خطيبي يغير رأيه فجأة -2-

[بنت غليزان]

.............................................

[الإدريسي العلوي]

السلام عليكم انا صاحبة هذا الموضوع
http://www.djelfa.info/vb/showthread.php?t=1461003
شكرا لكل من مر على موضوعي
لكنه لحد الساعة لم أجد حلا هو لم يكلمني منذ حوالي 25 يوما و عندما اصادفة في الطريق لا ينظر حتى اليا
صبرت و قلت لعل ربي يهديك لكن بدون جدوى
انا الآن اريد توكيل محامي و الباقي على الله سبحانه و تعالى
فلو كنت مكاني هل ستفعلون هكذا؟ انا مشوشة
ارجوكم اخوتي ان تساعدوني بالدعاء ثم الدعاء


السلام عليكم ورحمة الله وبركاته:
أهلا وسهلا أختي الكريمة
والله قرأت موضوعك بكامله مع الردود عليه
ولأول مرة أشعر بالحزن جراء قراءتي لهذا الموضوع
أحسست بمصابك،كأنني أنا هو المعني بالأمر
اسمعيني جيدا أختاه
لقد قلت إنه لم يبق على زفافك إلا شهر أو شهران،ثم قلت إنه لم يكلمك منذ 25 يوما
ماذا يعني هذا؟
يعني أنه لم يعد يريدك زوجة له،وندم على ارتباطه بك،فأراد البحث عن سبب للفراق
هذا ما يفهم من معاملته لك
ولكن أختاه
استشيري الله سبحانه وتعالى،فما خاب من استشار
ثانيا:اعلمي أنك في حكم المتزوجة،لأنك عقدت عقدا شرعيا ومدنيا
ومنه فالافتراق معناه أنك ستصبحين أمام الناس مطلقة،ويبدأ القيل والقال
لهذا تريثي،وبعد استشارتك لله،حاولي التحدث مع زوجك،بالتي هي أحسن
فإن كان مصرا،فتحدثي إلى أبيك،وأعلميه أن زوجك قد أخل بشرط من شروط الزواج
وعليه وجب التدخل،لإنهاء هذه المهزلة
كنت سأقول لك ارضي بالحل الذي تقدم به زوجك إليك،وهو السكنى مع أهله
ولكن بعد أن قلت إن أخاه سكير مخمور،أحجمت،ورأيت أن الحق معك
والله لن يتخلى عنك فتيقني من هذا
أسأل الله أن يوفقك لما فيه صلاحك

[أم احمد3]

لا اختى معليش تطيعي زوجك هذا هو الزواج وليس عسل في عسل دائما الا امه امراءة صالحة لما لا
اما عن اهل البيت فهل تطردين الناس كي تعيشي وحدك

عنده الحق راجلك وحتى ان غير رايه فانت ارضي به او اتركيه
اما هو ليس بالمخطئ ستتبعين رايه دائما كل حياتك

[أم احمد3]

اشحال تتنازلي منا ورايح

اليوم انا عندي 19 سنة زواج والله مازال مفهمتوش ومازال راني حاصلة في القرارات العائلية اولادي ومندبرش عليه هو الي يسيرهم هو ليشريهم الملابس التي تترك في الخزانة بدون لبس والتي لا تعجبهم ولا تعجبني

[ahmed 31]

السلام عليكم انا صاحبة هذا الموضوع
http://www.djelfa.info/vb/showthread.php?t=1461003
شكرا لكل من مر على موضوعي
لكنه لحد الساعة لم أجد حلا هو لم يكلمني منذ حوالي 25 يوما و عندما اصادفة في الطريق لا ينظر حتى اليا
صبرت و قلت لعل ربي يهديك لكن بدون جدوى
انا الآن اريد توكيل محامي و الباقي على الله سبحانه و تعالى
فلو كنت مكاني هل ستفعلون هكذا؟ انا مشوشة
ارجوكم اخوتي ان تساعدوني بالدعاء ثم الدعاء


أختي الكريمة إستخيري الله أولا، وحمدي ربي كي قالهالك قبل الزواج، أنت أدرى بنفسك إذا شفتي بلي ماتنجميش تعيشي معاهم حطيه في الأمر الواقع إذا كان إلتزم بالشرط كيما تفاهمتو وإلا قليله الله إجيبلك ويجيبلي وماتدمريش روحك وغدوة تندمي، ولكن كي تهدري معاه هكا أعطيه وقت قبل ماتقري الإنفصال،
ربي إجيب الخير إن شاء الله.

[z.abdo]

السلام عليكم انا صاحبة هذا الموضوع
http://www.djelfa.info/vb/showthread.php?t=1461003
شكرا لكل من مر على موضوعي
لكنه لحد الساعة لم أجد حلا هو لم يكلمني منذ حوالي 25 يوما و عندما اصادفة في الطريق لا ينظر حتى اليا
صبرت و قلت لعل ربي يهديك لكن بدون جدوى
انا الآن اريد توكيل محامي و الباقي على الله سبحانه و تعالى
فلو كنت مكاني هل ستفعلون هكذا؟ انا مشوشة
ارجوكم اخوتي ان تساعدوني بالدعاء ثم الدعاء


سبحان الله هل يصبح الحبيب عدوا؟؟؟ اهكذا انتم النساء ؟؟؟

قال رسول الله - صلى الله عليه وسلم -: "أُريت النار، فإذا أكثر أهلها النساء يكفرن قيل: أيكفرن بالله؟ قال: يكفرن العشير، ويكفرن الإحسان ، لو أحسنت إلى إحداهن الدهر ثم رأت منك شيئا قالت: ما رأيت منك خيرا قط". متفق عليه.

نصيحتي اختي ان تتريثي في قرارك ولا تتسرعي ونصيحة اخرى تفادي رؤيته في طريق وتجنبي الإلقتاء به

[biologie2001]

اختي ضعي الامر بيد والديك و هما من يتوليان الامر ......

[بنت غليزان]

السلام عليكم ذشكرا لكم لكن والديا تكلما معه و بدون فائدة و لم يرد و لا بكلمة
كون درت على دارنا كون راني طلقت منو لكني انا صبرت قلت دروك يهديه ربي لكن ماكان والو
و الله انا علابالي بلي ما نقدرش نعيش معاهم الله غالب راني عارفة روحي كون نروح لتم نرجع في نهاري مارانيش باغية نغبن روحي
انا ماراهيش هاينة عليا العشرة و مهانش عليا هو لكنو ما خلالي حتى حل

[المتيقنة بالله سارة]

السلام عليكم ذشكرا لكم لكن والديا تكلما معه و بدون فائدة و لم يرد و لا بكلمة
كون درت على دارنا كون راني طلقت منو لكني انا صبرت قلت دروك يهديه ربي لكن ماكان والو
و الله انا علابالي بلي ما نقدرش نعيش معاهم الله غالب راني عارفة روحي كون نروح لتم نرجع في نهاري مارانيش باغية نغبن روحي
انا ماراهيش هاينة عليا العشرة و مهانش عليا هو لكنو ما خلالي حتى حل
ربــــــــــــــــــــــــــي يفرج عليك أختي ويلهمك لما فيه الخير والصواب................يا ريت تتريثي وتبحثي على مجال للصلح لا تتعجلي بالطلاق

[بنت غليزان]

ربــــــــــــــــــــــــــي يفرج عليك أختي ويلهمك لما فيه الخير والصواب................يا ريت تتريثي وتبحثي على مجال للصلح لا تتعجلي بالطلاق
اتصلت به البارحة و قلت ماعليش نخلي من حقي شوية قتلو هل مازلت في رايك قالي ما خرجتيش معايا مرا و قالي باش نركعلك يليقلك و مانديرلكش دارك تسكني كيما نبغي انا نقولك نسكنو برا تبعيني
قتلت بصح انت من البداية مطمعني و قتلي دارك وحدك و شرطتها عليك و انت قبلت
قالي دار الحال

[شروق الاسلام12]

سلام اختي ربي يفرج عليك ان شاء الله انا راح نقلك اسهل حاجة في الدنيا انك تهدمي حاجة بصح باه تبني لازمك تصبري وتتحملي هو طلب منك تسكني مع اهلو ربما لغاية انتي متعرفيهاش وانتي كي رفضتي ممكن حسستيه بلي كون مجاتش عندك الدار منقبلش بيك كون تعاودي تحكي معاه الراجل مهما كان الكلمة الحلوة تلين قلبو وتلقاو حل يرضيكم ان شاء الله انساي الحكاية هذي تع الدار وتفكريلو حاجة مليحة درهالك والا لحظة جميلة عشتوها متهدميش كلش في لحظة راهم كاين الاف ساكنين في ديارهم وحدهم ومهمش مهنين وكرهو بعضاهم معدتش كاين بينهم لا مودة لا رحمة وكاين الاف عايشين في دار العيلة ورغم االمشاكل والضغط كاين الحب والدفئ بين المرأة وزوجها المهم عندكم الدار قادرة في اي لحظة ترجعو تسكنو فيها خاصة كي تجيبو الاولاد والا ما يلقاش راحتو في دارهم يولي من طلقاء نفسو يحب يروح لدارو
طولت عليك ربي يسر امرك وصلي صلاة الاستخارة

[المتيقنة بالله سارة]

اتصلت به البارحة و قلت ماعليش نخلي من حقي شوية قتلو هل مازلت في رايك قالي ما خرجتيش معايا مرا و قالي باش نركعلك يليقلك و مانديرلكش دارك تسكني كيما نبغي انا نقولك نسكنو برا تبعيني
قتلت بصح انت من البداية مطمعني و قتلي دارك وحدك و شرطتها عليك و انت قبلت
قالي دار الحال

يبان بلي مصمم على رايو حنونة نقولك حاجة هو صح غالط كي دار عليك مي هو مقالكش نتفارقو.......قالك تبعيني وش نقولك...وزيد كااين بزاف لي أصروا عليهم أزواجهم يسكنوا م العائلة مي لقاو انو مكااش احسن من لي يسكن وحدوا أنا من رايي أنك تاخديلو الراي وترمي حملك على ربي مستحيل تطلقي منو على جال ضنون......يعني خايفة ماتقدريش..........عااودي ديري استخارة واقعدي مع يماك وناقشيها..وزيد اذا كان زوجك يستحق التضحية هذه فلما لا

[koukou23]

ya okht tnazli chwiya w 9olilo mwaf9a noskon
m3a ahlek
w ida dar el 3ers raho charik w ida ma darech
raho rir yhawes 3la seba whabha tji min 3andek
kabri 3aklek fa sakan el ha9i9i heya el mawada wa rahma machi lehyout
rabi yfarej 3lik

[bellaluna]

أنصحك أن تصبري هذه الفترة لعل الله يجعل خيرا و على العموم نصيحة اخوية لا تفكري في الطلاق.

[سهيلة2013]

على حساب كلمة تبيعيني انا بنتلي كان يختبر فيك
الله اعلم

[صاحبة السمو الفكري]

يااختي واش الجديد معاك؟؟

[ام ضياء01]

اسمحيلي صح هو غلط وعدك وخلف ولكن المراة مش لازم تتنازل وانما تكون مقدرة للضروف علابالك بلي عندو دار وتاكدي لو سايرتيه وصبرتي معاه يجي نهار ويقولك ماقدرتش نروحو لدارنا نستراحو احسن لو خممتي تكسبيه اولا راح يديرلك جنة بين يديك ولكن فرضت عليه امر لازم يطبقو هو حسستيه بلي قبلتي بيه من اجل عندو دار واذا كان هذا شرطك استناي واحد عندو دار وخدمة كيما قالتلك الاخت سهل انك تهدمي واش بنيتي ولكن صعب انك تعاودي تبنيه خممي الان كيفاه ترجعي ثقته وحبه لك والتفاهم هو اساس الزواج واستخيري الله اكيد يعطيك الحل

[lolo303]

السلام عليكم
انا من رايي انك تتريثي وتفكري مليح وما تتعجليش بالطلاق
يارب ينور طريقك لما فيه الخير اميييييييييييييييييييين