مغامرات خطيبي ماذا افعل؟؟؟؟؟؟؟

[مشكلتي]

:dj_17:السلام عليكم احبائي

احترت في امري واحتار دليلي حبيت تقروا قصتي و تفهموها و تخموا و تقولولي رايكم واش ندير كنت مخطوبة لولد عمي بالكلمة كيما نقولوا ما دخلوش اهلوا هو اللي كان حاب في الاول كان كلش مليح متفاهمين على كلش رغم الظروف اللي يمر بيها بحكم بداي جديد اذاك وين بدا يخدم قلي تصبري قتلوا نعم قتلوا شرط ديرلي خاتم قدام الناس خاصة انني 24 سنة مانيش صغيرة و راني صابرة قالي اوكي مع الوقت تبدلت الهدرة و الوعود و المفاهمة قلي خاتم يعني نتربط لازمك اعياد لازم كل مناسبة و حاجتها عانيت من معاملتوا من الاهانات كنت ديما نفوت المهم جاء نهار وين قلي انا مانقدرش نكمل كيما دخلنا على الخير نخرجوا حاولت نعطيه فرصة لكن دون جدوى تمت كيما حب تعبت هذيك المدة كانت رايحة تصرا مشاكل في العائلة لكن الحمد لله ايام رجعت العائلتين كيما كانوا و تنست الحكاية مرت الايام و حاب يرجع و يصلح اللي صار لكن فشل للمرة الثانية رجع قالي تستاهلي ما خير مني و,,,,,,,,,,,, اليوم تحديدا زاد رجع كيما العادة لكن المرة الهدرة مختلفة تخوف خاصة من اللي شفتوا قبل قالي الا تغفريلي و تسامحيني شهرين نجي نلبسك خاتم و انشاء الله كلش يتبدل!!!!!! انا خايفة الحق وكاين حوايج راهي مخوفتني حاصة المديات علبالي مش كلش لكن كلش كيما تعرفوا بالمادة ساعات نقول كون نسامح هذا ضعف يبقى دائما يقول اي حاجة تسامح فيها هذه كرامتي تهانت راني حايرة ومانيش عارفة واش نعمل كيفاه نتصرف؟؟؟؟؟؟؟

[biologie2001]

لو كنت مكانك هدا واش نقولو *** انا راني في دار بابا و كلشي بالمكتوب مانقولك لا نستناك لا والو لاني اعطيتك فرصتين و مكونتش قد المسؤولية و قد الكلمة و الان كلشي راه في يد بابا.... ****

[محمد جديدي التبسي]

ما تزيديش تعطيه فرصة يحكي معاك أو يتصل بك
لم تخبرينا عن رأيك في أخلاق هذا الشاب لكن يتضح انو ما عندوش كلمة وزيد زواج الأقارب ماش مليح
ربي يعينك

[مبروكة الصحراء]

مازلتي تأمني و فيه و حايرة إذا تولي و لا لا ؟؟؟؟؟؟
سمحيلي ضيعلك وقتك بزاف و مازلتي حابة يزيد يضيعلك وقتك؟؟؟؟
من كلامو باين و كل مرة نفس الحكاية هذا مايتبدلش حتى و تتزوجي تاني يقولك روحي لداركم و لي بيناتنا خلاص و من بعد يرجع يديك؟؟؟؟

[أيمن عبد الله]

الزواج ليس لعبة والخطوبة ليست لعبة

إذا هو خطبك رسميا فإن أردتي الاستمرار فأنت له فلا يحق لأي شخص آخر ان يخطبك

وإذا مجرد كلام فتثبتوا جيدا وضعوا ارجلكم في الصح

خاتم ووعود وراح ورجع

يا اخت هذا مستقبل وأسرة فإن أراد الاستقرا فليقم بالخطوات المعرفوة من خطبة وما بعدها

وإلا فلكل طريقه حتى لا تتعرضي لا لهزات نفسية واضطرابات ولا لقيل وقال

[أيمن عبد الله]

الزواج ليس لعبة والخطوبة ليست لعبة

إذا هو خطبك رسميا فإن أردتي الاستمرار فأنت له فلا يحق لأي شخص آخر ان يخطبك

وإذا مجرد كلام فتثبتوا جيدا وضعوا ارجلكم في الصح

خاتم ووعود وراح ورجع وزاد راح ورجع .........

يا اخت هذا مستقبل وأسرة فإن أراد الاستقرا فليقم بالخطوات المعروفة من خطبة وما بعدها

وإلا فلكل طريقه حتى لا تتعرضي لا لهزات نفسية واضطرابات ولا لقيل وقال

[نايفز55]

شوفي ختي بأتخصار هذا يتمسخر وخلاص زواج لا يقبل قسمة يا يجي يا روح يربح وزيد زواج اقارب فيه مشاكل

اذا بعدب عليه وسلام

[khalwi]

يا اختي انا نفهمك في خطيبك: خطيبك شايف شوفة...... و بيناتهم مشاكل........... كي ما يلقى بيها واين يرجعلك باش يعمر الفراغ لي عندو.............. و كي يكون معاها لاباس ينساك.............و هذه الحقيقة المرة التي يجب تقبلها......... اخطيك منو و يجيك نصيب ان شاء الله سيد الرجال... بالتوفيق لك

[ام نسمة]

اخطيك منو اللي يهنينك قبل الزواج واش تتوقعي منو عند اول خلاف بعد الزواج ؟

[كاميلا]

خطيبك وبكل صراحة حاطك في قائمة الاحتياط للاسف انت كوني حرة بنت حراير ومزيديش تعطيه اي فرصة ماعندوش راي وزيد شوف وين راه يلعب ومن بعد يجيك كيما قالك عضو هنا يعمر الفراغ
ربي يسرلك امورك

[" أبو عبود"]

بصراحة اعطيه فرصة تسمى ارواحدير العرس الاسبوع القادم اذا جا اهلا اذا ماجاش نحي الموضوع ولو يجيبلك جبل من ذهب. 24 سنة والعمر راه يجري والخطاب راهم ينقصوا خصوصا ك يعرفوا بلي راكي كنت مخطوبة والمجتمع ما يرحمش، كان خابطها ابن عمها وطبل منها اكيد كاش ما حكم عليها وراكي تعرفي كلام الاقارب. امالا اذا يحب يجي يتزوج يورح لباباك وفرات وغلا ينسى الموضوع ولو يبقى هو اخر رجل في الدنيا

[إيمان سارة]

أختي قالك شهرين ماعليش صابريه شهرين ماش حاجة طويلة
أختي هاد المشاكل ماكانش الي ماصراتش معاها أنا درك راه خطيبي وبيناتنا مشاكل
أنت صبرتي زيدي أصبري شهرين خلاف ماعليش
بصح شوفي بينيلو بلي راكي تبدلتي يعني راك كي تجي كي ماتجيش مافارقاش معايا
هدا كي قلتي كرامتي ماعليش
أنت في وقت ترخفي الحبل أرخفيه في وقت تشدي الحبل شديه
وتاني لازم تقدري الظروف بلاك ظروفو ماسنحتلوش
أحكي معاه سيي تعرفي واش هي السبة الحقيقية الي خلاتو يباعدك
ومن بعد أنت تعرفي مخروجك لروحك صدقيني
لازم كلشي يتبنى على الصراحة الصراحة وبرك

[moh140]

كن على حذر
من الكريم إذا أهنته ومن العاقل إذا أحرجته
ومن اللئيم إذا أكرمته ومن الأحمق إذا مازحته
ومن الفاجر إذا عاشرته
وأني ذقت الطيبـات كـلها فـلم أجد أطيب من العافية
وذقت المرارات كلها فلم أجد آمر من الحاجة إلى الناس
ونقلت الحديد والصخر فلم أجد اثقل من الدين
اعلم أن الدهر يومان يوم لك ويوم عليك
فأن كان لك فلا نبطر وأن كان عليك فلا تضجر فأصبر فكلاهما سينحسر

[halla halla]

كون كنت مكانك منمدلوش فرصة أخرى لأنه هو معندوش كلمة لي يحبك ميبدلش رايو يوم ايه و يوم لالا

[أمة الرحمان رقيّة]

السلام عليكم
هذا الانسان قاعد يتمسخر بيك و يفوت في الوقت
اجبدي روحك عليه يا اختي و ديري قيمة لروحك و لوالديك
هذو لي تلقايهم ما يحبوش يسمعو الناس بالخطبة و ما يحبوش يديرو العقد الشّرعي راهم كامل فيهم حاجة غريبة
و اكيدراهم يضيعو في وقت الطفلة
مديتيلو الفرصة مرتين و كون تزيدي تمديلو فرصة اخرى راكي تظلمي روحك
خليك عزيزةعند باباك و إن شاء الله يخطبك الراجل لي يستاهلك و تستاهليه
و حتى كون يخطبك واحد آخر ما تحكيش معاه فترة الخطوبة غير اذا درتي العقد الشرعي
لان هذا حرام شرعا و كي تتزوجي ما تلقايش البركة

[مواطنة]

اختي الكريمة استخيري الله من جهة وشاوري امك او اخوك او مباشرة الاب مافيش عيب
وحطي قدام عينيك دينو اخلاقو شخصيتو و اذا انت ترضاي على نفسك شخص مثلو وبلا ما تنسي ضرورة ان لا تتضرر علاقة الاب باخيه من جراء هذا الخاطب المتردد
قيمي الوضع مليح لان الخطبة شي و الزواج ميثاق غليظ لا يجب لا التلاعب به و لا التساهل ولا عدم الثبات على راي
بيني و بينك بانلي خطيبك مشي واتق من نفسو او خايف المسؤولية و المصيبة علابالو بلي كلما يسحقك ترجعيلو يلقاك
الله يهدينا و يوفق اختي استخيري و استشيري خذي قرار يليق بمقامك ومقام اهلك دون ندم و توكلي على الله تعالى

[hamdanhamdod]

زواج ماشي لعبة.............................

[سهام1]

لا شهرين ولا تلاث يا يجي يخطبك خطبة رسمية و يقيمك قدام داركو يا سيبا لابان عاد الا بغيتي تعطيها فرصة

[ام طهى]

شوفي اختي نصيحة لوجه الله ماتزيديش تكلميه حتى لوكان تحبيه وماتتنازليش على حقوقك
حتى انا كيفك قبل كنت مخطوبة بالكلمة لولد خالتي ويموت عليا وكيما كنت نقرا في الليسي جاء مرة وصلني للدار بطونوبيل وكانت معايا اختي جابها معاه بصح انا ركبت معاه من الامام
شافوه البنات اللي يقراو معايا ولاو يهدروا قتلهم راه خطيبي قالولي راكي تكذبي( ولافامي كامل علابالهم بلي راهم خطبني وهو صح هدر حتى مع بابا وانا هداك الوقت مازال مالحقتش للباك)
والناس ولات تهدر وراكي تعرفي العرب والهدرة وليت عيطتلو في التليفون نبكي والله ماكانش يومين جابلي الخاتم ودرنا التهنية وكملت قرايتي والحمدلل تزوجنا وعندي وليد وانا دركا عمري 24 س
ماتزيديش تعطيه فرصة راكي انتي اللي راكي تخسري حتى اللي راح يتقدمللك يسمع بولد عمك يخطب فيك يولي يبطل ردي بالك
والعمر راه يفوت
ونقولك حاجة ديريها مليح في راسك الراجل تعرفيه من كلمته لا كان طاحت كلمتو مرة وكذب عليك ماهوش راجل تأمني عليه حياتك الزواج ماهوش لعبة راهو عمر كامل
وماذابيك تبعدي على الاقارب على قد ماتقدري الا اذا كانو زوج متفاهمين يااااااااااااااااااسر
ربي يوفقك ان شاء الله

[حبيبة زوجها]

اختي خممي بينك وبين روحك اذا هذا يصلح يحل دار ويصرف على زوجة واولاد وجاوبي نفسك .... الانسان لي يبدل هدرته خافيه
هذا مانقدر نقولك

[haidi18]

يا اختي باينة تحبيه و الدليل سامحتيه
مي قوليلو منرجعلك ماولو كي تحب تجيب الخاتم ارواح قولي بنهار قبل منزيدش نصبر عليك و كالشي بالمكتوب
خلي روحك عزيزة اختي