لماذا تفعل هذا أمي ؟ ماذا أفعل ؟ ساعدوني

[مشكلتي]

السلام عليكم رحمة الله تعالى وبركاته

إذا تخطبت بنت عمي نتبخس بأقسى كلمات وإذا تزوجت بنت جيران متخليلي ما تبقيلي حتى وليت نشوف زواج كأ|نو شيء مخز ما دام يسببلي مشاكل في دار

أنا واش ذنبي تقدمولي ناس ومرتحتلهمش ومزالني صابرة ربي سبحانو وتايبة بعد ما كنت سايبة وتاع علاقات وعدت ربي نتوب وحمد لله نسمع بنات داروا علاقات وتزوجو صح نتقلق مي كي نصلي ونقوم ليل تنزل رحمة ربي وشيء في قلبي يقولي أنت دورك مزال أصبري

عمري ماغرت من بنات حبابات نروح ونفرح ونلبسهم وحتى نعاونهم ونضحك ونهار جي كيما العادة حتى نبكي
وليت نشك أنو أمي ماشي أمي خاطاش معاملتها معايا ومع خواتي ماشي كيفكيف
كأنو أنا غير شرعية ولازم تخلص مني بأي طريقة حتى ولت نفكر نقول بلاك مهيش أمي بلاك أان غيبر شرعية مرة قتلها تبراي مني باش تتهناي واش ذنبي أنا واش ذنبي ساعات نقول نروح نترجا واحد يتزوج بيا ونتهنا ساعات نقول كون يجي شيخ نقبل به ولا هذا ذل وين نروح والله ما عندي كون عندي والله ما نقعدعا تقولي معندكش راي مكيش طفلة عقونة متصلحيش حتى وليت نخبي عليعها زوجات الناس لأنو راح ندفع الثمن وليت نشوف روحي عالة عليها وليت نقول أمي لي لازم تعيني على طاعة ربي وذكروا ترخسني وعلاه قتلها من قبيلا حرام عليك والله حرام عليك صح أم تتقلق على بنتها لكن ماشي لهادي درجة والله أنا منيش يائسة ولا حتى مقلقة عندي 26 سنة و عندي ليسانس حقوق بلكس صابرة ووحد رحمة ربي حاطها عليا ربي حمد للهنصلي ونصوم نوافل ونقوم ليل باش نصبر ورانا عايشين علها خير ليا لكن لي مقدرتش نحمل أميو ناس عليا صعيبة واش ذنبي وين نروح أنا وين والله ما عندي

[الحلم الجميل]

السلام عليكم
انا في اول السطور كي كنت نقرا قلت بلاك عندك شي 40 عام
يااو مازالك صغيرة و امك ربي يهديها كاين نساء بزاف هكذا كي يسمعوا وحدة تزوجت
و بنتهم لالا يقولو صاي راها بارت عندي ..ما تقلقيش روحك هاذي ماماك راها غير خايفة عليك
و ما تخليش الوسواس يدخل بينك و بين امك ..رايح تندمي
فقط نصيحة ماشي كي راكي مقلقلة معناها تتزوجي الي جاك لالا خممي مليح
هذا زواج..
ربي يرزقك بزوج صالح و يهنيك و يهدي امك و ما تقنطيش روحك مازلكي صغيرة

[فحلية]

الصبر مفتاح الفرج
الزواج مكتوب مولانا ، أمك قلقة على مستقبلك وتريد أن تطمئن عليك فقط ولا تستطيع منع نفسها من هذا التفكير
أنت عاقلة وقارية والحمد لله .
اللهم ارزق بنات المسلمين الزوج الصالح

[لمعة السيف]

وعليكم السلام
اختي .فعلا هناك أمهات هداهن الله وبمعاملتهن هذه يساعدن بناتهن في الانحراف ..لا يعقل
للام الذي تتحمل مسؤولية البيت والاولاد وفي الأخير تتصرف تصرفا خطيرا يجعلها تعض اصابعها ندما لاحقا
لا يعقل لام حملت وانجبت وربت وكبرت وتعبت كل هذا التعب وفي الاخير تفقد صبرها ولا تتحكم في غضبها وغيضها
هذه الانواع من الامهات للاسف بعدهن عن الدين وعن قيمه ولد فيهن القنوط والحسد والبغض والانانية وعدم الرضى بقضاء الله وقدره
ولد غضب كبير للاسف فلذة كبدها هو من يدفع ضريبة ذلك ..اختي بارك الله فيك لا تقنطي وتيأسي من رحمة الله عليك واستمري هكذا ولا تبالي من افعال والدتك اتجاهك وتجاهليها ولا تسمعي كلامها القاسي ..تعودي كما انت على الصبر والذكر والصلاة والدعاء وخاصة اثناء الليل
وتأكدي ان الله لن يخذلك وسيجعل لك مخرجا ويرزقك زوجا صالحا اقول ليس اي زواج لانك مازلت صغيرة هداها الله والدتك انت صغيرة وبشهادتك فوق كل هذا بضميرك الذي ماشاء الله عليك تحملي قدر الامكان .ولا تنهاري وتضيعي والدعاء هو سلاح المؤمن
ادعي لك ولوالدتك ان يهديها الله ..فرج الله كربك اختي ..

[moh140]

http://dc05.arabsh.com/i/02544/bszi6goilcuy.gif http://dc05.arabsh.com/i/02544/bszi6goilcuy.gif
http://dc03.arabsh.com/i/02544/f4lpplr322ad.gif

[*ماسة *]

اصبري و اثبتي يا أُختاه، وتمسكي بالله
اختاري المناسب لك ، ولا تيأسي من رحمة ربك فهو مكتوب الله ،وما كتبه الله لا يتذمر منه عبده
و أمك هداها الله ،لا تعلم أن مثل هته تصرفات تجعل الفتيات تتمردن ، ومن ثم يلمنهن لأنهن لم يحافظن على أنفسهن.
ربي يهنيك ختي ويسعدك وما تقلقيش من مكتوب ربي

[محمد جديدي التبسي]

ربي يعينك التمسي لأمك العذر في هذا المجتمع الذي يدعو للتشاؤم مع انحسار الزواج وكثرة الحرام
ربي يرزقك بالزوج الصالح تأكدي أن أمك تحبك وتحب لك كل الخير وتحمل همك لكنها تخطئ في طريقة التعامل معك فقط

[مياسم الصمت]

السلام عليكم ورحة الله وبركاته
اختي اعانك الله على الصبر هذا ما ادعو الله ان يمنحه لك ويسكن الطمانينة قلبك

اختي الكريمة انت مازلت صغيرة والزواج قدر مكتوب ما اصابك لم يكن ليخطئك وما اخطاك لو يكن ليصيبك فما عليك الا اللجوء الى الله والدعاء له . والدعاء وحده يمكن ان يغير القدر

اما امك فاكيد هي تحبك وتتمنى لك الخير لا يمكنك على الاطلاق ان تشكي في هذا لكن خوفها عليك وعصبيتها الزائدة
وربما جهلها وعدم ادراكها بانه مكتوب مثل الموت تماما
قلت كل هذه الامور تتجعلها تتعامل معك لا اقول بعدوانية فهي امك بل اقول بعصبية

لذلك نصيحتي لك اختي ان لا تجاريها في ذلك عندما تبدأ ثورتها المعتادة اصمتي لا تردي عليها على الاطلا ق لان ذلك سيشحنها اكثر فتتمادى في عصبيتها
انصحك عندما تبدا بالغضب قومي للصلاة فاكيد سوف تكف او اقرئي القرآن
لكن لا تبالي ولا تتاثري بكلامها

امر آخر اقترحه عليك لماذا لا تجعلي امراة اخرى قريبة من امك حتى تحاول افهامها الامر وان لا تحاول الضغط عليك

اؤكد عليك عندما تبدا عصبيتها التجئي الى الله بالصلاة وقراءة القرآن حتى تهدا عصبيتها وتطمئن نفسيتك ايضا

ادعو الله ان يمنحك الصبر ويرزقك آجلا وليس عاجلا بزوج صالح وذرية صالح
يا رب

سلام

[ادرة مكنونة]

السلام عليكي
ادعي لامكي بالهداية

[mancer nassira]

اصبر حتى يفرج عليك ربي سبحانه وتعالى

[khalwi]

الزواج قسمة و نصيب

[soso sirin]

مكانش ام ماتبغيش بنتها ممكن امك عصبية زيادة و لا راهي خايفة عليك انو كاش مايصرالها لا قدر الله و تخليك موراها و ممكن انتي راكي مقلقة على هكا اي كلمة تقولها امك راكي مكبرة الحالة.راح نقلك وحد الحاجة لكن هذا مش راني نحاسب فيك لانو كاين ربي هو الي يحاسبنا و لانو كل واحد فينا راه عندو ذنوب انتي قلتي انو كان عندك علاقات سابقة ممكن الشي الي راكي حاسة بيه و الظروف هاذي ديريها تكفير لذنوبك و ربي رؤوف رحيم انتي اصبري و ربي راح يرزقك براجل يعرف قيمتك و يقدرك و مازالك صغيرة.و امك اصبريلها راه كلو اجر ليك

[hamdanhamdod]

انسان يتفائل بخير

[" أبو عبود"]

صراحة يوجد تناقض في كلامك. إذا كنت بهذا الايمان فكلام امك يجب ان يكون بالنسبة إليك مدح مهما كان. لم تقلقين. خليها تقول واضحكيلها خليها تسب ترخس في الاخير صدقيني رايحة تولي تعزك الى درجة مش ممكن تتصورريها. انت صبرت على كل البلاء وكلمات من امك قلقاتك؟ سبحان الله. اذا ايمانك قوي راه الكلام ما يحركش فيك شعره. وهذي امك اياك تقوليللها كلمة او حتى بيني وبين روحك تتضمري منها وغلا فان كل اعمالك راهي في خبر كان. اصبري وسامحيها راهي مقلقة عليك مشاي تقلق فيك. ولو كان راهي تكركهك او تتمنالك الشر كان راهي طيشاتك من الو مرة. فكري مليح في كلامي وربي يجب الخير.

[jomana jiham]

عادي اختي أنا ثاني كانت ديرلي هاك مين تسمع بوحدة صغيرة تخطبت تبقى تعاير فيا كنت عاد في سن 19 و 20 و ندرس في الجامعة أنا نقرأ وهي تعاير.حتى ولات تسمع بكثرة الطلاق و خاصة صغيرات السن,بردت و ما ولاتش تهدر معايا.

[naamane3]

اولا احيي فيك محافضتك على صلاتك وقيامك الليل
ثم احيي فيك حفاضك على نفسك وعدم الوقوع في العلاقات الغير شرعية
ثم احيي فيك صبرك على أمك وقلة فهمها وكثرة ذمها
ثم اما بعد الزمي الاستغفار فمنه يأتي المخرج من كل هم وغم وكرب
واكثري من الدعاء لك ولأمك وللمسلمين
ولا ترفعي صوتك على أمك ولا تغضبيها
واخبريها بحديث رسول الله صلى الله عليه ومسلم
ماكان لك لن يصيب غيرك وما كان لغيرك لن يصيبك

[منهاج]

السلام عليكم

اختي ربي يفرج عاجلا غير اجل ويرزقك ولد الحلال لي يسر قلبك وعقلك ادخلي تخدمي حتى تلهاي وما يأثرش فيك الكلام

لانو كون تقعدي غير تسمعي الكلام اح تموتي بالقنطة

[pharma-93]

ماتتقلقي ما والو اختي كلشي بالمكتوب وماشي اي واحد يجي وتقبلي بيه وتقولي المهم ارتحت من هدرة يما العكس هكذا راكي تعاقبي في روحك انت اصبري ومهما كان هاذي يماك وربي يهديه ويجعلك زوج صالح في اقرب وقت

[nadine0159]

انا راييي هو انو 26 سنة لازم تبدا الفتاة تفكر بجدية ف الزواج وبلا انت كبيرة ماماك وحابة تفرح بيك و بلاك انت ترفضي في عرسان بالنسبة لماماك مناسبين
وانت توكلي على ربي و تزوجي لانو اللي يروحو خير من اللي يجيو و كل شيء مكتوب و ربي يهنيك اختي و رضا الوالدين واجبة اصبري راهي ماماك ربي يخليهالك

[قطر الندى13]

ربي يرزقك بالزوج الصالح

[elgharbi karim]

عادي اختي أنا ثاني كانت ديرلي هاك مين تسمع بوحدة صغيرة تخطبت تبقى تعاير فيا كنت عاد في سن 19 و 20 و ندرس في الجامعة أنا نقرأ وهي تعاير.حتى ولات تسمع بكثرة الطلاق و خاصة صغيرات السن,بردت و ما ولاتش تهدر معايا.