مساعدة من اصحاب الخبرة مشروع حضانة اطفال

[ام ياسمين10]

السلام عليكم .منذ ايام دخلت وليدى الحضانة و قعدت معاه ساعة فيها فاعجبتنى الفكرة .انا ماكثة بالبيت وعندى قطعة ارض مساحتها قلت نبنيها ونصممها بشكل مناسب لحضانة .قلت نطلب مساعدة من اصحاب الخبرة واش تحتاج من اثاث وكيفاه نصممها نبنيها فى الطابق الاول او الثانى لانى رايحة نسكن فى نفس المبنى وهو مشروع مربح ام متعب

[الأستاذ *قداري*]

مشروع مليح فيه في مدينتنا جمعية الارشاد والاصلاح متبنية هذا المشروع فيه تعب في البداية .ممكن نضيف اليك معلومات اخرى حين ازورهم ان شاءالله .

[ام ياسمين10]

شكرا لك اخى انا انتظر منك معلومات

[raouf80]

مشروع رائع اختي لكن لما لا تسجلي في احد المراكز وتاخدين شهادة مديرة روضة او حسب مستواك الدراسي ثم تطلبي قرض من لونساج فيما انت تبنيين الطابق الاول للروضة و الثاني لتسكني فيه وبعد ثماني سنوات لا اشكانك ستكسبين الكثير وترجعي القرض ...دولتنا تعاون فينا وحنا نقولو لا لا

[ام ياسمين10]

شكرا اخى الكريم

[raouf80]

العفوووووووووووووو

[سوسو الطموحة]

زوجة اخي رايحة تفتح روضة اطفال.....قالت انها راح تفتحها ضمن جمعية .....يعني هي رايحة تكون فرع من هذه الجمعية....تحل باسمهم ....وتاع لانام يخدمو عندها ....للتمهيدي والتحضيري....تسلكهم لانام....اما الطاولات واشياء اخرى مثل السبورة ...تجيبهم الجمعية من عندها.

[العسكري-]

زوجة اخي رايحة تفتح روضة اطفال.....قالت انها راح تفتحها ضمن جمعية .....يعني هي رايحة تكون فرع من هذه الجمعية....تحل باسمهم ....وتاع لانام يخدمو عندها ....للتمهيدي والتحضيري....تسلكهم لانام....اما الطاولات واشياء اخرى مثل السبورة ...تجيبهم الجمعية من عندها.

هل وضحتي لنا المزيد من التفاصيل

يعني الجمعية إلى أي مجال تنتمي

[سوسو الطموحة]

هذا كل ما اعلمه لحد الان......راح نشوف الى اي جمعية تنتمي

[الأستاذ *قداري*]

يجب ان تكون جمعية ذات طابع اجتماعي وليس رياضي او ثقافي .

[ام ياسمين10]

شكرا اختى على الرد انتظر منك المزيد من المعلومات بخصوص الجمعية

[hanadi21]

nasihti lik okhti 3alach ma dirich hanout khyata wela haja okhra welw tekrih ahsan men teksar erass

hada mrid hada rayeb ngoulak rahi masoulia kbira khti rani nahkilak rani jarabt

khosousan fi wagtna hada khami mlih

rabi y33inak

[رياض2013]

السلام عليكم ورحمة الله وبركاته
في البداية اود ان اخبرك اختاه انني كنت بصدد فتح مدرسة خاصة تحضيرية الا ان طلب الاعتماد رفض رغم اني قمت ببنائها حسب دفتر الشروط (البيروقراطية).....
وانا في صدد تحويل الامر الى روضة فهي لا تتطلب الكثير من المعدات
اما في خصوص البناء فانصحك ان تبني منزل عادي وتستغلينه كروضة
هذا من جهة ومن جهة اخرى ان اردت ان تعملي بصفة قانونية فعليك ان تتصلي باحدى الجمعيات وتعملي باسمها كما سبق وان طرح الاخوة
وان اردت العمل وحدك فعليك استخراج دفتر الشروط الخاص بدور الحضانة
واعداد ملف ممل وفي النهاية سيقابل طلبك بالرفض وبعد اخذ ورد ستتمكنين من اخذ الاعتماد
ولكن انصحك ببدا العمل قبل استخراج الاعتماد وفي حال العمل مع الجمعية يكون الامر اقل تعقيدا
وربي يوفقك

[ام ياسمين10]

شكرا اخوتى رياض وهنادى والله محسبتها معقدة وصعيبة هكذا .رانى حبيت برك نخدم روحى خير من القعدة فى الدار وفى نفس الوقت يكونو ولادى قدام عينيا.

[رياض2013]

لا يا اختي فكرتك رائعة فلا تتخلي عنها فهي تعتبر احسن عمل للمراة
ماذكرت مجرد صعوبات قد تعطلك قليلا ولكن لن تمنعك
فامضي والتوفيق من الله

[ام ياسمين10]

شكرا لكم جميعا فى انتظار اراء اخرى للاستفادة

[Mr-djz]

السلام عليكم
ليس لدي اي فكرة عن هذا المشروع و لكن الذي أعرفه هو : اي مشروع يبدا فيه الانسان يكون صعب في الأول فما ذكروه الاخوة من صعوبات شيئ عادي في بلادنا ..ثم يصبح المشروع بدون صعوبات بعد مرور الوقت باذن الله ... لهذا صلي صلاة الاستخارة و يلا كان فيه الخير ربي يوفقك و الا العكس...

[Ramybasem]

اختي انت تعيني بالجاهزة والبلاستيكيبحاجة الى طاولات وكراسي تستطيعين صنعها عند النجار وكذلك الكراسي او الاستعانة بالجاهزة البلاستيكية غرفة فيها المناضد والغرفة الاخرى تكون فارغة للعب الاطفال يمكنك فرشها بالزرابي
عند القيلولة ان استطعتي شراء اسرة والافضل ان تيدئي بمطارح صغيرة لكل واحد لربح المساحة واستغلالها ولاتنسي الالعاب والادوات كل طفل يحضرها وحده +تلفاز +جهاز dvd سيديات كرتون واغاني اطفال +المطبخ وتجهيزاته والمشروع مربح مادام عندك المحل وما عليك سوى العمل الجيد والاستعانة بذوي الخبرة والذين يتقنون التعامل الجيد مع الاطفال ومن لديك الثقة بهم لان التعامل مع الاطفال لازملو طول البال وحب العمل ولاعليك ان لم تستطيعي في البداية الحصول على اطفال كثر فاطمئني لانه كل جديد صعب ان كسبتي ثقة شخص واحد فستتوافد عاليك الاطفال وربي يسهل

[Ramybasem]

اختي انت بحاجة الى طاولات وكراسي تستطيعين صنعها عند النجار وكذلك الكراسي او الاستعانة بالجاهزة البلاستيكية غرفة فيها المناضد والغرفة الاخرى تكون فارغة للعب الاطفال يمكنك فرشها بالزرابي
عند القيلولة ان استطعتي شراء اسرة والافضل ان تيدئي بمطارح صغيرة لكل واحد لربح المساحة واستغلالها ولاتنسي الالعاب والادوات كل طفل يحضرها وحده +تلفاز +جهاز dvd سيديات كرتون واغاني اطفال +المطبخ وتجهيزاته والمشروع مربح مادام عندك المحل وما عليك سوى العمل الجيد والاستعانة بذوي الخبرة والذين يتقنون التعامل الجيد مع الاطفال ومن لديك الثقة بهم لان التعامل مع الاطفال لازملو طول البال وحب العمل ولاعليك ان لم تستطيعي في البداية الحصول على اطفال كثر فاطمئني لانه كل جديد صعب ان كسبتي ثقة شخص واحد فستتوافد عاليك الاطفال وربي يسهل

["جنة فردوس"]

ربي يوفقك اختي و الله فكرة مليحة

[Mr.Plot]

الله يكون معاااك و يصبرك على إزعاج الأطفال

تحياتي

[ام ياسمين10]

هههه الله يعينى ولادى منيش متحملتهم زعما رايحة نتحمل ولاد الناس !!!!!!!ربى يحفظكم جميعا وربى يديرنا الى فيه الخير

[هند1995]

مهيش صعبة ماولا الأمر عادي أنا عندي أخي عندو شركة وحاب يفتح مدرسة خاصة تحضيرية ودخل عند الوالي وقدملوا كامل التسهيلات

[krim10]

اريد ان اقول لك بان المشروع مليح و هو مشروعي اناايضا انا عندي ماستر في علم النفس عندي ثلث سنوات خدمة في عيادة متعددة الخدمات رحت لموسسة الضمان لاجتماعي قسم المؤسسات المصغرة سقسيت قلولي لزم اكون عندك خبرة عمل خمس سنوات الدار تكون عندها كواغط لزم لك شهادة مطابقة هي الصح فالدوسي ولا معندكش مكله تعي رحك ولا كري دار خير مصاريف تطيح لك ب ربعين مليون التجهيزات الغرف تسحقي وحدة لاطفال من 18نشهر حتي 2مين وحدة لاطفال لعندهم ثلث سنوات وحدة نتاع لعندهم ربع سنين او وحدة خمس سنين كوزينة دورتي مياه زوج ول كثر مرفق للعب و المكتب الخاص بك او لازم تحطي فدوسي ميموار تحكي فيه علئ هد شي علي وش عندك من تجهيزات وغرف ولاهم علي النظام التعلمي لتعتمديه كفاش تقرهم كيفاش تديري البرنامج كل فئة علحساب عمرها او تدري جدول علي العاملات لعندك مع دبلم نتاعهم انا درت دراسة شاملة علي الموضوع خصوني غير دراهم بش نشري التجهيزات لونساج منقدرش لاني سجلت بش نروح للخارج الشكل نتاعي هما الدرهم برك

[blanche rose]

أختي الاخوة وفوا وكفوا
اذا قررت تديري المشروع

ركبي الكاميرات
باش لبنات اللي يخدموا معاك يديروا حسابهم أنهم مراقبات..

أصعب حاجة لأرباب العمل هم العمال..
فمن الصعب أنك تلقاي اللي يتقنوا عملهم ويخافوا ربي صح

وما تنسايش
رايح يكون عندك ضرائب
وتأمين لك وللمقر وللعاملات معك
ومرة على مرة مراقبة وتفتيش لمتابعة الأوضاع

والاتفاق مع طبيب شاطر للضرورة..
وطباخة خاصة بأكل الاطفال وتكون شاطرة

يعني لازم توقفي على خدمتك مليح باش ينجح المشروع
وتكسبي ثقة الاهالي باش يحطوا اولادهم عندك

ربي يوفقك

[Sonalika Djelfa]

بالتوفيق مشروع مربح

[1ام شكيب]

فكرة رائعة لكن انصحك الدخول مع شركاء اصحاب اختصاص ( علم النفس و التربية-) و مسير مالي او طلب استشارة من


اصحاب خبرة ميدانية. ممن يملكون رياض الاطفال.

[مليكة01]

اريد ان اقول لك بان المشروع مليح و هو مشروعي اناايضا انا عندي ماستر في علم النفس عندي ثلث سنوات خدمة في عيادة متعددة الخدمات رحت لموسسة الضمان لاجتماعي قسم المؤسسات المصغرة سقسيت قلولي لزم اكون عندك خبرة عمل خمس سنوات الدار تكون عندها كواغط لزم لك شهادة مطابقة هي الصح فالدوسي ولا معندكش مكله تعي رحك ولا كري دار خير مصاريف تطيح لك ب ربعين مليون التجهيزات الغرف تسحقي وحدة لاطفال من 18نشهر حتي 2مين وحدة لاطفال لعندهم ثلث سنوات وحدة نتاع لعندهم ربع سنين او وحدة خمس سنين كوزينة دورتي مياه زوج ول كثر مرفق للعب و المكتب الخاص بك او لازم تحطي فدوسي ميموار تحكي فيه علئ هد شي علي وش عندك من تجهيزات وغرف ولاهم علي النظام التعلمي لتعتمديه كفاش تقرهم كيفاش تديري البرنامج كل فئة علحساب عمرها او تدري جدول علي العاملات لعندك مع دبلم نتاعهم انا درت دراسة شاملة علي الموضوع خصوني غير دراهم بش نشري التجهيزات لونساج منقدرش لاني سجلت بش نروح للخارج الشكل نتاعي هما الدرهم برك

بارك الله فيك على هذه المشاركة المهمة

لدي سؤال حول الميموار المطلوب في الملف هل انجزته بنفسك ام استعنت بمختصين

حينما تسال اصحاب الحضانات لا يعطونك المعلومات و يشعرون بانك تسلبهم مكانتهم

واذا امكن ارسال نموذج للدراسة او من اين احصل على المعلومات الخاصة بهذا الملف

ولك مني اخي كل الاحترام والتقدير

[نقاء سريرة]

بارك الله فيك على هذه المشاركة المهمة

لدي سؤال حول الميموار المطلوب في الملف هل انجزته بنفسك ام استعنت بمختصين

حينما تسال اصحاب الحضانات لا يعطونك المعلومات و يشعرون بانك تسلبهم مكانتهم

واذا امكن ارسال نموذج للدراسة او من اين احصل على المعلومات الخاصة بهذا الملف

ولك مني اخي كل الاحترام والتقدير

اختي الوثائق اللازمة بملف انشاء روضة اطفال تجدينه في مديرية الشؤون الاجتماعية . وهناك ممكن تجدين اجابات لاسئلتك ومن مصدر رسمي افضل .