اريد ان اصبح شاردة موجبة !

[la pierre précieuse]

نعم.....لان هناك من يسرق مني بروتونات
انا المتفوقة في القسم و الحمد لله و منافستي تجلس و رائي و لا تتوقف عن
رمي كلامها السام كل دقيقة وكل ثانية و عندما اتكلم مع الاساتدة تتكلم هي و تدخل في الموضوع مباشرة و تناقضني جربت تجاهلها فلم ينجح بل بالغت في مهاجمتي
يعني وضعت هدف تحطيمي بأي طريقة كانت
واللتي تجلس بجانبي اسوأ منها انا اكتب وهي تراقب كراسي اي ملاحظة اكتبها تنقلها عني
في المداومة ادهب الى المكتبة تلحقني قائلة (منك صح قاعدة تراجعي؟؟) تريد احباط نشاطي و تركيزي في الدراسة و اقناعي بأنني الوحيدة التي اراجع دروسي و تستفزني دائما
و تريد فرض رأيها
و المشكلة حين انعزل و ادرس يقولون معقدة متكبرة
بنات قسمنا كارثة حقيقية ليسو بمستوى النهائي
انا لا ابالي و لكن احيانا انفجر
اريد ان يبقى تركيزي فقط في دراستي

[موتي ولا دمعة أمي]

اختي ماتتثبطيش هاذو كامل أنزيمات مثبطة لك وكامل ماغديش يلحقوك في النتيجة شوفي انت المعدل تاعك شحال وهوما تكتشفي وعلاش راهم يديرو هاك راهم حابين يزعزعوك من قرايتك ماديريش عليهم وشوفي الباك تاعك وبرك ويلا قدرتي حتى تقعدي وحدك اقعدي هذا عام مصيري اختي ...... فكرتيني بروحي هذي صراتلي أنا لكن الحمد لله قسمنا النهائي ماشاء الله ..... وهدي االمنافسة تاعك راهي شايفاتك خير منها علابيها راهي غايرة هاك
تباااااااااااا لهم همهم تحطيم الارادات ..... هم الفاشلون

[la pierre précieuse]

اختي ماتتثبطيش هاذو كامل أنزيمات مثبطة لك وكامل ماغديش يلحقوك في النتيجة شوفي انت المعدل تاعك شحال وهوما تكتشفي وعلاش راهم يديرو هاك راهم حابين يزعزعوك من قرايتك ماديريش عليهم وشوفي الباك تاعك وبرك ويلا قدرتي حتى تقعدي وحدك اقعدي هذا عام مصيري اختي ...... فكرتيني بروحي هذي صراتلي أنا لكن الحمد لله قسمنا النهائي ماشاء الله ..... وهدي االمنافسة تاعك راهي شايفاتك خير منها علابيها راهي غايرة هاك
تباااااااااااا لهم همهم تحطيم الارادات ..... هم الفاشلون
هديك هي و ضعو هدف تحطيمي بين عينيهم ان شاء الله نقدر نتجاوزهم كامل شكرا على المرور اختي
ربك يوفقك طبيبة المستقبل ان شاء الله :)

[شعلة الطموح]

اختي انصحك ان تغيري المكان اجلسي وحدك و الله هذا شئ غير معقول ان ترى اناس من المفروض ان يكونوا اكثر تحضرا يتصرفون تصرفات صبيانية انا لم ار ظاهرة الغيرة الا في الابتدائية و الله هذا التخلف بعينه ربي يهدي الجميع ان شاء الله
اختي اتمنى لك التوفيق و اذا زادو زعفوك اعطيلهم درس في الاخلاق -مع اختيار الالفاظ المناسبة طبعا- لانه من غير المعقول ان يبقى الوضع على هذا الحال فانت غير مجبرة على تحمل هذا و دعي لهم ان شاء الله يهديهم

[موتي ولا دمعة أمي]

ان شاء الله اختي .العفو شفتي هاراكي عارفو خطتهم وهذا هو الصح ان شاء الله يهديهم ويوفقنا كامل ........

[la pierre précieuse]

والله يا اختي غير ساعات صح نحس بلي راني في قسم ابتدائي بصح غير البراءة اللي ماكانش خاصة اللي خلفي تهاجم طول الخط
الله يهدي

[Basma Bed]

خليك منهم اختي تبعي الهدف تاعك و قيلك من التفاهات تاعهم
هوما ماعندهمش هدف يحبو يفشلو الناجحين و مايصدقو يلقاو سبة باه يركبو عليكم هدرة خاطية
كوني انتِ و ماتلبسي حتى ماسك، بالعكس افتخري بكونك انتِ
مهما قالو عليك و مهما زعزعوك دخلي هدرتهم من ودن و خرجيهم من الودن التانية
انا مريت بهذه المرحلة تقريبا طوال السنوات الدراسية
و المرحلة الثانوية كانت من أحلى المراحل بالرغم من هاديك الجراثيم، لأنها فرصة لإثبات تفوقي و مهاراتي
نفرح كيما نشوفهم غايرين، نقوللهم الاعوام لي كنتو تلعبو و تضحكو فيها وماعلابالكمش بالقراية .. هاو جا مصيركم الي لا مفر منه

و حتى ما تتقلقيش حاولي ديري صداقات بشاركوك أهدافك، عاونيهم و يعاونوك ، حلو مع بعضاكم التمارين، ما تبخليهمش و حتى هما ما يبخلوكش

و تذكري من يضحك أخيرا يضحك كثيرا

;)

[ناصف الورداني]

و الله يكفيكي فخرا بنفسك انك تعرفين مستواك و انا من وراء الشاشة ابتسم و اقول ان الفيروسات في كل مكان لكن نحن لدينا اقوى مضاد من جهتي من يستحق ان ارد عليه مصيره الحزن و البكاء و التقليل من شانه حتى صار الكل اصدقاء بعدما كانوا اعداء حيث انني لا اقصر فيمن يقلل من شاني بل اني ارض الصاع مضاعفا فمن يقول لي اني ادرس كثيرا و لن انجح او ما شبه فيسمع مني انه غبي و انا لن اكون راسبا مثله و افهمه ان العلم خير من التفاهات و اللامبالات و يعرف حده لان من يضع نفسه عائقا في طريق طالب العلم شيطان

[أيمن عثماني]

السلام الأخت

شوفي هادوما البناويت لي يقراو معاك ميستاهلوش باش يكونو تارمينال

ما عليك إلا :

- عدم التكلم كثيرا في القسم و و عدم المشاركة الفعالة و راقبي دروسك من ألأأسادة عن قرب


- حاولي تغيير الإستراجيجية لي راكي عليها حاليا

+
متضهريش بلي راكي تجيبي كتب و تراجعي الدروس و غير دلك



هدا من أجل مشاعرك و أأكد لكي من أجل مشاعركي ...لأني أفهم معنى التحدث في القسم لوحدك و نظر الأخرين لكي
و خاصة حين يبدأون بالنظر في بعضهم البعض


باللتوفيق الأخت + ركزي الدراسة في البيت أفضل و أفضل من المشاركة في القسم لأنها مشاركة عقيمة حسب ما حكيتي لنا

[Hakou28]

مليح مكيش كيما انا انا وين نروح ينتقدوني حتى في الجلفة مخلاونيش في الكلاسة كل يوم كل صباح كل مساء
كرهت لدرجة اني اردت ان لا اعيش ............. انتي لم تتذوقي شيئا بعد ...............

الصبر الصبر الصبر

[fr95]

لو كان جيتي ولد اني قتلك ادربيها و ربيها ههههههه محب للعنف و بما انك فتاة انصحك بعدم الوقوع في حيلها و تجنبيهم كامل باسك مازال 6اشهر و مابقيتيش تشوفيهم كامل

[roro roro]

سبحان الله عقلية ربي يجيب
بالعكس أنا وصديقتي التي تقعدمعايا نتنافسوا منافسة قوية لكن والله غير صافية كي تنسلا باش تكتب فكرة لا نقطةمهمة نفكرها وهي تاني كيفكيف و كي تلقا كاش سوجي صعيب تجيباهلي نحلوه كيفكيف

المهم نتيا ما تسمعيش قاع بيهم وماتحسبيهمش كاينينوبالتوفيق للجميع

[wissemb]

سلام اختي لا تهتمي بمثل هذه التفاهات انا مثلا اراهم مجرد دخان سببته نار الغيرة في بداية الامر قررت الانسحاب و متابعة الدراسة في المنزل لكن بعدها ايقنت ان الدراسة في القسم مهمة لا لانني لا استطيع النجاح بمفردي وانما للاستفادة من الاساتذة لا اكثر مع الوقت يوف تتاقلمين الان اصبحت متفهمة بعض الشئ لان الشجرة المثمرة تقدف بالحجارة لا وجود لامثال الفاشلين في عالمي دائما اتوكل على الله و امضي في طريقي ادعو الله ان يوفقنا جميعا

[soumia bougaa]

بالعكس ارى الامر عاديا

فمن ليس له ارادة يسعى لاحباط عزيمة الذي يملكها

شخصيا اتمنى ان اكون مثلك استغل وقتي خاصة اوقات الفراغ

فمؤخرا فقد انطلقت وانطلقت معها اعين المراقبين من الطالبات معي في القسم

واول سؤال طرح علي: بديتي ليكور سبيسيال ؟ كيفاش راكي تقرا؟ كيفاش وليتي تفهمي

وسوسوني حتى حسيت روحي كائن فضائي قلت كان غير بقيت كيما كنت

مانشارك ما نقرا ما نفهم هههههههههههههه

ماتقلقيش روحك هذا ان دل يدل على انك راي في المقدمة

كيمل يقول هتلر : اذا اتتك الضربة من الخلف فاعمل انك في المقدمة

تقبلي مروري

[ناصف الورداني]

قومي بتحليل تمثل الحالة مضايقة الزملاء لي
الاحظ ان تصرفاتي هي الافضل و الاكثر فعالية
استنتج اني افضل من كل من ينتقدني
الخلاصة سانجح ان شاء الله و اتفوق

[Hakou28]

قومي بتحليل تمثل الحالة مضايقة الزملاء لي
الاحظ ان تصرفاتي هي الافضل و الاكثر فعالية
استنتج اني افضل من كل من ينتقدني
الخلاصة سانجح ان شاء الله و اتفوق

فكرتني في الحمقى لي يقراو معايا
يقولون اني معقد ومريض بالقراية وفضائي لدرجة اني قررت نشنق نفسي والقراية هاذي
لكن راني صابر والديا يستناو فيا لا استطيع وصف الالم الذي اتجرعه منهم يوميا

[ناصف الورداني]

ان لكل شيء ثمنه و الكل يعاني من اشياء لعل مجرد الحديث عنها يشعرنا بالام لكن الوالدين كما قلت و لتعلم انك معقد يا حقو لانك حزنت لتفاهاتهم و كلامهم كنت اظنك اقوى بكثير من تحبطك انتقادات الفاشلين لا يا اخي اظنك انك بلغت درجة من الفكر لتميز الجيد من السيء و ما تقوم به ليس جيدا بل هو من اسمى و ارقى الطرق التي يسلكها الانسان فانا مثلا في كل مرحلة اترك اناسا خلفي كنت اكثرت لهم و الان اراف لحالهم تصور بعدما كانوا قوة في القسم و اصحاب كلمة الان صاروا يميزون بين مستواهم الحقيقي و مستوايا و الناس طبقات من حيث الفكر و هذا لا يعني ان نتكبر لاننا لا نعلم من العلم الا قليلا و انا الكل اعتبرني معقد لاني .................)))) و الله احزن لهم لان مخيلتهم تصور لهم انهم افضل و لا اعلم غباء و لكن لا تفشل فانت قدوة في المنتدى تشجع و بلغ تحياتي لايمن لعله يهتدي الى الصواب

[rabah22]

ربي يكون في عونك اختي راه قريب يكمل العام اصبري شوية وتتهناي منهم

ونعطيك نصيحة بدلي السلوك يحبووووك هههه

[فريال العلمية]

اختي هادو عقلية 00000 نتاع هيا نلعب اخسري عليكم ثلاث كلمات التهاو برواحكم و اخطوني و لا ما تجاوبيهم اكل السكوت على الاحمق جوابه
و احمدي ربي لي ما شاكلك غير في لكلاسة و ماشي مع لفامي نتاعك لانها اكبر و اقوى و رح تشدك على لقراية بزااااف
ربي يوفقناااااااااا ان شاء الله

[*Mahmoud*]

لا تهتمي بكلامهم ولا تعطيه أي قيمة هاؤلاء في الحقيقة تأكلهم الغيرة وهم بلا شك يلعنون أنفسهم الفاشلة كل يوم .....بالعكس أنت واصلي في نشاطك وعزيمتك زيادة عما أنت عليه يعني زكارة فيهم فكما يقول المتبني : إذا كانت النفوس كبارا .. تعبت في مرادها الاجسام .

[samirsisou90]

للا سف مازال المجتمع روطار ....وهدي الظاهرة منتشرة تاني فاالمجتمع هدا يعس في هدا ..متى تنتهي ؟
اخويا كل واحد يلتا بروحو ومايسمع بحد ...هدا واش خصنا فالملجتمع

[سوفـي 39]

سترتاح نفسك بعد هذه المقولة : اذا لم يكن لك حساد فأعلم أنك فاشل ..
وانتي على مايبدو ماشاء الله .. لديك حقاد وحساد يعني انك متوفقة وفوور عليهم .. ولهذا واصلي بالتألق امام من يبخلك ليكون معدلك نهاية السنة سهما في قلووب من يتمنون لك الفشل و خسارة المشوار ..... وربي يوفقنا كامل ان شاء الله

[Wiem4]

ختي لعزيزة ماتقيميهمش يموتوا بالقلقة لخاطر ادا عطيتلهم اي قيمة راهم رايحين يزيدو يقلقوك ما تهدري معاهم ما والوا من بعد يعياو و يخطيوك

[nacer rouachdi]

texte argumentatif sur l automobile ......................nehtajou derk ......

[la pierre précieuse]

شكرا للجميع على ردودكم الراااااااااائعة اتمنى ان لا تعانوا مثلما اعاني مثلا في هده الفترة المسائية التي عدت منها توا شكرتني الاستادة قائلة (انت دكية دائما تسجلين ملاحظاتي ) قالت "الشريرة" (بل الدكي من يحفظها في عقله وليس من يسجلها)
يااااااا الهي صبرني
على العموم اشكركم جزيل الشكر على الشحنات الايجابية التي قدمتموها لي راجية من المولى ان يعطي كلا منكم ما يتمنى

[ناصف الورداني]

هههههههه مضحك امرزميلاتك فهم يحسدونك لايڤ

[amel4]

اختي انا اؤيد الاخ فهده الاحداث ستصبح دكريات جميلة في المستقبل ستتمنين اعادة حدوثها امالا غير استغلالها
لا تنزعجي يا اختي و لا تبدي لهاته الفتيات اية قيمة ارجو ان تتخلصي من شرهن

[politess1]

انا والله ما عرفت شراه خاصني
ما عرفت لكاين انزيم راه مثبطني ولا راني متعادل كهربائيا اي ما خصني نكتسب و لا نفقد
و نزيدكم خاوتي راني في حالة نفسية يرثى لها
اذا كاين مختص نفساني خبروني عليه
شكرا

[ناصف الورداني]

اخي ان اجتهدت و عملت بجد و رسمت صورة لمستقبل رائع ستتحسن نفسيتك

[politess1]

انا اختي الكريمة تلميذ و لدي منافستي تلميذة اخرى و هي من اكثر الناس كرها لي لكن عندما تحتاج الى المساعدة تاتي مسرعة و تسال
فذا كانت هذه هي طريقة العدوة اللدودة لك فهذا طيعي للنسان في هذا العمر
عيشي يومك لحظة بلحظة و لا تدعيها تفسد عليك اجمل لحظات حيانك

[besma_ba]

يا اختي انت اهتمي بدراستك وواصلي على برنامجك لا تغييره من اجل اشخاص تافهين ترفعي عنها وكانك لا ترينها لان المهم ان تفهمي انت وداومي على مراجعتك للمكتبة انت في النهاية ستنجحين باذن الله ولا تنسي فمادامو يغارون منك لك الفرصة بان تستمتعي باغاضتهم
ربي ينجحنا كامل