خطيبي يمن عليا

[مشكلتي]

السلام عليكم إخوتي الكرام
قبل طرح مشكلتي مع خطيبي أُريد أن أُشيرة إلى أنه إنسان مسؤول و ذو شخصية قوية و أنه يحبني كثيراً إلا أن المشكل راجع إلى قلة إمكانياتي فأنا لا أستطيع تقديم الهدايا في كل مناسبة لأنني مازِلةُ ٍطالبة ٱخذُ مصروفي من والدتي
فهو في كل مُناسبة يحرص على إعطائي هدية و هذا ما جعلني أُقرر تخصيص جزءٍ من مصروفي و جمعه من أجل تقديم و لو هدية بسيطة...
كل هذا لا يُشكل مشكلا لكن خطيبي كلما سمحت له الفرصة يذكرني كما يقول هو بأنني مشحاحة و لكن الله غالب هذا فوق إمكانياتي و أصبحت أُحس و كأنه يَمِنُ علي و ٱخر مرة قالها لي كانت اليوم فلم أتحمل صرختُ وقلت لا أُريد منك شيئً بعد اليوم و بالعامية ماتزيدش تجيبلي الحاجة و تمن أعلية ماسيفتش أعليك تجيبلي بعد لك أغلق الخط في وجهي و لم يتصل مرة ثانية
مع العلم أننا عقدنا العقد الشرعي و المدني

[يونس معبدي]

وعليكم السلام ورحمة الله

اذا كانت هاته هي مشكلتكم
لباس المهم ما يكون المشكل خاص بالعائلة وما شابه
ثم انه من المفروض يكون على علم بهذا الشيء
كونك طالبة فقط..
اتصلي بيه هاته المرة وحاولي ترضيه بكلمتين
حتى الرجال يحبوا الدلال ماشي غير النساء
قولي له اذا تزوجنا سوف أغمرك بالهدايا :)
..
ربي يتمم على خير ويوفقكم ويهنيكم
آمين
موفقة أختي

[محمد جديدي التبسي]

ربما هو يمزح معك وأنت أخذت الأمر جدي أكثر من اللازم
بما أنك قلت أنو شخص مسؤول ومحترم أظن أنه يمازحك فقط ويريد إذابة الجليد
لذلك نصيحة خلي روحك عزيزة وما تكثريش من المكالمات حتى ولو زوجك وعاقدين أنت مازلت في بيت أهلك معززة مكرمة
وطبيعي أن لا تكون هداياك غالية ثم إن هذه سنة سيئة كثرة الهدايا وانتظار مقابل لها في كل مرة!!
قوليلو ان شاء الله نشوف هداياك بعد الزواج ورديلنا لخبر ربي يصلح حالكم وييسر أموركم

[sali-sali]

السلام عليكم

يا اختي علاش تكبري الموضوع ... انتي قوليله انو لو لديك المال لشراء الهدايا لما ترددتي عن ذلك لانه يستحق
كلمة مشحاحة الاغلبية يقولوها مزاح فقط لذا لا تغضبي وحاولي الرد عليه باسلوب اخر غير المشاكل

مثلا قولي له يكفيك انني احسن هدية ستكون معك طول العمر :1::1::1:ولا تغضبي

[knives66]

انا لضورك مزال ما فهمتش هذا العقلية تاع الهديا وما علبليش يا ختي ريحن تزوجو ولا تلعبوا

كل واحد يحترم امكانات خوه والله عيب سواء من رجل ولا مراة

هذا شيئ عاد يكرهنا حنا شباب به نخطبوا ولا نتزوجوا اذا كون هذي هيا عقلية مجتمع راح

ارحموا بعضاكم شويا

وصراح هي ميش هدرت راجل تاع راكي مشحاح على كل حال انت حولي تفهميه

بلي امكاياتك ما تسمحلكش تشرلوا هدية هذا مكان

[imane bela]

ماندحكش عليك حتى أنا عندي نفس العقلية حتى مع بابا و ماما المصروف و ما نطلبوش منهم نفسي بزآآآآآآاف عزيزة مرات مايكونش عندي مصروف نقعد فالدار ما نروحش نقرا و ما نقوللهمش و إن شاء الله قبل ما نتزوج نكون خدامة باش ما نمدش يدي و نطُلبو ههههههههه العزة و الكرامة فوق كل شيئ

[khalwi]

لقد اثرت زوبعة في فنجان يا اختي......... فخطيبك لا يمكن ان يمن عليك لانه مسؤول عنك و سيصرف عليك لا محالة يوم تزفين الى بيته. دعي عنك هذا النوع من المشاكل و ترفعي عنها لأن ما يربطكما اهم من كل هذا..........

[سجل أنا جزائري]

أعتقد أنتي فقط حساسة شوي

أكيد يعرف انك طالبة و ما عندكش

و كي قالك مشحاحة باين بيلي مجرد مزاح فقط ما تأخذيش الكلام دائما بجدية هذا زوجك مش واحد غريب

هكذا يولي يحس ما يقدرش يقصر معك عليها تقلق

نتي ثاني كوني ذكية كي يقولك مشحاحة قوليلي أعطني دراهم ذرك نشريك وش تحب ياك نتي راجلي نت اللي تصرف عليا بيانسور جيبهالو بالضحكة

[nonoi]

السلام عليكم يا اختي نتي باينة ماموالفاش بالعراس الخطبة و روح الراجل يهدي هدايا لمرتوا حاجة عادية خلاه وكوني مراة ماش عقلية تع دري صغار سينوا يهرب عليك

[sabounimanal0]

صح يا اختي حنا ماعندناش و ما خصناش ما نحبوش نطيحجو برواحنا
المهم انت كي يقولك هكداك حاولي تحولي الموضوع الى مزاح وردي عليه من باب المزاح

[7anine 87]

انا كيفك فى الهوا سوا مشكلتنا الحساسية الزايدة انا لبراح فليكسالى بنيتو مسكين عرشتلو قتلو كى نعود فى دارك اصرف على اختى هو اكيد مش قاصد ماتحطيش فى بالك

[شروق الاسلام12]

سلام يا اختي انا نظن خطيبك يمزح معاك فقط انا زوجي كان يقلي المشحاحة يالفقيرة وكنت ضعيفة كان يقلي المجاعة بصح عادي مزاح برك لا داعي تحملي الموقف كثر من طاقتو ولا داعي للحساسية هذا راه زوجك مدريش النيف على راجلك خاطر راح تدخلي في دوامة صعيب تخرجي منها

[bellaluna]

صالحيه هذه المرة لكن في المرة القادمة لا تفتحي هداياه و عندما يسالك اعلميه انك التهيت او نسيت فتحها و هكذا يعلم انه على الرغم من هداياه فلك عزة نفس و لست ملهوفة.

[oumhana]

عزة نفسي مابتسمحلي ....مليحة عزة النفس بصح متزودهاش بأه الله .

[AMINA.Z]

هو اللي سامط

هاكا يتعلم كيفاه يهدر

[الماسة النادرة]

انا نلومو هو علجال يعرف ضروفك ويهدر منين ذاك التمسخير يجيب الزعاف المهم مدام راه راجلك صلحي الامور معندك ماتعملي

[حبيبة زوجها]

ديري كيما ختك نقوله محبيتش هداياك درك الناس كامل ديرهم وسكطوها بزااف
حابة بعد الزواج تجيبلي تم نحس بيهم اكثر ههه المهم متقلقيش روحك بزااف بلاك مهوش قاصد وانت تحسست لانك حاسة انك مش تمديله حاجة كبيرة وعندها قيمة
كيما يقوله ؟؟؟؟
ربي يهنيكم مع بعض وعيطي لراجلك وتناقشو في هاد الحاجة حتى متتكررش من بعد

[سهيلة1996]

غريب امركم

[samira135]

خيتو واش جابلك من حقك لانو زوجك ولازم يصرف عليك على هذا ما تتحسيش مش شرط يجيبلك شيء انتِ تهديلو شيء

ولما يجيبلك شيء اشكريه وبينيلو انك فرحانة مش تتوسوسي "اهييييييه ضركة واش تشريلو انا و منين نشريلو ...الخ "

وانتِ أغلى هدية ليه وهذا يكفي واش راح يزيد :d

[حمدا لله كثير]

ربما هو يمزح معك وأنت أخذت الأمر جدي أكثر من اللازم
بما أنك قلت أنو شخص مسؤول ومحترم أظن أنه يمازحك فقط ويريد إذابة الجليد
لذلك نصيحة خلي روحك عزيزة وما تكثريش من المكالمات حتى ولو زوجك وعاقدين أنت مازلت في بيت أهلك معززة مكرمة
وطبيعي أن لا تكون هداياك غالية ثم إن هذه سنة سيئة كثرة الهدايا وانتظار مقابل لها في كل مرة!!
قوليلو ان شاء الله نشوف هداياك بعد الزواج ورديلنا لخبر ربي يصلح حالكم وييسر أموركم

بارك الله فيك و انا انتضر خبر منكي

المادة ماشي مهمة و الا انتي متفاهمة معاه اتصلي بيه
و قوليلوا جرحتلي مشاعري بكلامك و اكيد رايح نقولك اني نمزح و مايعاودهاش

و المرة الجاية قوليلوا كي تشريلي حوايج ولا تحب تشريلي خبيهملي في داري عندك و كي نتزوجوا اني نلقاهم

و قوليلوا الا حاب تشريلي اشري متال فييوز او خلاط كهربائي او ,,,,, هدايا ليك و ليه
و كي تزوجي اقلبيها عليه و قوليلوا هادوا اك شريتهم لدارك هههه

لربي يهنيكي و يتمملك علي خير
:1:

[نوو نور]

الرجال كامل يحبو يتمسخرو يقولو يامشحاحة يا باشغعة متقلقيش روحك

[نوو نور]

انا مشكلتي عرفت واحد و حبيتو بزاف و كانو عندو حكايات قبل ما نعلرفو و بعد عامين جا للدار خطبني بصح انا ديما موسسوسة من جيهتو على خاطر حكمت عليه فايت قداه من خيانة و قالي راح نتبدل واش رايكم

[*سندوسة*]

اختي المشكلة هي الكلام في الهاتف
لوكان ماراكمش تكتروا لهدرة ماتوقعش مشاكل
+راكي رايحة تبني دار وتكوني عائلة
اختي انصحك بالصبر ثم الصبر ثم الصبر+
لا تتكلمي كثيرا حتى لا تكثر اخطاءك
ارجوا ان تتقبلي نصيحة من اختك في الله

[جروح الليل]

[اختي الفاضلة اين هو المشكل في نظري لا يوجد مشكل المهم انه في كل تلك البنات اختارك انت شريكة حياته

[nana w]

هذا اصلا ماهوش مشكلة ......الزواج اكبر من هاته الأمور البسيطة