شريتهم بعد عملية بحث طويلة لكن

[karima ikram]

السلام عليكم


بعد عملية بحث من بداية السنة تم العثور على مرجع العلوم احمد امين خليفة وكتاب المغني ولكن ماعنديش وقت باش نحل فيهم ولا حتى نفتحهم هل يوجد حل أو اقتراااح ساعدووني :sdf:

[NaTaLiE]

سلام

هذا أمر عجيب !!!!
كيفاش حوستي عليهم و بقيتي تسناي و من بعد شريتهم باش تتفرجي فيهم ؟؟؟

لا يا أختي ، شوفي راني علبالي الوقت ضيق مع ليكور و كلش بصح كاين حل .

كل يوم ديري ساعتين حلي على الأقل تمرينين علوم و تمريننين رياضيات هذا إذا كان وقتك جد ضيق

لأنو لازم على الأقل كل يوم 10 تمارينات مقسمة كالتالي رياضيات + علوم + فيزياء = 10

صدقيني يا أختي الوقت راهو في يدك كي تحبي تحلي حتى 20 تمرين تحلي ..
بصح لازم شويا كوراج و صبرو إراااااادة كبيرة ، لأنو نفسك تقلك ماكانش وقت بصح نتيا قولي لالا كاين و يكفيني ديري هدف في نفسك لازم تحلي كل يوم ولو تمرين من كل مادة ..

خصصي يوم الجمعة للحفظ + تمارين و نفس الشيء بالنسبة للسبت بغض النظر عن ليكور عندك ولا معندكش لازم تتعبي

والو ميجي بالساهل

وربي يوفقك أختي ، نمنى نكون ساعدتك

و متنسايش بلي كلش يفوت ـ و فرحة النجاح لا تقارن بالتعب

Good Luck

[Flenn]

من فضلك قوليلي منين شريتيهم ? واش من ولاية ?

[NaTaLiE]

من فضلك قوليلي منين شريتيهم ? واش من ولاية ?


أظن أنهم متواجدون في جميع الولايات !!
ألم تجدهم في ولايتك ؟

[Flenn]

أنا من الجزائر العاصمة ? واش من مكتبة تبعتوني ليها

[المثابر الأواب]

نصيحة أخوية غير حلي تمارين تاع لمغني مهما كان
وفقني الله و أياكم