مسابقة متصرف اداري

[حقيقي]

بسم الله الرحمان الرحيم
بداية اعرف بنفسي كوني احد ضحايا عقود ماقبل التشغيل :
انا متخرج من جامعة المسيلة 2008 ليسانس علوم سياسية التحقت بالخدمة الوطنية فور التخرج سبتمبر 2008 تحصلت على شهادة الاداء مارس 2010 ...........مر وقت وانا اجدد في ورقة وكالة التشغيل ....جاء الفرج افريل 2011 استفدت من عقد لمدة 3سنوات ....اعمل في بلدية بوسعادة
..خدمت عام في مكتب الممتلكات منها ادركت ان الادماج محال مع العدد الهائل لموظفي العقود المهم تحولت الى ابتدائية وبدأت العمل في مجال اخر نظرا لعدم الارتباط الكبير في الابتدائية ...يومين في الاسبوع ........وصلتني معلومات من محيط البلدية تفيد ان هناك 4 مناصب لمتصرفين والمسابقة على اساس الشهادة فرحت كثيرا وقلت ربما جاء الفرج لكن للاسف قالولي ان المناصب عندها اصحابها ...وهنا يكمن جوهر الموضوع ...حبيت نعرف وشكون اصحابها قالولي فلان وفلان ... ايه انا نعرفهم تخرج معايا بصح وشمن حق يضمن هذه المناصب قالولي راهم يخدمو ويحضرو ا..
....أنا نقول لكل اصحاب العقود سواء المعنيين معي من بوسعادة ..أو الجميع في التراب الوطني هذا الشيء راه صرالكم ولا راه رايح يصرالكم ...ياخاوتي مادامني خدام وعقدي راه ساري المفعول هذا يعني انني نحضر وعن مكان العمل كلنا متخرجين من الجامعة واللي يعرفها هو نعرفها انا ...اما قانون الغاب اللي يقول هذاك اللي كان يزيد على الزرقاء ........نتالاو فيه أنا نقلكم ....ومراني نحوس على حتى واحد لاني الحمد لله قادر على شقاي ومانخاف الا من ربي اللي يطمع باه يشد احد المناصب رتبة متصرف في بلدية بوسعادة ويكون دخل بعدي ...انا اقسم بالله غير دير هادي المناصب ملغاة من الان ....اللهم الا اذا كان النقاط نتاعو اكثر ...احتمال فقط في المعدل ...لاغير ......
في الحقيقة هذي الهدرة ماشي باش نقول راني انا اللي نحوس على المناصب لالا لان ترتيبي من حيث الاقدمية حوالي 50 من اصل 411 ليسانس في بلدية بوسعادة ؟؟؟؟؟؟؟؟؟ مانحبش الحقرة

[معلم قديم]

أنظر جدول التنقيط في الجريدة الرسمية وهناك منشور خاص بهذا موجود على مستوى البلديات

[حقيقي]

""""" مشكور اخي مشكور اخي

[فرناس وهران]

الله يفتح عليك ان شاء الله
اريد ان اطرح سؤال
كم عدد المسابقات التي اجتزتها اخي؟؟؟ لتكون لديك هذه النظرة التشائمية.

[حقيقي]

الله يفتح عليك ان شاء الله
اريد ان اطرح سؤال
كم عدد المسابقات التي اجتزتها اخي؟؟؟ لتكون لديك هذه النظرة التشائمية.

اذا كنت تحوس على المسابفات الي فوتها ...مانيش راح نفوتك اطمئن ...باين عليك طايب ..المشكل مو ش انني نفوت مسابقة وننجح لالا المشكل كي نفوت الف مسابقة ومننجحش ..لا هنا المشكل يرجع لي ..لاني ؟؟؟ اما النظرة نتاعي هي في العباد المسؤولين على هذه المسابقة لخاطر نعرفهم اكثر من غيري ...وبارك الله فيك ...شكر اخي

[maram.espoir]

تأكد أخي أنك لست الوحيد و كثيرون مثلك و انا واحدة و لكن ماذا عسانا نفعل وسط هذه الادارات المتعفنة الذي اصبحت تتكلم بلغة واحدة و هي لغة الرشوة و لا يهمها ا الكفاءة و لا هم يحزنون و هؤلاء الفاسدين كي يعولو يدخلو حبيبهم أو ........... تأكد لن يقف في طريقهم أحد حتى لو اشترو الوظيف العمومي نفسه عادي
أما بالنسبة لنقاطك اذا كان المجموع كبير أكيد يبلعو عليك في نقطة المقابلة يعطوك 0,25 أو 0.5 عندها روح اشتكي و دير طعن و اخبط راسك في حيط و الله ما يسمع بيك واحد هاد الكلام عن تجربة صراتلي كل مرة نشتكي و ندير طعن للوظيف العمومي نلقى نقطة المقابلة 0,5 و كأنني من دون مستوى رغم اني متأكدة من صحة اجاباتي، لأنها النقطة الوحيدة التي يمكنهم اللعب بها، خاطر ما يقدروش يخربو في النقاط الاخرى فحسبنا الله و نعم الوكيل

[hazim_88]

الله يفتح عليك ان شاء الله
اريد ان اطرح سؤال
كم عدد المسابقات التي اجتزتها اخي؟؟؟ لتكون لديك هذه النظرة التشائمية.

خليها لربي و خلاص

الحمد لله على نعمة الصحة

[فرناس وهران]

لازم الانسان يكون ملح في المسابقات و لا ييأس
معليش حسرت مرة نزيد و نزيد و ان شاء الله يكون الفرج و عندي نصيحة اخواني
زينوا النية تاعكم في اي مسابقة و ما تقولش حتى في قلبك انه كان ناس عندها العرف و عندها الدراهم و ..و..
اللي كتبها الله تجي معاك او ضدك لكن ما تنساش راك سبب حتى بنيتك

[ulacc]

الله يفتح عليك ان شاء الله

[menbiskra]

أسأل الله العظيم رب العرش العظيم أن يفرج همنا أجمعين وأن يرزقنا من حيث لا نحتسب