الطعنة تأتيك من اقرب الناس

[كاميلا]

السلام عليكم
نعم تجيك من الناس اللي قراب منك بعد اكمال دراستي وبحكم انني احب الطبخ والحلويات قمت بتكوين في الحلويات العصرية والتقليدية والحمد لله راني نخدم les commandes للاعراس والحفلات عندي اختي طبيبة واستاذة مع بدايتي في هاد العمل من المنزل وطبعا في المستقبل القريب اود فتح محل في منزلنا اتفاجىء بالطعنات التي تأتي من اختي الاستاذة اللجامعية بخلتني في كوموند انا قريت في المرة الاولى عند مرا في دارها بصح للاسف وصفاتها تمد فيهم ناقصين وساعات مهمش مضبوطين خاصة بعد تكويني الثاني الذي اتضحت معه الفكرة حول الغش في الوصفات بين قوسين الناس تحب الحرام ومتحبش الغاشي يوصللها وفي واش في وصفة حليوات راهي تبيع فيها وتبيعها مغشوشة المهم بعد ما بديت شنت عليا هاد الانسانة حرب ولكن الحمد لله كل واحد ورزقه وهذا مآمنة بيه هاذي برانية ودارت هكدا معليش مي المشكل اللي راهو من لحمك ودمك اللي ينهش فيك اختي تنهش فيا تهرب في الزبونات وتدلهم على المرا اللي قريت عندها سمعتها تتكلم مع صديقتها وتقولها اختي راهي صغيرة مازالت معندهاش خبرة روحي للمرا يعني الطفلة حبت تخدم عندي القاطو هي تهرب في الزبائن مي معلبيش ربي هو اللي ياخذلي حقي الناس خاوتها تعاونهم وهاذي تحطم فيا هذا كان جواب على السؤال اللي طالما سألته وعلاش ماجابتلي حتى زبونة لانه الاستاذات الجامعيات يخدموا ومعندهمش وقت في هاد الخصوص ويديروا الكوموند بزاف وهي ماشاء الله معارفها كثر
حسبي الله ونعم الوكيل مع العلم انني عندي عامين وانا نخدم والمرا اللي بعثتها عندها غشاشة تغش في المقادير وكي واجهتها بالامر قاتلي واش دخلك فيا انت حسودية تحسدي فيا وعلاش تحوسيني نجيبلك الزبائن جيبيهم وحدك يا سيدي مش مجابتش راهي تهرب فيهم حسبي الله ونعم الوكيل نحس بقلبي قاعد يتحرق

[مريم الصابرة]

السلام عليكم اختي
كالمي روحك وإهداي وبالعقل إستغفري ربي
وما توكليش ربي عليها هذي اختك مهما كان
هي صح غنو غلطت غلطت وما يهمش مقدار الخبرة لأنو انا ايضا درت واش درت وتعلمت عند مرا ولكن لاحظت الغش وإنو ما تحبش نتعلمو كيفاها مع الكمبيوتر وإضافات من عندي تعلمت امور بزاف والحمد لله لكن انا صحتي ما تخلينيش نخدم عندي معارف بزاف ويجوني للدار ونرجعهم ما نقدرش نخدم القاطو فيها تعب بزاف لو قريبة ليا نبعثلك حتى تقوليلي خلاص ما نخدمش إعتزلت
هي من المفروض اختك ما ديرش هكذا إنت ختها اقرب الناس ليها وهي تحفزك باه تنجحي فالمجال هذا
إنت من رأي احكميها وأهدري معاها وشوفي علاه دير هكذا
يعني غريبة إنو تخلي ختها وتروح تبعثهم للغريبة
احكي معاها وشوفي كلامها كان حتى كلامها فيه انانية خليها ربي يهديها هذا واش تدعي وخليها اختك مهما صار
اما جملة تجيك الضربة من الأهل راني شابعة ضربات ومن أقرب الناس ليا النفوس تبدلت
ربي يهديها

[كاميلا]

السلام عليكم اختي
كالمي روحك وإهداي وبالعقل إستغفري ربي
وما توكليش ربي عليها هذي اختك مهما كان
هي صح غنو غلطت غلطت وما يهمش مقدار الخبرة لأنو انا ايضا درت واش درت وتعلمت عند مرا ولكن لاحظت الغش وإنو ما تحبش نتعلمو كيفاها مع الكمبيوتر وإضافات من عندي تعلمت امور بزاف والحمد لله لكن انا صحتي ما تخلينيش نخدم عندي معارف بزاف ويجوني للدار ونرجعهم ما نقدرش نخدم القاطو فيها تعب بزاف لو قريبة ليا نبعثلك حتى تقوليلي خلاص ما نخدمش إعتزلت
هي من المفروض اختك ما ديرش هكذا إنت ختها اقرب الناس ليها وهي تحفزك باه تنجحي فالمجال هذا
إنت من رأي احكميها وأهدري معاها وشوفي علاه دير هكذا
يعني غريبة إنو تخلي ختها وتروح تبعثهم للغريبة
احكي معاها وشوفي كلامها كان حتى كلامها فيه انانية خليها ربي يهديها هذا واش تدعي وخليها اختك مهما صار
اما جملة تجيك الضربة من الأهل راني شابعة ضربات ومن أقرب الناس ليا النفوس تبدلت
ربي يهديها


صح تجيك غريبة بصح انا نعرف السبب علاش يتعاملوا معايا هكدا يشوفي معايا ديما نظرة دونية منذ صغري وكنت قد كتبت موضوع بالاك عندي عامين ديما يحطو من قدري في كل مناسبة انا لو راهي صاحبتي منديرلهاش هكذا البراني كي يدير هكذا نعطيه عذر اما انه من لحمي ودير هكذا رح يفقدوني الثقة في كل شيء اذا منفعتيش اختك متضريهاش هل انا مخطئة ؟
حياتي جحيم بدون ان اذكر واش صاري فيا حاسة روحي عمري 50 سنة من الهم اللي تابعني في كل مراحل عمري طفولة ومراهقة وبعد المراهقة
شكرا اختي مريم على ردك الطيب

[soha1987]

واش راكي كاميلا
لحسد يكون من اقرب الناس ليك سوغتو في وقتنا والله يعسو ياسر انتي ماتعمريش راسك وصمتيها نتي اخدمي خدمة متقونة وباهية وخدمي بنيتك درك تشوفي ربي كيفاه يزيدلك في رزقك ولي خلق مايضيع اما اختك حطيها فالثقيل وهاديك الجاست درتها لروحها المهم نتي كوني معاها مرا ونص
ربي يرزق ويكثرلك من خيرو يارب
في امان الله

[soha1987]

صح تجيك غريبة بصح انا نعرف السبب علاش يتعاملوا معايا هكدا يشوفي معايا ديما نظرة دونية منذ صغري وكنت قد كتبت موضوع بالاك عندي عامين ديما يحطو من قدري في كل مناسبة انا لو راهي صاحبتي منديرلهاش هكذا البراني كي يدير هكذا نعطيه عذر اما انه من لحمي ودير هكذا رح يفقدوني الثقة في كل شيء اذا منفعتيش اختك متضريهاش هل انا مخطئة ؟
حياتي جحيم بدون ان اذكر واش صاري فيا حاسة روحي عمري 50 سنة من الهم اللي تابعني في كل مراحل عمري طفولة ومراهقة وبعد المراهقة
شكرا اختي مريم على ردك الطيب
لالا كاميليا ماتقوليش هاك نتي ديري الثقة في عمرك ماتخلي لا ختك ولاخوك ولاا مك ولاباباك يزعزع ثقتك ديما قوي ثقتك بربي والله ماينفعنا واحد غير ربي ومن بعد نفسك انتي حافظي على روحك يلالا :1::1:

[كاميلا]

واش راكي كاميلا
لحسد يكون من اقرب الناس ليك سوغتو في وقتنا والله يعسو ياسر انتي ماتعمريش راسك وصمتيها نتي اخدمي خدمة متقونة وباهية وخدمي بنيتك درك تشوفي ربي كيفاه يزيدلك في رزقك ولي خلق مايضيع اما اختك حطيها فالثقيل وهاديك الجاست درتها لروحها المهم نتي كوني معاها مرا ونص
ربي يرزق ويكثرلك من خيرو يارب
في امان الله

وشراكي لاباس ؟ سهى انا اكي تشوفي الحمد لله راني مزالي شعرة ونولي منديرش ثقة في العلاقات الانسانية والاخوية حاسة راسي رح يتربق كل براني دار فيا حاجة راهو مسامح دنيا وآخرة مادارولي والو اذا كان الدخلاني هكدا

[مريم الصابرة]

صح تجيك غريبة بصح انا نعرف السبب علاش يتعاملوا معايا هكدا يشوفي معايا ديما نظرة دونية منذ صغري وكنت قد كتبت موضوع بالاك عندي عامين ديما يحطو من قدري في كل مناسبة انا لو راهي صاحبتي منديرلهاش هكذا البراني كي يدير هكذا نعطيه عذر اما انه من لحمي ودير هكذا رح يفقدوني الثقة في كل شيء اذا منفعتيش اختك متضريهاش هل انا مخطئة ؟
حياتي جحيم بدون ان اذكر واش صاري فيا حاسة روحي عمري 50 سنة من الهم اللي تابعني في كل مراحل عمري طفولة ومراهقة وبعد المراهقة
شكرا اختي مريم على ردك الطيب
السلام عليكم اختي
عارفة وحاسة بيك خاصة الصغرى دايما يكسرولها مقادفها ويطيحو من قيمتها كونها اصغر معناها اقل خبرة وما عندهاش رأي وغير تهدر يقفلولها فمّها
اختي إنت الآن راهي عندك صنعة والرزق بيد الله وهو راح يبعثولك حد عندك كا تقلقيش روحك وراح يجي اللي يديك مناك وتعيشي ملكة في دارك ما تقلقيش روحك ويبقاو اهلك مهما كانو عارفة تغيضك وتضرك بزاف ما عندكش حل آخر من غير تثبتي وجودك امامهم كلهم والرزق على ربي واش راحا ديري كبري قلبك ماكانش اللي عايش مرتاح وراني هنا اخت ليك وقت ما تحبس راسليني ونحكو ويا ريت لو راكي قريبة موفقة

[كاميلا]

السلام عليكم اختي
عارفة وحاسة بيك خاصة الصغرى دايما يكسرولها مقادفها ويطيحو من قيمتها كونها اصغر معناها اقل خبرة وما عندهاش رأي وغير تهدر يقفلولها فمّها
اختي إنت الآن راهي عندك صنعة والرزق بيد الله وهو راح يبعثولك حد عندك كا تقلقيش روحك وراح يجي اللي يديك مناك وتعيشي ملكة في دارك ما تقلقيش روحك ويبقاو اهلك مهما كانو عارفة تغيضك وتضرك بزاف ما عندكش حل آخر من غير تثبتي وجودك امامهم كلهم والرزق على ربي واش راحا ديري كبري قلبك ماكانش اللي عايش مرتاح وراني هنا اخت ليك وقت ما تحبس راسليني ونحكو ويا ريت لو راكي قريبة موفقة


ششكرا عزيزتي ربي يعيشك نعم هذا هو كي راني صغيرة لست ارقى لمستواهم ساعات نقول الحمد لله كي قريت وكملت دراستي لو لم افعل بالاك قتلوني بقلبي من التعايير حتى الباكالوريا كي نجحت في 2006 اللي يجي يباركلي يقولوله في الحق راهي متديش راهي غبية وانا يعلم ربي واش درت باش ديت الباك 3 اشهر الاخرين لم انم في اليوم نرقد 4 ساعات والباقي نحفظ ونقرا يعني في نظرهم ديما انا منستاهل والو وديما ناقصة عليهم وديما معنديش اهمية
شكرا اختي انا تاني حابة نراسلك ونتحدث معاك

[آمِيْرَتُه]

منزيدش عليك نتمنالك الخير و التوفيق و ربي يسعدك و ربي يهدي أختك

[soha1987]

وشراكي لاباس ؟ سهى انا اكي تشوفي الحمد لله راني مزالي شعرة ونولي منديرش ثقة في العلاقات الانسانية والاخوية حاسة راسي رح يتربق كل براني دار فيا حاجة راهو مسامح دنيا وآخرة مادارولي والو اذا كان الدخلاني هكدا
شوية شوية بصح واش نديرو الحمد لله على كل حال
شكون قالك يالحنونة بلي الدخلاني مايدير والو شوفي الدول لما تنهار يخي الخيان من الداخل هوما لي يدمروها ماشي البراني ;)
ههههه ؤراني عطيتلك مثال ونتي قيسي عليه ولازملك مضادات سواء من نتاع الداخل ولا الخارج كلشي توقعيه سوغتو في وقتنا ربي يفتح عليك ويهنيك
ادعيلي انا ثاني
سلام

[مريم الصابرة]

ششكرا عزيزتي ربي يعيشك نعم هذا هو كي راني صغيرة لست ارقى لمستواهم ساعات نقول الحمد لله كي قريت وكملت دراستي لو لم افعل بالاك قتلوني بقلبي من التعايير حتى الباكالوريا كي نجحت في 2006 اللي يجي يباركلي يقولوله في الحق راهي متديش راهي غبية وانا يعلم ربي واش درت باش ديت الباك 3 اشهر الاخرين لم انم في اليوم نرقد 4 ساعات والباقي نحفظ ونقرا يعني في نظرهم ديما انا منستاهل والو وديما ناقصة عليهم وديما معنديش اهمية
شكرا اختي انا تاني حابة نراسلك ونتحدث معاك
السلام عليكم اختي
عادي وهوما المستوى وصولول بعدما فاتو على مرحلتك اكيد
معليش يبقاو اهلك وكبري قلبك المهم قريتي وتعلمت وكل واحد يدي نصيبو فالدنيا
راحا نبعثلك وين تلقايني ونحكو بارك الله فيك هدي روحك حاجة ما تستاهل ديري واش في راسك ولو تحلي محل والله تولي ما تلحقي عليهم ربي يرزقك

[الحلم الجميل]

السلام عليكم
الي قلتيه راه ولا عادي اختي الخو يطعن في خوه
و هذا الشئ يخليك تخافي و ديري حسابات لكامل الناس و ثقتك تقل
رني حاسة بيك لانها صرات بزاف
انت اتكلي على ربي و الرزق هذا من عند ربي ما تقنطي روحك ما والو
و ربي يهدي اختك الا راهي صح غالطة بصح كيما قاتلك اختي مريم هاذي مهما كان راهي اختك
استغفري و اهدري معاها
الله برزقك من عنده و يسهل عملك و يكثر ليك الزبونات حتى تقولي ليهم صااااي ما نخدمش
كل حاجة في اوله صعيبة

[hodahodahoda]

ا تتسرعي اختي
هذه اختك
اذا لم تتفاهمي معها انسحبي في صمت و لا تتشاجري معها

[sarl02]

معليش انت اربحيهم بنيتك وقلبك النظيف ...واختك هذه تاكدي انو قلبها مريض ومش رايحة تفرح بزاف في حياتها ..استاذة جامعية يعني 7 ملاين سنتيم اتبع فيك انت على جال كوموند تاع قاطو هذه بانتلك نورمال ؟؟هذا خبث نفسي عافاك منه الله وابتلاه بها ...انت ما اتعمريش راسك وكملي مشوارك واكيد ايجي يوم وين تفيق وربي يهديها وتندم و بالتالي انت الرابحة في كل الاحوال والاوقات ووفقك الله.

[loufa]

ربي يكون معاك
عليك بالمواجهة وقولي لها لماذا فعلت هذا ربما ستخجل وتتوقف عن هذا

[moh140]

الجهل شرّ الأصحاب

الحسد مطية التعب

[pro24]

عادي اخيتي كلنا عانينا منها
لكن اقول لك فلتكن ثقتك بربك كبير
وهو الرزاق
واعلمي ان الرزق مقسوم
المهم انت بالخدمة نتاعك يعني جودة الحلويات الذوق وحتى ان لزم الامر فاخفضي السعر قليلا اخيتي
المهم انت ابني ذاتك بذاتك لكي في المستقبل لا تقول انها هي من ساعدتك ولو لم تساعدك لما وصلت انت الى هنا
المهم بالتوفيق
ربي يرجع القلوب الى بعضها البعض

[hamdanhamdod]

الطعنة تأتيك من اقرب الناس (http://www.djelfa.info/vb/showthread.php?t=1465953)
فعلا
حتى في عالم افتراضي وتتلقى طعنة ولو كانو ما تخفيه صدور

[khalwi]

الحسد و الغيرة ما عندهم حتى تفسير يا اختي الله يسترنا............ و لازم نديو العبرة من قصة سيدنا يوسف عليه السلام

[فريال88]

ربي يهديها انشاء الله و يفرج علييييييييك

[sali-sali]

السلام عليكم
ربي يصلح الاحوال ان شاء الله
و لما عرفتي انو اختك تعمل هكدا
تجنبيها و ابعدي عن المشاكل .. ولا تنتظري منها شيئ

[ٱولادي ٱحبابي]

لا يا اختي سامحيها راهي ختك و مهما كان اي سوء تفاهم تبقى ختك انا قادرة نحكم الحقد ربما على الناس كامل الا خاوتي لكان يذبحوني تبقى كلمة اخ عزيزة و غالية ربي يصلح بيناتكم يا رب

[لحن الحياة.]

خوووووك خووووك لا يغرك صاحبك
:mad:

[bellaluna]

اعرف ان نصيحتي صعبة و لكن و الله العظيم عن تجربةمع قريبتي و نجحت: تحدثي مع اختك و افهمي منها الموضوع لكي لا تظلميها فان اسات ادبها و تعللت باعذار واهية و اتركيها و شانها و لكن في كل مناسبة امامها ادعي الله بقلب صادق ان يقطع الله رزق من يسعى لقطع رزقك..ان يخذل الله من يخذل اخاه المسلم و سترين النتيجة بعينك.

[كاميلا]

شكرا جزيلا للردود الحمد لله على كل حال والحمد لله على نعمة النسيان والحمد لله الذي لا يحمد على مكروب سواه والحمد لله ربي يحفظلي والديا

[كاميلا]

اعرف ان نصيحتي صعبة و لكن و الله العظيم عن تجربةمع قريبتي و نجحت: تحدثي مع اختك و افهمي منها الموضوع لكي لا تظلميها فان اسات ادبها و تعللت باعذار واهية و اتركيها و شانها و لكن في كل مناسبة امامها ادعي الله بقلب صادق ان يقطع الله رزق من يسعى لقطع رزقك..ان يخذل الله من يخذل اخاه المسلم و سترين النتيجة بعينك.


صحيح صعبة اختي الكريمة لكن ليست مستحيلة والحمد لله راني لاباس الان ورغم كل شيء راني نهدر معاها بصح باش نمحي واش صرا من ذاكرتي اظن انه مستحيل :dj_17::dj_17:

[bellaluna]

صحيح صعبة اختي الكريمة لكن ليست مستحيلة والحمد لله راني لاباس الان ورغم كل شيء راني نهدر معاها بصح باش نمحي واش صرا من ذاكرتي اظن انه مستحيل :dj_17::dj_17:

شكرا اختي على الرد و ان شاء الله تكوني دوما في احسن حال، و اعتمادنا على الله الرحيم الرزاق اما الناس فقد تغيرت و تغيرت طبائعها و لك في اخوة يوسف عبرة..بالتوفيق :)