شوفو العرضة اللي درناها لصحبات ماما

[om assil]

:dj_17:السلام عليكم اخواتي هذه صور العرضة اللي درناها لصحبات ماما المعاريض ثلاث نساء برك
ما قدرتش نصور السني قدام الضياف صورت قبل ما يجيو
الطياب تعاونا انا و ماما ربي يحفظها ان شاء الله
http://im36.gulfup.com/XJIIi.jpg (http://www.gulfup.com/?U4gmYe)
هذا الحميص بالزيتون
http://im39.gulfup.com/dYurC.jpg (http://www.gulfup.com/?QvngCI)
و هذو مخللات مخدومين في الدار
http://im33.gulfup.com/FOjCp.jpg (http://www.gulfup.com/?IE301C)

هذا طاجين الحلو بشباح السفرة
http://im37.gulfup.com/vmOLh.jpg (http://www.gulfup.com/?K0GHhG)
هذه فطائر باللحم مرحي بالعجينة السحرية
http://im33.gulfup.com/p16Ws.jpg (http://www.gulfup.com/?yOMAYP)
هذه الحريرة فيها الخضر فقط مع اللحم ماتوا عليها الضياف جات حارة و بنينة
http://im35.gulfup.com/kGrcO.jpg (http://www.gulfup.com/?TNH0qF)
هذه شخشوخة البسكرية طيبتها ماما ربي يعطيها صحتها
http://im41.gulfup.com/YIqq6.jpg (http://www.gulfup.com/?aIlETI)
هذا الديسار و معاه فلان كرمال في الفور
http://im35.gulfup.com/9fhqJ.jpg (http://www.gulfup.com/?4EkF1k)
http://im39.gulfup.com/YkVyS.jpg (http://www.gulfup.com/?syG3di)
هذه السلاطة
http://im35.gulfup.com/94CHm.jpg (http://www.gulfup.com/?iqPebz)
هذا خبز الدار و شكر خاص لصاحبة الوصفة هنا في منتدى الجلفة
http://im33.gulfup.com/zHfR9.jpg (http://www.gulfup.com/?d3IaGy)
و هذه القهوة و القاطوات اللي بقاو من العيد مع مربى السفرجل
http://im39.gulfup.com/oHY17.jpg (http://www.gulfup.com/?CP5HBa)
http://im39.gulfup.com/0RBhq.jpg (http://www.gulfup.com/?EPdGEW)
ان شاء الله تعجبكم و اي استفسار راني هنا
ادعولي ربي يسهل ولادتي

[om assil]

راني عدلت الصور

[ميرثا]

ماشاء الله يعيطك صحة شهيتوني

[oum anas 69]

ماشاء الله رائع جدا عرضة وعليها الكلام باين بلي تعبتو بزااااف يعطيكم الصحة راكم قمتو وزيادة سلمي على ماماك بزاااااااااااااف و قولها أم أنس تسلم عليك وقاتلك يعطيك الصحة يا حرة الحراير
ونتي ربي يعطيك وقفة ساهلة وتجيبي أجمل بيبي وماتنسايس الطمينة أو الرفيس و القاطو

[& هبة الرحمن &]

ماشاء الله عليك يعطيك الصحة وربي يحفظلك الوالدة ويسلكك على خير

[ياسمين1990]

Size="6"]][/size]. ما شاء الله عرضة وعليها الكلام بصحتهم وبارك الله في الوالدة ::19:

[ام عبيدة]

بارك الله فيك

ما شاء الله كل شيء راااااااااااااااااااااااااااائع حمرتي و جه يماك يعطيك الصحة

ممكن وصفة حلوة البيستولي

[hanane220]

lماشاء الله و ربي يخليلك ماماك ربي يحفضها كل شئ رائع

[imetta]

Mmmmmmmm kifech 3meltou le7rira wallah sekheftini ki golti bnina w 7erra

[مريم07]

الله يبارك عرضة رووووعة الوصفة نتاع الحريرة

[بريق الامل&]

بسم الله ماشا ء اله اطباق وحلويات وتقديم لا يعلى عليها
بارك الله فيكم

[غزة في عيوني]

وااااااااااااااااااااااااااو طابلة تشهي ماشاء الله يعطيكم الصحة وربي يعطيك وقفة ساهلة وامانة في رقبتك ادعيلي ربي يرزقني بالزوج الصالح عاجلا ارجوووووك

[ضحى تسابيح]

الله يبارك
........................................
بارك الله في الوالدة الكريمة

[sidali 2007]

ماشاء الله كلش هايل وبطبع ربي يحفضلك يماك وجميع امهات ان شاء الله
ويعطيكم الصحة وربي يعطيك وقفة ساهلة ان شاء الله

[serine alger]

كلش هايل وماتنسايش المعودتين.راهي تسهل الولادة.بالتوفيق

[tiaretia]

ياطيكم الصحة سفرة تشهي ممكن وصفة خبز الدار والفطائر

[mojab]

العرضة تشهي يعطيك اصحة:mh92::mh92::mh92::mh92::mh92::mh92::mh92::mh9 2::mh92:

[inaschimie]

يعطيكم الصحة انا تاني رايحا نعرض عروسي اخويا وراني محتارة واش نطيب
افيدوني يعطيكم الصحة

[lamiak1]

رغكم اكرمتو و زيادة خسارة ما كنتش والمدعوين. الشخشوخة امممممممم

[om inas]

الله يباااااااااارك هايلة

[om assil]

شكرا و بارك الله فيكم على الردود و الدعاء لي و للوالدة و ربي يعطيكم ما تتمناو
وصفة الخبز راهو نتاع ام اماني و عاوداتو ام كوثر هاهو الرابط
http://djelfa.info:8080/vb/showthread.php?t=1238239
و الفطائر راهم بعجينة 10 دقائق اذا ما عندكش نكتبهالك بالتفصيل و الحشو درت لحم مرحي و بصل و ثوم و شوي زيتون و الملح و شوي قرفة و الفرماج درت قريار و معاهم عضمة تلمهم
وصفة قاطو البيستولي
درتو كيما ندير الصابلي هاهي الوصفة
امحري بيدك رطل مارغرين بدرجة حرارة الغرفة مع 12 مغرف كبير نتاع سكر قلاسي و زيدي بيضتان و الفاني و ربع كاس نشاء و كيس خميرة كيميائية و شيحي بالفرينة ما تيبسيش العجينة و اخدمي بالبستولي او ليمول و من بعد لصقي الحبات بالنوتيلا او شوكولا ذايبة او معجون
وصفة الحريرة
حنا نديرو فيها كل الخضر حبة بصلة و حبة طماطم و حبة كبيرة بطاطا و 3 او 4 حبات جزر و حبتين جريوات او حبة فقط و طرف كابويا و سنات ثوم و البطاطا قرنون اذا عندك راهي تمدلها ذوق رائع هاذو كل اغسليهم و قشريهم و قطعيهم قطع كبيرة و لوحيهم مع بعض في البرمة و زيدي قطع اللحم او الدجاج حنا درناها بلحم العجل و زيدي شوي زيت و ربطة منوعة فيها دبشة و معدنوس و كرافس اغسليهم و اربطيهم مع بعض بخيط رقيق نتاه الخياطة باه تنحيهم بسهولة في الاخير قبل رحي الحريرة هوما و ورقات رند
و الدواوات احنا نديرو فيها كلش عود قرفة و راس الحانوت و الكركم و الفلفل الاحمر الحار غبرة و شوي كروية و الملح طبعا
خليهم يتقلاو مليح على نار هادية ثم امرقي بماء سخون هاذ الكمية راهي تجيك بزاف نقصي الخضرة كان تحبي و كي يطيب اللحم نحيه هو و ربطة الحشاوش و الرند و عود القرفة و اذا لحتي فيها فلفلة حارة نحيها حتى هي و ارحي الباقي بالميكسار و رجعي قطع اللحم:mh31:

[أم إناس]

ماشاء الله ماءده تشهي يعطيك الصحه
وربي يحفظلك أمك

[soussoudarine]

الله يبارك مائدة تشهي يعطيكم الصحة

[مرام]

ماشاء الله سفرة هايلة ممكن تعطيني وصفة معجون السفرجل وطريقة العمل بالبيسطولي لاني شريتو مؤخرا وماعرفتش نخدم بيه يعني كي نخدم بيه الحبة ما تنصلش منو تبقا لاسقة في البيسطولي

[وبشر الصابرين]

اشاء الله رائع جدا عرضة وعليها الكلام

[malek nour hane]

ماشاء الله ربي يبارك ...ان شاء الله سفرة دائمة واله المنتدى هدا روووعة و انت و امثالك لي خليتوه يكون رائع كيما هك استفدت منك بزاااااااف .و ممكن اختي لو سمحتي وصفة معجون السفرجل لكي جزيل الشكر.تقبلي مروري

[om assil]

مربى السفرجل
اغسليه و قشريه و قطعيه قطع صغيرة حطيه في الككوط و زيدلو الماء قدر ما يتغطى و اقفلي عليه الككوط حوالي 15 الى 20 د
و من بعد اوزنيه وحده بدون الماء و ديري نفس المقدار سكر و رجعيهم في برمة او طاوة مع هذاك الماء و نقصي عليه النار و خليه حتان يطيب مليح حوالي 30 الى 45 د المهم ساعة ساعة نحي شوي في صحنة و شوفيه كي يبرد باه ما يعقدش بزاف و كي يقرب يطيب اعصريلو حبة قارس
قاطو البستولي كي يلصق معناتو العجينة طرية بزاف زيدي شوي فرينة و ابقاي جربي راهو صعيب رقلاج نتاعها و عندها 2 قياسات واحد صغير واحد كبير

[ام محمد78]

روعة يعطيك الصحة

[مرام]

شكراااااااااااااااااا

[مرام]

شكرا لانك جاوبتيني لكن بالنسبة للبيستولي ما فهمتنيش
انا قصدي كي ندير العجينة انا نديرها كيما تاع الصابلي العادي
وكي نجي نطبع تخرج نرمال مي الحبة ماتتقطعش يعني ما تنصلش كل حبة وحدها
تقعد العجينة تخرج طول يشكل المول لي درتو بلا ما تتقسم كل حبة وحدها فهمتيني؟
كيفاه ندير؟ جرت نحها بالسكين مي شكلها فسد وش هو الحل؟

[وصال7]

روووووعة يعطيك الصحة شهيتينا اختي ممكن وصفة خبز الدار وحلوة البيسطولي

[ميمنة الجزائر]

مممممممممممممم بصحتكم العرضة قوليلي كيفاه درتي هذوك الخبيزات المحشيين عجبوني خرجولك رووعة

[*عاشقة الجنة*]

مشاء الله تبارك الرحمن عرضة هايلة ربي يقبل عليكم حنونة ويحفظلك مماك ويسهلك الولادة وترجعيلنا بالسلامة ان شاء الله تعيشي اختي الحبيبة ممكن وصفة فلان كرمال في الفور؟؟؟

[oum souma]

كلشي هايل ومتحوف يعطيكم الصحة

[salahpara]

عرضة وعليها لكلام وربي يسلكك على خير ويحفضلك امك وجميع امهاتنا امين

[salahpara]

عرضة وعليها لكلام كون غير جيت معروضة وربي يسلكك على خير ويحفض امك وجميع الامهات اممممممممممممين

[tong2]

ربي يـسهــــلهـــــــا عليـــــك حـــبيــبـــة

ماشـــاء الله كــــــــلشي شــباب

[ايمان ايمانو]

يعطيكم الصحة و ربي يخليلك يماااااااااااااااك .

[عصفور الجنة]

اااامممممممممممم تشهي
الله يسلمك يديك ويدين ماماك
كلشي رائع

[الصوامعية]

عرضة وعليها الكلام
اللهم ادمها نعمة واحفظها من الزوال

[نجمة ساطعة]

ما شاء الله عرضة تحفة و تقديم هايل يعطيكم الصحة و بصحتهم الضياف

[منى العلم نور]

يعطيك الصحة الحريرة نسيتيها

[منى العلم نور]

ربي يسهلك انشاء الله

[ام سهام 02]

ما شاءالله ربي يسهلك ويحفظك

[منى27]

يعطيك الصحة

[imetta]

rabi yhanik okhti w ya3tik alsa7a
bessa7 le7rira ma7titch feha tmatem conserve banetli 7emra ??
rani ktebtha w inchallah njarrebha rabi ya3tik ma teatmney

[om assil]

السلام عليكم الاخت اللي سالت عن وصفة قاطو البسطولي و خبز الدار و الخبيزات نتاع اللحم المرحي راني حطيتهم في الصفحة الثانية
اختي مرام ما عرفتش وش بيه البسطولي نتاعك لازم كي تطبعي الحبة تعاودي طلعي هذيك الحديدة اللي لظيتي عليها كي طبعتي الحبة لازم تسمعيها كي تتطرطق على العموم راهو البسطولي سامط بزاف انا عندو سنوات و هو عندي هذه اول مرة يصلحلي و تعبني بزاف مرة يخرجلي الحبة صغيرة و مرة كبيرة
و اختتي اللي سالت على الحريرة تقدري ديري طماطم الباط بصح ما تكثريش نص مغرف كبير و ساعات ما نديرش فيها خاطر فيها الكابويا حمراء و طماطم الحب و الفلفل الاحمر
و الاخت اللي سالت على فلان كراميل
نص ليتر حليب مغلي زيدي فيه شوي فاني و خبطي على جنب 4 بيض و كاس سكر حوالي 150 غ بالباتارو من بعد فرغي فيهم هذاك الحليب المغلي و خلطي بالمغرف برك
و ديري الكراميل في ليمول شوي من تحت برك تحبي الكراميل اللي تتباع و لا اخدميها ذوبي شوي سكر على نار هادية حتة يتكرمل و فرغيه بسرعة في ليمول قبل ما ييبس و من بعدي فرغي في ليمول الفلان و حطي ليمول في بلاطو فيه ماء مغلي و فيه طرف جورنال باه ما يطرش الماء الفلان كي يعود يطيب
وحطيه في الفرن 180 درجة حوالي 30 الى 45 د و خليه يبرد

[imetta]

chokrennnn rabi ysallek wa7lek

[djaouida dd]

الله يبارك عرضة وعليها الكلام ربي يحفضلك ماماك ويسهلك ولادتك واختي وصفة الفلان لي حطيتيها مافهمتش كيفاش تحطي طرف جرنالولا كقصدك تحت المول ويك

[djaouida dd]

وولا بين المول البلا لي فيه الما فهمينا فيها ربي يهنيك

[om assil]

اختي جويدة شوفي تحطي الجورنال او مناشف نتاع الكارط في البلاطو الكبير و من بعد تحطي فوقهم ليمول صغار نتاع الفلان و تفرغي الماء يغلي بشوية فوق الجورنال يعني في البلاطو الكبير
اذا ما فهمتيش نحاول نخدمو كاش نهار و نصورهولك و نسيت نقول بلي كون تعود عندك لفاني نتاع العود اللي اسمها les gousse de vanille حطيها في الحليب تغلي تطلق ذوق رائع

[ليلى الجزائرية1]

شكرا لانك جاوبتيني لكن بالنسبة للبيستولي ما فهمتنيش
انا قصدي كي ندير العجينة انا نديرها كيما تاع الصابلي العادي
وكي نجي نطبع تخرج نرمال مي الحبة ماتتقطعش يعني ما تنصلش كل حبة وحدها
تقعد العجينة تخرج طول يشكل المول لي درتو بلا ما تتقسم كل حبة وحدها فهمتيني؟
كيفاه ندير؟ جرت نحها بالسكين مي شكلها فسد وش هو الحل؟


شوفي أختي كي تجي تطبعي حطي البيسطولي على المول اللي رايحة طيبي فيه