مشكلتي زوجي

[LAMRIA]

.................................................. ................

[khalwi]

با أختي من حقك تسكني وحدك.................. لكن للضرورة أحكام و ممكن زوجك مش قادر يكري و انتي لزيتيه للكراء........ و ممكن في دارهم تلقاي راحتك.............. و عسى ان تكرهوا شيئا و هو خير لكم....... ديري ديما ربي في بالك و بالتوفيق

[نايفز55]

تعقدوا امور ومن بعد تحصلو ارحموا راجل شويا ما عندوش ماعندوش بسيف

حبتوا يخلقلك دار وحدك من ليه بدراهم كون جاء عندوا راح يبخل رحوا

اقنعوا شويا واثبروا ولا طلقي وهنيه

وعندوا حق في طلاق افضل من وجع راس

[fadhilahed]

اوقفي مع راجلك شوية وتحملي هكذا يزيد يحبك اكثر وين الاشكال اذا سكنتي مع والديه راكي تعقدي في الامور على روحك يتسمى ترجعي لوالديك نورمال و الا هو ما يرجعش كوني واقعية

[شذا الربيع]

اول شيء شهدي واستغفري اختي الكريمة ثم ان حل الطلاق هو آآآآآخر حل تفكرو فيه فمدة زواجكم شهرين فقط يعني فرحة الزواج مازال ما خلاصتش واصعب مرحلة في الزواج هي السنة الاولى منه
حطي روحك في بلاصة راجلك فرضا يعني وبعيد الشر على باباك لو كان هو اللي مريض كنتي اكييييييييييد فضلتي انك تبقاي بجنبو اطول وقت ممكن خصوصا انك قلتي ان مريض مرض لا يرجى شفاؤه ايضا هو وحيد امه يعني هو اللي لازم يكون بجنب امو وابوه واخواته في هادي الشدة ثانيا حطي روحك في بلاصة امو وعندك طفل وزوج بنات والطفل متزوج وبعيد عليك ولا حطي روحك في بلاصة واحدة من خواتاتو لي تكون محتاجة لاخوها قدامها ويوقف بجنبهم وينحي عليهم ثم انه هو في مقام والدهم خممي بشوية برك وما تعقديش الامور وبادري انتي بالحسنة والنية الطيبة والكلمة الطيبة والفعل الحسن اكيد ربي رح يكون معاك ويعوضك
انصحك الا تفكري ابدا في الطلاق لاجل اسباب لا تدعو الى ذلك معليش كملي عامك الاول وعيشي احلى ايامك مع زوجك وحدكم ومن بعد روحي عيشي مع اهله واعتبريهم اهلك اللي فارقتيهم

[samira244]

من المفروض تبدلي العنوان الى انا مشكلة زوجي مش انو زوجك هو مشكلتك من المفروض تعاونيه و توقفي معاه في الظروف كامل لا انت تزيدي عليه كي مازال صابر معاك و ماطلقكش احمدي ربي عنده الصح وماماه ليمن يخليها ؟ اقراي شوية احاديث الرسول عليه افضل الصلاة و السلام عن الزوجة و زوجها و مبعد احكي ربي يهديك

[حرة في بلادي]

يا اختي...انعلي ابليس
وروحي معاه لدارهم اسكنو
واذا صعابت عليكم المعيشة وصراو مشاكل راه يكره وحدو
ويكريلك

[hodahodahoda]

يا اختي هو وحيد امو
امو تشوف غير ليه
و علاه ما تقبليش تسكني مع امو اخواتو ممكن يتزوجو

[hamdanhamdod]

الله يفرج عليكم

[رحمة من المولى]

و الله اختي لوكان يموت باباه لا قدر الله و هو بعيد عليه راح يحملك المسؤولية و تعيشي المر اكثر من الآن بما انو وحيد امو يجي نهار و تسكني وحدك الله يهديك حنووونة مهما كان لازم تصبري مع راجلك واللي فيها الخير ربي يجيبها و ربي يهنيك ان شاء الله

[sara160349]

و الله غريب حالك من شهرين فكرتي فالطلاق و ما عشتي مع اهلو ما شفتي منهم والو واش حاسبة الزواج فيلم هندي هذه شراكة مؤسسة تخمي في نجاحها ماشي من كل حاجة نطلق و من بعد ساهل عليه الحال خصوصا ماكانش لولاد و الله يزوج بكل سهولة و انتي اقعدي مع هاجس المطلقة يا اختي ناس عاشو مع اهل الزوج عشر سنوات و اكثر و الله عيب يكون وحيد امو و تبعديه عليها كما تدين تدان يجيوك ولاد و يرميوك هكذا ربي يهديك عيشي معاهم وخلي ليامات تحكم

[~~ أغيلاس ~~]

يعني تريدين من زوجك أن يترك أمه و أخته يعيشان بمفردهما في منزل و هو الذكر الوحيد في منزل ؟؟!!

عندك عقلية شغل تربيتي في تكساس ولا لاس فيغاس،

إن لم يكن زوجك سندا لأمه و أختيه فمن لهما بعد الله ؟

شخصيا أنصحك بالطلاق لأنني لا أرى رحمة في قلبك،

لو كنت مكان زوجك لطلقتك قبل أن أرزق بالذرية،

رزق الله هذا الشاب الزوجة الصالحة التي تعينه على بر والديه و حفظ أختيه .

[~~ أغيلاس ~~]

نسيت،

ليس زوجك مشكلتك،

بل أنتِ مشكلته،

مسكين،

ابتُلِي بك،

كان الله في عونه .

[nibrasse 76]

انا نقولك طلقها ...ما تحشم ما والو .....

[رانيا لوك]

انت ترضي لاامك هكذااااااااااااا استغفر الله انا زوجي يقولي نسكنو وحدنا ويترجئ فيا وانا نقولو لالا نطلق وما نسكنش وحدي ب رغم عجوزتي عندها 6 اولاد مش واحد اتقئ الله

[imane1]

كم أنت مخطئة أختي ..
الخطأ يركبك من رأسك إلى أخمص قدميك


حقيقة لا أدري ما أقول أو بما أرد ..
لكن ,,

لماذا تأبين العيش معهم ولم يُأذوك بشيء ؟ يعني بسم الله لك شهرين زواج فقط

أصلا أختي


قبوله بالكراء أول مرة خطأ

الصحيح أن يبقى في بيت أهله بجانب والده وأمه

لأنه لا مال الدنيا ولا حور نساء الارض قادرون على أن يعوضوه عن والديه إذا فارقاه


لو لم يكن وحيد أهله من الذكور أو على الاقل لم يكن والده مريضا

لربما جاز لكما الكراء والاستقلال بمنزل

أما والحال كما ذكرت , فصدقيني غير ممكن على الاطلاق

ولا يتقبله عقل بحال


راجعي نفسك

حماتك مثل أمك
وأختيه كأختيك

"وكونوا عباد الله اخوانا "



وكم جرحت قلوباً بموقفك هذا , حتى نحن ونحن نقرأ تأثرنا ودمعت أعيننا

فما بالك بأمه ؟


الأنانية أختي وحب النفس , أخرجت إبليس من الجنة
والأنانية أختي ,, شرّعت " القتل في الحياة " ودفعت أخاً , لقتل أخيه

أنت وبكل برود تطلبين من زوجك أن يسهر مع أهله الى منتصف الليل ثم يأتي الي منزله وينام ؟

وأين تكونين أنت أختي وهو يواسي أهله ؟ أين دورك كزوجة , أوكزوجة ابن ؟

وهل إن عاد بعد منتصف الليل تتوقعين أن يأخذك بالأحضان مثلا ؟

أو أن يسهر نصف الليل الآخر , يفكر في سبب كره زوجته لأهله , ولن يزيده ذلك منك الا نفوراً


لو أنك على القليلة قلت له : أذهب معك يوماً بيوم للقعود معهم ومساعدتهم
وماذا في ذلك ؟
أليست صلة رحم ؟ وكوْنٌ في حاجة الأخ ؟وإرضاء للزوج ؟وانتصار على النفس الأمارة بالسوء؟

ثم إذا رفض زوجك الحل الذي اخترته له , والذي يخدمك أنت وحدك دونه ودون أهله *لن ينال من حلك الا التعب *

تصفينه بالعناد وبأن " راسه حجر " وأنه كأنه الوحيد الذي لديه والدين ؟؟


حقيقة يبدو ذلك ..

يبدو أنه الوحيد الذي له والدين فعلاً

ونرجوا جميعا أن يظل رأسه صلباً كالحجر أختي



وإلا

هلك ,, وبسبب منكِ



راجعي نفسك اختي
راجعيها ..

[السيدة كرمين]

بصراحة أنتي غالطة كيفاش بعيد اشر راجل يتوفى باباه يخلي يماه واختو وحدهم هذا اذا دارها مشي راجل واذا مارحتيش معاه ماشي مرا
وتاخذي رايي اذا كان راكي متمسكة بفكرك مثل هذا الرجل غير ماتضنايش معاه لأنك رح تظلميه وتظلمي أولادك

لحياة ماشي دار وحدك وطبخ ونفخ و.... الحياة مشاركة تعيشيها مع زوجك على لحلوة و المرة وتكوني قد كلمة زواج وتحمل مسؤولية
ننصحك تراجعي حساباتك وتفهمي معنى هذا الميثاق الغليظ ، الدنيا يوم ليك ويوم عليك وهذا الرجل لي يفكر هك غدوة تأكدي لوكان
كاش مايسرالك بعيد اشر يرفدك تاع اصح . كوني حرة انتي ثاني وسمعيه واش يحب قال والديك هوما والديا وعمري ما نخلي يماك
واختك وحدهم وانت وانا عايشين واتفاهمي معاه على طريقة العيش وواجباتك وزياراتك لأهلك والعكس .
ربي يهديك اعرف اني قسيت عليك لكن هذا لصالحك والدنيا دوالي وايضا خوذي راي لي تبكيك ماشي لي تضحكك

[~~ أغيلاس ~~]

بصراحة أنتي غالطة كيفاش بعيد اشر راجل يتوفى باباه يخلي يماه واختو وحدهم هذا اذا دارها مشي راجل واذا مارحتيش معاه ماشي مرا
وتاخذي رايي اذا كان راكي متمسكة بفكرك مثل هذا الرجل غير ماتضنايش معاه لأنك رح تظلميه وتظلمي أولادك

لحياة ماشي دار وحدك وطبخ ونفخ و.... الحياة مشاركة تعيشيها مع زوجك على لحلوة و المرة وتكوني قد كلمة زواج وتحمل مسؤولية
ننصحك تراجعي حساباتك وتفهمي معنى هذا الميثاق الغليظ ، الدنيا يوم ليك ويوم عليك وهذا الرجل لي يفكر هك غدوة تأكدي لوكان
كاش مايسرالك بعيد اشر يرفدك تاع اصح . كوني حرة انتي ثاني وسمعيه واش يحب قال والديك هوما والديا وعمري ما نخلي يماك
واختك وحدهم وانت وانا عايشين واتفاهمي معاه على طريقة العيش وواجباتك وزياراتك لأهلك والعكس .
ربي يهديك اعرف اني قسيت عليك لكن هذا لصالحك والدنيا دوالي وايضا خوذي راي لي تبكيك ماشي لي تضحكك


بارك الله فيك و في أمثالك،
جميل أن يكون الرّجل طيّبا، حنونا، و عطوفا،

لكنّ هذا لا يكفي،

لا بدّ من الحزم أيضا،

لأن بعض النّاس من ضعاف النّفوس يستغلّون طيبة الغير لنشر الفساد،

أشفق على هذا الرّجل،

يبدو طيّبا أكثر من اللّزوم .

[السيدة كرمين]

بارك الله فيك و في أمثالك،
جميل أن يكون الرّجل طيّبا، حنونا، و عطوفا،

لكنّ هذا لا يكفي،

لا بدّ من الحزم أيضا،

لأن بعض النّاس من ضعاف النّفوس يستغلّون طيبة الغير لنشر الفساد،

أشفق على هذا الرّجل،

يبدو طيّبا أكثر من اللّزوم .


الله يبارك فيك اخي وشكرا للاقتباس

زوجها ليس طيب لأن الطيبة في زماننا تنم عن ضعف

بل هو رجل حقيقي وليس متسرع

يعرف مايريد وسمع ما تريد ولن يقرر حتى يكون الأمر واقع

وحتى ان لم يتوفى والده -بعيد اشر -

اكيد انها طاحت من عينه بهذا يكون اختبرها وعرف انها ما يتعولش عليها

أظن انها من تستحق الشفقة لأنانيتها وسقطت من أول اختبار

[منهاج]

السلام عليكم

الله يفرج بالخير

[LAMRIA]

......................................

[LAMRIA]

يعني تريدين من زوجك أن يترك أمه و أخته يعيشان بمفردهما في منزل و هو الذكر الوحيد في منزل ؟؟!!

عندك عقلية شغل تربيتي في تكساس ولا لاس فيغاس،

إن لم يكن زوجك سندا لأمه و أختيه فمن لهما بعد الله ؟

شخصيا أنصحك بالطلاق لأنني لا أرى رحمة في قلبك،

لو كنت مكان زوجك لطلقتك قبل أن أرزق بالذرية،

رزق الله هذا الشاب الزوجة الصالحة التي تعينه على بر والديه و حفظ أختيه .

كلامك جميل يا غلاس لا مادا لو قلت لك انني وحيدة امي والدي متوفي امي كبيرة السن لا تقدر على حاجاتها انا دراعها المين عندما اكون معه كل صباح ادهب اتفقدها من غداء ودواء وحمام لانه رفض العيش في منزل والدتي
لا تلومني قبل ماتعرف
راك خويا وانصحني واش اندير
ارجو الررد

[ٱولادي ٱحبابي]

يا اختي اصبري مع زوجك انا 9 سنين زواج و 2 اطفال و زوجي امكتنياتو ماشاء الله و عندو منزل لكنو رافض يسكنو و راني لحد اليوم معاهم هاذاوين هداه ربي و اقتنع باه تستقرو حتى انا خممت في الطلاق عدة مرات بصح نعلت الشيطان و تحملت و اليوم الحمد لله فرج ربي و قريب نرحل داري بعد سنين الصبر صح مر لكن لازم فكري اختاه و ربي يسهل و يفرج امين