قاطو المحقن بطريقتي الخاصة

[kakinova]

بسم الله الرحمن الرحيم


لكل من طلبت مني وصفة المحقن إليكن الوصفة و الطريقة إن شاء الله لما نعاودو رح نصورو بالتفصيل


المقادير :

كاس و نصف زيت كيلي بتاع الجوتابل
كاس سكر و اذا حبيتيه حلو اكثر ضيفي ملعقة او اثنين كبار انا نحبو وسط لانو نشربوه مع الحليب حلو
كاس حليب و هذا السر رقم واحد
4 بيضات
م كبيرة فاني
2 خميرة كيميائية
3 مغارف كبار كاكاو
5 مغارف كبار نشاء
فرينة حسب ما تتلم العجينة


التحضير

خلطي البيض مع رشة ملح قليلا ثم ضيفي الفاني و السكر و كملي خلطي مليح حتى يبياض المزيج
ضيفي الزيت و خلطي ثم ضيفي الحليب و خلطي مليح حتى يذوب السكر تماما هذا السر رقم 2 لانو لو تخليه رح يجي يتفتت و الشكل تاعو يفسد و يجي يابس و حرش فالفم
ثم ضيفي النشاء و كاس فرينة و 2 خميرة غربليهم مع بعض و حركي بالملعقة او السباتولا ثم نحي من المزيج حطيه في اناء ىخر ضيفيلو الكاكو ثم شيحي المزيجين

لازم تكون جارية و تلصق بزاف
غطيها و خليها ربع ساعة ترتاح رح تنشف قليلا

ادعني البلاطو و ادهني لابوش تاعك لازم المحقن يكون صغير و اذا كبير ضيقي سنيه تماما و اعملي كويرة بيضاء لصقي فوقها وحدة سوداء و دخليها في لابوش

لازم تعملي كويرة قد المندرين فقط حتى تجيك ساهلة لما تضغطي و اعملي أصابع فوق البلاطو

سخني الفرن على 320 درجة أعلى درجة عندك ربع ساعة ثم دخلي البلاطو في الاسفل و الفرن شاعل من فوق و تحت
رح تلاحظي بلي انتفخ و طلع و زاد حجمو بفعل الحرارة العالية رغم انو العجينة جارية هادا السر رقم 3

لما يتحمر من الاسف طلعيه للفوق يتحمر و حطي واحد ثاني فالاسفل يطهى

انا ما حمرتوش بزاف لاني استعملت فرينة لابال بيضاء بزاف

و خليه يبرد فالبلاطو لانو يكون طري و لما يبرد قليلا نحيه رح تلقايه طري و خفيييييييييييييييييف و فيه قرمشة خفيفة تاكليه بشواربك

https://fbcdn-sphotos-b-a.akamaihd.net/hphotos-ak-ash3/602092_411727422293623_1003620027_n.jpg

[أم ماجد]

يعطيك الصحة كاكي هايل هايل والالوان زادن فيه النص

انا الكويزينيار تشعبدل من فوق او من تحت فقط
نطيب عادي ؟

[لينا11]

نفس سؤال ام ماجد كويزيناير تاعي تشعل يااما فوق وكي نطفي نشعل تحت
وانتي قلتي شعلوها فوق وتحت ؟؟؟؟؟؟؟؟؟؟؟؟؟

[kakinova]

اذا طيبتيه فالكويزينيار طيبيه من تحت و خرجيه
كملي الكمية كامل و من بعد شعلي من فوق راهو ليه ليه يتحمر من فوق

و اذا فالفرن الكهربائي طيبي من تحت و طلعيه لفوق هادا ماكان

[mounia nouna]

يما يما فكرتيني في ايام زمان حنا فالدار نقولولو قاطو جدة مناه بكري هي لكانت ديرهونا

[*عاشقة الجنة*]

تبارك الله عليك حبيبتي

فحلة كالعادة

[ام سهام 02]

يعطيك الصحة

[kakinova]

شكرا لمروركن نورتو

[فوزية1975]

شكرا لكي 44444444444444444444444444444

[الأمنيات]

http://im33.gulfup.com/8H1Dl.gif

[oum souma]

بارك الله فيك

[صلاتي راحتي]

انا درت ختي هبط شوي شكلو راح واش حل مع ااني سحنت الفرن مليح

[nounoudjs]

بارك الله فيك اختي

[بريق الامل&]

http://l.yimg.com/qn/alfrasha/up/1961900705667411227.gif

[ام الهضاب]

هاااايل بارك الله فييييك

[ahla tita]

ammmmmmmm bnine yji yhabel mm ana ndir fih lahlib wayji bnin ya3tik al saha

[red lina]

باين ايجي هايل
يعطيك الصحة

[تغرينية]

خرجتلك روعة شكرا

[kakinova]

انا درت ختي هبط شوي شكلو راح واش حل مع ااني سحنت الفرن مليح



أختى لانك درتيه جاري بزاف فوق الحق

انا قلت ديريه جاري و يتلاصق بزاف و لما تغطيه و تخليه شوية رح يتشرب و يتماسك و تولي عجينتو مليحة طرية لا هي جارية لا هي يابسة متماسكة لكن في نفس الوقت طرية و تلصق لما تدهني يدك بالزيت تكوري كويرة ترطبيها و تزيدي وحدة سوداء و تلطقيهم فوق بعض و تحطيهم فالكيس


و الاخوات لي ما عندهمش لابوش

تعمل المحقن في كيس حليب و تلصقو مليييييييييييييييييح من برا بالسكوتش و تدخل العجينة و الباقي عادي

[لميس اميرة]

44444444444444444444444444444444444444444444 وصفة جديدة يعطيك الصحة

[هدى ام ريماس]

واااااااااااااااوووووووووو نجربوووووووووووووووووو

[rafik-12]

ربي يبارك يهبل

[صابرة2013]

بارك الله فيك
يعطيك الصحة

[الصمت حكمة]

الله يبارك عليك باين هايل

[محبة الاسلام]

اممممممممممممممم يسلموا ايديك
الله يبارك عليك

[اغادير]

THANK YOU


http://files2.fatakat.com/2012/10/13499827461410.gif

[omario.casawi]

الله يعطيك الصحة بارك الله فيك

[imen.tamara]

والله حكمني الفضول ..و هاذا وين جربت الوصفة تاعك...مي خسرت قع....درت كيما قلتي بالتفاصيل ...بصح العجينة راحت فيها جات تتقطع..و هاذي ملاحظة زادتهالي ماما قاتلي: هاذا القاطو مالفة نخدمو ديما..بصح لازم متديريلوش الحليب..باسكو يدير الخيط في العجين..و دوكاالعجينة لي خسرتلي راني خليتها..مام كروكي محبتش تصلح مصلحتلي لوالو

[houda04]

[size="6"]يعطيك الصحة

/size]

[salwa78]

اختي كاكي نوفا يعطيك الصحة و الله فكرتينا في بكري

[idron0]

ماشاء الله

[نجمة7]

بارك الله فيك:19:

[alg bladi]

يعطيك الصحة

[kakinova]

شكرا لمروركم بارك الله فيكم

[ام حسناء]

ما شاء الله الف صحة

[ام احمد اسامة]

يعطيك الصحة

[sama nano]

ما شاء الله باين هايل راح انجربو يعطيك الصحة

[ام هاديل وياسين]

هاييل يعطيك الصحة