الحلم المنشود عند الشباب الجزائري هو الهجرة

[le.grand.imazighen]

راني حاب نطرح عليكم موضوع الهجرة عند الشباب الجزائري, الكل يعلم أن الشباب الجزائري أكثر من 90 في المئة يرغب في الهجرة الى الخارج, لكن البعض يقول انهل ليست الحل و انها بلاد الكفر , ألم يقل الرسول عليه الصلاة و السلام لأصحابه بعد اضطهاده من قريش اذهبو الى الحبشة فان بها ملكا لا يضلم عنده أحد. بالرغم من أن تلك البلاد "الحبشة" كانت تعتنق المسيحية؟ ثم ان الله ينصر الدول العادلة الكافرة على الدولة الضالمة المسلمة.

منذ سنوات تحصل شخص قريب ليا على الفيزا الى الولايات المتحدة او ما يعرف بالغرين كارد و منذ أيام اتصلت به على ال***** و قلتلو صارحني و ماتكذبش عليا كيفاه راهي الحالة ثم, قالي انا ما راحش نكذب عليك و نقلها راهي جنة بصح صدقني لوكان ولا بيا الزمن للوراء راح نطلب الفيزا ملي كان في عمري 18 سنة, قالي هنا العدال راهي هي الصح, توقف الأمريكي البسيط مع والي الولاية في نفس المستوى, و قالي ما كنتش نظن ان المجتمع الامريكي محافظ كيما هكذا , قالي ان جرانو الكل محافضين و يروحو للكنيس كل اسبوع, و يرحبو بالجار,
راني حاب نعرف وجهة نظركم في الهجرة؟ لو كانت لكم الفرصة لأن تهاجروا؟ هلى راح تروحو بدون تفكير؟

[كاميلا]

الواضخ ان بذرة النكران موجودة بكثرة في شبابنا والله عفن بلادي ولا عفن المعفنين تاع الخارج
واللي حاط باللي الخارج دركا مليح غير يريح في بلاصته دركا رانا احنا اللي رح يجيونا يستثمروا عندنا ازمتهم مخلصتش واحنا الحمد لله بعد ما فاق لقا روحو ف يالزقاق غير يبقاو هنا راهم ملاح
شكرا للطرح

[chromato]

http://ferkous.com/site/rep/Bk104.php

http://ferkous.com/site/rep/Bq101.php

http://ferkous.com/site/rep/Ba40.php

http://ferkous.com/site/rep/M85.php

[le.grand.imazighen]

خونا شكرا عل طرح الموضوع الا ان اصبحت الهجرة صعيبة بزاف بزاف بزاف ادا انسان راح امر مر وواقعي يجب عل انسان زواج ب اجنبية وهو مكره باه يخدم كواعطو ولكن مليحة اجنبية وتدخل للاسلام ضرب عصفورين بحجر الا اني اقول فاتنا وقت انسان في عمرو 30سنة يروح للجحيم الا ادا وجد وظيفة ولم روحو ربما ربما ما راح يتلق صعوبات ولي كاتبه الله نوصلوه وتقبل مروري

يا أخي اذا انت عندك 30 سنة أنا عندي 33 سنة مهندس دولة في الميكانيك, أديت الخدمة الوطنية و راني درك نخدم في الكارلاج. راني كرهت في هاذ البلاد اللي رجعت بلاد نتاع نسا. على الاقل لما الانسان يجد وظيفة محترمة في بلاد اجنبية يقدر يتزوج و يدير دار و يستراح, اذا كملت في دزاير عامين اخرين راح نتيقر.

[le.grand.imazighen]

الواضخ ان بذرة النكران موجودة بكثرة في شبابنا والله عفن بلادي ولا عفن المعفنين تاع الخارج
واللي حاط باللي الخارج دركا مليح غير يريح في بلاصته دركا رانا احنا اللي رح يجيونا يستثمروا عندنا ازمتهم مخلصتش واحنا الحمد لله بعد ما فاق لقا روحو ف يالزقاق غير يبقاو هنا راهم ملاح
شكرا للطرح

انتي قلتي كلمة كبيرة عليك بزاف لما اعتبرتيني ناكر للجميل, ديري في بالك بلي اذا كنتي مثقفة أنو العملو السكن حق دستوري تكفله الدولة, تسألينني عن واش عطيت لبلادي نقولك عطيتلها عامين من حياتي في الخدمة الوطنية في مكافحة الارهاب لما كنتم تبيتو على 17:00 مساءا احنا كنا نباتو في الجبال باش ما تسقطش الجمهورية. و في الاخير رجعنا حنا ناكرين الجميل. الوطن حاشاه و العلم حاشاه لكن بعض الخونة اللي راهم حاكمين البلد هم السبب في هاذا الوضع.
على كل حال أوزني كلامك قبل ما تكتبي أي شيئ.
شكرا على مرورك.

[3bir31]

حابين يهاجروا على خطركش مخلوعين بزين تاع اوربا هذا مكان

[le.grand.imazighen]

حابين يهاجروا على خطركش مخلوعين بزين تاع اوربا هذا مكان



يا أختي الوهرانية مشكورة على مرورك الطيب.
لكن يظهرلي ما قريتيش الموضوع و الردود السابقة نتاعي.

[le.grand.imazighen]

سلام عليكم خونا واش راك قريت تعليق نزيد نقولك كل انسان وهمو ويربي يرزقنا بخدمة ان شاء الله انا يا اخي ماني خدام وطريق لي نقصدها مغلوقة حت وصلت ال انتحار وراك فاهمني ايام زمان كنت عوج ولكن الحمد لله تفكر راك بصحتك ورضاوت والدين وارجوك ارجوك مت تزيدش تقول راح نتيقر اسمعني يا خويا راني ندخل هاد منتدى باه ننسى همومي ونتعلم ادا كنت ما نزيدش ندخل لهاد منتدى قولي ونبق ندخل الا للمسابقات ارجوك اخي ننصحك صلي وحت وان كنا كسالا ومقصرين وزيد اسمع راتب نابلس خويا لم روحك وروح ل اوروبا معزز ماشي حرقة وتحية خالصة ليك وال كل جيش لي راه قايم بهاد بلد وخطيك من صبيان لي راهم يقولو نكارين نساء من طبيعتهم ينساو وادا كنت غليزاني او قريب عل 48مرحبة بيك معرفة رجال كنوز اعيد نقولك ماشي قاع نساء لكن نساو ايام زمان وراها عاجبتهم حالة وخطينا من هاد كلام راجل يبق راجل مرفوع راس وحت وان كان ولد قليل رضينا بواش عطانا ربي وغاني ربي خويا دخلت عل جالك وراني حاب نغيب عل هاد منتدى لانني مدمن العاب الكترونية خويا نتمن تسمعني واش قلتلك ونحترام رايك وتحية خالصة ال هندسة ميكانيكية ايزوستاتية راك فهمتني خويا وكاين بعصض نساء لي راهم يقولو نكران خاصهم ايزوستاتية ياو قلتها ونعاودها نساء ما يحبوش راجل يحبو مجاملات وما نحبش مجامالات خونا ربي يفرج وتجصك مساعدة نقدر عليها قولي راح نبق 15دقيقة ونخرج حتى نجيب نهائي ف لعبة تاعي ونرجع سلام

يا أخي نتا باين أرقاز و ولد فاميلية, أنا لما قلت الهجرة ما قصدتش الحرقة راني نقصد بلفيزا و جواز السفر و قدري عالي. صح القلب مضرور و رانا شادين في ربي , الحمد لله الخبز و الما و الراس في السما.
مادامك راك تحي في الجيش نظن جوزت لارمي؟ تحية للكتيبة 31 الفرقة 17 مشاة ميكانيكية ,صح كانت صعيبة مي و الله عندي فيها ذكريات ما تتنساش و عرفت رجال. على كل حال بارك الله فيك.

[نايفز55]

شفتي نفاق بارح كل كانو يحبوا بلادهم واليوم كل حابين يهاجروا نفاق شياطين

[كاميلا]

انتي قلتي كلمة كبيرة عليك بزاف لما اعتبرتيني ناكر للجميل, ديري في بالك بلي اذا كنتي مثقفة أنو العملو السكن حق دستوري تكفله الدولة, تسألينني عن واش عطيت لبلادي نقولك عطيتلها عامين من حياتي في الخدمة الوطنية في مكافحة الارهاب لما كنتم تبيتو على 17:00 مساءا احنا كنا نباتو في الجبال باش ما تسقطش الجمهورية. و في الاخير رجعنا حنا ناكرين الجميل. الوطن حاشاه و العلم حاشاه لكن بعض الخونة اللي راهم حاكمين البلد هم السبب في هاذا الوضع.
على كل حال أوزني كلامك قبل ما تكتبي أي شيئ.
شكرا على مرورك.

انت في اخر موضوعك قلت كل واحد يمدلنا وجهة نظره وانا كتبتها هاذي اولا
ثانيا شكون اللي قالك انا نقصد فيك انت بهدرتي علاش نعرفك؟ علاش الشعب الجزايري ديما هكذا يتوسوس ؟ حق الله تعالى ماني نقصد فيك انت هاو رديتني نحلف خلاص
هيه نعتبر الي يحب يهرب من بلاده ناكر للجميل كي يحمل الرخس تاع الخارج وهنا ميحملش بلاده وهذا رأيي اظن انه من حقي تاني نقول رايي والا لا يجوز
والله متقولي على الحقوق والواجبات راني اختصاص قانون وتاني انا مقتلكش واش مديت لبلادك انت راك تسال وتجاوب في روحك
ارجو السماح لابداء رأيي

[*سندوسة*]

شفتي نفاق بارح كل كانو يحبوا بلادهم واليوم كل حابين يهاجروا نفاق شياطين




لا تستعمل اسلوب التعميم اخي
ربي يهدينا ويهديكم ويصلح احوالنا اجمعين

[le.grand.imazighen]

انت في اخر موضوعك قلت كل واحد يمدلنا وجهة نظره وانا كتبتها هاذي اولا
ثانيا شكون اللي قالك انا نقصد فيك انت بهدرتي علاش نعرفك؟ علاش الشعب الجزايري ديما هكذا يتوسوس ؟ حق الله تعالى ماني نقصد فيك انت هاو رديتني نحلف خلاص
هيه نعتبر الي يحب يهرب من بلاده ناكر للجميل كي يحمل الرخس تاع الخارج وهنا ميحملش بلاده وهذا رأيي اظن انه من حقي تاني نقول رايي والا لا يجوز
والله متقولي على الحقوق والواجبات راني اختصاص قانون وتاني انا مقتلكش واش مديت لبلادك انت راك تسال وتجاوب في روحك
ارجو السماح لابداء رأيي

يا أختي انا لما نقول حاجة علابالي وش راني نهدر, انتي اعتبرتي بلي اللي يهاجر من بلادو ناكر للجميل, و قلتي أنو يحمل الرخس نتاع الخارج و ما يحملش الرخس نتاع بلادو . وشكون قالك بلي اللي يسافر للخارج يرخس؟ هل كل من يهاجر الى بلاد أجنبية رخيس؟ اذا كانت هناك خدمة متوفرة و المعيشة مليحة علاش ما نروحش؟

مشكورة على المرور.

[ABDOU ELE]

ســــــــــــــــــــلام

يا اخي انا نمد رايي الشخصي ونحتفظ بيه لنفسي..........اذا كان صبت خرجة من هذي البلاد ما نزذيدش دقيقة...الواحد راه يشوف بلي ماعندوش قيمة ...وليد فلان وفلان يفوت في المسابقة وينجح ولي كيفنا يروح يحكم القهوى ....والله غير بلاد المعريف والرشوة...والله العظيم نفس السؤال كان في راسي من مدة....كنت قبل ضد الهجرة.....لكن نهار لي عرفت بلي دزاير طبقات..طبقة الحاكمة او ما اسميهم المافيا ....الطبقة تاع النفوذ... طبقة البسطاء..... عرفت بلي نحاول نجري على خرجة بلاك يفتح ربي لكن ماشي حرقة.....على حساب الحالة راك سجلت في قرين كارك لي فاتت....ان شاء خويا تصدقلك هنا واذا شفت خرجة الله يحفضك تفكرنا معاك.....ماشي ساهل تكمل 5 سنين قراية وزيد تفةت العسكر وفي الاخير ماكاش الخدمة.........ولي تزيد تغيضك المناصب في اغلبيتها يدوهم بنات....بلاد خليدة تومي.......ربي يفتحها في وجهك خويا.

[Imed HSE]

انتي قلتي كلمة كبيرة عليك بزاف لما اعتبرتيني ناكر للجميل, ديري في بالك بلي اذا كنتي مثقفة أنو العملو السكن حق دستوري تكفله الدولة, تسألينني عن واش عطيت لبلادي نقولك عطيتلها عامين من حياتي في الخدمة الوطنية في مكافحة الارهاب لما كنتم تبيتو على 17:00 مساءا احنا كنا نباتو في الجبال باش ما تسقطش الجمهورية. و في الاخير رجعنا حنا ناكرين الجميل. الوطن حاشاه و العلم حاشاه لكن بعض الخونة اللي راهم حاكمين البلد هم السبب في هاذا الوضع.
على كل حال أوزني كلامك قبل ما تكتبي أي شيئ.
شكرا على مرورك.

يا اختي نتي محاستلهاش طبعا راكي بنت مثفوتي الخدمة الوطنية وثاني ماكيش مجبرة باه تلقاي خدمة

[الحلم الجميل]

...السلام عليكم
(لا يفكر بالهجرة من وطنه الا من اتعبته الحياة)
لما نجد امثالك يفكرون بالهجرة فهذا شئ كارثي.
ذكرني كلامك بالجزائري الذي فاز بقناة mbc4 في برنامج للعلوم فلو بقى هنا فمستقبله هو البحث عن الادماج
عندما تجد ناس موسخين اسفة على الكلمة لا قراية لا والو و يخدموا و الي قاري لالا تغيضك عمرك
و عن راي اتمنى ان تجرب مرة اخرى هنا بلاك على ربي و اذا سدت في وجهك لا قدر الله
ووجدت ان حلمك بالخارج فربي يسهل و لكن لا تنسى امك الجزائر
فهنا تعلمت و اصبحت شابا..
يعني كي تروح و تحقق حلمك و يفتح عليك ربي ان شاء الله
ارجع لبلادك و دير مشروع مليح و علاه لالا
مع اني اتمنى لو امثالك استفادت منهم الجزائر بدراستهم و خبراتهم
و الهجرة لها شروط هي الشهادة (ديبلوم)و التمسك بالدين الاسلامي و حب الوطن (الجزائر )
الله يوفقك و يسهل ليك و للكل و ان شاء الله تختار الي فيه الخير لك.
...

[le.grand.imazighen]

ســــــــــــــــــــلام

يا اخي انا نمد رايي الشخصي ونحتفظ بيه لنفسي..........اذا كان صبت خرجة من هذي البلاد ما نزذيدش دقيقة...الواحد راه يشوف بلي ماعندوش قيمة ...وليد فلان وفلان يفوت في المسابقة وينجح ولي كيفنا يروح يحكم القهوى ....والله غير بلاد المعريف والرشوة...والله العظيم نفس السؤال كان في راسي من مدة....كنت قبل ضد الهجرة.....لكن نهار لي عرفت بلي دزاير طبقات..طبقة الحاكمة او ما اسميهم المافيا ....الطبقة تاع النفوذ... طبقة البسطاء..... عرفت بلي نحاول نجري على خرجة بلاك يفتح ربي لكن ماشي حرقة.....على حساب الحالة راك سجلت في قرين كارك لي فاتت....ان شاء خويا تصدقلك هنا واذا شفت خرجة الله يحفضك تفكرنا معاك.....ماشي ساهل تكمل 5 سنين قراية وزيد تفةت العسكر وفي الاخير ماكاش الخدمة.........ولي تزيد تغيضك المناصب في اغلبيتها يدوهم بنات....بلاد خليدة تومي.......ربي يفتحها في وجهك خويا.


بارك الله فيك خويا, بالنسبة للغرين كارد جربت مرة عندها 3 سنوات و ماصدقتش, أما السنة ما جربتهاش ممكن العام الجاي,

[le.grand.imazighen]

...السلام عليكم
(لا يفكر بالهجرة من وطنه الا من اتعبته الحياة)
لما نجد امثالك يفكرون بالهجرة فهذا شئ كارثي.
ذكرني كلامك بالجزائري الذي فاز بقناة mbc4 في برنامج للعلوم فلو بقى هنا فمستقبله هو البحث عن الادماج
عندما تجد ناس موسخين اسفة على الكلمة لا قراية لا والو و يخدموا و الي قاري لالا تغيضك عمرك
و عن راي اتمنى ان تجرب مرة اخرى هنا بلاك على ربي و اذا سدت في وجهك لا قدر الله
ووجدت ان حلمك بالخارج فربي يسهل و لكن لا تنسى امك الجزائر
فهنا تعلمت و اصبحت شابا..
يعني كي تروح و تحقق حلمك و يفتح عليك ربي ان شاء الله
ارجع لبلادك و دير مشروع مليح و علاه لالا
مع اني اتمنى لو امثالك استفادت منهم الجزائر بدراستهم و خبراتهم
و الهجرة لها شروط هي الشهادة (ديبلوم)و التمسك بالدين الاسلامي و حب الوطن (الجزائر )
الله يوفقك و يسهل ليك و للكل و ان شاء الله تختار الي فيه الخير لك.
...

بارك الله فيك اختي على التشجيع و الله لما نعرف بلي كاين ناس تحس بالمعاناة نتاعك تفرح.
شكرار على مرورك الطيب.

[salam algeria]

السلام عليكم
انا مغتربة في امريكا من ست سنين تقريبا و والله العظيم من يوم لي حطيت رجلي هنا ما حسيت لا بالحقرة لا بالتمييز لا بتطياح القدر لي كنت عشتو في بلادي خاصة في الوقت لي كنت نشتغل في عقود ما قبل التشغيل عندهم ما حرثو علينا كيما نقولو و احنا صبرنا على هذاك اذل طمعا في الادماج و راجلي كيف كيف حب يدير مشروع مقاولات منين يروح لازم يطلبو عليه رشوة و لا حاجة ما تمشي
كي جينا هنا و الله هوما يعاونوه باش يمارس ديانتو كيما كان صحابو لي يخدمو معاه رجعو يحكمو بلاصتو بالجمعة باش يروح يصلي الجمعة الشاف تاعو سمحلو يصلي الاوقات الاخرى في مقر عملو حتى في رمضان ما يحبوش ياكلو قدامو باش ما يسخفش كي يديرو حفلة يجيبولو هو اكل حلال
و الله و الله المدرسة لي يقرا فيها ابني تدرسهم الاسلام احسن من عندنا في الجزائر يكفي انهم يصليو جماعة الظهر و العصر ابني اربع سنين حفظ الاذان لانو يرفع في المدرسة و انا هنا نهدر على مدرسة اسلامية
و الله الرخس رانا عشناه في بلادنا للاسف انا راني نحكي على الشيء لي راني عايشتو مع اني كل يوم نبكي على لي راني هنا
توحشت بلادي صح و نحب بلادي صح لكن بلادنا مسكينة حاكمينها ناس ما يخافوش ربي هوما السبب في انو الناس تخمم تهرب من بلادها
واحد ما يحب يبكي هو و يبكي امو عليه كل يوم من الشوق و واحد ما يحب يحرم اولادو من عايلتهم و من بلادهم و وحدة ما تحب تتحرم من امها و اهلها خاصة في اوقات المرض كيما راني انا درك
اسمحولي طولت عليكم لكن حبيت نوضح حاجة اننا عايشين هنا بكرامتنا الحمد لله و نمارسو دينا كيما قال ربي سبحانو و رانا نحاولو نربيو اولادنا تربية اسلامية صحيحة و ان شاء الله ربي يوفقنا و يقدرنا
و انا عن نفسي رحلت من بلاصة كنت مرتاحة جدا فيها و راجلي كيف كيف و غامرنا و جينا هنا على خاطر المدرسة الاسلامية و الحمد لله ربي اكرمنا بعمل احسن لراجلي و اهم شيء المدرسة لي راني راضية بزاف على مستواها و حاطة كامل ثقتي في الاساتذة تاعها يربيو اولادي تربية اسلامية صحيحة و الحمد لله

[تينا ماريا]

السلام عليكم
انا مغتربة في امريكا من ست سنين تقريبا و والله العظيم من يوم لي حطيت رجلي هنا ما حسيت لا بالحقرة لا بالتمييز لا بتطياح القدر لي كنت عشتو في بلادي خاصة في الوقت لي كنت نشتغل في عقود ما قبل التشغيل عندهم ما حرثو علينا كيما نقولو و احنا صبرنا على هذاك اذل طمعا في الادماج و راجلي كيف كيف حب يدير مشروع مقاولات منين يروح لازم يطلبو عليه رشوة و لا حاجة ما تمشي
كي جينا هنا و الله هوما يعاونوه باش يمارس ديانتو كيما كان صحابو لي يخدمو معاه رجعو يحكمو بلاصتو بالجمعة باش يروح يصلي الجمعة الشاف تاعو سمحلو يصلي الاوقات الاخرى في مقر عملو حتى في رمضان ما يحبوش ياكلو قدامو باش ما يسخفش كي يديرو حفلة يجيبولو هو اكل حلال
و الله و الله المدرسة لي يقرا فيها ابني تدرسهم الاسلام احسن من عندنا في الجزائر يكفي انهم يصليو جماعة الظهر و العصر ابني اربع سنين حفظ الاذان لانو يرفع في المدرسة و انا هنا نهدر على مدرسة اسلامية
و الله الرخس رانا عشناه في بلادنا للاسف انا راني نحكي على الشيء لي راني عايشتو مع اني كل يوم نبكي على لي راني هنا
توحشت بلادي صح و نحب بلادي صح لكن بلادنا مسكينة حاكمينها ناس ما يخافوش ربي هوما السبب في انو الناس تخمم تهرب من بلادها
واحد ما يحب يبكي هو و يبكي امو عليه كل يوم من الشوق و واحد ما يحب يحرم اولادو من عايلتهم و من بلادهم و وحدة ما تحب تتحرم من امها و اهلها خاصة في اوقات المرض كيما راني انا درك
اسمحولي طولت عليكم لكن حبيت نوضح حاجة اننا عايشين هنا بكرامتنا الحمد لله و نمارسو دينا كيما قال ربي سبحانو و رانا نحاولو نربيو اولادنا تربية اسلامية صحيحة و ان شاء الله ربي يوفقنا و يقدرنا
و انا عن نفسي رحلت من بلاصة كنت مرتاحة جدا فيها و راجلي كيف كيف و غامرنا و جينا هنا على خاطر المدرسة الاسلامية و الحمد لله ربي اكرمنا بعمل احسن لراجلي و اهم شيء المدرسة لي راني راضية بزاف على مستواها و حاطة كامل ثقتي في الاساتذة تاعها يربيو اولادي تربية اسلامية صحيحة و الحمد لله

صح يا أختي والله حرية العقيدة في أمريكا خير على بزاف دول إسلامية انا تاني عندي 3 سنين ما شفت حتا تمييز ولا حقرة العكس زدت تمسكت بديني اكثر المساجد مفتوحة في كل وقت تروحي تقضي يوصل وقت الصلاة صلي بالعكس في الجزاءر كنا كي نخرجو حتى نروحو للدار باه نقضيو،
تخيلو نقرا فالجامعة عندنا مصلى خاص نصلي كل وقت في وقتو وكي كنت فالجامعة في البلاد عينينا باه يديرونا مصلى ماحبوش بالرغم كانت كاينة قاعة زائدة داروها كافيتيريا و ماحبوش يديرو جامع
ربي يصلح بلدنا وآله تغيضني احنا الي عندنا الاسلام بلادنا فها لرشوة و لفساد و الكفار عندهم العدل و الرحمة فعلا احنا مسلمين بدون اسلام و في أمريكا الاسلام بدون مسلمين لان الناس
أهنأ أخلاقهم عالية جداً يحترموا الانسان لشخصه ماشي لمركزه كما في لادنا للأسف الشديد

[تينا ماريا]

اخت سلام واش من ولاية راكي بلاك رانا جيران ،

[the traveler]

يا اخي راك حطيت يدك على الجرح
منكذبش عليك حتى انا و الله نخمم فيها خلاص كرهت
المشكل كاين اللي تحكيلو على الهجرة يقولك واش خصك واش راح تلقى في الخارج ؟
او قولي واش عندنا واش عطات لينا هذه البلاد
حنا منكرهوش الدزاير هما الي يكرهوها فينا
المهم ربي يجيب اللي فيه الخير هذا ماكان

[الوليـــــد]

السلام عليكم
انا مغتربة في امريكا من ست سنين تقريبا و والله العظيم من يوم لي حطيت رجلي هنا ما حسيت لا بالحقرة لا بالتمييز لا بتطياح القدر لي كنت عشتو في بلادي خاصة في الوقت لي كنت نشتغل في عقود ما قبل التشغيل عندهم ما حرثو علينا كيما نقولو و احنا صبرنا على هذاك اذل طمعا في الادماج و راجلي كيف كيف حب يدير مشروع مقاولات منين يروح لازم يطلبو عليه رشوة و لا حاجة ما تمشي
كي جينا هنا و الله هوما يعاونوه باش يمارس ديانتو كيما كان صحابو لي يخدمو معاه رجعو يحكمو بلاصتو بالجمعة باش يروح يصلي الجمعة الشاف تاعو سمحلو يصلي الاوقات الاخرى في مقر عملو حتى في رمضان ما يحبوش ياكلو قدامو باش ما يسخفش كي يديرو حفلة يجيبولو هو اكل حلال
و الله و الله المدرسة لي يقرا فيها ابني تدرسهم الاسلام احسن من عندنا في الجزائر يكفي انهم يصليو جماعة الظهر و العصر ابني اربع سنين حفظ الاذان لانو يرفع في المدرسة و انا هنا نهدر على مدرسة اسلامية
و الله الرخس رانا عشناه في بلادنا للاسف انا راني نحكي على الشيء لي راني عايشتو مع اني كل يوم نبكي على لي راني هنا
توحشت بلادي صح و نحب بلادي صح لكن بلادنا مسكينة حاكمينها ناس ما يخافوش ربي هوما السبب في انو الناس تخمم تهرب من بلادها
واحد ما يحب يبكي هو و يبكي امو عليه كل يوم من الشوق و واحد ما يحب يحرم اولادو من عايلتهم و من بلادهم و وحدة ما تحب تتحرم من امها و اهلها خاصة في اوقات المرض كيما راني انا درك
اسمحولي طولت عليكم لكن حبيت نوضح حاجة اننا عايشين هنا بكرامتنا الحمد لله و نمارسو دينا كيما قال ربي سبحانو و رانا نحاولو نربيو اولادنا تربية اسلامية صحيحة و ان شاء الله ربي يوفقنا و يقدرنا
و انا عن نفسي رحلت من بلاصة كنت مرتاحة جدا فيها و راجلي كيف كيف و غامرنا و جينا هنا على خاطر المدرسة الاسلامية و الحمد لله ربي اكرمنا بعمل احسن لراجلي و اهم شيء المدرسة لي راني راضية بزاف على مستواها و حاطة كامل ثقتي في الاساتذة تاعها يربيو اولادي تربية اسلامية صحيحة و الحمد لله

لي سؤال لك أختي الكريمة؟

هل تحصل زوجك على الغرين كارد؟ أم سافر بتأشيرة سياحية؟