حصريا هريسة حااارة وعلى اصولها من مطبخي وبالخطوات المصور ....للمبتدئات [الأرشيف]

مشاهدة النسخة كاملة : حصريا هريسة حااارة وعلى اصولها من مطبخي وبالخطوات المصور ....للمبتدئات

أم المعتصم بالله

2013-11-15, 12:42

السلام عليكم ورحمة الله تعالى وبركاته
والصلاة والسلام على سيدنا محمد وعلى آله وصحبه اجمعين

اليوم جبتلكم حااااجة فووووور وخاصة اني شفت انوا العديد يحوسوا على خدمتها ...اليوم جبتهالكم على الاصول وبالشان والطبع كيما نديرو حنا في بوسعادة في شتاء ماكانش دار معدهاش الهريسة الحمراء اااااام ...والحرارة الله الله
نبداو مع طريقة التحضير بسم الله
اتجيبو كونتيتي مليحة تاع فلفل الاحمر انت وحسب العائلة تاعك لا كبيرة ولا صغيرة ومن الاحسن تغسليه وهو هك>ا ك جعبات خير يتغسل احسن ممبعد تقسميه على 2 وتنحي الزريعة ولا تنحيها كيما انت موالفة وما تنسايش تلبسي اليقو راهي حارة بزاف

http://im40.gulfup.com/5l3go.jpg
http://im40.gulfup.com/t7Mog.jpg

تخلي الجعبات لي تلقايهم شوي خضورة ما تستعمليهمش خليهم بجيه مع جعبات حمورة عدة ايام راح يحماروا .....والجعبة لي تعود خاسرة وكحلة ماكالاه تديريها تحمضهالك

http://im40.gulfup.com/HXWP6.jpg

ومبعد انا هنا غسلتهم بعد ما نقيتهم لاخاطر جداتي قالتلنا راني غسلتهم ومبعد وحنا نقيو فيهم لقيتهم مش مغسولين عاودنا غسلناهم

http://im40.gulfup.com/NIzO9.jpg

وممبعد تحطيهم في كسكاس يقطرو ومبعد تضيفيلهم كمية لاباس بيها نتاعثوم وتحطيها تفور
http://im32.gulfup.com/Trck7.jpg

وتغطي جعباتك بساشي ولا غطاء وتخليه يفور وتبدا رحت الفلفل اح اح
http://im40.gulfup.com/2RPLl.jpg

مبعد هو يفور خلاص يعني الموس يعود يدخل فيه بسهولة تعرفيه فار تهزي كسكاسك وتحطيلوا الملح والكسبر اليابس مرحي اممم وارحي في الروبو لتسهيل العمل
http://im32.gulfup.com/2k410.jpg

http://im40.gulfup.com/s31nP.jpg

http://im34.gulfup.com/Ykl9u.jpg
ومبعد طول ارحي في رحاية اليد راح تخرجلك رطبة تهبل

http://im40.gulfup.com/6oEAq.jpg

وهنا ونتي ترحي في الرحاية خلي نتعود تخرجلك غير هك>ا يعني شوي برك حبسي ما ترحيش

http://im40.gulfup.com/6iBm4.jpg

ونحي الجلوف حطيهم بجيه وزيدي كملي بشوي بشوي نتكملي كامل الكونتيتي تاعك...ممكن تدبيري بيهم عيش ولا تليحيهم في مرقة الشخشوخة تحري بيهم
http://im32.gulfup.com/LkVND.jpg

وتحبي تزيدي ترحي في الصفاية الرقيقة باه ترطاب اكثر
http://im32.gulfup.com/Pw1Kb.jpg

لكن احنا جوزناها في الصفاية المتوسطة جات رطبة تهبل ماكالاه نقعد نعاود
وتقدميها تهبل تهبل سيرتو مع الفريت ولا حاجة تقطاس
http://im32.gulfup.com/ZeGwx.jpg

http://im32.gulfup.com/t9nAq.jpg

وماتنساوش تدعوا لامي بدعوة خير وجربوها والله خير ما تشروها ابن واضمن وخدمت يديك خير من المعلبة

ملاحظة: قد ما كان الفلفل احمر قد ماجات حمرة .....وثانيك لافارلك الفلفل بزاف راه تجيك اوغونج مايل للحورة مش حمرة هاك سما لا تحبيها اوغونج ولا حمرة
وهذي الهريسة صبريها قد ما حبيتي مثلا في علب الياؤورت الفارغة وكيتجبديها حطي طاوة تاع ماء على النار وعلبة الياؤورت لفيها هريستك فيه شغل حمام مائي ...وهنا ما نضيفولها ني زيت ني ماء باسكو هاذو يخسروها يصعد الماء الفوق وما تبقى رطبة ...انا هنا قلتلكم كامل الوصفة نتمنا نلقا تفاعل وردود

mitrochka

2013-11-15, 12:49

بارك الله فيك

*عاشقة الجنة*

2013-11-15, 13:14

يعطيك الصحة اختي سماسم

مواضيعك رائعة لكن صعبة ف التصفح لانك متصغريش الصور

ادخلي هنا تتعلمي كيفية تصغيرها

http://www.djelfa.info/vb/showthread.php?t=1373319

narimane16

2013-11-15, 13:22

بارك الله فيك

أم المعتصم بالله

2013-11-15, 20:35

119 مشاهد..... والرد ماكانش بزاف وينراهم محبي الحار

oum radja

2013-11-15, 21:18

يعطيك الصحة انا نديرها بطريقتك بالصح بالفلفل الاخضر و اكيد راح نجربيها حمرا كيما تاعك شكرااااااااااااااا

نيفرتيتي.

2013-11-16, 17:02

besbes

2013-11-16, 17:11

بارك الله فيك وجزاك انت والوالدة كل خير

أم المعتصم بالله

2013-11-16, 19:26

يعطيك الصحة امس جابلي راجلي كمية كبيرة تاع فلفل درت زوج خيود طوال فيهم الفلفل وحطيتهم يحمارو ورقدت زوج قراع
وراني نستنى فيه حتى يحمار
ماعلابلكش قداه من نهار باه يحمار لاني خفت اللحمة تاع الفلفل تموت وتيبس
باه تنصحيني
لانه الهريسة تاعك جات رووووووووووووووووعة
ماعنديش كسبر مرحي نقدر ندير كمون
الله يسلمك هنا ماما تحطوا جعبات حمورة وفيهم لخضورة كما لفي الصورة الفوق .مع كومة جعبات حمورة في مكان دافىء نيحمارولهم بصح لا عادو خضورة برك قاتلك كاين وقت معين يحماروا فيه ذرك الشتاء هايلمطار ولا درتيه تحت الفرن ييباس مالا قاتلك اشويه وملحيه وكي يقطر علقيه في خيط في الشمسيجيك هايل يصلح بيه مختومة ولا شكشوشة ويعود حااار ...ذوق الكسبر خييييييييييييييييير على الكمون باسكو يمد بنة مليييييييحة مايلة للكشير انا من راييي لقو نتاعها هو الحرارة ..الثوم ...والفاح

نيفرتيتي.

2013-11-16, 20:41

الله يسلمك هنا ماما تحطوا جعبات حمورة وفيهم لخضورة كما لفي الصورة الفوق .مع كومة جعبات حمورة في مكان دافىء نيحمارولهم بصح لا عادو خضورة برك قاتلك كاين وقت معين يحماروا فيه ذرك الشتاء هايلمطار ولا درتيه تحت الفرن ييباس مالا قاتلك اشويه وملحيه وكي يقطر علقيه في خيط في الشمسيجيك هايل يصلح بيه مختومة ولا شكشوشة ويعود حااار ...ذوق الكسبر خييييييييييييييييير على الكمون باسكو يمد بنة مليييييييحة مايلة للكشير انا من راييي لقو نتاعها هو الحرارة ..الثوم ...والفاح
مشكوووورة اختي
كيفاه تحطيه تحت الطابونة مايفسدش
نقدر نحمرو بالطريقة هادي
ممكن تعطيني الطريقة بالتفصيل باه مايفسدش
وهو درك فيه قرون حمر وقرون خضر وكاين اللي قاعدين يحمارو

أم المعتصم بالله

2013-11-16, 22:16

مشكوووورة اختي
كيفاه تحطيه تحت الطابونة مايفسدش
نقدر نحمرو بالطريقة هادي
ممكن تعطيني الطريقة بالتفصيل باه مايفسدش
وهو درك فيه قرون حمر وقرون خضر وكاين اللي قاعدين يحمارو

قاتلك لا عدتي عدك جعب حمر ديريهيم في باسينة وديري لفيهم لخضورة معاهم وحطيهم في مكان دافىء مش تحت الطابونة اهم يبسو واسناي 3ايام ولا4 لا محماروا قاتلك اشويهم لانو كاين وقت معين يحمارا فيه وبتوفيق وواخيتي وربي يحفظك نورتي موضوعي واية سؤال اني هنا

نيفرتيتي.

2013-11-17, 08:18

قاتلك لا عدتي عدك جعب حمر ديريهيم في باسينة وديري لفيهم لخضورة معاهم وحطيهم في مكان دافىء مش تحت الطابونة اهم يبسو واسناي 3ايام ولا4 لا محماروا قاتلك اشويهم لانو كاين وقت معين يحمارا فيه وبتوفيق وواخيتي وربي يحفظك نورتي موضوعي واية سؤال اني هنا

شكرا اختي
انا راني معلقتهم
ولالازم البسينة
اناماعنديش البرد ياسر لاني في الصحراء

أم المعتصم بالله

2013-11-17, 12:14

[quote=ام دودة;1054926038]شكرا اختي
انا راني معلقتهم
ولالازم البسينة
اناماعنديش البرد ياسر لاني في الصحراء[/quotشوفي قاتلك لايب اه ماتجيك بيه الهريسة بصح يجيك بئوحرور في الستاء هايل مع لمطلوع جيبي جعباتك اليابين وحطيهم في طاوة فيها الماء وسغل غليه على النار مع الملح وامبع ارحيه في رحاية اليد وزيديلوا الماء لطاب فيه قطعيلوا شوي كبر ثاني هايل وهو وليد عم لهريسة إههههههه

الامل نور

2013-11-18, 12:13

بارك الله فيك

نيفرتيتي.

2013-11-18, 21:48

أم المعتصم بالله

2013-11-18, 22:08

بوحرور هو هذا لكتبتلك وصفتو والجعبات قصدي بيهم فلفلاتك هنا نقولوا للفلفل جعبات

نيفرتيتي.

2013-11-21, 07:50

بوحرور هو هذا لكتبتلك وصفتو والجعبات قصدي بيهم فلفلاتك هنا نقولوا للفلفل جعبات
شكرا اختي راه لهاني الماتش
والتارت تاع العلم على هاذيك مارديتش عليك
شكرا والف شكر
واش رايك في التارت اللي درتها راه في قسم الحلويات

roufia25

2013-11-22, 15:19

allah y barak ya3tik sa7a

roufia25

2013-11-22, 15:33

khadma mat9ona ya3tik sa77777777777777777a

sweety_sousou43

2013-11-26, 10:33

merciiiiiiiiiiiiiiiiiiiii

oum malek

2014-05-06, 05:34

يعطيك الصحه اختي

سندس 222

2014-05-21, 21:41

شكراااااااااااااااااااااااااااااااااا

أمّ عبد الله

2016-12-21, 16:56

شكرا، بارك الله فيك

اسيل الباتول

2016-12-25, 08:31

خسارة الصور ماظهروش
بارك الله فيك على الوصفة