أنت عندك فكرة لا شعورية في ذهنك على الزواج تكونت لديك وبقيت في اللأشعور

وهي تؤثر بما تؤثر عليك

المهم نصيحتي ديري رقية شرعية عند راقي يكون جيد ومقتدر وفي نفس الوقت صريح يعني إذا لم يكن بك شيء

يقول ليس بك شيء

وإذا كقال لك ليس بك شيء وذلك الراجح

روحي عند طبيبة نفسية وبجلسة نفسية أو إثنيتين تزيل عند هذا المشكل

[مراد سابقا2]

لالالا يا اختي

أنت عندك فكرة لا شعورية في ذهنك على الزواج تكونت لديك وبقيت في اللأشعور

وهي تؤثر بما تؤثر عليك

المهم نصيحتي ديري رقية شرعية عند راقي يكون جيد ومقتدر وفي نفس الوقت صريح يعني إذا لم يكن بك شيء

يقول ليس بك شيء

وإذا كقال لك ليس بك شيء وذلك الراجح

روحي عند طبيبة نفسية وبجلسة نفسية أو إثنيتين تزيل عند هذا المشكل

[asil333]

عليك بالرقية الشرعية

[محمد جديدي التبسي]

لا أدري كيف عرفت أن هذا الشخص رائع ويقدرك ويعاملك كي السلطانة هاذي متزوجة عاشت عشر سنوات مع زوج رائع ما تقولهاش!!
أنت في علاقة محرمة يجب عليك التنبه لذلك أما تلك الأعراض التي ذكرتها فتحدث لكثير من الفتيات بل حتى الشباب
غالبية الأشخاص عندما يكون لديهم إقبال على أمر مهم كامتحان أو مقابلة او جلسة رؤية تحدث معهم تلك الأعراض لكن مشكلتك في استمرارها وربطك لعلاجها برفض الخاطب ماذا لو قبلت بأحد من خطابك السبعة هل كانت ستستمر أسابيع وأشهر؟! لا أظن
لذلك دعي عنك هاته المخاوف وتوبي إلى ربك وهذا الشاب الرائع والمبهر يتقدم لخطبتك رسميا وجربي هذا العلاج استخيري الله واقبلي ورديلنا لخبر ربي ييسر الأمور ...

[الماسة النادرة]

روحي ارقي ونحي الوساوس من راسك واعرضينا للعرس هههههههه

[النجمة القطبية]

بالنسبة لموضوع الحالة النفسية اللى تصرالك عند كل خطبة هاذى راهي عادية تصرا للجميع لما يكون عند الانسان موعد مهم او حاجة مصيرية لكن ردود الفعل عندك زايدة شوية
انتي فقط حساسة بزاف فوق اللازم وعليها تجيك كامل هذيك الاعراض والحل انو متعطيش الموضوع اكبر من حجمه وتوكلي على الله والنتيجة كيما كانت تقبليها يعني تحتاجي دفعة ايجابية للامام
اما تبقي تحوسي على المبررات والحلول السهلة كقولك عين مثلا هو مجرد مبرر لعدم قدرتك على المواجهة العين حق لكن ماشي امام اول عقبة قدام الانسان نقولو عين
اما بخصوص ذلك الشخص يا اختى لا شئ مضمون في الحياة الضامن ربي رانا كامل عايشين بقدرته مالا ماكالاه تتخيلي هذا الشخص ملك من الملائكة مالا خليه يتقدم وتزوجي ممبعد اقعدي تمدحي في صفاته على راحتك مي في الوقت الحالي معاملته لكي كسلطانة على قولك ليس مقياس وكيما يحب يعاملك يبقى غريب عنك
موفقة

[كمال 16]

توكلي على ربي و أرقي الرقية الشرعية

[hanadi21]

احنا الجزائرين كلمة واثنين تقولك راني مسحورة

اختي نقولك روحي لطبيب نفساني واحكيلو احسن

والاولى والاخيرة احكمي في ربي سبحانه هو لي قادر يشفيك

[سهيلة1996]

عليك بالرقية الشرعية

[doba]

عليك بالرقية الشرعية وبالتوفيق

[*نسيبة*]

انا اشوفه خوف لا اكثر ولا اقل

لكن خلي هالولد يتقدم لك احسن لمتى وانتي على علاقة غير شرعيه هذا شيء مايرضي رب العالمين


الله يصلحك ويكتب لمك الي فيه الخير

[sese13]

عليكيييي يا اختي بالرقية

[المسافر 09]

السلام عليكم

أولا يا اختي لازم ترقي ولو نفسك بنفسك

واكثري من سماع سورة البقرة

واستعيني بالله تعالى

وربي يجيب اللي فيها الخير

[kamel76]

حالتك عادية أي شخص يخاف من المجهول يصاب باضطرابات نفسية يمكن أن تؤثر على بدنه حسب كل شخص " إغماء ، إكتئاب ، وجع ..." و لكي تتضح لك الصورة أكثر زوري أخصائي نفسي حتما سيساعدك على تجاوز هذه المرحلة .

[yoya jijel]

بسم الله
أختي أنا تاني عايشة نفس حكايتك أنا درك عمري 25 سنة ولحد الآن ما زال ما تخطبتش شحال نواحد تقدم لخطبتي وتصرالي هاذ الحالة اللي راكي تحكي عليها ونرفض باش نرتاح ...قالولي ديري الرقية درتها وقالي الراقي ما بيك والو عندك عين برك ودرك راني حايرة في روحي العمر راهو يجري ...علما أني ما يخصني والو من جهة الشكل أو من جهة التربية الناس قاع يقولولي علاش ما تخطبتيش والله ما نلقا واش نجاوبهم . صليت ، قمت الليل ، إستخرت ..وراني وكلت أمري إلى ربي .....واش حابة نقولك قبلي اليوم قبل غدوة ما تكمليش في هاذ الحالة خاطر ما راحش تروح رايحة تزيد أكتر كلما يمر الوقت ...غمضي عينيك وقولي هيه وتوكلي على ربي والزواج ما هوش حاجة كبيرة ما يستاهلش هادا كامل.... ربي يكون معاك وبالتوفيق....