السلام معليكم ناقشوني

[**خليصة **]

السلام معليكم
حبيت نطرح عليكم قضيه رتهي تصرى معايا
انا حاب نحقق حلجه في الحياه بلي لافرق بين المرأه ة الرجل
او احيانا نحب نبين بلي حواء ما تحتاجش ادم
يعني اقرب مثال راه يصرى معايا
انا كنت منظمة في فريق لالعاب القوى لكي العام هذا حبس السبب ماسي كلام الناس انما مالحقتش قرايتي
او الفليسي كي مثلا يعطينا استاذ تجرب يقول الذراري يديروها على خاطر لبنات يخافو
نكره كي يقولو هكذاك
نروح ديريكت نبدى انا باه نبينلهم العكس
او تاني في السبور سعات كي ندير ليشوفمو بيهم الذراري يقولو لعن الله قوم قادتمه امرأه
ولا كي درنى سباق السرعة الشيخ يديرني نجري مع ولد
او نسبقو
عادو يقولولي انت ماشي طفله
كي لبنات كي الذراري
ولا الاساتذه يقولو ديرو حاجا عادو لبنات يخليو الاولوية للذكور
اوزيد اوزيد
انا حبيت نفهمهم حاجا لازم لبنات يمدو قيما لرواحتيهم
باه يقيموهم الناس
او زيد يعتارفو بلي هما اغبياء لماذا
انا في شعبتي الوحيد الي عندي علامات فوق المعدل من البنات في المواد الاساسية
يقولولك الشعبه هذي تاع الذراري ماشي تاعنا
لانها ليست الشعب الي خيروها
الا اني انا خير شعبه الرياضيات او
يضلو يعاودولي انت ولد
رغم اني رست مسترجل او شيء مثل هذا
سنو كامل يعتبروهم جنس ضعيف
او انا نكره هذي الكلمة يقولوها لحواء
علما اني مانيش ناسيا حاجه يقولولها حرمه
سلام
ناقشوو

[محمد أحمد1]

"]كحلوشة مبروشة
]الأم مدرسة إذا اعددتها أعددت شعباً طيب الأعراق، يا أختي ، أنت حواء أم هذا العالم كله.

[samara lara]

وي ختي سبحان الله تقولي راكي تحكي عليا ايه
عندك الحق لازم نديرو قيمة لرواحنا

ih rabi m3ana

[samara lara]

"]كحلوشة مبروشة

]الأم مدرسة إذا اعددتها أعددت شعباً طيب الأعراق، يا أختي ، أنت حواء أم هذا العالم كله.


الله يحفظك خويا

[محمد أحمد1]

لا لا لا لا،إن أكرمنا عند الله أتقانا.

[**خليصة **]

اعلم اني حواء لكنني عندي حق عندي نفس حقوق ادم ام لالالا
او اعرف شيء يسميوه الحرمه كذلك

[salima sese]

شكرااااااااااا لك اختي على الموضوع الرائع عندك الحق في كل ماقلتيه

[kyzer]

الى فهم يقهمنى و يفهم الى مفهمش مرانى فاهم والو
واشن المغزى من الموضوع ؟

[**خليصة **]

اسمى هو حواء

وجمالى مقدس كساكنى السماء

انا افروديت وعشتار

انا سبب حروب الفايكنج وعبدة النار

انا من كتب فى الشعر نزار

انا على الارض ملكة مكرمة

لانى اغويت ادم بالثمرة المحرمة

فانا ياعزيزى سبب وجودك فى الحياه

فقدهربت من الجنة لانك دونى لن تستطع النجاه

فانا حواء

[kyzer]

غريييييييييييييييبة
موسوسين الشعب الجزائرى
مفهمت والو

[**خليصة **]

معليش كي يلحق الوقت دوك تفهم
ماناش موسوسين هبين برك تفهمووووووووووو

[kyzer]

واش نفهمو ؟
والله مفهمت واش خصك

[**خليصة **]

لالالالالالالالالالالالالالالالالالااقرى الموضوع دوك تفهم
سيسور
الحاجة حبيت نوضلها للبنات او الذراري ثاني

[Just.Girl~]

انا منت نلعب قيتار في الدار الشباب مع صحبتي وبسباب هدرت الناس بسكو يتمسخرو الاولاد مرات يسقسوه عليا ابي ومام خويا ايا انا تاني حشمت و حبست وكنت حابة العام الفايت ندخل جمباز وتاني علا جال هكدا حبست سيفري مزالنا نعانو من هادا الشيء...

[**خليصة **]

لالالالالالالالالالالالالالالالالالالالالالالالالا لالا
انا ماشي حبست على هدرت الناس
مالحقتش قرايتي
مين ذاك ننطريني

[kyzer]

انا قتلك
انتم شعب غريب و موسوس و ماكمش فاهم واش تحوسو ديرو و ماش مقتنعين
نتمنالكم التوفيق فى تخمامكم

[.¸¸۝❝ سليم المحترم ❝۝¸¸.]

هذا حسب ثقافة المجتمع وطابيعو المحيط اللي راكي فيه

حنا هنا في اصحراء سي جرب معكاش طفلة تقسيلها المشاعر انتاعها

اذا مقدرتش اعليك عندها خوها ابيها عمها خالها .......

[Just.Girl~]

الفاهم يفهم يا................................

[~°رميصاء°~]

"]كحلوشة مبروشة


]الأم مدرسة إذا اعددتها أعددت شعباً طيب الأعراق، يا أختي ، أنت حواء أم هذا العالم كله.


السلام عليكم

رد في محله صدقت

[**خليصة **]

سبحان الله
؟؟؟؟؟؟؟؟؟؟؟؟

[sara_sisi]

لي ميعطيش قيمة لروحو ميدرولوش الناس قيمة
حنا في الليسي ديالنا مكاش هذي كشما ولد يقول لطفلة نتي راجل و الله غير تكسرلو فمو
و بالعكس يحترمونا بزاف و ديرنا كيما خوتاتهم

[**خليصة **]

انا ماشي مايحترمونيش
بالعكس يحتارموني او يقيموني ماتتصوريش
ماخليتهمش يهزو علي فكره المخلوق الضعيف

[**خليصة **]

او بليس
مانتهاوش مع الذراري
مانقيمهمش باه مايركبونيش على خاطر كون نسيي نكسرلو فمو يدخسو او يعودو يقلقوني بالعاني باه نتهاوش
او اصلا ما نحبش نطيح بروحي توالهم نخلي روحي هدره على لسان الناس
سار نخليهم على نيتهم

[دام علاء العماد]

بسم الله و الحمد لله و الصلاة و السلام على رسول الله

يقول الحق تبارك و تعالى في كتابه الكريم بعد بسم الله الرحمن الرحيم

فَلَمَّا وَضَعَتْهَا قَالَتْ رَ‌بِّ إِنِّي وَضَعْتُهَا أُنثَىٰ وَاللَّـهُ أَعْلَمُ بِمَا وَضَعَتْ وَلَيْسَ الذَّكَرُ‌ كَالْأُنثَىٰ وَإِنِّي سَمَّيْتُهَا مَرْ‌يَمَ وَإِنِّي أُعِيذُهَا بِكَ وَذُرِّ‌يَّتَهَا مِنَ الشَّيْطَانِ الرَّ‌جِيمِ ﴿آل عمران: ٣٦﴾

من صريح هذه الآية الكريمة نرى أن دعوى المساواة بين الرجل و المرأة هي في الحقيقة ضرب من الخيال ، فالاختلاف بين الجنسين موجود بالضرورة ، هذه هي فطرة الله سبحانه و تعالى التي فطر الناس عليها ، فلا يمكن للمرأة أن تحل محل الرجل و لا يمكن للرجل أن ينوب عن المرأة.

الرِّ‌جَالُ قَوَّامُونَ عَلَى النِّسَاءِ بِمَا فَضَّلَ اللَّـهُ بَعْضَهُمْ عَلَىٰ بَعْضٍ وَبِمَا أَنفَقُوا مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللَّـهُ وَاللَّاتِي تَخَافُونَ نُشُوزَهُنَّ فَعِظُوهُنَّ وَاهْجُرُ‌وهُنَّ فِي الْمَضَاجِعِ وَاضْرِ‌بُوهُنَّ فَإِنْ أَطَعْنَكُمْ فَلَا تَبْغُوا عَلَيْهِنَّ سَبِيلًا إِنَّ اللَّـهَ كَانَ عَلِيًّا كَبِيرً‌ا ﴿النساء: ٣٤﴾

هذا هو الحق و ما خالفة باطل و بغي ، الشخص الذي يدعو إلى مساواة المرأة بالرجل و يريد بذلك حفظ حقوق المرأة فإنه في الحقيقة قد أنزل عليها ظلما كبيرا ، عندما أقر القرآن الكريم بقوامة الرجل على المرأة أصبح الرجل ملزما بحفظها و التكفل بها و الانفاق عليها دون ان تكون ملزمة بالعمل ، (راقدة و تمونجي) ، فيأتي ذلك الشخص و يقول بأن المرأة يجب أن تعمل حتى تتمكن من إطعام نفسها ؟ هل هذه هي المساواة التي تراعي حقوق المرأة ، هل تريد المرأة أن تكون مجبرة على تأدية الخدمة الوطنية ؟ هل تريد المرأة أن تجبر على البقاء خارج البيت بعيدة عن أبنائها لكي يتكفل التلفاز بتربيتهم؟ هل هذه هي المساواة التي تردنها ، القوامة التي يحسدن النساء الرجال عليها ليست فقط القدرة على تسيير الأمور بل هي مسؤولية و واجب سيحاسب الله سبحانه و تعالى عليه الرجال.

أَمْ يَحْسُدُونَ النَّاسَ عَلَىٰ مَا آتَاهُمُ اللَّـهُ مِن فَضْلِهِ فَقَدْ آتَيْنَا آلَ إِبْرَ‌اهِيمَ الْكِتَابَ وَالْحِكْمَةَ وَآتَيْنَاهُم مُّلْكًا عَظِيمًا ﴿النساء: ٥٤﴾

فنحن نقول لنساء المسلمين اليوم أيهما أفضل ، أن تكون القوامة للنساء دون الرجال أم أن تكون الجنة تحت أقدامكن

أخبرني محمد بن طلحة هو ابن عبد اللَّه بن عبد الرحمن ابن أبي بكر الصديق عن أبيه عن معاوية بن جاهمة السلمي ، أن جاهمة جاء إلى النبي صلى اللَّه عليه وسلم ، فقال : يا رسول اللَّه ، أردت أن أغزو ، وقد جئت أستشيرك ، فقال : هل لك من أم ؟ قال : نعم ، قال : فالزمها فإن الجنة تحت رجليها
الحديث في المسند وسنن النسائي وابن ماجه، وهو حسن صحيح كما قال الألباني في صحيح الترغيب.

منذ أن بدأت دعوى المساواة بين الرجل و المرأة أصبحت هذه الأخيرة مجرد سلعة غبية و جسد فارغ تافه و سخيف ، و هذا لأسباب عديدة ، مثلا عندما تريد المرأة أن تلتحق بسلك الشرطة يقولون لها "عري روحك ولا ماتخدمي مانخلصوك " و في سلك الجمارك أيضا و في الجيش و الفنادق و ...و ، بعبارة أخرى يقولون لها يجب أن تعتقدي بأنه لا أثداء لك كالرجال تماما فلاداعي لأن تستري جسدك الممتع ( شوفو الرخس وين لحق) ، لهذا السبب لا يمكن أن نحترم المرأة التي تظهر مفاتن جسدها مقابل المال ، و لهذا السبب تبقى المرأة التي تريد أن تتساوى مع الرجل مجرد لعبة يسيرها العلمانيون و أهل الكفر والالحاد كما يريدون ، فهل يمكن أن نحترم الألعاب؟

ملاحظة: أنا لا أقصد التهجم على صاحبة هذا الموضوع ، فإنني و لله الحمد لا أرى أن أوصافها تنطبق على النساء اللاتي ذكرتهن ، أردت فقد أن أوصل الحق الذي أعتقده.
اللهم اجمع شمل المسلمين و انصرنا على القوم الكافرين و آخر دعوانا أن الحمد لله رب العالمين.

[**خليصة **]

يا اخي قلت علابالي بلي كاين حاجه يقولولها حرمه
او قلت نحوس نعرفكم بلي كي البنت كي الذكر
افهموني
واش حبيت نقول
ماقلتش بلي لمرى تدي بلاست الراجل
ولا العكس
حبيت لبنات يقيمو رواحتيهم
راني نشوفهم في الليسي يطيحو برواحهم بزااااااااااااااااااااااااااااااف

[ميمي سمية]

ختي نقولك الصح

حاجة مليحة انو الطفلة تكون عندها شخصية قاوية كيما نتي

مي حاولي توفقي بين الحوايج في زوج

يعني كوني قاوية مي خلي روحك قاوية في حدود المعقول ، لخاطر هكذا ربي خلق المراة كائن ضعيف وماتنسايش قول الرسول صلى الله عليه وسلم (استوصوا بالنساء خيراً فإن المرأة خلقت من ضلع أعوج، وإن أعوج ما في الضلع أعلاه..)

في حكاية التجارب تاع القسم وي راني معاك ابداي ديما نتي الاولى وماتخليش اللولاد *حاجة عادي هذي باه تثبتي روحك *

مي في حكاية السبور طيشي عليك وخليهالهم ، لخاطر ماراح تستفادي منها حتى حاجة

يبقى هذا مجرد رايي الخاص وماترينه مناسبا افعليه :)

[**خليصة **]

شكرا على رايك
هكذا راني حاستك فهمتيني
علابالي راني موفقه بين الزوج
بصح انا راني نشوف هذو ليام لبنات طيحو برواحتيهم بزاف عادو لعبا
والله و جي تشوفيهم غير تندبي حناكك من القرداش
خلاو لمراه تبان تافه