احس اني اكاد انهار

[سليسا]

انما في أمس الحاجة اليكم في الدعاء لي والله كل يوم انقهر لم اسمع انا صديقاتي انخطبن وتزوجن احس اني في بعض الاحيان بالضيق رغم اني كل ماحسست بالضيق اقرا القران الذي هو ربيع صدري فيزول عليا ذللك الضيق ولكن لم اذهب للعمل اجد صديقاتي يقولن لي لازم تقفزي على روحك انا نقوللهم حاجة مكتوب والله غير دوخوني الناس انحس في بعض الاحيا انبطل الخدمة ونقعد و انتهي من هذا الضيق الذي يحاصرني طوال سنتين ارجو الدعاء لي ولا تنسوني يارب فرج همي يارب واعطوني ردودكم يارب

[المتيقنة بالله سارة]

السلام عليكم.....ما تنهاري ما تتقهري كيما قلتي الزواج مكتوب.........ولي كاتبتلك تلحقك...........ما ديريش على هذرةنااااس تزيدي على رووحك برك أكثري من الاستغفار فهو مجلبة للرزق (الزواج) ربي يرزقنا ويرزقك من حيث لا نحتسب يا رب

[شروق الاسلام12]

سلام
سبحان الله على لي يقلولك اقفزي واش يعني تقفزي وعلاه كي تقفازي راح تزوجي تزوجي غير كي يكتبهالك ربي الناس مهما درتي ميخلوكش في حالك ياختي وسعي بالك واصبري ربي يرزقك الزوج الصالح عاجلا غير اجل ويجعل بينكما المودة والرحمة ويعوضك بيه ربي على صبرك وتحملك لكلام الناس

[ٱولادي ٱحبابي]

يا اختي ارضاء الناس حاجة لا تدرك اذا مازوجتيش علاه و اذا ماولديش علاه ربي لي يكتب كلشي و نهار لي يكتبلك ربي تلقاي روحك في دارك متهنية مع زوجك انشاء الله

[مراد الأمل]

السلام عليكم،،
اختي صح مجتمعنا تغوّل بزااااف،، وتعكست فيه المفاهيم
أنصحك أختي والحقّ باين وواضح ،، فقط أنت في مرحلة إبتلاء عليك بالصبر والصبر لله وحده،، ورح يفرّج عليك بإذن الله

[*سندوسة*]

ربي يفرحك فالقريب العاجل ويرزقك بالزوج الصالح
ماتتقلقي موالو
الزواج مكتوب
وربي يفتح لابواب على لخير على كامل الشباب
ولازم ديري في بالك انو فيه كثير من بنات فاميليا مزال راهم قاعدين فالدار يستنوا في مكتوبهم

[الحلم الجميل]

السلام عليكم
ارضي بما كتبه الله لكي تسعدين في حياتك
فلما التذمر من قضاء الله ..ربما خير لكي
الله يرزقك بزوج صالح طيب عاااااااااااااجلا غير اجل ان شاء الله و ستفرحين قريبا ..
اقولك يا اختي الدعاء له شروطه ماشي تدعي و انت ثقة بالله منعدمة بل ادعي و كلك ثقة بالله
و قوي شخصيتك شوي ماشي تقعدي غير تبكي
(الا حابة ترتاحي ادخلي لقسم المشاكل و اقرئي راح قلبك يبرد )

[محمد جديدي التبسي]

أصدقاء السوء هم من يصورون أن الزواج لا يأتي إلا بالقفازة فينصحون الشاب بالتعرف على فتاة وفهم تفكيرها قبل خطبتها
وينصحون الفتاة بإبداء زينتها وممارسة مكرها لاصطياد رجل قبل فوات الأوان؟!!
أختي اصبري ودعك من تلك الصديقات واتركي العمل ان كنت غير محتاجة له وربي يفتح عليك
اكثري من الاستغفار ربي يوفقك

[naamane3]

ضاهرلي صديقاتك هاذو غايرين منك
لذا ينصحنك بارتكاب معصية كما ارتكبنها هن
فلا تطيعيهن وكوني صابرة لان الله مقدر لك هذا
واعلمي ان اطعت ربك سيكون لك نصيب احسن من نصيبهن
فلا تفسديه

[سميحة.لد]

...ادعي ربي يفتحلك ابواب الخير الي شايفها هو ...وكل حاجه بالمكتوب والي عالمها ربي فيها الخير ليك ربي يلحقك ليها

[ammiirr2012]

احمدي الله على كل شي اختي
زواج مش قفازة ولتقولك هذا الكلام اعرفها جاهلة ....وعرفي ان كلام ناس لا ينتهي وانا احلفلك بذلك نشالله تتزوجي ويبدو يقولولك اقفزي بالاولاد وشبيك طولتي ...وكان جبتهيم بكري يقولولك شفتو مازالت ضغيرة و مزروبة على الاولاد ......مهم ربي يوفقك ويوفقني انا وكل شباب الجزائر في منصب عمل بشنتزوجو ونسترو خواتتنا

[جسور المحبة]

ربي يفرج عليك وعلينا ويجي الراجل لي يستاهل مش غير خاطب وخلاص مذابينا la qualité

[توبة89]

فرج ربي قريب انشاالله ربي يرزقك ويرزقنا من حيث لا نحتسب
امييييييييييين

[إيمان1]

السلام عليكم ورحمة الله وبركاته
أهم حاجة يأختي أنك تؤمني بكلامك مادام قلتي كلش بالمكتوب يعني لازم تشعري بيها
وتدركي ان ماأصابك ماكان ليخطأك وماأخطأك ماكان ليصيبك
وخليك من كلام الناس
وأوصيك ونفسي
إلجائي لله عزوجل وأكثري من الاستغفار
ربي يرزقك بالزوج الصالح الذي تقر له عينك آمين