ابني لا ياكل شئ

[أمو رامي]

ممكن تساعدوني اخوتي الكرام راني تعبت والله تعبت ابني لاياكل شئ عمرو عامين وخمسة شهور ضعيف وجهو ديمااصفر كان يشرب الحليب بزاف ودرك حتى الحليب كرهو واش ندير معاه ديتو للاطباء الكل ودرتلو تحاليل مي مطلع معاه والو الحمدلله قالولي المشكلة فيه انو مايكلش حتى حوايج الحلوة مايكلهاش مالقيت ماندير معاه ممكن تساعدوني بحوايج يفتحو الشهية جزاكم الله الف شكر

[ميمي2012]

السلام عليكم ورحمة الله وبركاته
أختي الكريمة ، إبنك عنده عامين وهو الحمد الله لا يعاني من مشاكل وخصوصا فقر الدم الي يخليهم ميكلوش وشهية عندهم قليلة .
أنتي جربي شربيه الحلبة . حطي حبات فقط في الماء وبعد عدت سعات أعطيه يشرب معليش كمية قليلة ، هذا بإذن الله راح يفتح شهيته
وجربي تمديلو الأكل في أطباق ملونة وذات شخصيات هو يحبها .وكذلك جربي أسلوب الهدية والفرحة والقبلة ، هو الأن يفهم كثير .
وربي يعينك ويوفقك ويسهلك ، وأتمنى تدخل الأخوات تزودك بمعلومات وأفكار .

[أمو رامي]

السلام عليكم ورحمة الله وبركاته
أختي الكريمة ، إبنك عنده عامين وهو الحمد الله لا يعاني من مشاكل وخصوصا فقر الدم الي يخليهم ميكلوش وشهية عندهم قليلة .
أنتي جربي شربيه الحلبة . حطي حبات فقط في الماء وبعد عدت سعات أعطيه يشرب معليش كمية قليلة ، هذا بإذن الله راح يفتح شهيته
وجربي تمديلو الأكل في أطباق ملونة وذات شخصيات هو يحبها .وكذلك جربي أسلوب الهدية والفرحة والقبلة ، هو الأن يفهم كثير .
وربي يعينك ويوفقك ويسهلك ، وأتمنى تدخل الأخوات تزودك بمعلومات وأفكار .
ربي يستر اختي على الافكار راني نحاول معاه نشاء الله ننجح بطريقتك شكرا لمرورك

[om abd illah]

اختي جربيها و ردلي الخبر هادي عن تجربة حت انا كان ولدي هاك ومن لي جربتها الحمد الله جابت نتيجة لكن اهم حاجة المداااومة عليها و متقطعيهاش حتى تشوفي ولدك زاد الوزن تاعو تاحدي م ص حلبة منقية و مغسولة تحطيها في كاس اتاي و فرغي عليها ما مغلي و غطيه و خليه اليل كامل غدوة من داك صفيه و عطيه يشرب على الريق راه مفيدو حتى البنة تاع الحلبة متلقهاش قاطعة غي الما الطفلك يشربها عادي نشاء تسييها و تلقي نتيجة مرضية في امان الله:mh31:

[أم أحمد عبد الصمد]

بالإضافة إلى نصائح اخواتي أنصحك باش تشربيه الحليب بالشيكولاطة ممن يرجه يشربلك الحليب لأنو كانت نفس مشكلة ابني عافلي الحليب و هو عمرو عام و الأن رجع يشربو لكن بالشيكولاطة تويسكو

[awladi]

نفس المشكل تاع ابني و لكن ابني عمرو 4سنوات عندما اديتو للطبيب قالتلي لازم ياكول اذا ماحبش قوليلو خلاص روح و اليوم ماكاش الماكلة قالتلي ماتخفيش مايصرالو والو بالطبع اتحسن و لا ياكل مرات كان يبات بالشر قلبي كان يتقطع بصح هذا كامل على صحتو انشاء الله نكون فدتك ولو بالقليل و رجعي طمنينا على ابنك و الله راني حاسة بك اختي

[ام ولي]

والله نفس المشكل راني نعاني منو لكن الحليب يشرب ان اشاء الله الأخوات يفيدونا

[أم أحمد عبد الصمد]

أنصحك أختي بزيارة الطبيب ممكن يعطي سيرو يخليه ياكل و فيتامينات تساعدو على النمو
ربي يعطيك القوة

[~ السلطانة ~]

هذا مشكل اغلبية الأطفال ...
صدقيني المشكل مش عند الطبيب و لا في فتح الشهية و لا شيء المشكل في علاقتك مع ابنك اسمحيلي سيدتي لكن اعيدي النظر في طريقتك في اطعام ابنك ..
خلي ابنك يجوع مليح بعد لعب متواصل و ضحك و مرح بعدها اخلقي جو خاص لأخذ وجبة الطعام و ياريت تحضريها امامه و هو يشم الرائحة و يستنى فيك حتى توكليه راح ياكل بالعقل بالعقل يوالف الجو و يولي وحدو يطلب الأكل ..
تقدري تحفزيه اذا تقدري تحملي بعض الفيديوهات فيها اطفال ياكلو و يضحكو لأنو كاين اطفال يحبو يعاندو خاصة اذا كان عايش وحده و الله يعينك ..