واش؟؟ دارك وحدك؟؟ و لا تونس ميمتك؟؟

[ghada91]

اعضاء المنتدى السلام عليكم


الخطاب راهو ليك **الزوج**او **عريس المستقبل**

و الرد راهو للجميع


واش؟؟ قريت العنوان؟؟

ايه مالا واش قررت؟؟

بعدما تتزوج.. دير دارك وحدك ؟؟ و لا تعيش مع يماك


....................................

هي في الحقيقة الواحد يسكن وحدو مع مرتو و ولادو مرتاح البال لا مشاكل لا جدال المصرف قليل و الفاتورة على حسابهم ووو....

آآآآآآآ ...بصح لوكان تعيش مع الحوانا كيما نقولو: المشاكل و تكسار الراس و قاتلي و قاتلك..و عملتلي و عملتلك...

بصح علاش ما نرجعوش كيما بكري..كانو كامل يعيشو في دار وحدة بصح الضحك و اللعب و لومبيونس دايرين حالة

انا نقولكم ما نقدروش نرجعو كيما بكري تعرفو علاش؟؟

علاخاطر كاين وحد الحاجة اللي غابت علينا و ماعادتش كيما زمااان
اللي هي النــــــــــــــــــيــــــــــــــــــــــــة

......المهم راني طولت عليكم بالحديث..و الحديث طويل و مايكملش

نخليلكم المجال للتعبير عن ارائكم

اليكم الخط

[hodahodahoda]

الواحدة تعيش بدلرها وحدها احسن
لكن اذا كان زوجها ماعندوش
المهم يكون التفاهم من البداية

[أمّ عبد الله]

عن نفسي نحب نعيش مع العائلة ...... ما نحبش نكون وحدي

[nouna l maghbouna]

المهم التفاهم

[" أبو عبود"]

افضل ان اعيش لوحدي لسبب بسيط حتى اقطع كل واسلئ الاحتكاك بين قطبي مغناطيس كلامهما موجب. فاتراح واريحهما معا. وان فعلا اعيش لوحدي منذ 2007

[sara160349]

افضل ان اعيش لوحدي لسبب بسيط حتى اقطع كل واسلئ الاحتكاك بين قطبي مغناطيس كلامهما موجب. فاتراح واريحهما معا. وان فعلا اعيش لوحدي منذ 2007

انا مع راي الاخت كلام جميل انتي مارايحة تعجبيهم كون تشعلي صباعك شمع و هوما ماراح يعجبوك كون يكونو ملائكة الدين في حد ذاته شرع للمراة منزل منفرد علاه راكم تهدرو و تعاودو وكان المشكل هو المرأه كاين رجالة يحبو الخصوصية

[ايمان نور الجزائر]

مليحة ...وهدرتك صواب
لكن لا يوجد افضل من الاستقلالية في وقتنا الحالي

[رحيق القلوب]

عن نفسي نحب نعيش مع العائلة معنديش مشكل لكن ادا كان تفاهم و حاكمين حدهم اهل الزوج لاني عن نفسي منحبش الظلم

[ghada91]

شكرا للجميع على الاراء المختلفة

المهم التفاهم كيمي قلتو

بصح قليييييييييييييييل وين تلقاهم متفاهمين

ربي يجيب الخير

[loufa]

ليس احسن من ان تكون المراة ملكة بيتها من البداية تفعل ما تشاء والعكس وهذا لتفادي الكثير من المشاكل

[" أبو عبود"]

يا جماعة إذا كان بيت أهل الزوج متسع للجميع بحيث يكون لكل شقة لوحده فهذا نعم الراي. فلا تشعر الزوجة بالوحدة وفي نفس الوقت تكن حرة فيما تفعل وما تلبس. هل يعقل أن لا يرى الزوج زوجته على طبيعيتها إلا في غرفة لنوم؟؟؟ أما في حال كان شقة وعلى الزوج وزوجته ان ينتظرا دورهما لكي للاستحمام واخوه داخل واخته تغسل الملابس والاخر يريد ان يتوضأ، صراحة هذه ليست معيشة والعزوبية افضل منها بكثير.

[hamdanhamdod]

اختي كريمة موضوع شباب بزاف في هاد الوقت مستحيل و 1000مستحيل مفاهمة بيت كنة وعجوز والحل هو الفصل بينهما وهاكة يتهن راجل من نكدين ويصبح في نكد واحد وتقبلي مروري

[ghada91]

بارك الله فيكم

شكرا على المرور الطيب

صح و الله صح فيما يخص الدوش

و الله عيب كي نفوت الكنة لابسة سوختيدبان قدام عجوزها

***و هاذا الشي انا مسؤولة عنو علاخاطرش صراتلنا فالدار

[ماسيلا]

و الله نعرف ناس بدارهم وحدهم و مش مانعين من اهل زوج
فمابالك بوحده تسكن معاهم ربي يعاونها
خويا ديما يقول عصر العبيد راهوا خلاص و ضرك الناس كامل لي تحوس علي لهنا يديروا دارهم وحدهم
و نعرف قصه واحد كاري قاراج او ساكن فيه مع مرتو المهم يريح راسو

كي تبعد الزوجه عن اهل الزوج في زوج يعيشوا هانيين و في شك

[ghada91]

صح و الله احيانا الابتعاد افضل من القرب

[" أبو عبود"]

اللي تحوس على دار وحدها تنتظر حتى ندخل الجنة فهناك يوجد متسع للجميع اما بالدنيا فلا اظن ان مليون سكن تاع اف 3 رايح يحل المشكلة.

[*الحواس*]

من غير المستحيل نسمح في دارنا و نسكن في بيت مستقل .....
بالنسبة لبيت الوالدين راه كبير و واسع و ما كان حتى واحد لي يقلقنا لا أخ و لا أخت , و لا زوجت الأخ ........

أنا نسكن الفوق و الوالدين يسكنو في الأسفل , مع توفير كافة الإحتياجات ...................و إن كانت لا تريد و ترغب في الإستقلالية , فهي حرة وأنا لا مانع لدي و الفراق سيكون الحل الفاصل .

[أندلس]

كل الفتيات تقول قبل الزواج نحب نعيش مع العايلة لأنها تظن عايلة الزوج ستعاملها مثل عائلتها و بعد الزواج تجدها تشتكي هذه سنة الحياة مستحيل يكون هناك توافق بين العجوز و كنتها
بكري بكري و اليوم اليوم ، و من قال لك لم تكن هناك مشاكل ؟ بل كانت موجودة و لكن اليد قصيرة و الرجل لم يكن يملك بيتا ليستقل به

[أندلس]

من غير المستحيل نسمح في دارنا و نسكن في بيت مستقل .....
بالنسبة لبيت الوالدين راه كبير و واسع و ما كان حتى واحد لي يقلقنا لا أخ و لا أخت , و لا زوجت الأخ ........

أنا نسكن الفوق و الوالدين يسكنو في الأسفل , مع توفير كافة الإحتياجات ...................و إن كانت لا تريد و ترغب في الإستقلالية , فهي حرة وأنا لا مانع لدي و الفراق سيكون الحل الفاصل .


سبحان الله و لماذا هذا التعنت ؟ الفراق هول الحل ؟فلتعلم اذن ان السكن حق شرعي للمرأة و اذا لم تجد راحتها في بيتك و طلبت السكن و حرمتها منه فقد ظلمتها و لتعلم ايضا ان المشاكل احيانا لا تكون فقط بسبب الاخوة و الاخوات بل بسبب والدي الزوج ، هما والديك و تحبهما و لكنهما ليسا والديها على كل حال و لن تعاملها أمك كما تعامل ابنتها لا ادري لماذا لا تعترفون و لو مرة واحدة في حياتكم أن ما من عجوز تحب كنتها ؟؟؟

اللي تحوس على دار وحدها تنتظر حتى ندخل الجنة فهناك يوجد متسع للجميع اما بالدنيا فلا اظن ان مليون سكن تاع اف 3 رايح يحل المشكلة.
المسألة مسألة مبدأ فالرجل الجزائري يرفض أن يسكن زوجته وحدها إما لأنه من النوع الشكاك أو حتى لا يقال بأن زوجته تتحكم فيه أو ليثبت رجولته أو لأنه يعيش تحت سيطرة والديه مع أن الكثيرين لهم القدرة على توفير سكن مستقل

[نورة أسماء]

السلام عليكم

شكرا على الموضوع.....بصراحة انا جربت السكن في الحالتين مع العائلة في بداية زواجي كانت نوعا ما صعبة عليا تحملت سنتين عيشة معهم ومن ثم انتقلت للعيش وحدي كان ولا اروع اتمتع بحريتي وراحة بالي والان صارلي 4سنوات راني غاية الحمد لله في رائي مكانش كي دارك وحدك تحس المراة انها ملكة بيتها

[السي محمد]

مع اُمي .إن شاء الله

[السي محمد]

و كأن توفير سكن مُستقل هو بسهولة شراء شريحة جيزي ب 100دينار؟؟؟

غير ارواح و اشري سكنة؟؟؟

ربي يهديكم

كاين اللي يعيش 10 سنين بطالة سوداء قبل الحصول على عمل

و تجي لالة تقولو نسكن وحدي؟؟؟من وين؟ ؟؟

[مواطنة]

انا لا احبذ ان يبتعد الابن كثيرا عن والديه لذلك الافضل ان يكونو ساكنين مثل الجيران شقة فوق شقة او شقة امام شقة لكن ان يعيشو في نفس البيت هذا ينقص كثيرا من الخصوصية و ينقص من زيارة اهل الزوجة لابنتهم وتكون الرسميات و البروتوكولات قائمة فلا يعيش الانسان بطريقة طبيعية لكن كل راجل وظروفو و المراة من الاول توجد روحها لهذا الشي
وزد على ذلك ان وجد اطفال فيصعب تربيتهم بين كذا شخصية و الوالدين يربو و اهل الزوج يفششو يعني تصير غير متحكم في حياتك و فوق كل ذلك لازمك تقرير وين رحت وين قعدت وكل شي بالتفاصيل و اذا وقع خلاف بين الزوجين الكل يصير على علم و يفتح باب سين وجيم
احيانا ارى ان الزوجان يعيشان في بيت الاهل وكانهم اخوة
الله يرزق الجميع سكنا مستقلا و البر بالوالدين

[" أبو عبود"]

للاسف العقلية تاع معظم النساء هي حب السيطرة على الزوج واول مظاهر السيطرة أن تخرجه من بين أهله واولهم والديه وأظن أن من يفرط في والديه الذين فتضييع زوجته اولى لان والديه لايمكن تعويضهما اما زوجته فيمكن ان يجد من هي اصغر منها واجمل منها وارق منها وما الى ذلك.
لدي جار مات صبيحة عيد الاضحى. تزوج اولاده الخمسة. الاول تزوج ابنة عمه فكان ابوه راض عنه تمام الرضا والثاني تزوج قبائلية وهو في الصحراء. ابوه يخبر ابي أن القبائيلة تعاملهم اكثر من والديها وانه تقوم لا راحتهم ولا تدخر جهدا لذلك في حين ان ابنة اخيه الزوجة الاولى لا تفعل شيئا غير التذمر والنوم والشكوى والبحث عن اي طيرقة للخروج من بيت اهل زوجها لتسكن لوحدها. ورغم كل ذلك يضيف محدثا والدي: تبقى ابنة اخي احب الى من القبائلية. لمذا لدي من اقاربي من كانت متزوج من ابنة عمه ثم شاب من افعالها وازوج قبائيلية وهي في الف نعمه. والله اعرف العشرات. فهل القبائيليات ليس لهن شعور وحب للحرية؟ بلا لانهن يعرفن ما معنى الزواج وما معنى التضحية اذافة الى جمالهن الخلاب وهذا لا يختلف عليه اثنان. لهذا فقد استفحلت العنوسة عندنا بسبب التفكير السلبي للبنات.
نحن للاسف اصبح لدى بناتنا عقيلة الاميرات تريد قصرا لوحدها.
الرجل الذي يترك امه واباه من اجل امرأة رجل فاقد للرجولة والشهامة. من لم تتحمل والديك وتخرجك من عندهم لا يحق لها ان تحمل اسمك او ان تنجب منك اوالادا. يجب ان يكون خروجك من اهل والديك عن طيب خاطر منهما لانهما سيرحلان ويتكانك الى زوجتك وسف ترى من اولادك ما رآه واليدك منك. ط حرث الآباء يحصده الابناء".

[khalwi]

الهربة تسلك و اللي مش قادر يفتح بيت وحدو و الله ما يتهنى..................... يمنع من المشاكل من باباه يطيح في امو يمنع من امو يطيح في اختو...........يعود كي المهبول ما فاهم فيها والو و الناس كامل تشتكي من بعضاها و اللي تهدر معاه يقولك ابابابابابا مرطك اللي غالطة................... مالا الرحيل خير من القعدة معاهم و هذا لا يمنع زيارتهم و البر بهم..... انتهى

[*الحواس*]

سبحان الله و لماذا هذا التعنت ؟ الفراق هول الحل ؟فلتعلم اذن ان السكن حق شرعي للمرأة و اذا لم تجد راحتها في بيتك و طلبت السكن و حرمتها منه فقد ظلمتها و لتعلم ايضا ان المشاكل احيانا لا تكون فقط بسبب الاخوة و الاخوات بل بسبب والدي الزوج ، هما والديك و تحبهما و لكنهما ليسا والديها على كل حال و لن تعاملها أمك كما تعامل ابنتها لا ادري لماذا لا تعترفون و لو مرة واحدة في حياتكم أن ما من عجوز تحب كنتها ؟؟؟




أنا ما غاديش نظلمها , شروطي توضع من اليوم الأول , يعني المفاهمة من اليوم الأول قبل الزواج , إضافةً إلى الشروط التكميلية الأخرى ................

كما انني أعرف أمي و أبي جيداً , خاصةَ امي .............. لو كانت أمي صعبة المراس أو قاسحة نوعاً ما , فأنا هنا سأكون ظالما لزوجتي إن عاشت في بيت الأهل ...

[سجل أنا جزائري]

بالنسبة لي فالأمر محسوم فأنا أعيش في سكن مستقل و انا أعزب فبطبيعة الحال لما اتزوج ستأتي للعيش معي وليس مع أهلي :d

لكن رأيي الأفضل االاستقلال بسكن افضل بكثير حتى و لو تتطلب مصاريف أكثر في حدود المستطاع

لأنو العيش مع الاهل أراه تقييد للحرية الزوجيين و تحدث فيه مشاكل حتى و لو كانت الأم و الزوجة متفاهمين في الأول

[كاميلا]

صح بكري بصح بكري بعد اللي تحكي عليه كان الراجل "الشيخ يحكم في العجوزة اذا قاست كنتها والزوج يحكم في زوجته اذا تعدات حدودها اما دركا العجوزة تحفر للكنة والعكس والرجال يقولوا ان كيدهن عظيم ورواحي فكيها اللي يقدر من الاحسن الاستقلالية باستثناء ان كانت العجوزة او الشيخ توفي احدهما موحال بنت عايلة ترضى لزوجها يهمل في والديه لانه اذا همل فيهم في هاد الحالة تعرف باللي رح يهمل فيها من بعد

[soltana]

el dar wahdak sé mieux


hata rgadte wma takhodche rahtek

parcke majathe ghir fel 3jouza nn fel akh zawje w okhto w marte khohe wawladhom

[hamdanhamdod]

يا thawizat يا كاميلا تصالحوhttp://im41.gulfup.com/X1coJ.jpg (http://www.gulfup.com/?6QikYF)

[" أبو عبود"]

صراحة انت قلت كلاما عن القبائليات لا يليق بك قوله. كان يمكنك ان تعبري عن هاذ باستعمال كلام لا يفهم منه الشتمية كما فعلت. الله يهديك. وانا اعتذر للاخت القبائلية او للاخ لاني لا ادري هل هو رجل ام امراة واقول ك انها الغيرة. لان ابنائنا كلهم قرروا ان يتزوجو قبائليات او من الشمال والاخت تدرك ذلك ومن حقها لان الوضع بات لا يحتمل وكما يقول المثل " المرحم راح في جرة المجرم واقول للاخت كاميلا إذا كانت زوجة أخيك هكذا فهذا امر آخر ولكني اعرف اكثر 70 رجلا تزوجوا من قبائليات وهم في الف نعمة. والله قريبي تزوجها بنت 19 سنة آية في الجمال وهو بدوي راعي غنم والله تحملته لا سكن ولا مال ولا حتى شكل وهو الآن بفضلها وبفضل تدبيرها في الف نعمة من الله في حين اخوه تزوج ابنة عمه بدوية راعية غنم ثم اصبحت امه لا تكاد تشرب عنده قطرة ماء وليس هذا فقط بل تركته عدة مرات وقالت له بالحرف الواحد" انت لا تناسبني". يجب ان نواجه الواقع. هذه حقيقة بناتنا. قبل سنتين تعرف صديق لي قبائلي على بنت من الصحراء ورغم اني نصحته وقلت له بالحرف الواحد" ان ارذل بنت عندنا ترى نفسها ملكة في حال تزوجت ". ولكنه لم يسمع كلامي وتزوجها وقد انفق 150 مليون على عرسه. وبعد اقل من سنة هم الان في اجراءات الطلاق.
انا لا اقلل من شأن بنات الناس لكن الحقيقة مرة والحق لا يقبله الناس وهذه مشكلتنا. لقد اصبح شبابنا يهرب من بنات المدينة لان الامور خرجت عن السيطرة. ورغم كل ذلك يوجد زيجات ناجحة.
واقول للاخت كاميلا " الشرط عندكم 10 ملايين اين؟ عندنا تجاوز العشرين مليون وليس هذا فقط بل يجب ان تكون هناك فترة " ابتزاز" يسمونها الخطبوة حيث يدفع الرجل للخطيبة شهريا اما في المناسبات فحدث ولا حرج. ولدينا لعلمك عقدان. العقد بالجماعة وفيه مصريف على عاتق الرجل. وفيه شاة او كبش. ثم العقد الاداري وفيه ايضا وليمة.

[mounaminou]

شوفو يا جماعة رانا كامل جزايريين و والله ماكاين فرق بين الولايات و بين الاصول قبايلي و اللا عربي .......في جميع الحالات المراة مايش مليحة مالا خليوها تشرط السكن وحدها من الاول خير لانو من حقها تشرط واش تحب و اللي ضروفو ماتسمحش اكيد كاين اللي تقبل بيه مي يحط ف بالو بللي ديما السكن المستقل خير ....يبقاو حالات مثلا عندو والديه كبار برك و ماعندوش خاوتو célibataire ....او عندو اخت ماش متزوجة كبيرة وحدها ...اكيد ف الحالة هدي يعيش مع العايلة خير مام المرأة تخمم بعقلها تلقاها تقوللك ف الحالات هدو نعيش مع العايلة عادي خير مللي نكري

المشكل ف السكن مع العائلة هو نقص الخصوصية في المنزل و كثرة المسؤولية ايضا في عوض تطيب لراجلها و ليها و تدير ميناج خفيف توللي واقفة من الصباح للعشية تطيب لغاشي احيانا يوصل عدد افراد اهل الزوج ل 7 في بعض العائلات و كاين اللي
اكثر و ماش غير طياب +غسيل + مسيح ...المراة تنسا روحها و راجلها و ماتلحقش خلاص.....

المرأة المتدينة اللي تحشم جامي تلقا راحتها عند اهل الزوج ...في غالب الاحيان يقولو راهي متكبرة و ماتحشمش كيفاه جا الضيف و ماسلمتش عليه + كيفاه ماتنحيش الخيمار قدامنا ??....ديما مقيدة في لبستها و ديما تحس بللي راهي مقصرة مع راجلها من جهة من جهة تحس بللي راهي مخنوقة بالخيمار و الله حتا الصلاة توللي مقصرة فيها ....اما الفئات من النسا اللي تجرب تقعد alez تنحي الخيمار و تلقاها داخصا على خاوتو و لاقية راحتها تهدر برك و تلبس برك مي مع الوقت يصرا اي مشكل تتفاجئ بللي واحد مامدلها قدر و حتا سلافها مع الوقت مايقيموهاش ..

في مايخص تربية الاولاد كي تكون المراة على قدر من العلم و النضج اكيد ترببي اولادها ف بيت مستقل خير على قيم تمدهالو هي والزوج pas plus ...مانكدبوش على بعضانا لاكان كاين اطفال ف المحيط العائلي ماش ملاح رايح يتاثر بيهم بسرعة بلا ماننساو تدخل الجدة اللي ف غالب الاحيان يكون بحسن النية مي النتائج ماش كيما يترببا بين والديه ....و كاين امثلة من الواقع الطفل اللي يتربا بين عمومو les jeunes لاكان حكاو علا امور تاع لكبار تلقاه سجل كلشي والله كاين حتتا اللي يعلمولو الكلام البدئ من كثرة الاختلاط بفئات عمرية ماش قدوو ...و اكيد كون تتدخل الام توللي مايش مليحة

[- HOCINE -]

إذا تفاهمت العجوز مع الكنة
بليس يدخل الجنة