على كم الساعة تنهض في الصباح ؟ صارحنا [الأرشيف] - منتديات الجلفة لكل الجزائريين و العرب

مشاهدة النسخة كاملة : على كم الساعة تنهض في الصباح ؟ صارحنا

NaTaLiE

2013-11-18, 16:10

سلام

كل واحد إقولنا على قداه الساعة إنوض الصباح و كيفاش تجيه صعيبة النوضة ولالا ؟

و واش إدير ؟ يحفظ ولا يحل تمارين ؟

^_^

وردة المتفائلة

2013-11-18, 16:12

انهض 5 صباحا كان صح في البداية صعب وبعدها والفت تلحق ال5 انهض لا اراديا ههه

وبصراحة انهض من اجل الحفظ اجتماعيات او علوم اسلامية

ربي يوفقك اختي

fr95

2013-11-18, 16:13

لا انهض حاليا و لن انهض لاني لا استطيع و اعوض ذلك بالسهر

NaTaLiE

2013-11-18, 16:16

وردة المتفائلة ، صح صعيبة في لول مبعد كي توالف خلاص ، موفقة أختي
fr 95 أخي كل واحد كيما والف بصح أنصحك بعدم السهر فوق طاقتك ، موفق

yousra kiki

2013-11-18, 17:19

ana norrmal nod a 7h lahghalab siiyit bach nod 5h ma9daarch dayman ndir reveil mais jamais nat loL

بارك الله فيكم

2013-11-18, 17:30

غير نت لطلعيلي المورال بصح ضرك راو هبط بزاف غدوة ندي فرض في الرياضيات ومانيش محضر وزدي جاتني مستحيلة نحضر كلش اليوم واش رايك

NaTaLiE

2013-11-18, 17:39

غير نت لطلعيلي المورال بصح ضرك راو هبط بزاف غدوة ندي فرض في الرياضيات ومانيش محضر وزدي جاتني مستحيلة نحضر كلش اليوم واش رايك

يا أخي كلامك بعد إفشل هههه ، دير في بالك مليح بلي إذا نتا حبيت جامي رح يكون شيء مستحيل ..
واش رح تحضر ؟؟ راجع القوانين إلي عندك ، و راجع حلول تمارين سابقة حليتيها ..
علبيها لازمك تراجع يومي ، هاذي الطريقة ذيال تخلي ليلة الفرض و الإمتحان متجيبلك حتى نتيجة ، لا زم تغيرها .

موفق ، " كن متفائل " :19:

moh140

2013-11-18, 17:44

*إن أفضل جندي هو الذي لا يقاتل والمقاتل المتمكن هو الذي ينجح بلا عنف وأعظم فاتح يكسب دون حرب وأنجح مدير يقود دون إصدار الأوامر إن هذا ما يسمى ذكاء عدم الهجوم وما يطلق عليه سيادة الرجال

بسمة أمل رغم الألم

2013-11-18, 17:49

أنا درت استعمال زمن و لازمني نوض 4.30 بصح مانيش نقدر حتى 7.00

نور الهدا

2013-11-18, 17:52

انا نوض على 5
منين ذاك نحفظ و منين ذاك نحل تمارين و منين ذاك اذا ما حضرتش دروس نحضرهم صباح

شعلة الطموح

2013-11-18, 17:53

عادة على السابعو و في حالات نادرة على الساعة 6 و المشكلة انني لا استطيع ايضا السهر

chanez1866

2013-11-18, 18:15

انا ندير الرفاي على 05.00:D بصح نوض على07.30:mad:
وايضا لا اسهر:rolleyes:.ما العمل:confused:

سوفـي 39

2013-11-18, 18:17

أناا نووووض ع ال 5:00 وحدي حتي الرفاي نوض قبله وانديزاكتيفيه.. .. نحل شوي تمارين ونعوض واش راه فايتني ... والاغلبية من أجل الحفظ .. وان شاء الله ربي يوفق ..

الصقر2

2013-11-18, 18:18

انا ننوض 7 و مرات ننوض 6 فقط ههه

mancer nassira

2013-11-18, 18:21

انا نوض على 6.40

بارك الله فيكم

2013-11-18, 18:43

NaTaLiE والله راني فشلت وحبيت نرجع ملقيتش كيفاه غدوة فرض مات وماني مريفيزي والوا + وحدة مشني فاهمها ههه
رحت فيها خلاص اعطينا كلمات نطلعوا بيها المورال كاش يومين ول تلات تعيشي

moh140

2013-11-18, 18:50

بعضُ القلوب
تَخجلُ أن تَبوح بِحُزنِها
لكَن عٌيونَها تَقول الكَثير

Mo7aMeD-Dz

2013-11-18, 19:06

من 6 الى 7.20 (ههه مجال)

NaTaLiE

2013-11-18, 19:22

NaTaLiE والله راني فشلت وحبيت نرجع ملقيتش كيفاه غدوة فرض مات وماني مريفيزي والوا + وحدة مشني فاهمها ههه
رحت فيها خلاص اعطينا كلمات نطلعوا بيها المورال كاش يومين ول تلات تعيشي

يعني راك قاعد توجد لفشلك ماش لنجاحك هكا ..و صدقني أو كلش إفوت و نهار يخرج الباك لتم تحكمك الندمة و الحسرة كي تشوف صحابك فارحين و تعرف قيمة الوقت إلي ضيعتوا .. بصراحة لازم تحدد هدفك ، إلا حاب تنجح باينة و إلا ماش هامك الأمر راك عارف نهايتها واش ,,

شوف لازم تبتعد عن الحاجات إلي راهي تلهي فيك وإنت أدرى بنفسك ( غير صورة توقيعك أو يخلاص الباك و تكره من النوم ههه غيرها بصورة توحي بالنشاط وضع دعاء عسى الله يفرج عليك ، صدقني هاذو الأشياء تؤثر سلبا أو إيجابا إمالا إبدأ بتغيير الصورة أوكي ) ، فيق دوك قبل ميفوتك الحال صدقني دوك يجي شهر ماي و تلقى روحك ممحضر والو كون تكمل هكا .. خمم مليح في النهاية هذا مستقبلك ..

وراني ديما نقولها لازم تتحكم في نفسك الأمارة بالسوء لأنو هي إلي تخليك متقراش و ضيع الوقت + ذكر الله تعالى في كل وقت لأنوا سبحانه و تعالى هو إلي عاونك في قرايتك .

شوف هام ليك ملخصات عاونوني بزاف ، راجع عليهم من فترة لأخرى .. بصح بشرط أوعدني وعد رجال متزيدش تهدرلي ( أني فشلت ، أني قلقت ، أني محضرت والو ، أني ... أني ....هههه ) و بلي راح ثوثق في نفسك أوكي :19:

http://im42.gulfup.com/bbKUn.jpg

http://im42.gulfup.com/F2CyV.jpg

wissemb

2013-11-18, 19:31

ana nod 3la 7.30 netmena dima nod 3la 5 mais mana9derch alor lazemni nasher vraiment 3yit nod bekri rabi yahdini ed3ouli

بارك الله فيكم

2013-11-18, 19:32

يعني راك قاعد توجد لفشلك ماش لنجاحك هكا ..و صدقني أو كلش إفوت و نهار يخرج الباك لتم تحكمك الندمة و الحسرة كي تشوف صحابك فارحين و تعرف قيمة الوقت إلي ضيعتوا .. بصراحة لازم تحدد هدفك ، إلا حاب تنجح باينة و إلا ماش هامك الأمر راك عارف نهايتها واش ,,

شوف لازم تبتعد عن الحاجات إلي راهي تلهي فيك وإنت أدرى بنفسك ( غير صورة توقيعك أو يخلاص الباك و تكره من النوم ههه غيرها بصورة توحي بالنشاط وضع دعاء عسى الله يفرج عليك ، صدقني هاذو الأشياء تؤثر سلبا أو إيجابا إمالا إبدأ بتغيير الصورة أوكي ) ، فيق دوك قبل ميفوتك الحال صدقني دوك يجي شهر ماي و تلقى روحك ممحضر والو كون تكمل هكا .. خمم مليح في النهاية هذا مستقبلك ..

وراني ديما نقولها لازم تتحكم في نفسك الأمارة بالسوء لأنو هي إلي تخليك متقراش و ضيع الوقت + ذكر الله تعالى في كل وقت لأنوا سبحانه و تعالى هو إلي عاونك في قرايتك .

شوف هام ليك ملخصات عاونوني بزاف ، راجع عليهم من فترة لأخرى .. بصح بشرط أوعدني وعد رجال متزيدش تهدرلي ( أني فشلت ، أني قلقت ، أني محضرت والو ، أني ... أني ....هههه ) و بلي راح ثوثق في نفسك أوكي :19:

http://im42.gulfup.com/bbkun.jpg

http://im42.gulfup.com/f2cyv.jpg

ربي اعيشك والله مل نبدا من اليوم نبدا صح صح وعد

+ عجبوني الملخصات برك مشهم واضحين منعرف ادا نبريميهم اجيو واضحين ول لا

fr95

2013-11-18, 19:33

وردة المتفائلة ، صح صعيبة في لول مبعد كي توالف خلاص ، موفقة أختي
fr 95 أخي كل واحد كيما والف بصح أنصحك بعدم السهر فوق طاقتك ، موفق

طبعا اختي شكرا على النصحية بالتوفيق لنا جميعا

NaTaLiE

2013-11-18, 19:36

طبعا اختي شكرا على النصحية بالتوفيق لنا جميعا

العفو أخي ، موفق باذن الله

NaTaLiE

2013-11-18, 19:39

ربي اعيشك والله مل نبدا من اليوم نبدا صح صح وعد

+ عجبوني الملخصات برك مشهم واضحين منعرف ادا نبريميهم اجيو واضحين ول لا

أوكي . من وعد وفى .:19:

لا إسنا ، دوك نرفعهم على شكل pdf

Wiem4

2013-11-18, 19:40

انا هادو اليومين راني نوض على 3 بصح ماخرجتش علي لخاطر بزاف نتعب و 5 تع العشية ننعس

بارك الله فيكم

2013-11-18, 19:42

أوكي . من وعد وفى .:19:

لا إسنا دوك نرفعهم ، على شكل pdf

ربي ابارك فيك يا NaTaLiE والله مخلتيني واش نقول فيك ( اكرمتيني)

NaTaLiE

2013-11-18, 19:51

ربي ابارك فيك يا NaTaLiE والله مخلتيني واش نقول فيك ( اكرمتيني)

^_^ من واجبي المساعدة .. عسى الله يساعدني و يعينني و يباركلي في دراستي ..

حمل الصورتين على شكل ملف PDF ، راهم واضحين دوكا .

http://www.up-00.com/?kcu (http://www.up-00.com/?kcu)

http://www.up-00.com/?zcu (http://www.up-00.com/?zcu)

لدي ملخصات الوحدات الأخرى لذا إن إحتجتها لاحقا أخبرني أوكي .
موفق .

بارك الله فيكم

2013-11-18, 19:57

^_^ من واجبي المساعدة .. عسى الله يساعدني و يعينني و يباركلي في دراستي ..

حمل الصورتين على شكل ملف pdf ، راهم واضحين دوكا .

http://www.up-00.com/?kcu (http://www.up-00.com/?kcu)

http://www.up-00.com/?zcu (http://www.up-00.com/?zcu)

لدي ملخصات الوحدات الأخرى لذا إن إحتجتها لاحقا أخبرني أوكي .
موفق .

ربي اوفقك ان شاء الله وتدي المعدل لتحبيه
عندك كما هادوا تاع اسية و لوغاريتم وتزايد مقارن ؟

NaTaLiE

2013-11-18, 20:01

ربي اوفقك ان شاء الله وتدي المعدل لتحبيه
عندك كما هادوا تاع اسية و لوغاريتم وتزايد مقارن ؟

نعم لدي سأرفعهم مرة أخرى .

بارك الله فيكم

2013-11-18, 20:13

ان شاء الله ميكون غير لخير

الياس خلاف

2013-11-18, 21:21

انا اانهض .. عفوا اقصد ندير المنبه على 5 ونصف .. من ذلك الحين وهو يرن وانا اعيد برمجته الى غاية السابعة ... تبا

nourhaane

2013-11-18, 23:33

انا اانهض .. عفوا اقصد ندير المنبه على 5 ونصف .. من ذلك الحين وهو يرن وانا اعيد برمجته الى غاية السابعة ... تبا
la meme chose pr moi hhhh c'est grave j'ai cru que c' seulement moi le phénoméne qui fait ca

ابتسام!

2013-11-19, 10:48

انا نوض على 5 من يوم بدات الفروض الاولى الى حد الان و ان شاء الله الى نهاية السنة
في البداية كاانت صعيبة بززاف و البعــد ولات تجيني عادي
لكن في هذه الايام وليت نتعب ثاني في الاستيقاظ
عادة نحفظ او نحل تمارين
سلام

ثائر جزائري

2013-11-19, 11:31

انا ننوض على الساعة6.20

سوفـي 39

2013-11-20, 23:45

sara.souf

2013-11-21, 06:18

انا نوض على 6

NaTaLiE

2013-11-21, 15:52

السلام عليكم علييكم اختي ناتالي ارجو ان تساعديني أختي
انا طالب ثانوي مقبل على شهادة الباك علوم ان شاء الله .. والله تقوليلي كيفاش نديير مع نفسي وروحي فقد كنت أحد اولائك المميزين فب المتوسط '- معدلاتي الان هي في تناقص مع ذلك جاني شويي خوف من تصاعد الازمة .. مشكلتي اني عندما اقرر الذهاب لكي اراجع لا أدري كأني اسمع صوتاا ارجع لا تراجع لا تدرس لا تتعب نفسك آه لقد مللت وكرهت مت تضييع الوقت والله راني نادم بزااف على آك الوقت لي ضاع مني وآنا لي ضيعتو بيدي تباا لي .. واني كي نولي بااش نراجع الدروس يأتي نوع من الملل ..لا أدري من أين جاء .. لكن الله غالب والله غير نحب نقرااا وحدي والله .. لكن واش هي الحاجة لي تمنعني آه كم انا ناادم .. جداا عمل فاتني مت وقت .. أرجو ان تسااعديني ..ولو بالقليل .. آسف ع الازعاج مي أجبرتني الظروف على أن اراسلك
.... بانتظارك ...+ آسف ع الازعاج ثانية ً..

وعليكم السلام أخي .
في الحقيقة ، مشكلتك أصبحت مشكلة منتشرة و الجميع يعاني منها !! و أنا مثلك مقبلة على الباكالوريا ع تج و تأتيني أوقات أجد فيها نفسي ضيعت وقت كان يجب أن أستغله في الدراسة .مع أنني أبذل المستحيل لإستغلال أي فرصة للمراجعة ...
لكن ، يجب التحكم في النفس أقصد يجب أن تجبر نفسك على الدراسة و تحبها و تجد راحتك فيها .
يجب عليك أن تبتعد عن كل الأسباب التي تجعلك تشعر بالملل تجاه الدراسة .
مثلا الإنترنت و الفايس و و و هذه يجب أن تمنعها على نفسك لأنها سبب في تضييع الوقت .
أنا شخصيا أغلقت الفايس منذ مدة طويلة ، و أوقفت إستعمال النت إلا للضرورة القصوى واليوم دخلت للمنتدى لأمر طارئ ، و بالصدفة رأيت رسالتك فأجبتك .مع العلم أني لا أدخل للمنتدى أيضا . لأني تجنبت كل إستعمالات النت .
لو تستمر هكذا سيتحول الأمر إلى كارثة .. أنصحك بقراءة القرآن و الدعاء المستمر + ترك إستعمال النت + ترك مشاهدة التلفاز + ترك كل ما يلهيك عن الدراسة ، يعني لازم تضحي إلا حبيتي تنجح بتفوق .
يا أخي بك كسل و تهاون فقط و لقد رأيت النتيجة ماهي ؟ الندم حيث في الأخير لن يفيدك الندم ، لحسن حظك مازال الوقت أمامك فلا تغفل عن نفسك أكثر فأنت الآن في إمتحان مصيري سيحدد مستقبلك ، لذلك ضحي بكل شيء و إفعل المستحيل، و أترك جميع الأشياء الأخرى بعد نهاية الباكالوريا .
لأن الوقت يمضي و سيذهب كل شيء و تبقى نتيجة تعبك في الأخير .
لكن مادمت نادم فأنت مدرك لخطىء ، و إن شاء الله ستتدارك مافاتك .
حدد هدفك و إعمل لتصل إليه . و إصبر و إتعب فلا شيء يأتي من غير تعب .
أما عن ذلك الصوت ، فاستغفر ربك و سبح بحمده ، نفسك الأمارة بالسوء هي التي تبعدك عن الدراسة و يجب أن تتحكم فيها .
و أخيرا قم بتنظيم وقتك + ثق بنفسك فهما " سر النجاح و التفوق" .
ارجوا أن أكون قد ساعدتك أخي ولا إزعاج على الاطلاق . أرجوا أن تتدارك الأمر ، و أن تستغل الوقت فالله سيبارك لك إن أتقنت عملك و تعبت في دراستك .
موفق إن شاء الله . سلام

سوسو95

2013-11-21, 17:51

انا على حساب التعب
بصح اذا طولت نوض مع اذان الفجر
الحمد لله موالف على النواض بكري من الاولى متوسط وغالبا نحل التمارين
لانو الحفظ ما نقدرش عليه نحاول نفهم اكثر

seme

2013-11-21, 22:48

nodd 3là 7 t3bt l7aa9 :( les cours w lycé ma9drtch nod b krrii

manothebest

2013-11-21, 23:06

سوفـي 39

2013-11-21, 23:44

ناتالي اختي / ان شاء الله يا ربي تتفوقي وتنجحي بامتيااز وان شاء يا رب تكوني من المكرمين من طرف معالي رئيس الجمهورية / يا رب وفقها وأفرح اهلها وكل من يحيط بها ... آمين .. شكرا شكرل شكرا شكرا جاري تدمير الفايسبوك الشيطاني هههه .. والله غير بارك الله فيك تستاهلي مني كل التقدير ... ربي يحفظك من كل شر .. تحياتي الغالية والسلام عليكم +(أرجو ان تستفيقو وتستفيدو ) .

سوفـي 39

2013-11-21, 23:50

السلام عليكم
من المفروض أنكم تبداو بالتدريج ........الأسبوع الأول على 6 .........الأسبوع 2 على 5.30........الأسبوع 3 على 5
ال5 هو أقصى حد في أيامكم الدراسية
أما في أيام العطلة يمكنكم النهوض على 4 كأقصى حد
و النوم لا يتجاوز 10.30 ليلا
لم يفت الأوان بعد ،، لم يفت أبدا أبدااا
الأخ '' سوفي '' لقد مررت بنفس حالتك العام الماضي ،،
إياك أن تسمع لنفسك ،،
سأعطيك عدة نصائح و أشياء تفيدك إن شاء الله ،
فقط كن في المستوى المراد ، متلقي للنصائح و مطبق لها ،
موفق للامتياز
ان شاء يا اختي وانتي كذلك ان شاء الله تجيبي الامتياز وتفرحي والديك ..والله يا اختي النفس هاذي غير صعيييبة بزاااف بزااف .. لكنب سأتسلح بنصائحكم وبعزيمة وثبات ان شاء الله الى التوفيق من المولى عز وجل .. شكرا شكراا شكرا اختي .. الوقت يبدو لي سريع وهاذا ما اخلط اوراقي هه .. والآن ما علي الا ان اشكركم .. ولكم مني خالص الامتنان ..

بن حميميد

2013-11-22, 12:20

7 عاااااااااااادي جدا .......................... لا يجب أن تجهد نفسك من البداية و الدراسة العادية تبدأ من حوالي ال 5.30 مساءا إلى 10 ويتخلل هذا أوقات الصلوات و العشاء و بعض الراحة من أجل إراحة المخ هكذا نصحني صديق لي ناجح ول شهادة الماستر

manothebest

2013-11-22, 23:42

ان شاء يا اختي وانتي كذلك ان شاء الله تجيبي الامتياز وتفرحي والديك ..والله يا اختي النفس هاذي غير صعيييبة بزاااف بزااف .. لكنب سأتسلح بنصائحكم وبعزيمة وثبات ان شاء الله الى التوفيق من المولى عز وجل .. شكرا شكراا شكرا اختي .. الوقت يبدو لي سريع وهاذا ما اخلط اوراقي هه .. والآن ما علي الا ان اشكركم .. ولكم مني خالص الامتنان ..
إن شاء الله
ههه نجحت في البكالوريا
اييه ،
إن شاء الله ،،
لا شكر على واجب
،، سريع جدا جداا وابدأ من هاته الثانية و إلا ستندم ندما شديدا ،،
موفق إن شاء الله ،
لا تأخر عمل اليوم إلى الغد و تمسك بالله و بصلاتك و دعواتك له .........جملة النصائح تنبثق من هاته ،،

msila2008

2013-11-23, 10:04

السلام عليكم اخواني انا انهض على الساعة 5.30 عندي مدة ، منذ قبل الفروض ووالفت عادي

نسهر ونوض بكري حتى 11 ونوض على 5.30
لكن في ايام الجمعة والسبت لا أسهر ولا أنهض باكرا لكي استرجع الطاقة التي ذهبت في الاسبوع واعوض ذلك في اليوم كامله

لذلك انصحكم ان لا تتعبو انفسكم ونحن لا زلنا في بداية العام

وتذكرو ان الانسان يجب ان ينام حوالي 8 ساعات فلا تفرطوا فيها

موفقين

nacer rouachdi

2013-11-23, 16:32

ana nriguel reveil 3la 4 nod w ntefih w n3awd nrigulou 3la L 5 w mba3d nzid ntafih w nrigulou 3la 6 w mba3d mane9derch nod ntefih w nrigulou 3la 7.10 hhhhh Koul youm hakda .......w surtous derk bred lhal s3iba beh tnod rebi ywafa9na............

arbkhay

2013-11-24, 22:21

نوض علي 7.20 هههه كي يقرب االباك نبدا نود بكري ان شاء الله باتوفيق خاوتي