و هانت العشرة

[soso sirin]

هي اناني خائن غير مسؤول باع عشرة 27سنة من اجل امراة اخرى باعني بالرخيص و لحد اللحظة و رغم مرور 7 سنوات على طلاقي انا لا اصدق ما حدث.
هو انا لم اسعى للزواج بطريقة صحيحة و زوجتي كانت صعبة المزاج حاولت و بكل الطرق و لكن لا حياة لمن تنادي و بعد مرور سنوات و صلت لسد منيع و لم استطع المواصلة فمنحتها حريتها و كانت الصدمة انها تزوجت بعد اقل من سنة.
هو و هي قصص كثيرة و من واقع مجتمعنا الجزائري
قد يبدو ان الطلاق اصبح امرا طبيعيا و لم يعد يؤثر فينا عندما نسمع عنه حولنا بسبب تزايده يوميا لكن الامر الغريب الذي يوقفنا متسائلين هو ذلك الطلاق الذي يقع بعد عشرة من العمر تفوق 10 سنوات.
هو حقا امر محبط و مؤلم و لا يطيق العقل تصديقه و اسبابه ليست على الاطلاق تافهة لانه من المفروض ان هذا الزواج تعدى مرحلة الخطر
هذا النوع من الطلاق يطرح تساؤلات كثيرة
لماذا الان بالذات اين كانا قبل هذه المدةالطويلة .ماهي اسبابه الحقيقية .ما هي نتائجه و اثاره على الزوج الزوجة الاولاد و حتى اهل الزوجين .ماهي نظرتك لهذا النوع من الطلاق و هل تحضرك قصة
العشرة ذلك الكائن اللطيف الحساس الذي كله رحمة و مودة و تتسرطن خلاياه تلك فتموت بالطلاق و لان اكرام الميت دفنه فان اصحاب العشرة يهيلون عليها التراب سريعا و لا يذكرون بعدها محاسنها و ربما يحاولون و باسرع ما يمكن ايضا اللحاق بعشرة اخرى ناسين او متناسين انهم في الدنيا التي هي بلا كمال و لا اكتمال و واهمين ايضا ان العشرة ستسامحهم بدون اعتذار لكنها في الحقيقة تظل تئن في قبرها في انتظار يوم تقف فيه بين يدي الله تشتكي راجية القصاص حيث لا ظلم اليوم .
الموضوع موضوعكم و .......................................اليكم الخط

[pro24]

[QUOTE=soso sirin;1054934293]هي اناني خائن غير مسؤول باع عشرة 27سنة من اجل امراة اخرى باعني بالرخيص و لحد اللحظة و رغم مرور 7 سنوات على طلاقي انا لا اصدق ما حدث. المشكل اخيتي صدقيني ليس في الرجل بل فيكن انتن النساء فوالله غير العشرة لي ما ينكرها الراجل بصح انتن اسباب المصائب لماذا تركها لانها لم تلبي احتياجته وصبر ثم صبر ثم صبر حتى نفذ الصبر فكانت النتيجة لماذا ترفوصون زواج الرجل من زوجة ثانية
هو انا لم اسعى للزواج بطريقة صحيحة و زوجتي كانت صعبة المزاج حاولت و بكل الطرق و لكن لا حياة لمن تنادي و بعد مرور سنوات و صلت لسد منيع و لم استطع المواصلة فمنحتها حريتها و كانت الصدمة انها تزوجت بعد اقل من سنة.
هو و هي قصص كثيرة و من واقع مجتمعنا الجزائري
قد يبدو ان الطلاق اصبح امرا طبيعيا عادي في زمن النساء اخيتي و لم يعد يؤثر فينا عندما نسمع عنه حولنا بسبب تزايده يوميا لكن الامر الغريب الذي يوقفنا متسائلين هو ذلك الطلاق الذي يقع بعد عشرة من العمر تفوق 10 سنوات هل الطلاق محدود بمدة اخيتي لا فطلاق يوجد مدام الرجل والمراة على قيد الحياة.
هو حقا امر محبط و مؤلم و لا يطيق العقل تصديقه و اسبابه ليست على الاطلاق تافهة لانه من المفروض ان هذا الزواج تعدى مرحلة الخطر مدام المراة لم تحكم سبعها كيما يقولوا يبقى الزواج في خطر
هذا النوع من الطلاق يطرح تساؤلات كثيرة
لماذا الان بالذات اين كانا قبل هذه المدةالطويلة الرجل لازم يلقى زوجة صغيرة .ماهي اسبابه الحقيقية .ما هي نتائجه و اثاره على الزوج الزوجة الاولاد و حتى اهل الزوجين .ماهي نظرتك لهذا النوع من الطلاق عادي السبب دائما النساء هل تحضرك قصة
اعرف قصة الرجل طلق زوجته بعد عشرة كما تقولين 40 سنة زوج بنتاته واولاده ومن ثم طلق زوجته وهي الان تعاني ما اقترفته يدها ولسانها وهو متزوج ولديه بنتان الكبيرة عمرها 5 سنوات لكن اقول لها الزوجة مخطئة فنالت جزاءها
فوالله شيء كهذا لا اتمناه لعدوي
العشرة مليحة كي تكون الزوج والزوجة متفاهمين اما اذا كانت هناك مشاكل فالطلاق ارحم ذلك الكائن اللطيف الحساس الذي كله رحمة و مودة و تتسرطن خلاياه تلك فتموت بالطلاق و لان اكرام الميت دفنه فان اصحاب العشرة يهيلون عليها التراب سريعا و لا يذكرون بعدها محاسنها و ربما يحاولون و باسرع ما يمكن ايضا اللحاق بعشرة اخرى ناسين او متناسين انهم في الدنيا التي هي بلا كمال و لا اكتمال و واهمين ايضا ان العشرة ستسامحهم بدون اعتذار لكنها في الحقيقة تظل تئن في قبرها في انتظار يوم تقف فيه بين يدي الله تشتكي راجية القصاص حيث لا ظلم اليوم .
الموضوع موضوعكم و .......................................اليكم الخط
ردي الاول اظن ان يكون غير مصدوم اخيتي الفاضلة

[soha1987]

نعم شيء محير سوسو عشرة طويلة ومن بعد يطلقو ومعظم حالات الطلاق الرجل لانو يحب يعاود يزوج بوحدة صغيرة لخرا انتهت مدة الصلاحية ياخي رجال نتاع اخر زمن وحالة نادرة المراة تحب تتطلق بعد عشرة طويلة خوفا على نفسها وعلى اولادها
شكرا على الموضوع القيم

[كاميلا]

اختي الكريمة هادي ظاهرة انفصال ضحية الكبير هم اولاد تم ضحية تاني مراة وفي هاد مجتمع .............الله يستر عشرة 10سنين وبعد العشرة ينفاصلو معناها باينة وضوح شمس وساميحوني نقولها بصدق وصراحة عندو عشيقة حب يزوج بيها ودليل كاين راجل اب 4اولاد وزوجته ماكتة في بيت وفي مركز عمله حاب يزوج ب اخرى بداعي كلمة راجل يزوج ب 4نساء وهنا سؤال ونتمن نلق انسان صريح شكون غالط الزوج او زوجة او متطفلة لي حابة تدخل بيناتهم وتقبلي مروري http://im35.gulfup.com/awxl1.jpg (http://www.gulfup.com/?gyz4ce)

لا حول ولا قوة الا بالله العظيم يقطع صلة رحمه اللي هوما اولاده واكيد رح تفسد بيناتهم على جالت امرأة اخرى
هل كل الرجال هكذا؟يعني يبيعوا العشرة بسهولة؟

[sali-sali]

السلام عليكم

بانت وسيلة فقلبي اليوم متبول *** متيم اثرها لم يفذ مكبول

:mh31::mh31:

و اخيرا بانت وسيلة :1::1: و سبب اختفائها جهازها المعطل اغلب الاوقات :1::1:

ان شاء الله تكوني بخير حبيبتي


بالنسبة لموضوع الطلاق خاصة بعد عشرة السنين اكييييييد المراة تقول سبب ذلك هو الزوج و انه هانت عليه العشرة
الرجل يقول ان زوجتي لم تفهمني يوما وهي السبب

فهذا الزوج لم يحاول ان يصلح الاوضاع او لم لمجرد ان يجرب ذلك لم يفعل.. بل فكر في الطلاق و خراب البيت .. ليتزوج باخرى .. و صدقيني بعد زواجه الثاني سيعرف قيمة المراة التي صبرت عليه سنين من عمرها


و تبقى اسباب ذلك تختلف من شخص لاخر

الله يصلح الاحوال

[سعاذ]

السلام عليكم
اهلا وسيلة ان شاء الله تكوني مليحة
جابلي ربي طلاق لي يكون بعد عشرة طويلة صدمة تاعو تكون كبيرة بزاف خاصة على المراة و هذا واش سرى لوحدة نعرفها
بعد عشرة طويلة دامت سنوات و سنوات لولاد كبرو و لبنات كبرو كامل تزوجوا هنيا رجل قرر يبدي حياة جديدة معلبليش واش هي اسبابوا بصح مكين حتى سبة تخلي واحد يتخلى على وحدة شربت معاه لمرار و وقفت معاه في اصعب مراحل حياتوا على جال واحدة قد بناتوا صدمة كانت كبيرة لزوجة مقدرش تستوعب واش سرلها مرضت و توفاة بعد شهور فقط من طلقها
ربي يصلح احوالنا و يثبت علينا العقل و الدين
دمتم في رعاية الله و حفظه

[مريم الصابرة]

السلام عليكم وسيلة
العشرة هذا وين ماتت عندكم راني نتصل ونعزيك اختي
يا بنتي واش من عشرة راه الراجل يراعيها شوفي اطول عمر للعشرة هي شهر بعد الزواج وبعدها يعود الحنين إلى العزوبية ويبدأ الرجل بالملل والندم لأانه تزوج
ناتي الآن للطلاق بعد سنوات ساخبرك بحكم اخي طلق وتزوج مرة اخرى بعد 10 سنوات زواج دعيني اخبرك ان الزواج يقوم على عقليات اغليها كاذية بمعنى بالعامية الخطّاب رطّاب بعد الزواج حطّاب بمعنى وهو خاطبك تشوفي فيه فارس الاحلام كلام معسول ودلال والرجل بكل طريقة يخلي روحو ملاك وحتى المرأة عاقلة قدها مكانش قطة مغمضة
ويا للروعة بعد الزواج تنتهي المسرحية يبداو الحقائق يبانو للطرفين للمرا وللراجل يجو الاطفال خلال العشرة كما حدث مع اخي ولكن كاين حد وين ما تقدريش تكملي إما إنت وإما الزوج
فحالة اخي قال خلاص هنا حد الصبر والتحمل ورغم النصائح والمحاولة من اجل اولاده قال اولادي يعيشو معايا او معاها المهم نطلق
لطن ضاعو الأولاد فالطريق وهو يكرها الآن وهي تكرهو وكأنو ولا مرة كانو ازواج او لهم اولاد مشتركين بيناتهم
وهنا نصيحة للخاطب كن على حقيقتك وإنت كوني على حقيقتك الصراحة والعفوية تساهم فنجاح الزواج
شكرا

[" أبو عبود"]

الشرع احل اربع زوجات كي لا يكون هناك عنوسة خصوصا وان الرجال " مساكين يموتون في الحروب" ويكون عدد النساء اكثر بثكير من الرجال كما هو الحال اليوم وبدون حروب. ومن حق الرجل ان يتزوج الثانية والثالثة والرابعه شريطة ان يعطي للاولى حقها من الرعاية و
الحقوق وحقوق الابناء طبعا. ثم الثانية وهكذا. ام ان المراة تريده متدين يخاف الله لكن يتزوج اخرى " تكفرلو على السابع من جدودو". ثم ان الطلاق ليس مشكلة رجل ولا مشكلة امراة بل مشكلة انسان لا يحسن معاشرة الطرف الاخر. وقولها صادقا : ان الرجل اذا تزوج امراة تحقق له ما يريد لا يبدلها بكل نساء الدنيا وبعبارة اخرى الرجل لا يتزوج اكثر من واحدة اذا اذا كانت الاولى ليست في مستوى طموحه.

[نايفز55]

علبالهم زواج غير خاتم و شطيح ورديح

على هذا ما ينجحوش

[soso sirin]

السلام عليكم و شكرا على تفاعلكم مع الموضوع و انا اعتذر منكم و اسفة جدا على عدم التعقيب سيتم ذلك في اقرب وقت ان شاء الله.الموضوع موضوعكم

[المتيقنة بالله سارة]

معن اني نواافقكم انو كااين بزاف يحبو يبدلو ويجيبو وحدة اقل عمرا....وتهون لعشرة عليهم.................مي نسينا حاجة كااين حالات طلاق بعد مدة طويلةوحالات انو المرأة الطلاق يا لوكاان بعد عشرين سنة..............والسبــــــــــــــــــب أنو زوجها كاان انسان ظالم وصبرت على جال ولادها .......وكي كبرو ولادها وتهنات عليهم..........قررت تهني راسها وتفوت لي بقالها من عمرها مرتاحة باال لأانو لكاانت خايفة تحرمهم من باباهم مبقاش عليهم خوف

[moh140]

http://im34.gulfup.com/C1jXE.jpg

[soso sirin]

المشكل اخيتي صدقيني ليس في الرجل بل فيكن انتن النساء فوالله غير العشرة لي ما ينكرها الراجل بصح انتن اسباب المصائب لماذا تركها لانها لم تلبي احتياجته وصبر ثم صبر ثم صبر حتى نفذ الصبر فكانت النتيجة لماذا ترفوصون زواج الرجل من زوجة ثانية
اليس هذا ظلما يا اخي انك تحملنا كل المسؤولية و ليست كل امراة نكارة للعشرة في وقتنا هذا حتى الرجال اصبحو نكارين للعشرة .ما قولك في امراة شربت المر مع زوجها و في الاخير تم الاستغناء عنها كانها كرسي و عليه استبداله .نحن نرفض الثانية بدون اسباب فمن غير المعقول ابدا ان تكون الزوجة موفرتلو كلشي و يخمم يتزوج بوخدخرا الزواج الثاني يجب ان يكون لاسباب حقيقية مش راسو ضرو يروح يتزوج .
عادي في زمن النساء اخيتي
و اين هم الرجال في زمن النساء اخي و زيد والله مكان زوجة تطلب الطلاق لانو عارفة روحها انو هي الخاسر الاكبر الا في حالات قليلة
هل الطلاق محدود بمدة اخيتي لا فطلاق يوجد مدام الرجل والمراة على قيد الحياة.
انا لم اقصد بقولي تفوق 10 سنوات اني حدت الطلاق بفترة معينة و لكن الطلاق في بدايات الزواج قد نقول انه راجع لعدم وجود توافق في العقليات و لكن بعد مرور مدة لاباس بها هنا يتبادر الى اذهانا عدة اسئلة

مدام المراة لم تحكم سبعها كيما يقولوا يبقى الزواج في خطر
يا اخي و اين الرجل من كل هذا كاين رجال تعيا تحكم فيهم يندار عليهم حراسة مشددة مع استعمال كل الاساليب الترغيب و الترهيب لكن لا حياة لمن تنادي الخيانة سارية في دمو
لرجل لازم يلقى زوجة صغيرة
و هذا واش معنتها يا خويا امالا اذا كانو الرجال عندهم نفس التخمام الوحدا غير تبقى في دار باباها خير اذا هي تحملت و صبرت و فوتت و ساعفت و ساسيت و منبعد كي تولي في الاج الي يلزم هي الي تتساعف يقلها والله يلزملي وحدا صغيرة راهي انتهت مدة الصلاحية تاعك هذا انت واش تسميه انا بالنسة ليا راه افضع من نكران للعشرة و راك تقول انو النسا نكارات للعشرة
عادي السبب دائما النساء
معنتها الراجل بريئ و مايتلامش نهائيا .انا مانقلكش انو النسا ملايكة و انو الراجل هو الغالط الوحيد لالا كاين حالات وين النسا تستحق واش يصرالها لكن هذا مايعنيش انو الراجل هو الملاك الطاهر.
ردي الاول اظن ان يكون غير مصدوم اخيتي الفاضلة
ردك لم يكن صادما بل كان قاسيا لانك حملت المراة كل المسؤولية و رددت على الموضوع بعين رجل فقط رغم اني متاكدة انك تعلم ان نصف حالات الطلاق حتى اكون عادلة نوعا ما سببها الرجل .شكرا على ردك على كل جزء من الموضوع

[soso sirin]

اختي الكريمة هادي ظاهرة انفصال ضحية الكبير هم اولاد تم ضحية تاني مراة وفي هاد مجتمع .............الله يستر عشرة 10سنين وبعد العشرة ينفاصلو معناها باينة وضوح شمس وساميحوني نقولها بصدق وصراحة عندو عشيقة حب يزوج بيها ودليل كاين راجل اب 4اولاد وزوجته ماكتة في بيت وفي مركز عمله حاب يزوج ب اخرى بداعي كلمة راجل يزوج ب 4نساء وهنا سؤال ونتمن نلق انسان صريح شكون غالط الزوج او زوجة او متطفلة لي حابة تدخل بيناتهم وتقبلي مروري http://im35.gulfup.com/awxl1.jpg (http://www.gulfup.com/?gyz4ce)

المشكل في هذا الطلاق انو الزوجين يحسبو انو الابناء كي يكبرو يولو مش محتاجينهم و هنا يقدرو يطلقو لانو ولادهم في رايهم راهم يفهمو و مايتاثروش لكن نساو انو طلاق الوالدين ياثر بشكل او باخر عليهم حتى و اذا كانو متزوجين و دايرين ديارهم مكانش انسان يقدر يتقبل انو والديه يطلقو .صح كاين شي رجال لما تدخل امراة وخدخرا في حياتهم مايخمموش في ولادهم و يكونو انانيين بشكل كبير و كاين رجال يبغو يعاودو الزواج و يدخلو في علاقات بعد عشرة طويلة باه يبينو لرواحهم انهم مازال مرغوب فيهم و مايتقبلوش فكرة انو راهم كبار و تلقاهم يدخلو في علاقات مع بنات قد ولادهم لكن باه نكونو عادلين والله كاين حالات تلقى الراجل تحمل فوق طاقتو في جال ولادو لانو الزوجة تاعو ماتتعاشرش و يتحمل مع انو انا نشوف انو هذا خطئ من الرجل كل حاجة عندها حدود في هذا الدنيا .
الغالط في هذا القصة مانقدروش نعرفوه لانو كاين قصص بزاف و كل قصة عندها ظروفها .مرات تكون من الزوجة لانو تكون مهملة و ماهيش مهتمة و مرات تكون من الزوج لانو الخيانة تجري في دمو و مرات تكون من الطرف الثالث الي مايهموش انو يفسد حياة اسرة و يدخل في الخط و يدير اي حاجة .الوقت راه صعيب و الزواج مش ساهل و مش كل واحد يقول تزوجت معنتها راه متزوج الزواج مسؤولية كبيرة و فيه الحلو و المر و يليق المساعفة باه الحياة تفوت.

[soso sirin]

نعم شيء محير سوسو عشرة طويلة ومن بعد يطلقو ومعظم حالات الطلاق الرجل لانو يحب يعاود يزوج بوحدة صغيرة لخرا انتهت مدة الصلاحية ياخي رجال نتاع اخر زمن وحالة نادرة المراة تحب تتطلق بعد عشرة طويلة خوفا على نفسها وعلى اولادها
شكرا على الموضوع القيم
ان شاء الله تكوني بخير سهى .و الله كاين شي قصص كي سمعتهم ما امنتش و مرات يكون الراجل هو الظالم و يبغي يجدد حياتو و نسا انو الزوجة راهي شربت المرار في جالو و كاين لي مايديرش حتى للعشرة قيمة يبيعها في جال وحدا ماتصلحش حتا و ذا الشي الي يقتل كثر مي يا سهى والله كاين حالات الا النسا مايتعاشروش مش شرط هي تطلب الطلاق لكن تصرفاتها الغير عقلانية و لسانها الي متبري منها هي الي تخليه يطلق لانو كاين رجال هوما يتحملو في جال ولادهم تلقاي الشي معكوس و هي و لا معبراتو .والله الواحد كي يسمع شي قصص الا يبقا بلا عقل .لا شكر على واجب و شكرا على الرد
لا حول ولا قوة الا بالله العظيم يقطع صلة رحمه اللي هوما اولاده واكيد رح تفسد بيناتهم على جالت امرأة اخرى
هل كل الرجال هكذا؟يعني يبيعوا العشرة بسهولة؟

سلام كاميلا ان شاء الله تكوني بخير.كاين شي رجال انانيين يبيعو كلشي في جال مصلحتهم الشخصية وممكن يبيعو العشرة الطويلة باه يعيش شهر شهرين كيما نقولو يبيع الغالي باش يشري الرخيس .ربي يجيب الخير برك و كاين و كاين ربي خلق و فرق ممكن تلقاي راجل يصون العشرة خيرمن الف مرا

[soso sirin]

سيتم الرد على ماتبقى باذن الله .تصبحون بالف خير

[imad nour]

شكرا للتفاعلكم معنا في مواضيعنا ......
أما في ما يخص العشرة أمر صعب ......أختي لأن الفراق لا يكون بمحض الصدفة وليس من السهل أن يتساهل رجل في فك علاقته مع أولاده....و تأكدي أن فراقهما بعد 27 سنة نتيجة لصبر طول هذه المدة.


تختلف الأسباب ولا يلام الرجل و لا المرأة ....هي قضاء و قدر

[soso sirin]

[QUOTE=sali-sali;1054950606][center][size="4"]

السلام عليكم

[COLOR="Red"]بانت وسيلة فقلبي اليوم متبول *** متيم اثرها لم يفذ مكبول

:mh31::mh31:

و اخيرا بانت وسيلة :1::1: و سبب اختفائها جهازها المعطل اغلب الاوقات :1::1:

ان شاء الله تكوني بخير حبيبتي


بالنسبة لموضوع الطلاق خاصة بعد عشرة السنين اكييييييد المراة تقول سبب ذلك هو الزوج و انه هانت عليه العشرة
الرجل يقول ان زوجتي لم تفهمني يوما وهي السبب

فهذا الزوج لم يحاول ان يصلح الاوضاع او لم لمجرد ان يجرب ذلك لم يفعل.. بل فكر في الطلاق و خراب البيت .. ليتزوج باخرى .. و صدقيني بعد زواجه الثاني سيعرف قيمة المراة التي صبرت عليه سنين من عمرها

و تبقى اسباب ذلك تختلف من شخص لاخر

الله يصلح الاحوال

و عليكم السلام هههههههههههههههههه و الله ضحكتيني يا سلمى .والله راني بخير و الحمد الله .المشكل يا سلمى هذا الطلاق كانت الاسباب ممكن من بداية الزواج لكن تلقاي كل واحد يفوت و كل طرف عندو اسبابو باش يتحمل و المشكل انهم ماحولوش انهم يصلحو الاخطاء و يواجهوها استعملو اسلوب الهروب و النتيجة الطلاق في اخر المطاف .كاين شي رجال يبغي جدد حياتو بمرا وخدخرا و يهرب من مشاكلو مع امراة جديدة.يعرف قيمتها بعد ماتكون كلشي راح .الله يهدينا.ان شاء الله تكوني بالف خير
امييييييييييييييييييييين يا رب

[soso sirin]

السلام عليكم
اهلا وسيلة ان شاء الله تكوني مليحة
جابلي ربي طلاق لي يكون بعد عشرة طويلة صدمة تاعو تكون كبيرة بزاف خاصة على المراة و هذا واش سرى لوحدة نعرفها
بعد عشرة طويلة دامت سنوات و سنوات لولاد كبرو و لبنات كبرو كامل تزوجوا هنيا رجل قرر يبدي حياة جديدة معلبليش واش هي اسبابوا بصح مكين حتى سبة تخلي واحد يتخلى على وحدة شربت معاه لمرار و وقفت معاه في اصعب مراحل حياتوا على جال واحدة قد بناتوا صدمة كانت كبيرة لزوجة مقدرش تستوعب واش سرلها مرضت و توفاة بعد شهور فقط من طلقها
ربي يصلح احوالنا و يثبت علينا العقل و الدين
دمتم في رعاية الله و حفظه


و عليكم السلام سعاد والله بخير و الحمد الله ان شاء الله تكوني بالف خير.المشكل انو كاين بعض الرجال مايتقبلش فكرة انو خلاص كبر و يلزم يحترم سنو و بعد ما يزوج كامل ولادو يدور لهذا الزوجة و عوضها على واش صبرت و تحملت و يتهلى فيها هو يولي يخمم في روحو و يبغي يجدد حياتو و هنا يخمم في مرا وخدخرا و كيما قلتي تكون قد بناتو والله عيب عليهم شي رجال تقول قلوبهم حجر و كون تهدري معاه يقلك باغي نعيش حياتي .والله مسكينة هذا المرا ربي يرحمها ان شاء الله غدوة عند ربي كل واحد يخلص واش دار .كاين بعض الرجال هوما و الوفاء خطان متوازيان .اللهم امييييييييييييييييييييين يارب

[soso sirin]

السلام عليكم وسيلة
العشرة هذا وين ماتت عندكم راني نتصل ونعزيك اختي
يا بنتي واش من عشرة راه الراجل يراعيها شوفي اطول عمر للعشرة هي شهر بعد الزواج وبعدها يعود الحنين إلى العزوبية ويبدأ الرجل بالملل والندم لأانه تزوج
ناتي الآن للطلاق بعد سنوات ساخبرك بحكم اخي طلق وتزوج مرة اخرى بعد 10 سنوات زواج دعيني اخبرك ان الزواج يقوم على عقليات اغليها كاذية بمعنى بالعامية الخطّاب رطّاب بعد الزواج حطّاب بمعنى وهو خاطبك تشوفي فيه فارس الاحلام كلام معسول ودلال والرجل بكل طريقة يخلي روحو ملاك وحتى المرأة عاقلة قدها مكانش قطة مغمضة
ويا للروعة بعد الزواج تنتهي المسرحية يبداو الحقائق يبانو للطرفين للمرا وللراجل يجو الاطفال خلال العشرة كما حدث مع اخي ولكن كاين حد وين ما تقدريش تكملي إما إنت وإما الزوج
فحالة اخي قال خلاص هنا حد الصبر والتحمل ورغم النصائح والمحاولة من اجل اولاده قال اولادي يعيشو معايا او معاها المهم نطلق
لطن ضاعو الأولاد فالطريق وهو يكرها الآن وهي تكرهو وكأنو ولا مرة كانو ازواج او لهم اولاد مشتركين بيناتهم
وهنا نصيحة للخاطب كن على حقيقتك وإنت كوني على حقيقتك الصراحة والعفوية تساهم فنجاح الزواج
شكرا


و عليكم السلام ليليا.ههههههههههههههههه انتي وحدك راهم فاتو 3 ايام و ماجيتيش عزيتي .المشكل يا ليليا انو بعض الزيجات من الاول عارفينها ماتكملش لكن يطولو في الحالة حت تفوت مدة و هذا المدة كون غير كانو يصلحو في الاخطاء و لا يخممو في الحلول لمشاكلهم تلقاي كل واحد عايش في جهة و باه يطلقو بطفل لالا يخلو حتى يطلقو ب3 او 4 و كيما قلتي شكون الضحية الذراري اما هوما كل واحد يعيش حياتو سوغتو الام اذا كانت ماعلابالهاش بولادها هنا تكون الكارثة.اصلا من اسباب الطلاق هي العيش في الاحلام في فترة الخطوبة تقول هو روميو و هي جولييت و بعد الزواج يبان المستور.ربي يجيب الخير برك

[maram.espoir]

تحيه ليك soso sirin و الله كلامك جواهر و منطقي
و عالجت الموضوع بحيادية تامة من جميع جوانبة
مرة تلومي المرأة و تعطي الحق للرجل
و مرة تلومي الرجل و تعطي الحق للمرأة
تبارك الله عليك ما خليتيلي ما نقول في الموضوع chapeauuuuuuuuuuuuuuuuuuuuuuuuuuuu