ارجو مساعدتي

[hindsetif]

السلام عليكم ورحمة الله تعالى وبركاته

ارجوكم اريد وصفة دقيقة في كيفية تحضير البقلاوة
اريد المقادير بدقة
وشكراا لكم

[little smile]

http://www.djelfa.info/vb/showthread.php?t=1365368&highlight=%C8%DE%E1%C7%E6%C9


http://www.djelfa.info/vb/showthread.php?t=1390399

[red lina]

السلام عليكم
طريقة البقلاوة سهلة و لكن تتطلب الصبر و الراحة
راح انوريلك الطريقة الي نخدم بيها انا و الكل يقولي جات هايلة
العجينة:
3 كيلات فرينة معمرين مليح
1 كيلة مرغرين التوريق و فيها قد 3 مغارف كبار زيت
قرصة ملح باه اتنحي ذوق الفرينة
قرصة سكر باه تعطينا اللون الذهبي
عبر ماء الزهر+ عبر ماء معدني باه العجينة ما تجيش يابسة وخلطيهم مع بعض
1 بيض خلطيها و قسميها على اثنين النصف الاول حطيه في العجينة و الثاني خليه على جيهة (ما تقسيهش ضروك نرجعو ليه)
و لمي قع العجينة و ما تطلقيهاش بزاف باه اتعاونك في الحل
خليها اتريح قد ساعة تقريبا

انروحو للعقدة:
3 عبر كوكاو او لوز لكي الاختيار
1 عبر ماشي معمر سكر باه تجيك معتدلة الحلاوة
1 مغرف قرفة (اختياري)
1 مغرف كبيرة زبدة (مهمة)
و النصف الباقي من حبة البيض الي ما قسناهش
و نلمو بماء الزهر ما نكثروش باه ماتجيش العقدة يابسة
انخلطو مليح و نخلوها اتريح
انجيبو العجينة ونحلوها في الالة رقيقة و نحطو بين الطبقات زبدة التوريق مهم باه اتجي امورقة
انا اندير 7 طبقات عجينة + طبقة من العقدة + 6 طبقات من العجينة و من الفوق انزوقها كيما نبغي
في الاعياد انديرها سامبل غي حبة لوز من الفوق و لكن في الافراح انزوقها بالورد او بشرائط من العجينة الملونة
انخليها ليلة كاملة في الثلاجة ( ما تخافيش اعليها ما يصرالها والو) و في الصباح اندخلها الفرن يكون سخون 180
لمدة تقريبا 45 دقيقة على حسب الفرن حتى يولي لونها ذهبي عسيها باه ما يفو تلهاش الطياب
كي تخرجيها سقيها بالعسل يكون بارد و هي سخونة و خليها لمدة نصف ساعة و عاودي ارجعي شوفيلها اذا خصها
العسل زديلها و خليها تتشرب لمدة لا تقل عن 6 ساعات و بالهناء و الشفاء
ان شاء الله اتكوني استفدتي امعايا و ما نكونش طولت عليك هادي عن خبرة
و اذا كان عندك اي استفسار راني هنا
نهدر بزاف ههههههه اسمحولي بااااي